Meclisa Malbatên Şehîdan a #Qamişlo# bi merasîmekê ʹGulsîtana Şehîdanʹ vekir.
Bi beşdariya bi sedan şêniyên Qamişlo, Meclisa Malbatên Şehîdan a Kantona Qamişlo ʹGulîstana Şehîdanʹ li taxa Elaya vekir.
Gulîstan ji aliyê dayika 3 şehîdan; şehîd Elî, Necah (Nêrgiz) û şehîd Xedîce (Nûcan) Letîfe Hesen Elî ve hat vekirin.
Di merasîmê de hevserokê Meclisa Malbatên Şehîdan a Qamişlo Mahsûm Hesen diyar kir ku bi saya keda şehîdan gel bi aramî û ewle dijî û got: Em wekî Meclisa Malbatên Şehîdan bi rêya mîna van projeyan xizmetê pêşkêşî gelê xwe didin. Em soz dikin şehîdên xwe ku em ê destkeftiyên şehîdên xwe biparêzin.
Firehiya gulîstanê 2 donim e. Bi dar û nebatan hatiye xemilandin, her wiha ji bo lîstokên zarokan û kafîteryayê heye.
Merasîm bi stranên hunermend Mueyed Şiwêş û gerandina xelekên govenê bi dawî bû.[1]
ANHA