پارتیزانەکانی مێرجاڕی ئیلنجاغی گەورە، هێزەکانی #یەکێتیی نیشتیمانی کوردستان# لە #25-07-1988# پەیامی ڕووبەڕووبوونەوەی بارودۆخی دوای ئەنفالەکانی لە کوردستان ڕاگەیاند و یەکێک لە بژاردەکان مانەوەی یەکەی پارتیزانی بوو بەنهێنی لە ناوچە سۆتماککراوەکانی باشووری کوردستان، ڕەتلی سنووری شاری #هەولێر# بەسەرپەرشتی ڕەفعەت عەبدوڵڵا پیرداود (#شەهید ڕێباز#) بوو، ڕەتڵەکە کە لە پاشماوەی تیپەکانی (85ی بەڕانەتی و 86ی دەشتی هەولێر و 87ی #قەرەچوغ# و 90ی باواجی و 93ی #کۆیە#) پێکهاتبوون، لە سەرەتادا ژمارەی پێشمەرگەکانی ڕەتڵەکە لە 300-400 پێشمەرگە پێکهاتبوو، بەڵام دوای لێبووردنی گشتی حکومەتی ئێراق لە ڕێکەوتی #15-12-1988# بۆ ئەو هێزانە زیاتر لە 85%ی ئەو پێشمەرگانە خۆیان ڕادەستی سوپای ئێراق کردووە یان بوونە سەربازی گەڕاوە یان پەیوەندیان بە دەزگا جۆراوجۆرەکانی ڕژێمی بەعسیان کرد، یاخود بوونە کاسبی ماڵ و منداڵیان، بەڵام کەمتر لە پەنجا پێشمەرگەیان ژیانی پارتیزانی و خۆنەچەماندنەوەیان هەڵبژارد و لە 25-07-1988 تاوەکوو #16-09-1989# لە بناری سەفین و خۆشناوەتی، زرارەتی و بەڕانەتی، گەردیاتی و مەنتکایەتی و شێخانەتی و شەمامک، کەندێناوە، وراتی کۆیە و دزەیی و زوورگەتەن، تارین، دێدەوان، #گۆرقەرەج#، سماقوڵی، #سێگردکان#، #ئیلنجاغی گەورە# و #پیرمام# و #بنەسڵاوە# و ناوچە جیاوازەکانی ڕۆژهەڵات و ڕۆژاوا و باکوور و باشووری شاری هەولێر نزیکەی چواردە مانگ بێ پسانەوە لە خەباتی نهێنی و پارتیزانی خۆیاندا خۆڕاگربوون و بوونە سیمبوڵی تێکۆشان و کۆڵنەدان و جێگەی شانازی یەکێتیی نیشتمانی کوردستان و خەڵکی کوردستان، مێرجاڕی ئیلنجاغی گەورەش لەو سەروەرییە بێ بەش نەبوو (4) پێشمەرگەی بە جەربەزە و گیان لەسەردەست لەو کاروانەدا مایەوە کە (3) پێشمەگەریان فەرماندەی مەیدانی #دوازدە سوارەی مێرجاڕ#ی ئیلنجاغی گەورەبوون ئەوانیش:
1-جەلال خورشید ڕەشید عەبدوڵڵا ڕەسوڵ خالید کوڕەبۆر-#جەلال ئیلنجاغی#، (فەرماندەی تیپی پارتیزان).
2-#کاوە ئەنوەر نادر# خدر محەمەد ئەلیاس- مامۆستا کاوه، (پارتیزان).‌
3-ئەحمەد عەودل قادر جەمیل وسو ئەلیاس-ئەحمەد ئیلنجاغی، (پارتیزان).
4-نەسڕوڵڵا عەلی مەحمود سۆفی محەمەد دەروێش خدر-#نەسڕوڵڵا ئیلنجاغی#، (فەرماندەی تیپی دانەبڕاو).[1]