$باکووری کوردستان$
- بە ئامانجی هەڵگرتنی گۆشەگیریی سەر عەبدوڵڵا ئۆجەلان، ڕێبەری پارتی کرێکارانی کوردستان و پشتیوانییکردنی مانگرتنەکەی #لەیلا گوڤەن#، ئەمڕۆ #سەباحەت تونجەل# هاوسەرۆکی پارتی هەرێمە دیموکراتییەکان-دەبەپە و 14 ژنی دیکە لە زیندانی پیتی (ئێف)ی ژمارە 1-ی کاندیرای کۆجائەلی مانگرتن لە خورادنیان دەستپێکرد و بڕیارە 10 ڕۆژ بەردەوام بێت.[5]
$رۆژهەڵاتی کوردستان$
- حوکمی 2 ساڵ و 188 ڕۆژ زیندان بۆ 6 چالاکی کرێکاری خەڵکی شاری کامیاران بە ناوەکانی مێهرداد سەبووری، دڵنیا سەبووری، ئومید ئەحمەدی، #ئارام محەمەدی#، #شاهۆ سادقی# و ڕۆژین ئیبراهیمی لە لایەن لقی چواری دادگای پێداچوونەوەی شاری #سنە# پشتڕاست کرایەوە. دەزگای قەزایی ئەو 6 چالاکە کرێکارییەی بە تۆمەتی بەڕێوەبردن و بەشداری لە ڕێورەسمی ڕۆژی جیهانی کرێکاران تاوانبار کردووە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/156700/0004.JPG=KTML_ImageCaption_Title=حوکمی 2 ساڵ و 188 ڕۆژ زیندان بۆ 6 چالاکی کرێکاری کورد پشتڕاست کرایەوە=KTML_ImageCaption_CaptionStyle=000000=KTML_ImageCaption_Caption=حوکمی 2 ساڵ و 188 ڕۆژ زیندان بۆ 6 چالاکی کرێکاری کورد پشتڕاست کرایەوە=KTML_ImageCaption_End=
$باشووری کوردستان$
- #کەمال موفتی# وەزیری پێشووتری ناوخۆی حکومەتی هەرێمی کوردستان و یەکێک لەفەرماندە سەربازییەکان لەهەرێمی کوردستان بەهۆی نەخۆشییەوە لەشاری پزیشکی فاروق کۆچی دوایکرد.[4]
- شەوی ڕابردوو بەهۆی بارانبارینی بەلێزمەوە لە ناوچەی مسێریک لە شارۆچکەی سێمێلی پارێزگای #دهۆک# ئاوی باران لە کۆلانەکان بەزبووەتەوه و بەهۆیەوە 21 ماڵ ژێر ئاو کەوتن و خاوەن ماڵەکانیش بەناچاری خانووەکانیان بەجێهێشتووە.[1]
- بەیانیی ئەمڕۆ #تەڤگەری ئازادیی کۆمەڵگەی کوردستان# لە هۆڵی لوبنان-ی شاری #کەرکووک# بەبەشداریی 150 ئەندامی شاری کەرکووک و دەوروبەری دەستی بە کۆنفڕانسی هەرێمی کەرکووک کرد و تا ئێوارە بەردەوام دەبێت. لە کۆنفرانسەکەدا هەر یەک لە ڕێحان حەمادی و کۆمەڵ سەرمەند وەک هاوسەرۆکانی نوێی ئەنجوومەنی کەرکووک هەڵبژێردران.[2]
- یەکێتیی نیشتیمانیی کوردستان ڕەتیدەکاتەوە کە پارتی کرێکارانی کوردستان (#پەکەکە#) هەڵیان کوتابێتە سەر بارەگایەکیان لە شارەدێی سنونێ لەسنوری شارۆچکەی #شنگال# و ئاڵاکەیان داگرتبێتن وەک ئەوەی بەشێک لە میدیا عێراقییەکان بڵاویان کردووه و بەرپرسی مەڵبەندی یەکێتێش له و سنورە دەڵێت ئەوەی ڕویدا ئەوە بووە چەند گەنجێک هاتونەتە لامان و داواکارییەکیان لەرێگەی ئێمەوە بەرز کردووەتەوە.[1]
