$باکووری کوردستان$
- هێزەکانی پۆلیسی دەوڵەتی تورک لە ناوچەی شاهینبەی و شەهید کەمالی شاری دیلۆک لە چوارچێوەی ئۆپراسیۆنەکانی قڕکردنی سیاسی دا، بەسەر بنکەو بارەگاکانی ڕێکخستنی #هەدەپە#دا گرت. بەپێی زانیارییەکان لە ئەنجامی ئۆپڕاسیۆنەکەدا موسلم کلچ هاوسەرۆکی هەدەپەی شاری دیلۆک و محمد ئوزکان هاوسەرۆکی ناوچەی شاهینبەی و هەر یەک لە هاتیجە کوچوکر و مستەفا تونج بەڕێوەبەرانی هەدەپەی ناوچەکە، بە گشتی زیاتر لە 52 کەس دەستگیر کران.[1]
- لە چوارچێوەی ئەو ئۆپڕاسیۆنە بەرفراوانەی سوپای تورکی داگیرکەر کە لە چەند ناوچەیەکی باکوری کوردستان دەستی پێ کردبوو، ئەمڕۆش لە دەوروبەری ناوچەی لجێی شاری #ئامەد# ئۆپڕاسیۆنێکی سەربازی ئەنجامدا.[1]
- فراکسیۆنی هەدەپە کە سێ ئەندامی لە کۆمیسیۆنی مافەکانی مرۆڤی پەرلەمانی تورکیا هەیە، کشانەوەی لە کۆمیسیۆنەکە ڕاگەیاند.[5]
- پۆلیسی تورک لە ناوچەی ئەلبیستان-ی سەربە شاری مەرەش هەڵیکوتایە سەر ماڵی عەلی کیسا بەرپرسی هەدەپەی ناوچەی ئەلبیستان و لە ئەنجامدا، 8 بەرپرسی هەدەپە بە ناوەکانی عەلی کیسا، ئەلیف کیسا، خەلیل خۆشئۆغڵوو، بەکر قەرە، هەتون بارک، ئیبراهیم مایر، دیلەک بەکر و محەمەد دیلەکچی دەستگیر کران. لە لایەکی ترەوە هەر ئەمڕۆ هێزەکانی پۆلیسی دەوڵەتی تورک لە ناوچەی شاهینبەی و شەهیدکەمالی شاری دیلۆک لە چوارچێوەی ئۆپراسیۆنەکانی قڕکردنی سیاسی دا، هەڵیانکوتایە سەر بنکەو بارەگاکانی ڕێکخستنی هەدەپە و بەپێی زانیارییەکان لە ئەنجامی ئۆپڕاسیۆنەکەدا موسلم کلچ هاوسەرۆکی هەدەپەی شاری دیلۆک و محمد ئوزکان هاوسەرۆکی ناوچەی شاهینبەی و هەر یەک لە هاتیجە کوچوکر و مستەفا تونج بەڕێوەبەرانی هەدەپەی ناوچەکە، بە گشتی 52 کەس دەستگیر کران.[1]
$رۆژهەڵاتی کوردستان$
- کاسبکارێکی کورد بە ناوی کامەران بەیانەک کوڕی مستەفا تەمەن 26 ساڵە، خەڵکی شاری #پیرانشار# لە سنووری #حاجی هۆمەران# لە لایەن هێزە نیزامییەکانی حکوومەتییەوە تەقەی لێکراوە و گیانی لە دەست داوە.[7]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/373127/0015.JPG=KTML_ImageCaption_Title=کامەران بەیانەک کوڕی مستەفا=KTML_ImageCaption_CaptionStyle=000000=KTML_ImageCaption_Caption=کامەران بەیانەک کوڕی مستەفا=KTML_ImageCaption_End=
$باشووری کوردستان$
- یەکەمین پێشانگای نێودەوڵەتی کتێب لە #سلێمانی# دەستپێدەکات. لەم پێشانگایەدا زیاتر لە 180 ناوەند و بڵاوکراوەی نیشتمانی و بیانی و عەرەبی بەشداریی دەکەن کە بریتین لە بەرهەمی وڵاتانی تونس و جەزائیر و سعودیە و ئیمارات و سۆدان و ئوردن و عێراق و ئێران و تورکیا، هەروەها کتێبخانە گشتییەکانی کوردستان-یش بەشدارن.[2]
- لە هۆڵی #ئیسماعیل بێشکچی# لە کولێژی زمانی #زانکۆی سلێمانی# یادی 235 ساڵەی دامەزراندنی سلێمانی دەکرێتەوە. لە مەراسیمەکەدا خەڵاتی ڕێزلێنان دەبەخشرێتە چەند کەسایەتییەکەی شاری سلێمانی کە جێ دەستیان لە ڕۆشنبیری و ئەدەب و بەرەوپێشچوونی شارەکەدا هەبووە.[4]
- نزیکەی هەفتەیەکە شاری #کەرکووک# پڕ کراوە لە وێنەی عەلی سیستانی مەرجەعی باڵای شیعە لە نەجەف بەشێوەیەک هەڵواسینی لەناو فەرمانگە و سەر ئۆتۆمبێلە حکومییەکان کراوەتە فەرمان.[2]
