ئاستی ئاو لە #بەنداوی دوکان# بەرزدەبێتەوە و بەهۆی کەمکردنەوەی فشاریش، گلدانەوەی ئاو لە #بەنداوی دەربەندیخان# کەمدەبێتەوە، بەڕێوەبەری بەنداوەکانی هەرێمیش بڕو ئاستی ئاو لەهەردوو بەنداوەکە ئاشکرا دەکات.
ئەکرەم ئەحمەد بەڕێوەبەری گشتی بەنداوەکان و کۆگاکانی ئاو لە #وەزارەتی کشتوکاڵ# و سەرچاوەکانی ئاوی هەرێم، ڕایگەیاند: تاوەکو ئەمڕۆ 1ی 3ی 2018، ئاستی ئاو لە بەنداوی دوکان بەراورد لەگەڵ هەمان ماوەی ساڵی پار، (84 سم) زیادیکردووەو گەیشتۆتە (498,33) مەتر، کە دەکاتە سێ ملیارو 671 ملیۆن مەتر سێجا.
وتیشی: بەڵام ئاستی بەنداوی دەربەندیخان مەترێک و 80 سم کەمترە بەراورد بەساڵی ڕابردوو.
راشیگەیاند: بەهۆی ئەوەی نامانەوێت فشار لەسەر بەنداوەکە دروست بێت، بۆیە بەردەوام گلدانەوەی ئاو کەم لە بەنداوی دەربەندیخان دەکەینەوەو ڕێژەی بەردانەوە زیاد دەکەین.
لەبارەی بەردانەوەی ئاو بۆ ناوچەکانی ناوەڕاست و باشووری عیراق، بەڕێوەبەرەکەی وەزارەتی کشتوکاڵ باسی لەوەکرد: بەهۆی ئەوەی ئاو لە #بەنداوی موسڵ# زۆر کەمبۆتەوە و دەبێت قەرەبووی ئەو کەمبوونەوەیە بکەین، بۆیە لەسەر داوای بەغدا ئاوی زیاترمان بۆ عیراق بەرداوەتەوە.[1]
#01-03-2018#

دواڕۆژ، هاوڕێ دوکانی
رۆژی 31ی ئایار دواین ڕۆژ بوو لە وەرزی تۆمارکردن و کۆکردنەوەی ئاستی ئاوی دەریاچەی دوکان کە بەراورد بەساڵی ڕابردوو نزیکەی یەک ملیار مەترسێجا ئاوی بەنداوەکە کەمیکردبوو.
ئەندازیار محەمەد تاهیر جەلال، بەڕێوەبەری بەنداوی دوکان بە دواڕۆژی ڕاگەیاند، ڕۆژی 31ی ئایاری 2017 کۆتاڕِۆژی تۆمارکردنی ئاستی ئاوی دەریاچەی دوکان بوو، لەو ڕۆژەدا ئاستی ئاوی دەریاچەی دوکان لە ئاستی ڕووی دەریاوە 503.36 مەتر بووە و بەو هۆیەشەوە بەراورد لەگەڵ ساڵی ڕابردوو سێ مەتر و هەشتا و پێنج سانتیم نزمبۆتەوە.
هێمای بۆ ئەوەشکرد، لە کۆی حەوت ملیار مەترسێجا لە ئێستادا زیاتر لە چوار ملیار مەترسێجا ئاو لەدەریاچەکەدا هەیە و ئەمەش بە ڕاورد بە ساڵی ڕابردوو نزیکەی یەک ملیار مەتر سێجا کەمترە.
سەبارەت بە ڕێژەی بارانبارینش 270 ملم لە پار کەمترە، چونکە لەمساڵدا تەنیا 527.8 ملم باران باریوە لەکاتێکدا ساڵی پار نزیکەی 800 ملم باران باریبوو.
بەڕێوەبەری بەنداوی دوکان ئەوەشی خستەڕوو کە لە سەرەتای ئەم مانگە دەست دەکەن بە بەرنامەی هاوینە و پلان بۆ بەرهەمهێنانی وزەی کارەبا و ئاوی خواردنەوە دادەنێن.
ساڵانە لە 31ی تشرینی یەکەم دەست دەکرێت بە گلدانەوەی ئاو و تۆمارکردنی ئاستی ئاوی دەریاچەی دوکان بەمەبەستی زانینی ڕێژەکەی تا 31ی ئایار کە پێی دەڵێن وەرزی زستانە، بەگشتی لەمساڵدا ئاستی ئاوی دەریاچەکە نزمترە بەهۆی کەمی ڕێژەی بارانبارینەوە.
01-06-2017