- شەشەمین گروپی نوێنەرایەتی #هەدەپە# کە لە 13 ئافرەت و دوو پیاو پێکدێن، لە باشوری کوردستان مانگرتنیان دەستپێکرد و ڕایدەگەیەنن: تا گۆشەگیری سەر #عەبدوڵڵا ئۆجەلان#، ڕێبەری پارتی کرێکارانی کوردستان بەردەوام بێت، مانگرتنی ئەوانیش بەردەوام دەبێت.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/156700/0010.JPG=KTML_ImageCaption_Title=حەسەن حوسێن مزوری=KTML_ImageCaption_CaptionStyle=000000=KTML_ImageCaption_Caption=حەسەن حوسێن مزوری=KTML_ImageCaption_End=
- فەرمانگەی کەشناسی هەورامان لە ئاگادارییەکی بە پەلەدا هۆشداری دەداتە شۆفێران و ئەو گوندنشینانەی نزیکن لە چەم و دۆڵەکان بەهۆی ئەگەری دروستبوونی لافاو و تەمومژی چڕ لە سەرلەئێوارەی ئەمڕۆوە تا بەرەبەیانی ڕۆژی یەکشەممە.[1]
- ئەمڕۆ شانێکی شارەکانی #سلێمانی# و #هەڵەبجە# و #گەرمیان# و دهۆک لە دەروازەی سیمالکا لەلایەن ئاساییشەوە ڕێگریان لێکرا بچەن ڕۆژئاوای کوردستان.[5]
- لە سنووری شارەدێی #سەنگاو#، ئۆتۆمبێلێک کە چەند گەنجێکی تێدابووە لە بازگەیەکی پۆلیسی دارستان نەوەستاوە، دواتر شەڕەتەقە دروستبووە و، بەهۆیەوە هاونیشتمانییەک کوژرا و دووانی دیکەش برینداربوون.[6]
- لە بەرزاییەکانی زورگەزراو لە میحوەری #مەخموور# ئەمشەو بەهۆی هەورەبروسکە #پێشمەرگە#یەک لە فەرماندەی بارزان گیانی لەدەستدا. ئەو پێشمەرگەیە ناوی حەسەن حوسێن مزوریە و دانیشتوی شارۆچکەی #سۆران#ە و سێ منداڵی لە دوای خۆی جێهیشتووە.[1]
- بەهۆی بارانبارینی بەخوڕ لە چەند گەڕەکێکی شاری #هەولێر#، ئەمشەو ئاو چووە چەندین ماڵ و زیانی ماڵی زۆر بەر ماڵەکان کەوتووە.[1]
$رۆژئاوای کوردستان$
- لە هەرێمی جزیر بەهۆی بارانی بارینی زۆرەوە لە زۆر شوێن لافاو ڕوویدا.[2]
$دەرەوەی کوردستان$
- هەزاران کەس لە بەرلین دژی 25هەمین ساڵیادی قەدەغەی ئەڵمانیا لە دژی پەکەکە ڕژانە سەر شەقامەکان و هەموو قەدەغەکارییەکانی ئەڵمانیایان تێکشکاند. دروشمی بژی سەرۆک ئاپۆیان وتەوە و وێنەکانی ئۆجالان و ئاڵاکانی پەکەکە و #یەپەگە# و #یەپەژە#یان بەرزکردەوە.[2]
- سایتی دەزگای هەواڵگری ئەمریکا CIA لەپاڵ بەکارهێنانی 9 زمانی جیهانی زمانی کوردیش دەخاتە لیستی بەکارهێنانەکانیەوە.[4]
- عادل مەلا ساڵح کە بەڕێوەبەری شارەدێی بەمۆیە و دانیتشووی گەرمیانه، لە کۆنگرەی باڵیۆزانی ئاشتی لە وڵاتی میسر وەک باڵیۆزی ئاشتی ڕێکخراوی (نێودەوڵەتی عەرەبی بۆ دادوەری و چارەسەرکردنی ململانێکان) دیاریدەکرێت.[1]