$باکووری کوردستان$
- یەکەی شارەوای سوپای تورکیای داگیرکەر لە دەورووبەری گوندی خرابە باڤا لە پارێزگای مێردین دەستیان بە ئەنجامدانی ئۆپراسیۆنی سەربازی کردووە. ئۆپراسیۆنەکە سنووری پالەتی لەو ناوچەیە گرتووەتەوە و جموجوڵی سەربازیش لە ناوچەکە زیادیکردووە.[2]
$رۆژهەڵاتی کوردستان$
- #کۆڵبەر#ێکی کورد بە ناوی زەکەریا بەکری کوڕی عەلی خەڵکی گوندی هەلەج سەر بە ناوچەی مەڕگەوەری شاری #ورمێ# بە تەقەی ڕاستەوخۆی ‌هێزە نیزامییەکانی حکوومەتی گیانی لە دەست دا.[3]
- دادگای ئینقلابی شاری #سنە#، لەگەڵ ئازادکردنی #سەحەر کازمی#، ژنە چالاکی مەدەنیی بە دانانی بارمتە دژایەتی کرد و ناوبراو هەروەها لە گرتووخانەدا چارەنووسی ناڕوونە.[3]=KTML_Photo_Begin=https://www.kurdipedia.org/files/relatedfiles/2018/152819/0007.JPG=KTML_Photo_Alt=بانگهێشت کردنی مامۆستایانی قوتابخانەکانی سەقز بۆ ئیدارەی ئەماکن=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152819/0007.JPG=KTML_Photo_End=
- لە ماوەی ڕۆژانی ڕابردوودا، سوپای پاسداران دەستی بە بردنی خاکی بەپیتی گوندی چەپەرئاوێی شاری #شنۆ# کردووە. سەرچاوەیەکی ئاگادار لەو بارەوە بە ئاژانسی کوردپا ڕایگەیاند: سپای پاسداران بە شێوەی نایاسایی دەستی بە بردنی خاکی بەپیتی ئەو گوندە کردووە و دەیفرۆشێت.[3]
- شەش کەس لە مامۆستایانی قوتابخانەکانی شاری #سەقز# بە ناوەکانی تاهیر قادرزادە، سلێمان عەبدی، سەید عەلی حوسێنی، ئەحمەد قادری، حەمید یەزدانی و خالید عەبدوڵلاهی بانگهێشتی ئیدارەی ئەماکن کران و لێپرسینەوەیان لەگەڵ کرا.[3]
$باشووری کوردستان$
- کۆمسیۆنی باڵای هەڵبژارنەکان و ڕاپرسی هەرێم لە کۆنگرەیەکی ڕۆژنامەوانیدا ئەنجامی کۆتایی هەڵبژاردنەکانی ڕاگەیاند.[1]
- ئێوارەی ئەمڕۆ بە پێشەنگایەتی کۆنگرەی نەتەوەیی کوردستان بۆ قسەوباس لە سەردۆخی کوردستان و چارەسەری کێشەی کورد بە بەشداری ژمارەیەک سیاسەتمەدار و ڕۆشنبیر لە هەرچوار پارچەی کوردستان لە ساڵۆنی هۆتیل جوتیاری #دهۆک# کۆبونەوەیەک بەڕێوە چوو.[2]

ژووری چالاکییەکانی توڕەیی زەیتون لەبارەی سزادانی ئەندامێکی میت لە جەرابلوس ڕاگەیاندراوێکی بڵاوکردەوە.
لە ڕاگەیاندراوەکەی ژووری چالاکییەکانی توڕەیی زەیتون دا هاتووە، سیخوڕێکی چەتەی میتی تورکیا بە ناوی موهەنەد زیر، کە لە شاری تەل ڕەفعەت سیخوڕیی کردووە، کوژراوە.
ئاماژە بەوەشکراوە، ئەو چەتە سیخوڕەی میت لە ڕۆژی 15ی تشرینی یەکەمی 2018 لە هەرێمی جەرابلوس لەلایەن #شەڕڤان#ەکانیان دەستگیرکراوە و دواتر سزای تاوانەکانی داوە.
ئەوەش خراوەتەڕوو، ئەو چەتە سیخوڕە کوژراوە لەبەر ئەوە لەلایەن میتەوە ڕاهێنانی پێکرابوو، هەوڵی دابوو سیخوڕیی دوو لایەنە بکات.
