ناڤێ وی کەمال عەبدولکەریم محەمەد فوئادە، ساڵا 1932 ل باژێڕێ #سلێمانی# ل ماڵباتەکە دێرین یا ئەڤی باژێڕەی کو ب بنەجهی دچنە سەر بنەمالەیا بابان، ژدایکبوویە، ل ژیێ 15 ساڵیدا ژبەر بیروباوەڕا پێشکەتنخواز پەیوەندی ب ڕێکخستنێن پارتا کۆمۆنیستا ئیراقێ کرییە.
ساڵا 1952 ب مەرەما خوەندنێ ل کۆلیجا ئەندازیاری یا سلێمانیێ، بەرەڤ بەغدا چوویە. پشتی مەهەکێ ژبەر چالاکیێن خوە دێهێتە دەستەسەر کرن و 2 ساڵان دێ یێ دەستەسەر بیت.
ساڵا 1954 ل زیندانێ ئازاد دبیت و دبیتە بەرپرسیارێ ڕێکخستنا پارێزگەها سلێمانی لقا کوردستانێ یا پارتیا کۆمۆنیستا ئیراقێ.
پشترە پارتیا کۆمۆنیستا ئیراقێ بجێ دەهینیت و دچیتە ڕیزێن #پارتی دیموکراتی کوردستان# کو وی سەردەمەی برایم ئەحمەد ڕابەرایەتییا وێ دکر.=KTML_Photo_Begin=https://www.kurdipedia.org/files/relatedfiles/2013/87172/0001.JPG=KTML_Photo_Alt=کەمال فوئاد=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2013/87172/0001.JPG=KTML_Photo_End=
پشترە بەرەڤ کوردستانێ دچیتە سووریا و لەوێرێ ژی بو ئەڵمانیایا ڕوژئاڤا دچیت. ل ئەڵمانیا خوەندنا زانینگەهێ تمام دکەت و ماستەرنامەیێ لسەر فۆنیمەیێن زمانێ کوردی ل زانینگەها هامبۆرگ وەردگریت. پشتڕە تێزەکە ئەکادیمی دەربارێ ب دەستنڤیسێن کوردی پێشکەشی زانینگەهێ دەکەت و باوەڕنامەیا دکتۆرایێ وەردگریت.
ساڵا 1971 ژبو بەغدایێ ڤەدگەڕێت و پشکا زمانێ کوردی ل کۆلێجا ئەدەبیاتا بەغدا دادمەزرینیت و ماوێ ساڵەکێ لوێرێ دبیت. پشتڕە دهێت ڤەگوهاستن ژبو زانینگەها سلێمانی و لوێرێ لقا پشکا زمانی کوردی ڤەدکەت. هەیا ساڵا 1974 ئەو بخوە سەرپەرشتییا ئەوێ بەشێ دکەت و هەر بخوە بەشەکە زور یا وانەیان پێشکەش دکەت.
ساڵا 1974 پشتی دەست پێکرنا شەڕێ دناڤبەرا کورد و حکومەتا ئیراقی واز ل وانە گوتنێ دهینیت و پەیوەندی ب شوڕەشێ دکەت، ساڵا 1975 پشتی هەرەسهینانا شوڕەشێ، ڤەدگەڕێت بو ئەڵمانیا. هەر لڤی هەیامەیدە پشتگیریا هەوڵێن #مام جەلال# دکەت کو وی دەمەی مژویلی دامەزراندنا #یەکێتیی نیشتمانیی کوردستان# دبیت و وەکە ئەندامێ دامەزرێنەر، ڕوڵەک بەرچاڤ ل دامەزراندنا یەکێتیی دا دبینیت. هەر ئەویش دبیت کو بەیاننامەیا دامەزراندنا یەکێتیی نیشتمانیی کوردستان بوسەر زمانێ ئەڵمانی وەردگێڕیت و ل ئەوی وڵاتی بەڵاڤ دکەت.
ساڵا 1977 ل ئێکەمین کۆمبوونا سەرکردایەتیا ئیکەتی ل دەڤەرا برادۆست لسەر لیستا هێڵا گشتی ژبو ئەندامێ کۆمیتەیا سەرکردایەتی دهێت هەلبژاردن.
ل کۆنگرەیا ئێکەما یەکێتیی ل ساڵا 1992 دبیتە ئەندامێ مەکتەبا سیاسی و هەر لوێ ساڵێدا دبیتە ئەندامێ پەڕلەمانێ کوردستانێ لسەر لیستا کەسک و دبیتە سەروکێ فراکسیۆنا سەوز ل #پەرلەمانێ کوردستان#ێ. ل ساڵا 1997 پشتی درووستبوونا ئیدارەیا سلێمانی دبیتە ئالیکارێ سەروک وەزیران.
ل کۆنگرەیا سێهەما یەکێتی ل ساڵا 2010 ژبەر نەساخیێ خوە بو ئەندامێ سەرکردایەتی یەکێتیی هەلنابژێریت و ڤەدگەڕێت بو ئەڵمانیا و ل ساڵا 2014 وەغەرا داویێ کرییە.
کەمال فوئاد چەندین پەرتووک دەربارێ زمانێ کوردی پشتی خوە بجێدهێڵیت.[1]