بەهۆی ئه و شەپۆلی بارانەی کە ڕووی لەهەرێمی کوردستان کردوه و ئاستی ئاوی #بەنداوی دوکان# بەبەراورد بەساڵی پار 770سم زیادیکردوە و بەوتەی بەرپرسی بەنداوەکەش بارانبارینی ئەمساڵ کاریگەری باشی دەبێت لەسەر بوژاندنەوەی ژێرخانی ئاو لەهەرێمی کوردستان.
لەوبارەیەوە حەمە تاهیر جەلال بەڕێوەبەری بەنداوی دوکان تایبەت بە PUKmediaی ڕاگەیاند: تەنها لەماوەی ئەم شەپۆلە باران بارینەی هەرێمی کوردستانی گرتوەتەوە لەسنوری دوکان بڕی 86 ملم بارانباریوە و کۆی گشتی ئەمساڵ گەیشۆتە 430 ملم باران.
لەبارەی بەنداوی دوکانیشەوە ڕایگەیاند: ئاستی ئاوی لە بەنداوی دوکان 501 مەترە لە ئاستی ڕووی دەریاوە وتیشی، ئەگەر ئەم ئاستەش بە ساڵی پار بەراورد بکەین ئەوا 770سم زیادیکردوە.
بەڕێوەبەری بەنداوی دوکان وتیشی بارانبارینی ئەمساڵ کاریگەری باشی دەبێت لەسەر بوژاندنەوەی ژێرخانی ئاو و بەرهەم هێنانی کارەبا.[1]
#29-01-2019#

ئاوی بەنداوی #دوکان# جیاوازی 2019 و 2021
ببینە ئاستی ئاوەکە چەندە دابەزیوە وشکە ساڵی 2021.[1]

#07-02-2019#

لە ساڵانی 1954 تا 1959 لەسەر ڕووباری زێی بچووکدا و لە پارێزگای #سلێمانی#ی کوردستاندا دروست کراوە، ئەم بەنداوە 60 کیلۆمەتر لە شاری سلێمانی و نزیکەی 100 کیلۆمەتر لە شاری #کەرکووک#ەوە دوورە.
بەردی بناغەی ئەم بەنداوە لە ساڵی 1954 لە لایەن مەلیکی عیراق مەلیک فەیسەڵەوە دانرا، لە بناغەی ئەم بەنداوەدا مەلیک فەیسەڵ فلسێکی عێراقی دانا وەک هێمایەک بۆ ئەو سەردەمە کە بچووکترین دراوی ئەوسەردەمە بوو، ئەم بەنداوە لە ساڵی 1954 دەستی پێ کرد و لە ساڵی 1959 تەواو بوو کە لەلایەن کۆمپانیای دۆمیز بالوتی فەرەنسییەوە ئەنجام درا بە سەرپەرشتی هەردوو کۆمپانیای بنی دیکن و کۆرلی. ئەم بەنداوە بڕی 14 ملیۆن دیناری ئەو سەردەمەی تێ چوو لە کاتێکا کە ڕۆژانەی کرێکارێکی ئەو سەردەمە 25 فلس بوو.
1- بەرزی دیواری بەنداوەکە (116.5) م
2- درێژی بەنداوەکە (260) م
3- (516) م لەسەر ئاستی دەریاوە بەرزە
4- زیاتر لە (6.8) ملیارد مەتر چوارگۆشە ئاو گلدەداتەوە
5- دروستکردنی ویستگەیەکی کارەبای لەلایەن کۆمپانیای Hidro Power Station ڕوسیەوە لە ساڵی 1970
بەنداوی دووکان سەرچاوەیەکی گرنگە بۆ ئەم خاڵانەی خوارەوە
1- گلدانەوەی ئاوی باران و ڕێگرتن لە لافاو
2- دروستکردنی ویستگەیەکی کارەبایی بە بری (400) میگاوات کە بە پێنج (5) تۆرباینی گەورە کاردەکات
3- دابینکردنی ئاوی پێویست بۆ زەویە کشتوکالێکان کە مەزندە دەکرێت بە (1500000) ملیۆنک و پێنجسەد هەزار هێکتار زەوی کشتوکالی.[1]

دیمەنی درووستکردنی #بەنداوی دوکان# بە کامێرای چەند گەشتیارێکی بیانی ساڵی 1957. [1]
بەنداوی دوکان لە ساڵی 1954 بەردی بناغەی لەلایەن مەلیک فەیسەڵ دانرا و لە ساڵی 1959 تەواوکرا.

[1]

شوێن: #دوکان#
ڕۆژ یان ساڵی گیرانی وێنەکە: 1957
کەسایەتییەکانی ناو وێنەکە: (کارکردن بۆ درووستکردنی بەنداوی دوکان)
ناوی وێنەگر: (نەناسراو) [1]

[1]