لە کۆتایی ڕاگەیاندراوەکەی ژووری توڕەیی زەیتوندا هۆشداری بە هەموو سیخوڕەکان دراوە و ڕاگەیاندراوە، ئەوەی کاری سیخوڕی بکات بەبێ سزادان دەرباز نابێت.[1]
#20-10-2018#

ناوەندی ڕاگەیاندنی هێزەکانی سووریای دیموکراتیک (قەسەدە) ڕاگەیەنراوێکی بڵاوکردەوە و ئاماری شەڕی 24 کاتژمێری ڕابردووی دواهەمین قۆناغی هەڵمەتی گەردەلوولی جزیری ئاشکرا کرد کە لە چوارچێوەی (شەڕی نەهێشتنی تێرۆر) لە سنووری دێرەزۆری سووریا بەڕێوەدەچێت. قەسەدە ڕایگەیاند، لە ماوەی 24 کاتژمێردا 31 چەتەی #داعش# کوژراون.
هەروەها قەسەدە ڕایگەیاند کە لەو شەڕانەدە 3 #شەڕڤان#ی قەسەدە بریندار بوون.
بەرەی باخۆز
تیرۆریستانی داعش بە چەکی قورس و ئۆتۆمبێلی بۆمڕێژکراوهێرشیان کردە سەرخاڵەکانی شەڕڤانانی قەسەدە. شەڕڤانان هێرشەکەیان تێکشکاند. تیرۆریستان بە3 ئۆتۆمبێلی بۆمڕێژکراو هێرشیان کردەسەرخاڵی شەڕڤانان. شەڕڤانان هێرشەکەیان تێکشکاند و ئۆتۆمبێلەکانیان تەقاندەوە. لەئەنجامی ئەو تەقینەوەیەدا 3 شەڕڤانی قەسەدە برینداربوون.
لە ئەنجامی شەڕلە نیوان شەڕڤانانی قەسەدە و تیرۆریستانی داعش 8 تیرۆریست کوژران.هاوکات شەڕڤانانی قەسەدە بە شێوازێکی تاکتیکی لەوشوێنە کشانەوە و چەتەکانی داعش لەشوێنەکەیان جێگیر بوون کە لەلایەن فڕۆکەکانی هاوپەیمانانەوە کرانە ئامانج و ژمارەیەکی بەرچاولە چەتەکان کوژران.
بەرەی هەجین
لە نێوان شەڕڤانان و تیرۆریستانی داعش کە لە نێو تونێلەکاندا خۆیان حەشاردابوو شەڕهاتە ئاراوە. 2 تیرۆریستی داعش هەوڵیان دا کە لە نیو شەڕڤاناندا خۆیان بتەقێننەوە کە هەوڵەکەیان بی ئاکام مایەوە.[1]
#20-10-2018#

لە ڕاگەیەنراوەکەی #هەپەگە#دا هاتووە، لەچوارجیوەی هەڵمەتی شۆڕشگێڕی شەهید پیرۆزوشەهید ئاگریدا هێزەکانمان لەدژی سوپای داگیرکەری تورکیا چالاکییان ئەنجامداوە.
ناوەندی ڕاگەیاندنی هێزەکانی پاراستنی گەل- هەپەگە دەربارەی چالاکی گەریلاکانی لە گردی لێلیکان-ی باشووری کوردستان، چالاکی لە چەلێ-ی ناوچەی جوودی سەربە شڕناخ ڕاگەیەنراوێکی بڵاوکردەوە. هەپەگە دەربارەی ئۆپەراسیۆنی سوپای تورکیا لە مێردین وهێرشە ئاسمانییەکانی بۆسەرهەرێمەکانی پاراستنی مەدیا وردەکاری بڵاوکردەوە.
'لە#سیدەکان# چالاکی'
لە ڕێکەوتی 20ی تەشرینی یەکەم لە کاتژمێر 08:30 خولەکدا هێزەکانمان لە دژی سوپای داگیرکەری تورکیا لە گردی لێلیکان-ی سیدەکان-ی سەربە باشووری کوردستان چالاکییان ئەنجامدا. ژمارەی کوژراو بریندارانی دوژمن نەزانراوە.
' لەچەلی سەنگەرەکانی دوژمن تێکشکا، 3 سەرباز کوژران'
لە هەمان ڕۆژدا لە کاتژمێر 8ی بەیانی هێزەکانمان لەدژی سووپای تورکیا لە ناوچەی چەلێ-ی جولەمێرگ چالاکییان ئەنجامدا. لەوچالاکییەدا سەنگەر وحەشارگەکانی دوژمن کرانە ئامانج و سەنگەرێک بەتەواوی تێکشکا. لەو چالاکییەدا 3 سەربازی سوپای تورکیا کوژران.
