$باکووری کوردستان$
- پارتی دیموکراتی گەلان-#هەدەپە#، داوای هەڵگیرانی سزای #ڕامین حسێن پەناهی# دەکات و داوادەکات، کە ڕامین لە دادگایەکی دادپەروەرانەدا دادگایی بکرێت.[3]
- باڵی سەربازی پارتی کرێکارانی کوردستان (#پەکەکە#) ڕایدەگەیەنێت، لە ئەنجامی چالاکییەکانی گەریلاکانمان 13 سەربازی سوپای تورکیا کوژران و ڕێگای ستراتیژی نێوان #دێرسیم# و ئەرزنجانیشیان کونترۆڵکرد.[2]
$رۆژهەڵاتی کوردستان$
- دوو هاووڵاتیی کورد بە ناوەکانی شۆڕش قادر سەکینە و دڵشاد جەواهیر خەڵکی گوندی #تاچیناوێ#ی شاری #شنۆ# لە لایەن هێزە ئیتلاعاتییەکانەوە دەسبەسەر کران.[4]
$باشووری کوردستان$
- کاژێر 4:00ی بەرەبەیانی ئەمڕۆ سێ تەقینەوەی جیا جیا لە #کەرکووک# ڕوویاندا، تەقینەوەکە ئەو کۆگایانەی کردووەتە ئامانج کە سندووقی هەڵبژاردنەکانی ئەنجوومەنی نوێنەرانی عێراقی تێدابووە. کەسێک کوژرا و 21ی دیکەش برینداربوون.[1]=KTML_Photo_Begin=https://www.kurdipedia.org/files/relatedfiles/2018/150104/0008.JPG=KTML_Photo_Alt=لە کەرکووک؛ 3 تەقینەوە ڕوویدا=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/150104/0008.JPG=KTML_Photo_End=
- #پەرلەمانی کوردستان# کۆدەبێتەوە و تیایدا گفتوگۆ لەسەر درێژکردنەوەی کارکردن بەیاسای بەرەنگاربوونەوەی تیرۆر و هەمواری سێیەمی یاسای پارێزەرایەتی، هەمواری چوارەمی یاسای سندوقی خانەنشینیی پارێزەرایەتی دەکرێت، هاوکات خوێندنەوەی یەکەم بۆ پارێزگاری لەتۆڕەکانی ئاو و ئاوەڕۆ و گفتوگۆ لەسەر پەیڕەوی ناوخۆی پەرلەمانی کوردستان دەکرێت.[2]
- #وەزارەتی تەندروستی# هەرێمی کوردستان ڕایدەگەیێنێت یەکەم حاڵەتی تووشبوون بە نەخۆشیی تای خوێنبەربوون تۆمارکراوە و ئێستا نەخۆشەکە لەژێر چاودێری تەندروستیدایە.[1]
- #سیروان بارزانی#، سەرپەرشتیاری میحوەری گوێڕ - #مەخموور#ی هێزی پێشمەرگە ڕایگەیاند، لە ئەنجامی بۆمبابارانکردنی چیای #قەرەچووخ# لەلایەن هاوپەیمانان دوو چەکداری #داعش# کوژران.[1]
- ژمارەیەک لە شۆفێرانی بارهەڵگری مەرزی #شۆشمێ‌#، لەدژی کارکردنی ژمارەیەک بارهەڵگەری بێ مۆڵەت لە مەرزەکە، گردبوونەوەیەکیان لەبەردەم بینای پارێزگای #هەڵەبجە# ئەنجامدا و نارەزایەتییەکانیان گەیاندە لایەنە پەیوەندیدارەکانی پارێزگاکە.[3]
- فەرماندەی دژەتیرۆری عێراق لە کەرکووک ئاشکرایکرد، سێ ڕۆژ پێش ئێستا لەبارەی هیرشەکەی داعش بۆ سەر کۆگای سندوقەکانی کۆمسیۆن زانیاری هەواڵگرییان هەبووە، لەچەند کاتژمێری داهاتوشدا هەڵدەکوتنە سەر تیرۆرستان.[2]
