زۆر بەداخەوە کە #زمانی کوردی# نەخۆی و نە ڕێنووسەکەی ستاندارد نییە و هەریەک بە ئارەزووی خۆی و لەلای خۆیەوە زمان و ڕێنووسێکی داڕشتووە و بەڕادەیەک ڕاستکردنەوەیان ئاسان نییە.
#کوردیپێدیا# لە کاتی داڕشتنەوەی بابەتەکاندا ڕەچاوی ئەم خاڵانە دەکات و هیواداریشە ئەو بابەتانەی کە پێی دەگات بەو شێوەیە بن:
$ستانداردەکان$
- کوردیپێدیا فۆنتی یونیکۆد بەکاردێنێت، ئەگەر بەڕێزتان بەو تیپە نانووسن، ئەوا دەتوانن بابەتەکانتان پێش ناردنی بۆ کوردیپێدیا هەر لەسەر ماڵپەڕی کوردیپێدیاوە بکەنە تیپی یونیکۆد، بۆ ئەو مەبەستە کلیک لە لینکی {a class="ArticleLink" target="_blank" href="https://www.kurdipedia.org/fontconvert.aspx?convert=1&lng=1وەرگێڕی فۆنتەکان{/a} بۆ یونیکۆد بکەن.
- کوردیپێدیا هەوڵدەدات بەدوور بێت له بەکارهێنانی شێوەزمانەکانی هەولێر و سلێمانی و ئەو زمانە نووسینەی کە ساڵانێکە وێژەی کوردیی لە باشووردا پێدەنووسرێت، پەیڕەوی دەکات. بۆ نموونە هاو و ئەبێتن! بەکارنایەن. بەڵکو هات و دەبێت دەنووسرێت.
- پیتی (وو) ئەگەر کەوتە سەرەتای وشەوە بە (و) دەنووسرێت.
-هەموو دەنگێکی (ڕ) لە سەرەتای وشەدا گڕە و دەبێت بە (ڕ)ی گڕ بنووسرێت، نەک بە (ر)ی سادە، واتە “ڕ” هەم لە سەرەتا و هەمیش لە ناوەڕاست و هەمیش لە کۆتاییی وشەدا دەنووسرێت.
- وشەکانی (ئەبێت، ئەکرێت و ئەچێت و بەوجۆرە...) بە (دەبێت، دەکرێت و دەچێت و بەوجۆرە...) دەنووسرێت.
- وشەکانی (دەبێ، دەکرێ و دەچێ و بەوجۆرە...) بە (دەبێت، دەکرێت و دەچێت و بەوجۆرە...) دەنووسرێت.
- هێماکانی (.، :!؟) لە کوردیپێدیادا دەنووسێنرێت بە وشەکەی پێشییەوە و پاشان هێمای بۆشایی - Space دەنووسرێت، ئنجا وشەیەکی تری بەدوادا دێت. ئەمە ستانداردێکی جیهانییە و بەداخەوە لە نووسینی کوردیدا زۆر گوێی پێنادرێت.
- پیتی (و)ی پەیوەندی لە کوردیپێدیادا بە وشە دەژمێردرێت و نانووسێت بە هیچ وشەیەکی ترەوە، بۆ نموونە دەبێت بنووسرێت (من و تۆ).
- پیتی درێژکەرەوەی وشە (_) بەکارنایەت. لە هەندێک باری نائاساییدا بۆ ئەوەی وشە کوردییەکە نەبێتە الله ی عەرەبی ئەوا ئەو پیتە درێژکەرەوەیە بەکاردەهێنرێت، بۆ نموونە وشەی کوللە!ی کوردی دەبێتە کوللە.
- کەوانە لە کوردیپێدیادا تەنها لە جۆری () دەبێت و هەموو ئەوانەی تر کەوانەی ماتماتیکین و لە کوردیپێدیادا بەکارناهێنرێن.
- هەر بابەتێکی کوردپێدیا دەبێت بەلایەنی کەمەوە دوو دێڕ یان 256 پیت بێت، ئەگەر نا ئەوا ناتەواوە و هەوڵی باشترکردنی دەدرێت.
- بیۆگرافیای هەر کەسێک دەبێت شوێن و ڕێکەوتی لەدایکبوون و کارەکانی ئەو کەسەی تێدابێت، ئەگەر لە ژیاندا نەبوو، دەبێت شوێن و ڕێکەوتی کۆچی دوایی تۆمار بکرێت.
- هیچ بابەتێک بڵاوناکرێتەوە کە پەیوەندیی بە کوردستان و کورد و کوردەوارییەوە نەبێت.
- هەر بابەتێک بە شێوەیەک لە شێوەکان لایەنگیریی تێدابێت بۆ لایەنێکی ڕامیاری لە کوردیپێدیادا تۆمار ناکرێت. یان دەبێت ئەو لایەنگیرییەی لێ لاببرێت.
- ڕێکەوتی ڕۆژ و مانگ و ساڵی کوردیپێدیا بەپێی کەلێندەری گریگۆر دەبێت، واتە ئەوەی کە تێکڕای هەموو جیهان بەکاریدێنن و تێیدەگەن، لەو ڕووەوە کەلێندەری کوردی، هیجریی عەرەبی، هەتاویی ئێرانی و هیی تر بەکار نایەت، ئەو ساڵە هەتاویی و هیجرییانەشی لە کوردیپێدیادا هەن، هەوڵدەدرێت وەربگێڕدرێن. ڕێکەوتەکانیش بەشێوەی ڕۆژ-مانگ-ساڵ تۆماردەکرێن و بەهەموویەوە دەبێت 10 پیت بکات، بۆ نموونە: 01-10-2000. واتە مانگی ڕۆژی یەکەمی مانگی ئۆکتۆبەری ساڵی 2000. بۆ وەرگێڕانی ڕێکەوتە کۆچی، هەتاوی و کوردییەکان دەتوانن لینکی {a class="ArticleLink" target="_blank" href="https://www.kurdipedia.org/dateconvert.aspx?lng=1گۆڕینی ڕێکەوتەکان{/a} بەکاربهێنن.
- ناوی مانگەکانی ساڵ بەشێوەی زایینی بەکاردەهێنرێت، لە جیاتیی ئازار، مارت دەنووسرێت و هتد..
- هەوڵدەدرێت بۆ هەر بابەتێک بەلایەنی کەمەوە وێنەیەک ئامادەبکرێت. هەموو وێنەکانی کوردیپێدیا ئەو وێنە ئازادانەن کە لە ئنتەرنێتەوە وەرگیراون یان ئەوانەی کە هاوکارانمان بە سوپاسەوە بۆیان ناردووین و مافی بڵاوکردنەوەی بە کوردیپێدیا بەخشراوە.
- قەبارەی هەر وێنەیەکی کوردیپێدیا نابێت لە 150 کیلۆ بایت زۆرتر بێت.
- ڕێنووسی ناوەکان بەپێی ڕێنووسی کوردی دەبێت، لەو ڕووەوە ناوی (محمد)ی عەرەبی بە (محەمەد) دەنووسرێت. ئەمانە هەندێک ناوی عەرەبیی زۆر دووبارە بووەوەن و لە کوردیپێدیادا بەمجۆرە دەنووسرێن: محمود - مەحمود، حسین - حسێن، مولود - مەولود، عبدالرحمن - عەبدولڕەحمان - ابراهیم - ئیبراهیم، اسماعیل - ئیسماعیل، ڕؤوف- ڕەئوف، حامد - حامید، خالد - خالید، عبدالله - عەبدوڵڵا، صالح - ساڵح، سلیمان - سڵێمان، طاهر - تاهیر، ظاهر - زاهیر، عثمان - عوسمان، صلاح - سەڵاح، صلاح الدین - سەڵاحەدین، صدیق - سدیق، خضر - خدر.
- ژمارەکانی ناو کوردیپێدیا بەڕێنووسی عەرەبییە، واتە 0123456789. ڕێنووسی هیندی و فارسی بۆ ژمارەکان بەکارنایەن. هەڵبەت هێشتا ڕێنووسی هەموو بابەتەکان بەو جۆرە نییە و لە پاشەڕۆژدا هەموویان بەو شێوەیە دەگۆڕدرێن.

