ناڤ: ئازاد
ناسناڤ: ئازاد زال
ساڵا ژدایکبوونێ: 1972
جهێ ژدایکبوونێ: #ئامەد#
$ژیاننامە$
ئازاد زال ل ئازارا ساڵا 1972 ل گوندێ (چاووشەلیکەیا\ چاڤشەلقیا؛ ناڤێ کەڤن گولەمیران)یا سەرب دەڤەرا سوور یا ئامەد ژدایکبوویە.
لبەر دەستی بابێ خوە پەروەردەیا کوردی و عەرەبی خوەندییە. ل ناڤبەرا ساڵێن (1979 بۆ 1984)ز قوتابخانەیا سەرەتایی ب زمانێ تورکی خوەندییە، لبەر کو ماموستایێ وی کوردبوو، زر کاریگەرییا چاندی یا تورکی لسەر نەبوو، بو ماوێ پێنج ساڵان ل قوتابخانێ بێی ناسنامە بوویە لبەر کوو ناسنامە نەبوو، ژبوی تمام کرنا قویناغێن دن ئێن خوەندنێ پێدڤی ب ناسنامە هەبوویە، لبەر کوو ناسنامە نەبووە بو ماوێ سێ ساڵان ل خوەندنێ پاش کەت هەیا کوو ناسنامە دەرھینا و ناڤێ وی هات گوهارتن ژبو محەمەد و دەست ب خوەندنێ کرەڤە.
قویناغا ناڤەندی و دوماهیکێ ل ئامەد دخوینیت، ل مەها تشرینا یەکەم یا ساڵا 1992 ل بەر ئەگەرێن ڕامیاری هات دەستەسەر کرن. لسەر پرسێن سیاسی، دۆسیە لسەر هات ڤەکرن و بو ماوێ 22 ساڵ و شەش مەهان سزایا زیندانیێ بسەردا هات سەپاندن، ل گرتیگەهێن ئامەد، ئەنتاب، گیرەسوونێ و ل زیندانا تیپا فەیێ یا سینجانا ئەنقەرەیێ، بو ماوێ 12 ساڵان ل زیندانێ دە دمینیت.
ل مەها ئەیلوولا ساڵا 2002 ل زیندانێ ئازاد دبیت، ل ڕوژنامەیا ئازادییا وڵات دەست ب کارێ ڕوژنامەگەریێ دکەت، ل ئازادیا وڵات ئەدیتورێ پشکا جیھان و دیپڵۆماسی بوو و کارێ وەرگێڕانێ ژی دکر. پشترە دچیتە ئەنستیتۆیا کوردی یا ئامەدێ و ل ڕێڤەبەراتیا ئەنستیتویێدە وەکە بەرپرسیارێ کاروبارێ وەشان دەستبکار دبیت.
ل دووهەمین کۆنگرەیا ئاسایی یا کۆمەڵەیا نڤیسەرێن کورد ژبو لیژنەیا ڕێڤەبەریێ خوە کاندید دکەت و وەکە ئالیکارێ سەروکێ کۆمەڵەیێ دهێتە ھەڵبژاردن.
ل ئەکادیمیایا دێرۆکا ڕوژھەڵاتا ناڤەڕاست کار دکەت و ژبلی ئەڤان کارانە ماموستایێ زمانێ کوردییە و کارێ وەرگێڕان و نڤیسین و تیپرێزییا (عەرەبی ژبوی لاتینی\ لاتینی ژبوی عەرەبی) دکەت، ڕووپەلسازییا پەرتووک و گوڤاران دکەت.
زال ژیانا خێزانی پێکئانییە و خوەدی دوو کەچ و کوڕەکی یە. [1]