لم يتم أنهاء هذا السجل وفقا لالمعايير کورديپيديا، السجل يحتاج لمراجعة موضوعية وقواعدية

دکتۆر#جەمال کۆچەر#، ئەندامی لیژنەی دارایی لە ئەنجومەنی نوێنەرانی ئێڕاق دەڵێت:
- بابەتی ناردنی ئەو 400 ملیار دینارە پەیوەندی بە لیژنەی دارایی پەڕڵەمانەوە نییە چونکە ئێمە ئاگاداری وردەکاری ئەو بڕیارە نین کە ئەنجومەنی وەزیرانی ئێڕاق لەسەر چ بنەمایەک ئەو بڕیارەی داوە و هەروەها وەزارەتی دارایش بۆچی ئامادەی ناردنی ئەو پارەیە نییە.
- هۆکاری نە ناردنی ئەو پارەیە لە لایەن وەزیری دارایی ئێڕاق بۆ هەرێم بۆ ئەوە دەگەڕێتەوە کە جگە لە ڕێککەوتنێکی سیاسی وەزیری دارایی هیچ بڕگەیەکی یاسایی لەبەردەستدا نییە بۆ ناردنی ئەو پارەیە. [1]

دەقی ڕاگەیەندراوەکە:
راگەیاندراوی 23 پەرلەمانتار بۆ ڕایگشتیی کوردستان
ئێمەی پەرلەمانتارانی کوردستان، کە پاڵپشت بە مادەی (69) لە پەیڕەوی ناوخۆی پەرلەمانی کوردستان، پێشتر واژۆمان کۆکردبوەوە بۆ پرساندنی سەرۆکی ئەنجومەنی وەزیران و جێگرەکەی و وەزیری دارایی، دەمانەوێت بۆ ڕایگشتیی کوردستان-ی دوپاتبکەینەوە:
1- هاتنی سەرۆکی ئەنجومەنی وەزیران و جێگرەکەی و وەزیری دارایی، لە هەفتەی ڕابردودا بۆ پەرلەمانی کوردستان، دور و نزیک پەیوەندیی بە پرساندنەوە نەبوە و ئێمە سورین لەسەر داخوازییە پەیڕەوییەکەمان بۆ ئەوەی لەوادەی دیاریکراودا ئەو بەرێزانە بۆ مەبەستی پرساندن بێنە پەرلەمان.
2- چاوقایمیی حکومەتی هەرێمی کوردستان، کە بێ هیچ دەقێکی یاسایی، موچەی پێنج مانگی تەواوی موچەخۆران ڕادەگرن، کە نزیکەی چوار تریلیۆن دیناری موچەخۆرانی ڕاستەقینەی هەرێم دەکات، تاوانێکی گەورەیە و دەچێتە سەر خەرمانی پێشێلکارییە یاسایی و کارگێڕییەکانی ئەم کابینە حکومەتییە، کە بەرانبەر بە موچەخۆرانی ڕاستەقینەی کوردستان کردویەتی.
3- ئەگەر پێشتر هەندێ سوکە ئومێدێکیان بەم حکومەتە و بانگەشەکانی بۆ چاکسازیی هەبوبێت، ئیتر لەدوای بڕیاری ڕاگرتنی پێنج مانگی موچەخۆران و درێژەدانیش بە ناشەفافییەتی نەوت و سەرجەمی داهاتەکانی دیکە، ئەم حکومەتە هەمو هەوڵێکی لەباربرد و کاتی ئەوە هاتوە لە پەرلەمان دا، متمانەی لێبسەنرێتەوە.
4- داواکارین لەسەرجەمی پەرلەمانتاران، لە پرساندنی بەرپرسانی باڵای ئەم کابینە حکومەتییەدا هاوکارمان بن و بەرژەوەندیی گشتیی بخەنە سەروی بەرژەوەندیی و ئەجێندای تەسکی حزبییەوە.
ئیمزاکان:
1- عەبدولستار مەجید.
2- شێرکۆ جەودەت مستەفا.
3- محێدین حەسەن یوسف
4- کازم فاروق نامیق.
5- مەم بورهان قانع.
6- دیاری ئەنوەر حمەرەحیم.
7- سەرچنار ئەحمەد مەحمود.
8- مژدە مەحمود محەمەد.
9- سیپان سالم حسێن ئامێدی.
10- هەلز ئەحمەد محەمەد.
11- ئەبوبەکر عەبدوڵلا (هەڵەدنی).
12- د. هەورامان گەچێنەیی.
13- کاوە عەبدولقادر حەسەن.
14- شایان کاکە صالح.
15- شیرین ئەمین عەبدولعەزیز.
16- سیروان فەرەج محەمەد (بابان).
17- عوسمان عەلی سمایل.
18- عومەر گوڵپی.
19- عەلی حمەصالح تەها.
20- بەدریە ئیسماعیل مەحمود.
21- ڕوپاک ئەحمەد ڕەحمان.
22- موسلیم عەبدولڵا ڕەسوڵ.
23- د. ئیسماعیل تەها سگیری.[1]

