$باکووری کوردستان$
- لە #دێرسیم# لە باکوری کوردستان ئۆتۆمبێلێکی سەربازیی سوپای تورک هاوڵاتییەکی کرد بە ژێرەوە و به و هۆیەوە برینداربوو.[4]
$رۆژهەڵاتی کوردستان$
- بەخاکسپاردنی #محەمەد ساڵح ئیبراهیمی محەمەدی - شەپۆل# لە #مەهاباد#.[1]
$باشووری کوردستان$
- وەزیری دارایی و ئابووری هەرێمی کوردستان ڕایگەیاند، ئەگەر پڕۆژەیاسای چاکسازی، که ئێستا لە پەرلەمانی کوردستانه، وەک خۆی جێبەجێبکرێت، دەبێتە هۆی گەڕانەوەی خەرجییەکی زۆری بەفیڕۆچوو و دەستکاریکردن لە سیستمی پاشکەوتی مووچە کە له ‌بەرژەوەندی مووچەخۆران دەبێت.[1]
- بەرپرسێکی وەزارەتی بارزگانیەرێم ئاشکرایدەکات، بڕی 30 ملیار دیناری پارەی گەنمی جوتیارانی هەولێر گەیشتووه و سبەی دابەشدەکرێت.[2]
- پۆلیسی دهۆک ڕوونکردنەوە لەبارەی چارەنووسی #مستەفا بامەڕنی#، چالاکڤان و ڕۆژنامەڤان بڵاودەکاتەوە و ڕایدەگەیەنێت ئەو دەستبەسەرە. هێمن سلێمان، گوتەبێژێ پۆلیسی دهۆک ڕایگەیاند مستەفا بامەڕنی بەهۆی هاندانی خەڵک بۆ ئەنجامدانی خوپیشاندانی بێ موڵەت دەستگیرکراوە.[3]
- کۆمسیۆنی باڵای هەڵبژارن و ڕاپرسی لەهەرێم بڕیاریدا سیستمی هەڵبژاردنی پەرلەمانی کوردستان یەک بازنەیی نیمچە کراوە بێت لە سەرتاسەری کوردستاندا.[2]
- بە بڕیاری ئەنجومەنی دادوەری، ئازاد حەسەن ئەحمەد، جێگری پێشووی سەرۆکی داواکاری گشتی بۆ پۆستی سەرۆکی داواکاری گشتی هەرێم دەستبەکاربوو.[3]
- لە گوندی پەلکانەی سەربە شارۆچکەی سەرگەڕان شەڕ لەنێوان کورد و عەرەبە هاوردەکان دروستبوو.[3]
- خانەی ڕاپەڕاندنی بزوتنەوەی گۆڕان #مەسعود حەیدەر#ی پەرلەمانتاری دەرکرد و مەسعود حەیدەریش دەڵێت، زیاتر لە 40 ڕۆژە دەستی لە کارکێشاوەتەوە.[1]
$دەرەوەی کوردستان$
- ئەمڕۆ ئەنجومەنی یەکێتی ئەوروپا ڕایگەیاند سزاکانی لەسەر حکومەتی سوریاو هاوپەیمانەکانی بۆ ماوەی ساڵێکی دیکە تا 1ی حوزەیرانی 2019 درێژ کردەوەتەوە و یەکێتی ئەوروپاش جەختی لەسەر پابەندونی بە گەیشتنی چارەسەری سیاسیی هەمیشەیی بۆ قەیرانی سوریا کردۆتەوە.[2]
- پەرلەمانی عێراق لە دانیشتنێکدا بڕیارێکی پەسەندکرد کە لیژنەی یاسایی ئامادەی کردبوو و تایبەتە بە ژماردنەوەی 10%ی دەنگەکان لە سەرانسەری عێراق و هەڵوەشاندنەوەی ئەنجامی هەڵبژاردنەکانی دەرەوەی وڵات و دەنگدانی مەرجداری ئاوارەبووان لە ئەنبار و سەلاحەدین و موسڵ و دیالە.[2]

گەریلاکانی #هەپەگە#، لە چەندین ناوچەی باکوری کوردستان، لەدژی سوپای تورک چالاکییان ئەنجامدا، لەو چالاکییانەشدا 11 سەربازی تورک کوژراون و ژمارەیەکی زۆر سەربازی دیکەش برینداربوون.
ئێوارەی ئەمڕۆ، ناوەندی ڕاگەیاندن و چاپەمەنیی هێزەکانی پاراستنی گەل-هەپەگە، لەبارەی چالاکییەکانی گەریلاکانەوە، ڕاگەیەندراوێکی بڵاوکردەوە.
لە ڕاگەیەندراوەکەدا، هاتووە: هێزەکانمان لە چوارچێوەی هەنگاوی شۆڕشگێریی شەهیدان پیرۆز و ئاگری-دا، ڕۆژی 26ی ئایار، چالاکییەکیان لەدژی ژمارەیەک سەربازی تورک، کە ئەرکیان پاراستنی ڕێگای نزیک گەلیی شکێرا-ی نزیکە سەربازگەی بێزەلی-ی سەر بە شەرمزینانی جولەمێرگە، ئەنجامدا، لەو چالاکییەدا لە دوو قۆلەوە بەتووندی لە سەربازانی تورک درا، لەئەنجامدا ئەوەندەی بۆمان ڕوونکراوەتەوە، 3 سەرباز کوژراون، دوای چالاکییەکەش، ئەو گروپە سەربازەی کە بەهانای سەربازەکانەوە هاتن، بوونە ئامانجی هێزەکانمان. لە ئەنجامدا 3 سەربازی دیکە کوژران و سەربازێکیش بریندرابوو.
