لم يتم أنهاء هذا السجل وفقا لالمعايير کورديپيديا، السجل يحتاج لمراجعة موضوعية وقواعدية

سالار ڕەئوف سەرۆکی دادگای تاوانەکانی سلێمانی یەک لە پۆستەکەی دوور خرایەوە و جێگرەکەی شوێنی گرتەوە.
دادوەر سالار ڕەئوف دادوەری دۆسیەی کوشتنی دوو کچەکەی #چەمچەماڵ# بوو، لە سەرەتای مانگی ئەیلولی ڕابردوو بڕیاری ئازاد کردنی باوکی دوو کچەکەیدا پاش ساڵ و نیوێک لە ڕاگرتنی.
دوای ئازادکردنی باوکی دوو کچە کوژراوەکە، #قوباد تاڵەبانی# جێگری سەرۆکی حکومەت لە فەیسبوکی خۆی وتارێکی بەناوی مار و پەیژە نووسی و میدیاکانی یەکێتی بەگرنگیەکی زۆرەوە بڵاویان کردەوە.
قوباد تاڵەبانی، لە وتارەکەیدا هێرشی توندی کردە سەر دادگا و دادوەران و دەڵێت زۆر توڕە بووم کە بیستم تۆمەتبارێک بەکوشتنی دوو کچەکەی، بەهۆکارێکی لاواز و بەناوی نەبوونی بەڵگەی شایستە ئازاد کراوە. ئەمە چ پەیامێک دەدات بەو بێشەرەفانەی کە ژن دەکوژن؟.
حاکم سالار ڕەئوف، لای کەسە نزیکەکانی وتویەتی پێیخۆشە لادراوە و پێشتر خۆی داوای لادانی لە پۆستەکەی کردووە، چونکە ئەو یاسای جێبەجێکردووە نەک بە سۆز بڕیار بدات.
قوباد تاڵەبانی دادگا و دادوەرانی بەوە تۆمەتبارکرد بەبڕیارەکانیان هەوڵەکانی دەزگا ئەمنیەکان لەگرتنی تاوانباران دەهێننەوە سەر سفر.
سامی ساتی و سەروەر جەلیل پارێزەرانی باوکی دوو کچە کوژراوەکە وەڵامی قوباد تاڵەبانیان دایەوە و ڕایانگەیاند بەڵگەی پێویست لەبەردەستدا نەبووە بۆ سزادانی باوکی دوو کچەکە.
لەمانگی ئەیلولی 2020 دوو کچ کە خوشک بوون بەکوژراوی لە گۆڕێکدا لە گوندی برایم ئاغا لە چەمچەماڵ دۆزرانەوە و دواتر دادگا فەرمانی دەستگیرکردنی بۆ باوکی کچەکان دەرکرد و پاش شەش مانگ، لە ئاداری 2021 خۆی ڕادەستکرد و لە سەرەتای مانگی ڕابردوو، دادگا بەبێتاوانی ئەژمارکرد و بڕیاری ئازاد کردنی درا. [1]

هەر یەک لە #قوباد تاڵەبانی# و #بافڵ تاڵەبانی#، ڕێگە نادەن هیچ کەسێکی #یەکێتیی نیشتمانیی کوردستان# ئەندامی ئەو شاندانەی #حکومەتی هەرێمی کوردستان# بێت، کە دەچنە بەغدا بۆ گفتوگۆ لەگەڵ شاندی ئێراقی لەبارەی مووچە و بودجە.
بافڵ تاڵەبانی و قوباد تاڵەبانی، ڕێگرن لەوەی هیچ یەکێتییەک لە تیمی حکومی حیزبەکەی ببێتە ئەندامی شاندەکانی هەرێم بۆ بەغدا.
ڕێگرییەکان پەیوەندی بە بەردەوامی کێشەکانی پارتی و یەکێتی و هەڵوێستەکانی #مەسرور بارزانی# سەرۆکی حکومەتەوە هەیە بەرانبەر یەکێتی.
تیمی یەکێتی لەناو حکومەت ئاگادارکراوەتەوە، تا کێشەکانی پارتی و یەکێتی چارەسەر نەبن، نابێت هیچ ئەندامێکیان لە شاندەکانی هەرێم بۆ بەغدا بەشدار بێت. [1]

بۆ کۆتایی هێنان بە بایکۆتی تیمی یەکێتی لە کۆبوونەوەکانی ئەنجوومەنی وەزیران، بڕیارە چەند وەزیرێکی حکومەتی هەرێم سەردانی #قوباد تاڵەبانی# دەکەن.