$دەرەوەی کوردستان$
- بڕیارە ئەمڕۆ، بۆ پڕکردنەوەی بەنداوی ئیلسۆ تورکیا جارێکی دیکە ئاوی ڕووباری دیجلە لە عێراق بگرێتەوە.[1]
- وەزارەتی دەرەوەی تورکیا ڕاگەیێندراوێکی لەبارەی تەقینەوەکانی کەرکووک بڵاوکردەوە و داوایکرد ڕێوشوێنی پێویست بۆ دەستەبەرکردنی ئاسایشی پارێزگاکە بگیرێتەبەر. داواشدەکات لێکۆڵینەوەیەکی خێرا و شەفاف لەو سکاڵایانە بکرێت کە دەگوترێ لە دەنگدانی کەرکووک ساختەکاری کراوە.[1]

بەپێی حوکمەکانی بڕگە (1)ی ماددە (20) لە پەیڕەوی ناوخۆی پەرلەمانی کوردستان عێراق ژمارە (1)ی ساڵی 1992ی هەموارکراو، دەستەی سەرۆکایەتیی پەرلەمان بڕیاریدا کاتی دانیشتنی ژمارە (2)ی خولی بەهارەی ساڵی پێنجەم لە خولی هەڵبژاردنی چوارەمی پەرلەمان لە کاتژمێر (11)ی پێشنیوەڕۆی ڕۆژی یەکشەممە ڕێکەوتی #01-07-2017# بێت و بەرنامەی کاری دانیشتنەکە بەمشێوەیەیە:
یەکەم: گفتوگۆکردنی پڕۆژەی پرۆژە یاسای (درێژکردنەوەی کارکردن بەیاسای بەرەنگاربوونەوەی تیرۆر ژمارە (3)ی ساڵی 2006 لە هەرێمی کوردستان)، بەپێی مادەکانی (72، 74و 75) لە پەیرەوی ناوخۆی پەرلەمانی کوردستان ژمارە (1)ی ساڵی 1992ی هەموارکراو.
دووەم: گفتوگۆکردنی پڕۆژەی پڕۆژە یاسای (هەمواری سێیەمی یاسای پارێزەرایەتی ژمارە (17) ساڵی 1999ی هەموارکراو لە هەرێمی کوردستان)، بەپێی مادەکانی (72، 74و 75) لە پەیرەوی ناوخۆی پەرلەمانی کوردستان ژمارە (1) ساڵی 1992ی هەمورکراو.
سێیەم: گفتوگۆکردنی پڕۆژەی پڕۆژە یاسای (هەمواری چوارەمی یاسای سندوقی خانەنشینیی پارێزەرایەتی ژمارە (18)ی ساڵی 1999ی هەمووارکراو لە هەرێمی کوردستان)، بەپێی مادەکانی (72، 74و 75) لە پەیرەوی ناوخۆی پەرلەمانی کوردستان ژمارە (1)ی ساڵی 1992ی هەموارکراو.
چوارەم: خوێندنەوەی یەکەمی پڕۆژە یاسای (پارێزگاری لەتۆڕەکانی ئاو و ئاوەڕۆ) بەپێی ماددەی (71) لە پەیڕەوی ناوخۆی پەرلەمانی کوردستان ژمارە (1)ی ساڵی 1992 هەموارکراو بکرێت.
پێنجەم: گفتوگۆکردنی (پەیڕەوی ناوخۆی پەرلەمانی کوردستان) کە لەلایەن لیژنەی کاتی بۆ پێداچوونەوەی پەیڕەوی ناوخۆ ئامادەکراوە، بەپێی بڕیاری ژمارە (26)ی ساڵی 2014 و بڕگەی (8) لە ماددەی (پەنجا و شەشەم)ی یاسای هەڵبژاردنی پەرلەمانی کوردستان ژمارە (1)ی ساڵی 1992 هەموارکراو و پاڵپشت بە ماددەی (94)ی پەیڕەوی ناوخۆی پەرلەمانی کوردستان ژمارە (1)ی ساڵی 1992ی هەموارکراو.
