کۆمەڵەی پشتی تەندرووست لە بابەتێکدا ئاماژەی بەوەکردووە، ئازاری پشت چەند هۆکارێکی هەیە، دیارترینیان گرژبوونی ماسوولکەکانە کە بەهۆی جوڵەی هەڵە یان دۆخی هەڵەی جەستەوە درووستدەبێت، یان هەڵگرتنی شتە قورسەکان بە هەڵە.
کۆمەڵە ئەڵمانییەکە دەڵێت: ئازاری پشت دەکرێت هۆکارەکەی پێچهاتنی زراو بێت، ئەویش کاتێک بەردێکی زراو دەرچەی زراو قەپات دەکات، کە لەو کاتەدا نەخۆشەکە هەست بە ئازارێکی زۆر توند لە بەشی سەرەوەی ورگ دەکات، کە ئازارەکەی بۆ پشت و شانیش درێژدەبێتەوە، ئەوە جگە لە دڵ تێکەڵهاتن و ڕشانەوە.
هەروەک پشت ئێشە دەکرێت بەهۆی نەخۆشیی دڵەوە بێت، لەوکاتەدا ئازارەکەی پشت ئازاری تری لە قەفەسەی سنگ و بڕبرەی لەگەڵدایە، لەم حاڵەتەشدا پێویستە بەزوویی سەردانی پزیشکی پسپۆڕ بکرێت و هۆکاری ئازارەکە ئاشکرابکرێت.
$جگە لەم هۆکارانەی سەرەوە دەکرێت هەریەک لەم حاڵەتانەش ئازاری پشت درووستبکەن:$
- جوڵەی کەم.
- دانیشتن بۆ ماوەیەکی زۆر.
- هەڵگرتنی شت بەشێوەیەکی هەڵە.
- بەکارنەهێنانی پێڵاوی گونجاو وەک پێڵاوی پاژنە بەرز.
- هەڵگرتنی کەلوپەلی قورس.
- قەڵەوی. [1]