لە دواین کۆبوونەوەی ئەنجوومەنی وەزیران وەزیرێکی نزیک لە کۆماری ئیسلامی ئێران پێشنیاری ئەوە دەکات تیمێکی حکومەت سەردانی قوباد تاڵەبانی بکات و گوێ لە قسە و نیگەرانییەکانی قوباد تاڵەبانی بگرن و داوای لێبکەن کۆتایی بە بایکۆتی کۆبوونەوەکانی ئەنجوومەنی وەزیران بهێنن.

لە کۆبوونەوەکەدا پێشنیارەکە پەسەند دەکرێت و بڕیاردراوە تیمێکی حکومەت ڕۆژی یەکشەممە #16-04-2023#، سەردانی قوباد تاڵەبانی بکات.
شاندەکەی حکومەت پێکدێت لە هەر یەک لە #عەبدوڵڵا حاجی مەحمود# و #پشتیوان سادق# و ئومێد سەباح و #دانا عەبدولکەریم#. [1]

لەسەر فەرمانی #قوباد تاڵەبانی# لە ڕێی قائیمقامیەتی #سلێمانی#یەوە وێنەیەکی سەرۆک #مام جەلال# لادەبرێت.
دوای ئەوەی لەلایەن دامەزراوەیەکی کەرتی تایبەتەوە وێنەیەکی سەرۆک مام جەلال لە بەردەرکی سەرای شاری سلێمانی بەبێ پرس و ڕاوێژ لەگەڵ حکومەتی خۆجێی سلێمانی هەڵدەواسرێت، لەسەر فەرمانی قوباد تاڵەبانی جێگری سەرۆکی حکومەتی هەرێم وێنەکە لادەبرێت.
قائیمقامی سلێمانی ئاماژە ی بە وە کردوە، لەم ڕوونکردنەوەیەدا بۆ ڕای گشتی ڕایدەگەیەنین هۆکاری لابردنی وێنەکە تەنیا بۆ ئەوە دەگەڕێتەوە سەرۆک مام جەلال لەسەر ئاستی دونیاو عێراق و ناوچەکە خاوەنی پێگەیەکی گەورەیەو لەناو دڵ و دەرونی هەموو گەلی کوردو عێراق و گەلانی ناوچەکەدایە و بەپێویستی نازانین لە هەموو کۆچەو کۆلانێک وێنەی سەرۆک مام جەلال هەڵبواسرێت.
ئاماژەی بە وەشکردوە لەگەڵ ڕێز و خۆشەویستی زۆر بۆ هەموو ئەوانەی کە به و شێوەیە خۆشەویستی دڵ و دەرونی خۆیان دەخەنە ڕوو بۆ مامی گەورە.
قائیمقامیەتی سلێمانی[1].

=KTML_Bold=بە فەرمانی قوباد تاڵەبانی بەشێک لە کێشەکانی شارۆچکەی دەربەندیخان چارەسەر دەکرێن و کارەکانی پڕۆژەی ئاوی دەربەندیخانیش دەستپێدەکاتەوە.=KTML_End=

بەڕێوەبەری نووسینگەی #سلێمانی# #قوباد تاڵەبانی# جێگری سەرۆک وەزیران لەگەڵ قایمقام و سەرۆکی یەکە کارگێڕییەکانی شارۆچکەی #دەربەندیخان# کۆبۆوە لەبارەی داواکاری مانگرتوان و خۆپیشاندەرانی شارۆچکەکە، کە داواکارییەکانیان بریتین لە بەگەڕخستنەوەی پڕۆژەی ئاوی دەربەندیخان و زیادکردنی کارەبا و درووستکردنی ھۆڵی نەشتەرگەریی و چارەسەرکردنی گرفتەکانی بەردەم کاری ڕۆژانەی فەرمانگەکان.