لەگەڵ ڕێزی:

آرشیویست های کوردیپیدیا	تاریخ فعال سازی	آمار آیتم
زریان سەرچناری زریان سرچناری	25-05-2018 (8 سال)	187,860
هاوڕێ باخەوان هاوری باخوان	05-11-2008 (18 سال)	119,291
سەریاس ئەحمەد سریاس احمد	28-08-2015 (11 سال)	31,232
زریان عەلی زریان علی	16-11-2020 (6 سال)	23,652
ڕۆژگار کەرکووکی روژگار کرکوکی	28-12-2020 (6 سال)	23,383
ئاراس حسۆ آراس حسو	19-05-2022 (4 سال)	23,037
ئەڤین تەیفوور ئەڤین تەیفوور	15-09-2022 (4 سال)	20,807
ئاراس ئیلنجاغی آراس ایلنجاغی	11-04-2017 (9 سال)	15,920
سروشت بەکر سروشت بَکر	30-12-2021 (5 سال)	15,076
ڤەژەن کشتۆ وژن کشتو	18-05-2023 (3 سال)	14,218
هەژار کامەلا هژار کاملا	08-01-2022 (4 سال)	12,678
سارا سەردار سارا سردار	14-08-2022 (4 سال)	12,026
شادی ئاکۆیی شادی آکوهی	25-08-2022 (4 سال)	11,791
کشمیر کەریم کشمیر کەریم	22-11-2023 (3 سال)	11,657
بەناز جۆڵا بناز جولا	10-06-2012 (14 سال)	10,593
کاروان م. ئاکرەیی کاروان م. ئاکرەیی	19-01-2023 (3 سال)	6,902
ئەسعەد ڕەشید اسعد رشید	09-06-2022 (4 سال)	5,998
شەنە بەکر شنه احمد	09-05-2022 (4 سال)	5,506
هومام تاهیر هومام طاهر	27-12-2017 (9 سال)	4,335
سارا کامەلا سارا کاملا	08-01-2022 (4 سال)	4,178
ڕۆژ هەژار روژ هژار	01-07-2020 (6 سال)	3,735
ئەمیر سیراجەدین امیر سراج الدین	19-01-2023 (3 سال)	3,189
میلانۆ محەمەد ساڵح میلانو محمد صالح	29-03-2022 (4 سال)	1,244

همکاران کوردیپیدیا

دامەزرێنەری کوردیپێدیا: هاوڕێ باخەوان

2008 - 2021