ساڵی 1998 دامەزراوە و تاوەکوو ساڵی 2008 خاوەنی نزیکەی 500 زنجیرەی پەرتووکەو حەوت گۆڤاری هەمەجۆر دەردەکات، ئەوانیش گۆڤاری زانستی سەردەم، کە گۆڤارێکی وەرزیە تایبەتە بەزانستەکان 33 ژمارەی لێدەرچووە و گۆڤاری سەردەمی کوردی کەتایبەتە بەبواری فەلسەفەو 54 ژمارەی لێدەرچووە و 2 مانگ جارێک دەردەچێت و گۆڤاری سەردەمی عەرەبی کە بە زمانی عەرەبی دەردەچێت و زیاتر گرنگی دەدات بەمێژووی کورد دەدات و 20 ژمارەی لێدەرچووە سەرەڕای گۆڤاری منداڵی سەردەم کە گۆڤارێکی مانگانەی منداڵانەو 11 ژمارەی لێدەرچووە، گۆڤاری ڕۆڤار کە هەر 2 مانگ جارێک تایبەت دەبێت بەژیانی کەسایەتییەکی ناسراوی کورد، هەروەها پەرتووکی گیرفانیش یەکێکە لە پەرتووکە مانگانەکەی دەزگاکە کە هەمەجۆرە و 54 ژمارەی لێدەرچووە.
ئێستا ئەم دەزگایە ئەنجوومەنێک بەڕێوەی دەبات کە دەسەڵاتی باڵایە لە دەزگاکەدا و لە سەرۆکی ئەنجوومەن و چەند ئەندامێک پێکهاتووە کە ئەم ئەدیب و نووسەرانەن:
ڕەئوف بێگەرد سەرۆکی دەزگا و بەڕێوەبەری ئەنجوومەن
ئازاد بەرزنجی جێگری سەرۆک
هەڵکەوت عەبدوڵڵا -ئەندام
هیوا قادر -ئەندام
دانا ئەحمەد -ئەندام
سۆزان جەمال -ئەندام
دەزگای چاپ و پەخشی سەردەم لە مادەی سێی پەیڕەوی ناوخۆیدا جەخت لەسەر ئەم ئامانجانە دەکاتەوە:
1. دامەزراندنی چاپخانە و دابینکردنی پێویستییەکانی و بەگەڕخستنی لەلایەن خۆیەوە یان بەڕێکەوتن لەگەڵ لایەنی تردا.
2. دەرکردنی گۆڤار و ڕۆژنامە و بڵاوکراوە بە زمانی کوردی و بە زمانی تر.
3. لە چاپدان و بڵاوکردنەوەی گۆڤار و ڕۆژنامە و بڵاوکراوە و پەرتووکی لایەن و خەڵکانی تر.
4. دابینکردنی پێویستییەکانی گۆڤار و ڕۆژنامە و بڵاوکراوە و پەرتووک.
5. هاندانی بزووتنەوەی ڕووناکبیری لە ڕێی کەناڵی جیاجیاوە.
6. هەر چالاکییەکی تر کە خزمەت بە بزووتنەوەی ڕووناکبیری کوردی بکات. [1]