ئەمرۆ پێنج شەممە ڕێکەوتی 5/12/2019، لە دیوانی #وەزارەتی دارایی# و ئابووری حکومەتی هەرێمی کوردستان، کۆنگرەیەکی ڕۆژنامەوانی سەبارەت بە ڕێکەوتنی نێوان هەرێم و بەغدا بەسترا و سەرۆکی شاندەکە و ئەندامانی شاندی حکومەتی هەرێم بۆ دۆسیەی بودجە و نەوت ئەنجامی ڕێکەوتنی شاندی هەرێمی کوردستانی بۆ ڕۆژنامەنووسان ئاشکرا کرد.
لە چوارچێوەی کۆنگرە ڕۆژنامەنوسیەکەدا ڕۆژنامەنووسێکی بەرێز پرسیاری ئەوەی لە سەرۆکی شاندەکە کرد کە حکومەت سێ مووچە قەرزداری مووچە خۆرانی کوردستانە، ئاشکرایە مەبەستی ڕۆژنامەنووسە بەرێزەکە سێ مووچەی تەواو بوو بەڵام سەرۆکی شاندەکە زانیارییەکەی بۆ ڕاستکردەوە کە سێ موچە نییە بەڵکو مووچەی هەشت مانگی فەرمانبەران و 12 مانگی خانەنشینان قەرزدارە. هەروەها نە ڕۆژنامەنووسەکە و نە جەنابی وەزیر هیچ ئاماژەیەکیان بە مووچە ناتەواوەکان نەداوە کە بە ڕێژەی جیاواز بە پاشەکەوت دابەشکراون.
بەداخەوە هەندێک کەس بە ئاگایی یان بە بێ ئاگا ڕاستیەکان دەشێوێنن دەیانەوێت لە بەهای ئەو سەرکەوتنە گەورەیەی شاندی هەرێمی کوردستان کەمکەنەوە. پێتان ڕادەگەیەێنێن، سەرباری ئەوەی کە مووچە نەدراوەکان و پاشەکەوتەکانی مووچەش هەرچەندە لەسەردەمی ئەم کابینەیەدانەبووە، بەڵام حکومەتی هەرێمی کوردستان و وەزارەتی دارایی و ئابووری بەرپرسیاریەتی هەموویان لە ئەستۆ دەگرێت.

وەزیری دارایی و ئابووری حکومەتی هەرێمی کوردستان، چەند بڕیارێک بۆ کارئاسانی و بەدیجیتاڵیکردنی دۆسیە و مووچەی خانەنشینان و کاراکردنی زیاتری دۆسییەی شەفافیەت لە داهات و خەرجی سنووری پارێزگای #سلێمانی# و ڕێکخستنەوەی کاروبارە بانکییەکان دەردەکات.
#ئاوات شێخ جەناب#، وەزیری دارایی و ئابووری، لەمیانی سەردانێکیدا بۆ سلێمانی ڕایگەیاند: سەردان و کۆبوونەوەکانی دوو ڕۆژی ڕابردوودیان لە چوارچێوەی ئەو هەوڵانەیە کە دەستیان پێکردووە بۆ بەجێگەیاندنی دۆسییەی شەفافیەت لە داهات و خەرجی سنوورەکە و ڕێکخستنەوەی ئیشوکارە بانکییەکانی سلێمانی و بەئەلیکترۆنیکردنی مووچەی خانەنشینان و دیجیتاڵکردنی دۆسییەکانیان.
بەپێی ڕاگەیەندراوێکی وەزارەتی دارایی، کە ئەمڕۆ پێنجشەممە #05-01-2023# بڵاویکردووەتەوە، وەزیری دارایی لەسەردانێکیدا بۆ بەڕێوەبەرایەتی خانەنشینی سلێمانی، بڕیایدا بە:
یەکەم: بینای بەڕێوەبەرایەتییەکە بە تەواوی تەرخان بکرێت بۆ خانەنشینی و کار بکرێت بۆ کارئاسانی مامەڵە و سەردانی خانەنشینان بۆ بەڕێوەبەرایەتییەکە.
دووەم: هەریەک لە بانکی باخان و بانکی کوردسات تێکەڵ بکرێن و لە چوارچێوەی یەک بانکدا ئیشوکارەکانیان ڕێکبخرێتەوە.
سێیەم: سەرجەم دۆسییەی خانەنشینان بەدیجیتاڵی بکرێت و شێوازی نوێ لە ئەرشیفکردنی دۆسیە و دیکۆمێنتەکان کارا بکرێت.
چوارەم: بە ئەلیکترۆنیکردنی مووچەی خانەنشینان و درووستکردنی کارتی زیرەکی مووچەکانیان، کە وەزارەتی دارایی لە کابینەی نۆیەمی حکومەتی هەرێم دەستیپێکردووە، قۆناغەکانی کاراتر و تەواو بکرێت. [1]

#30-10-2018#

وەزیری دارایی و ئابووری هەرێمی کوردستان ڕایگەیاند، "داهاتەکانی هەرێمی کوردستان بە ڕێژەی 70% کەمبووەتەوه،‌ بەڵام وەزارەتی دارایی توانیویەتی بەردەوام بێت لە ئیش و کارەکانی خۆی و پێدانی مووچه."
- 14-10-2014

وەزیری دارایی هەرێم دەڵێت: لە ڕێککەوتنی نەوتدا لەگەڵ #بەغدا# هەرێم خۆی بە دۆڕاو نازانێت و پێی وایە هەردوولا براوەن.
ئاوات جەناب نووری، وەزیری دارایی و ئابووری حکومەتی هەرێمی کوردستان و سەرۆکی شاندی دانووستانکار بۆ ڕێککەوتن لەگەڵ بەغدا، لە لێدوانێکدا بە ئاژانسی فرانس پرێسی ڕاگەیاندووە، چەند نرخی فرۆشتنی نەوت بەرز ببێتەوە، ئەوکاتە بەشداری هەرێم لە بودجەی ئێراق بەرزدەبێتەوە، ئەوەش فشاری دارایی هەرێم لەسەر بودجەی ئێراق کەمدەکاتەوە.
دەشڵێت، هەرێمی کوردستانی ئێراق لە ڕێککەوتنی نەوتیدا کە چواری نیسانی ئەمساڵ 2023 لە بەغدا واژۆکرا خۆی بەدۆڕاو نازانێت و پێیوایە حکومەتی هەرێم و حکومەتی ئێراق هەردوولایان براوەن. [1]