جعفر ابراهیم ئێمینکی
جێگری سەرۆکی پەرلەمانی کوردستان-عێراق
بێگەرد دڵشاد شکرالله
سکرتێری پەرلەمانی کوردستان-عێراق
#01-07-2018#

ئەمڕۆ، ژووری چالاکییەکانی تووڕەیی زەیتوون لە سەر ماڵپەڕی فەرمییدا ڕاگەیەندراوێکی بڵاوکردەوە و ئەنجامی چالاکییەکی شەڕڤانانی ڕاگەیاند.
لە ڕاگەیەندراوەکەدا هاتووە: ژووری چالاکییەکانی #عەفرین# لەدژی ئەو تاوان و پێشێلکارییانەی چەتەکان لەناو عەفرین لە دژی کەسوکارەکانمان ئەنجامی دەدەن، دوێنێ خاڵێکی چاودێریی چەتەکانی فەیلەقی شامیان لە باشوری ئیدلب کردە ئامانج، لە ئەنجامی ئەو چالاکییەدا دوو چەتە کوژران.
لە کۆتایی ڕاگەیەندراوەکەشدا هاتووە: بەڵێن دەدەین، کە ئەو چەتانەی هاوکاریی داگیرکارییەکانی دەوڵەتی تورک کردووە لە عەفرین، لە هەر کوێیەک بن، لە عەزازەوە تا ئیدلب و عەفرین و ماری و باب و جەرابلوس و ڕاعی، بیانکەینە ئامانجی چالاکییەکانمان.[1]
#01-07-2018#

ئەمڕۆ، ناوەندی ڕاگەیاندنی هێزەکانی پاراستنی گەل- #هەپەگە#، ڕاگەیەندراوێکی لەبارەی چالاکیی گەریلاکانی بڵاوکردەوە و ئەنجامەکانی چەند چالاکییەکی ڕاگەیاند.
هەپەگە ڕایگەیاند: گەریلاکانمان لە ڕۆژەکانی 28 و 30 حوزەیراندا لە هەنگاوی شۆڕشگێرانەی شەهید ئاگری و شەهید پیرۆزدا لە گەڤەری سەربە جولەمێرگ، چەند چالاکییەکیان ئەنجامدا، 28ی حوزەیران کاتژمێر 07:40 خولەکی ئێوارە بە ئەنجامدانی چالاکییەک لەدژی خاڵێکی پشکنینی ئاسایش لە گوندی شیرڤانی سەر بە گەڤەر، گورزی توندیان لە دوژمن دا، لەو چالاکییەدا پێنج سەرباز کوژران و سێیانی دیکەش برینداربوون.
لە بەردەوامی ڕاگەیەندراوی هەپەگەدا هاتووە: 30ی حوزەیران کاتژمێر 08:30 خولەکی بەیانی بۆ 01:00ی نیوەڕۆ لەسەر گردی بایێ چالاکییەکی بەقەناس لەدژی سوپای تورک ئەنجامدرا، لەو چالاکییەدا دوو سەرباز کوژران، 30ی حوزەیرانیش کاتژمێر 03:00ی پاشنیوەڕۆ لەسەر گردی جەفەری سەر بە گەڤەر، لەدژی یەکینەیەکی سوپای تورک چالاکی ئەنجامدرا، لەو چالاکییەشدا پێنج سەرباز کوژران و سێیان برینداربوون.
هەپەگە ڕاشیگەیاندووە: 29ی حوزەیران کاتژمێڕ 03:40 خولەکی پاشنیوەڕۆ لە دەوروبەری شارۆچکەی ئەبەخی سەر بە وان چالاکییەک لەلایەن گەریلاکانی یەژاستارەوە ئەنجامدرا، لەو چالاکییەشدا سەربازێک کوژرا.
لە کۆتایی ڕاگەیەندراوەکەدا هاتووە: ڕۆژی 30 حوزەیران کاتژمێر 11:00ی نیوەڕۆ گەریلاکانی یەژاستار سەر ڕێگای دەرسیم بۆ ئەرزینگانیان گرت و لەبارەی چالاکیی شەهید زیلان لە ڕۆژی 30 حوزەیرانی 1996 زانیارییان بە هاوڵاتیان بەخشی.[1]
#01-07-2018#