لەبەرانبەریشدا لەسەر فەرمانی جێگری سەرۆک وەزیران بەڵێندراوە زەوییەکی گران بەھا لە سلێمانی بدرێت بەوەبەرھێنەرێک و لەبەرانبەردا پڕۆژەی ئاوی دەربەندیخان تەواو بکات و لە چەند ڕۆژی داھاتووشدا کارەکانی دەستپێدەکاتەوە، بڕیاریشدراوە دوو کاتژمێر کارەبای سنوورەکە زیاد بکرێت لەگەڵ نۆژەنکردنەوەی ھۆڵی نەشتەرگەری و شوێنی مانەوەی پزیشک لە نەخۆشخانەی دەربەندیخان و ئەگەر پارەی پێویستیش بەردەست نەبوو، ھەمان وەبەرھێنەر کە زەوییەکەی پێدراوە کارەکانی تەواوکردنی ھۆڵی نەشتەرگەری دەگرێتە ئەستۆ و ھەنگاو بە ھەنگاویش کاربکرێت بۆ چارەسەرکردنی کێشەکانی بەردەم کاری فەرمانگەکان.

لە کۆبوونەوەیەکی تریشدا لەگەڵ مامۆستایانی ئایینی و کەسایەتی کۆمەڵایەتی و تیکۆشەرانی دێرین و نوێنەری لایەنە سیاسییەکانی شارۆچکەی دەربەندیخان، جەختکرایەوە لەسەر جێبەجێکردنی داواکارییەکان و بڕیاریشدرا قایمقام و مامۆستایانی ئایینی سەردانی خۆپیشاندەران بکەن و ناوەرۆکی کۆبوونەوەکان و جێبەجێکردنی داواکارییەکانیان باس بکەن، بۆئەوەی کۆتایی بە مانگرتن و خۆپیشاندان بھێنرێت. [1]

هاتوچۆکردنی گەشتیاران لە مەرزی #کێلێ# لە سنووری ئیدارەی سەربەخۆی ڕاپەڕین دەستیپێکرد و هاووڵاتییان لەمەودوا دەتوانن لە مەرزەکەوە سەردانی ڕۆژهەڵاتی کوردستان و ئێران بکەن. بەپێی زانیارییەکان بە هەوڵی #قوباد تاڵەبانی# جێگری سەرۆک وەزیرانی هەرێم، هاتوچۆی گەشتیاری لە مەرزی کێلێ لە سنووری ڕاپەڕین دەستیپێکرد و هاووڵاتییانی هەرێمی کوردستان دەتوانن لەو ڕێگەیەوە سەردانی ڕۆژهەڵاتی کوردستان و ئێران بکەن. مەرزی کێلێ یەکێکە لە دەروازە سنوورییەکانی نێوان هەرێمی کوردستان و ڕۆژهەڵاتی کوردستان و ئێران. ئەوەش دوای ئەوەدێت، پێشتر مەرزی کێلێ تەنیا هاتوچۆی بازرگانیی لێدەکرا و لە ئێرانەوە شمەک و کاڵا هاوردەی هەرێمی کوردستان و شارەکانی ناوەڕاست و خوارووی ئێراق دەکران. [1]

هەڤاڵان بەرێوەبەری کەناڵی گەلی کوردستان
کادر و کارمەندان و ستافی ماندوونەناس
یادی 11 ساڵەی دامەزراندنی کەناڵی گەلی کوردستان پیرۆز دەکەم کە هاوکاتە لەگەڵ یادە مەزنەکەی دامەزراندنی #یەکێتیی نیشتمانیی کوردستان#.
شانازییەکی گەورەیە بۆ کەناڵی گەلی کوردستان کە میراتگر و درێژە پێدەری تەلەفزیۆنی گەلی کوردستانە کە یەکەم میدیای بینراوی ناوخۆیی ڕچەشکێنی کوردیی پاش ڕاپەڕینە مەزنەکەی گەلەکەمانە.
گەلی کوردستان دایکی کەناڵەکانیتری یەکێتیی نیشتمانیی کوردستان وێستگەی یەکەمی میدیا بینراوەکانی کوردستانە، لەبەر ئەمەش جێگەی تایبەتی لە کۆ یادەوەریی هەموو تاکێکی کورددا هەیە و خاوەن مێژوویەکی پرشنگدارە.
بەدرێژایی ماوەی کارکردنی گەلی کوردستان چوست و چالاکانە ئەرکە میدیاییەکانی خۆی لەهەموو بارودۆخێک و بەتوانای بەردەستی کەم ڕاپەڕاندووه و ڕەنج و ماندووبوونی کارمەندەکانی بەبەردەوامیدان و پێشکەشکردنی بەرنامە ڕەسەنەکانییەوە دیارە.
بەهیوام بتوانین ئەم ساڵیادە بکەینە سەرەتایەک بۆ گەشەکردن و نوێکردنەوەی کەناڵی گەلی کوردستان چ لەناوەڕۆک و پەیام و چ لە ڕووی سوودمەندبوون لە تەکنیکە میدیاییە پێشکەوتووەکان، ئەمەش لەپێناو گەیاندنی باشتری پەیام و بەرنامەکانی یەکێتی بەبینەری کوردو خزمەتکردن بەکلتورو مێژوو زمان و ڕووە گەشەکانیتری نەتەوەکەمان لەپاڵ ڕووماڵ و پرۆگرام و ژانەرە میدیاییە نوێ و هاوچەرخەکان.
دووبارە پیرۆزە و بەهیوام هەمیشە شادو سەرفرازو سەرکەوتووبن.
#قوباد تاڵەبانی#
جێگری سەرۆک وەزیران
#01-06-2019#