هەروەها، هاتووە: هاوکات هێزەکانمان چالاکییەکیان لەدژی ئەو سەربازانەی کە کار بۆ دروستکردنی ڕێگا دەکەن بۆ گردی سیڤیر لە شەمزینان ئەنجامدا، لەو چالاکییەدا ئامێرێکی هێزەکانی دوژمن تەقێندرایەوە، بەڵام ژمارەی کوژراو و بریندارەکانی دوژمن-مان بۆ ڕوون نەبوویەوە.
هەر لە ڕاگەیەندراوەکەی هەپەگەدا، هاتووە: هێزەکانمان هەر لەچوارچێوەی هەنگاوێ شۆڕشگێڕیی شەهیدان پیرۆز و ئاگری، ڕۆژی 26ی ئایار، چالاکییەکیان لەدژی سەربازانی تورک لە گردی شەهید غەفور-ی سەر بە گەڤەر-ی جولەمێرگ ئەنجامدا، لەو چالاکییەشدا بەشێوەیەکی بەهێز لە سەنگەرەکانی دوژمن درا، ئەوەنەی بۆمان ڕوونبووەتەوە لەو چالاکییەشدا سەربازێکی تورک کوژراوە.
لە بەشێکی دیکەی ڕاگەیدنراوەکەدا، ئەوەش خراوەتەڕوو: هێزەکانمان لەچوارچێوەی هەنگاوی شۆڕشگێریی شەهید دەلال ئامەد و شەهیدانی بەستا، ڕۆژی 27ی ئایار کاتژمێر 01:00ی دوانیوەڕۆ، چالاکییەکیان لەدژی سەربازانی تورک لە یەکێک لە گردەکانی نزیک چەمی کارێ-ی ناوچەی بەرواریی لە سێرت ئەنجامدا، لەو چالاکییەشدا بەشێوەیەکی بەهێز لە سەنگەرەکانی دوژمن درا، بەڵام لەبارەی کوژراو و بریندارەکانی دوژمنەوە، تا ئێستا زانیاریی ڕوونمان دەستنەکەوتووە.
هەروەها لە ڕاگەیدنراوەکەدا، هاتووە: هێزەکانمان لەچوارچێوەی هەمان هەنگاوی شۆڕشگێرییدا، ڕۆژی 26ی گوڵان چالاکییەکیان بە چەکی قەناس لەدژی سەربازانی تورک لە دەروازەی بەرانا-ی ناوچەی کاتۆمارینۆس-ی سەر بە ئەلکێ-ی شرناخ ئەنجامدا، لەو چالاکییەشدا سەربازێک کوژرا.
لەدرێژەی ڕاگەیەندراوەکەدا، هەپەگە ئاماژەی بەوەشکردووە: هێزەکانمان لەچوارچێوەی هەنگاوی شۆڕشگێریی شەهید ئوزتان و شەهید ڕۆزا لە دێرسیم، ڕۆژی 24ی ئایار لە ناوچەی گەلیی درەشۆرای گەورە لە ئەرزنجان، چالاکییەکیان لەدژی سەربازانی تورک ئەنجامدا، لەو چالاکییەشدا ژمارەیەک سەربازی تورک کوژران، کە ژمارەیان ڕووننەبووەتەوە.
لە بەردەوامیی ڕاگەیەندراوەکەدا، هاتووە: ڕۆژی 23ی ئایار، سوپای تورک لە ناوچەی ئاپێ موسا-ی سەر بە لیجەی ئامەد، ئۆپەراسیۆنێکی بەرفراوانیان دەستپێکرد، لە چەندین شارەدێ و گوند قەدەغەی هاتووچۆ ڕاگەیەندرا، هێزەکانمان لە ڕۆژی 24ی ئایار لەدژی گروپێک سەرباز لە ناوچەی ماوا چالاکییان ئەنجامدا، لەنزیکەوە لە سەنگەرەکانی دوژمن درا، لەو چالاکییەدا 3 سەرباز کوژران و 8 سەربازی دیکە بریندرابوون، دوای چالاکییەکەش هێزەکانی دوژمن بە هەلیکۆپتەری کۆبرا بۆردوومانی ناوچەکەیان کرد، ئۆپەراسیۆنەکەش ڕۆژی 26 ئایار بەبێ ئەنجام کۆتاییهات.
لە کۆتایی ڕاگەیەندراوەکەی هەپەگەدا، هاتووە: ڕۆژی 20 ی ئایار، سوپای تورک لە چەمی کارێی سەر بە ناوچەی بەرواری-ی سێرت، ئۆپەراسیۆنێکیان دەستپێکرد، لە ئۆپەراسیۆنەکەدا سەربازانی تورک کە گەڕان و پشکنینیان دەکرد، بەبێ ئەنجام کۆتاییان بە ئۆپەراسیۆنەکە هێنا.[1]
#28-05-2018#