- جارێکیتر ئیدارەی کەرکووک داوایکردووە هێزە سەربازییەکان دەستتێوەردان بکەن بەمەبەستی نیشتەجێکردنەوەی عەرەبە هاوردەکانی سەردەمی سەدام لە 12 گوندی #سەرگەڕان#.[2]
- ئەنجومەنی وەزیرانی هەرێم بڕیاری پلە بەرز کردنەوەی سەربازی بۆ خانەنشیناني پێشمەرگه و کەمئەندامانی سەنگەر لە #وەزارەتی پێشمەرگە# قەد ةغة دەکات. [2]
- بەرەی تورکمانی سەبارەت بە بڕیاری دادگای فیداڵی بۆ هەڵوەشانەوەی چەند ماددەیەکی یاسای هەڵبژاردنی ئەنجومەنی پارێزگاکان دوای تانەی لیژنەیەکی پەرلەمانی هەرێم، دەسەڵاتدارانی هەرێم بە دەستوەردان تۆمەتبار دەکات.[6]
- وەزیری تەندروستی هەرێمی کوردستان ڕایدەگەیێنێت، کێشەکانی نەخۆشخانەی بەرکەوتووانی کیمیایی لە پارێزگای #هەڵەبجە# چارەسەر دەکرێن و کۆمەڵێک لە بەرکەوتووانی چەکی کیمیایی ڕەوانەی دەرەوەی وڵات دەکرێن.[5]
- هەڵمەتی هۆشیارکردنەوە بۆ بایکۆتکردنی کاڵای تورکی لە شاری #هەولێر# بەردەوامە و چالاکوان ڕایدەگەیەنن، بە هەڵمەتی بایکۆتکردنی کاڵای تورکی بەرگری لە ڕۆژئاوای کوردستان دەکەن.[6]
- لەپاش تەواوبونی یاری نێوان عێراق و ئێران و بردنەوەی ئێڕاق، بەشێک لە هاوڵاتیانی کەرکووک هاوشێوەی ناوچە جیاجیاکانی تر خۆشحاڵی خۆیان دەربڕی و هەندێکیان لەڕێگای تەقەکردنی هەڕەمەکی، خۆشحاڵێ خۆیان دەربڕی و بەهۆیەوە سێ کەس برینداربوون.[2]
$رۆژئاوای کوردستان$
- شەوی ڕابردوو، لە #سەرێکانی# لەو جێگەیەی کە گروپی سوڵتان موراد و دەوڵەتی تورکی لێیە، تەقینەوەیەکی گەورە ڕوویدا. بە پێی زانیاریەکان زیاتر لە 15 داگیرکەر کوژران.[1]
- هێرشی هێزە داگیرکەرەکانی تورک سەرلەبەیانی ئەمڕۆش بۆ سەر گوندەکانی تل تەمر بەردەوام بوو.[1]
- کەناڵی زڤيزدای ڕووسی بڵاویکردەوە، بۆ دەستەبەرکردنی ئاسایشی دەورییە سەربازییەکانی ڕووسیا لە ناوچەکە ژمارەیەک هێلیکۆپتەر ڕەوانەی فڕۆکەخانەی قامشلۆ کراوون. کەناڵەکە ئاشکراشیکردووە، ڕووسیا سیستمی بەرگری مووشەکی و ئاسمانی ناسراو بە پانتسیر بۆ پاراستنی هێلیکۆپتەرەکان لە فڕۆکەخانەی شارەکە جێگیر دەکات.[3]
- تەرمی فۆتۆگرافەرە بۆرماییەکە لەسەر داوای خێزانەکەی لە تلتەمر سووتێندرا.[5]
- چەتەکانی دەوڵەتی تورکی داگیرکەر ئەمڕۆ لە ناوەندی شاری #عەفرین# 6 هاوڵاتی مەدەنی بەتەمەنیان ڕفاندوو ڕاشگەیێنراوە کە لەو شەش کەسە پێنجیان ژنن و هەموشیان پیر و بەتەمەنن، هەروها ئاشکرا کراوە کە دوای چەند کاتژمێرێک 2 لەو 5 ژنەی ڕفێنرابوون، بەربوون، بەڵام چارەنووسی ئەوانی دیکە نادیارە.[1]
$دەرەوەی کوردستان$
- بەهرۆز بوجانی ڕۆژنامەنووس و پەنابەری کوردی ڕۆژهەڵاتی کوردستان کە نزیکەی شەش ساڵە لەدورگەی مانووس زیندانیکراوە، ئه و دورگەیەیی بەره و نیوزلەندا بەجێهێشت.[4]
- جەیمس جێفری، نێردەی تایبەتی ئەمەریکا بۆ کاروباری سووریا ڕایگەیاند، هۆشداریان لە پاکتاوی ڕەگەزی دژی کورد داوە لە باکووری ڕۆژهەڵاتی سووریا (رۆژئاوای کوردستان) و ڕایگەیاند، پێویستە تەنها خەڵکی ئه و ناوچانە بگەڕێنرێنەوە و لە ناوچەی ئارام نیشتەجێ بکرێن.[3]