بنەماڵە و کەسوکاری سەربەرزی کاک شێخ لەتیفی #گەرمیان#
بە بۆنەی چلەی ماتەمینی شێخ لەتیف بابارەسولەوە، جارێکی دیکە پرسە و سەرەخۆشی خۆمتان پێ ڕادەگەینم و هیوای تەندروستی و لەشساغیشتان بۆ بە ئاوات دەخوازم.
شێخ لەتیف نمونەی پێشمەرگەیەکی ماندوویی نەناس و بە بیر و باوەڕ بوو. لە ساڵی 1983وە کە پەیوەست بوو بە هێزی پێشمەرگەی کوردستانەوە تا دوا چرکەی ژیانی بەبێ دابڕان بەردەوام بوو لە تێکۆشان و خەبات لەپێناو ئازادی گەلی کوردستان و ئاسایش و ئارامی کوردستان. تەنانەت لە سەردەمی ڕەشی شاڵاوەکانی ئەنفالدا گەرمیانی ئەنفالکراوی بەجێنەهێشت و لەگەڵ پێشمەرگە پارتیزانەکان تا کاتی ڕاپەڕین له و سنوورە مایەوە.
هەڤاڵ شێخ لەتیف تەنیا مایەی شانازی بنەماڵە و کەسوکارەکەی نییە، بەڵکو هەموومان شانازی بە خەبات و تێکۆشانییەوە دەکەین.
لە کۆتاییدا داواکارم لە خوای گەورە ڕوحی کاک شێخ لەتیف بە بەهشتی بەرین شاد بکات و سەبووری بە هەموو لایەک ببەخشێت.
براتان
#قوباد تاڵەبانی#
#17-04-2020#

بەڕێز مامۆستا سەڵاحەددین محەمەد بەهائەددین ئەمینداری گشتی #یەکگرتووی ئیسلامیی کوردستان#
بەڕێزان ئەنجومەنی جێبەجێکردن و کادیران ولایەنگرانی یەکگرتوو
بەبۆنەی ساڵیادی ڕاگەیاندنی یەکگرتووی ئیسلامی کوردستان، گەرمترین پیرۆزباییتان لێ دەکەم و هیوای پێشکەوتن و سەرکەوتنتان بۆ دەخوازم.
یەکگرتووی ئیسلامی کوردستان، وەک حزبێکی میانڕه و لەسەرەتای درووستبوونییەوە ڕۆڵێکی بەرچاوی هەبووە لە ڕاگرتنی هاوسەنگی لەنێوان لایەنە سیاسییەکان و لەگەڵ هەستیاری قۆناغەکان هەوڵی چارەسەی گرفتەکانی داوەوپەیوەندییەکی باشی هەبووە لەگەڵ حزبە کوردستانییەکان و بەتایبەت #یەکێتیی نیشتمانیی کوردستان#، کە ئەوەش جێگەی ستایشە.
وێڕای دووبارە پیرۆزبایی لە هەموو ئەندامان ولایەنگرانی یەکگرتوو، لەخوای گەورە داواکارین ئەم یادەی ڕاگەیاندنی یەکگرتوو ببێتە مایەی خێر بۆ خەڵکی کوردستان.
براتان
#قوباد تاڵەبانی#
جێگری سەرۆک وەزیران
#08-02-2019#