' لەجوودی سەربازێک کوژرا'
لە ڕێکەوتی 16ی تەشرینی یەکەم سوپای تورکیا لە شەفێنێ، دەری جەبرائیل، دەری جەلمێرو کەری سوربەتنێ-ی چیای جوودی ئۆپەراسیۆنێکی دەستپێکرد. لە چوارچێوەی هەلمەتی شۆڕشگێڕی شەهید دەلال #ئامەد# و شەهیدانی بەستایە لە ڕێکەوتی 19ی تەشرینی یەکەم لەکاتژمێر 16:30 جولەکدا مۆڵگەکانی دوژمن کرانە ئامانج. لەوچالاکییەدا سەربازێکی سوپای تورکیا کوژرا. سوپای تورکیا بە بێ ئەنجام کۆتایی بە ئۆپەراسیۆنەکەی خۆی هێنا.
' ئۆپەراسیۆن لە مێردین'
سوپای داگیرکەری تورکیا بە هاوکاری هیزەشاراوەکانی خۆی لە ڕێکەوتی 19ی تەشرینی یەکەم لە ناوچەی خەرابی باڤا و تالاتێ-ی نسێبین-ی مێردین ئۆپەراسیۆنێکی سەربازی دەستپێکرد. ئۆپەراسیۆن بەردەوامە.
'هێرشی ئاسمانی'
لە ڕێکەوتی 18ی تەشرینی یەکەم لە کاتژمێر 09:40 خولەکدا فڕۆکە جەنگیەکانی سوپای تورکیا گوندی ئارەس فارەس-ی ناوچەی ئاڤاشین-ی سەربەهەرێمەکانی پاراستنی مەدیای بۆردومان کرد.
لە 19ی تەشرینی یەکەمدا لە کاتژمێر 04:45 خولەکدا فڕۆکە جەنگیەکانی سوپای تورکیا ناوجەی عادەبەگ-ی ئاڤاشین-ی بۆردومان کرد. هەپەگە ڕایگەیاند کە لە ئەنجامی ئەوبۆردومانانەدا هیچ زیانیک بەرگەریلاکانمان نەکەوتووە.[1]
#20-10-2018#

ناوەندی ڕاگەیاندنی هێزەکانی پاراستنی گەل-#هەپەگە# دەربارەی ئۆپەراسیۆنی هێزەکانی سوپای تورکیا بۆسەر گوندەکانی لیجە-ی #ئامەد# و شەڕلەنێوان گەریلا وسوپای تورکیا ڕاگەیەنراوێکی بڵاوکردەوە:
ڕۆژی 26ی ئەیلوول سوپای تورکیای داگیرکەرلە دۆڵی ئاپی موسا-ی ناوچەی لیجە وهەنێ-ی ئامەد ئۆپەراسیۆنێکی سەربازی دەست پێکردووە.لە ئۆپەراسیۆنە کە یەکە شاراوەکانی سوپای تورکیا لە کێڵگەکاندا جێگیر ببوون، ڕۆژی 2ی تەشرینی یەکەم لەنێوان کاتژمێرەکانی 01:30 خولەکی بەرەبەیانیدا بە هەلیکۆپتەرناوچەکەیان بەچری بۆردومان کرد. دوای بۆردمانەکە سوپای تورکیا لە ڕێگەی هەلیکۆپتەرەوە هیزەکانی خۆی لەوناوچە دابەزاند و لە ئەنجامدا لە نیوان گەریلاکانمان وسوپای تورکیا شەڕێکی سەخت هاتە ئاراوە. لەوشەڕەدا هەڤالیکی ئێمە کە لەدژی سوپای داگیرکەری تورکیا هەتاکۆتایی بەقارەمانی شەڕی کرد شەهید بوو.
ناسنامەی هەڤاڵە شەهیدەکانمان وەهایە:
ناسناو: دەلیل فەرای
ناو و ناسناو: بەدران ڕامپا
شوێنی لەدایکبوون: ڕەحا
ناوی دایک و باوک: خەجی- ڕەمەزان
شوێن و کاتی شەهیدبوون: ئامەد/2ی تەشرینی یەکەمی 2018
لەبەردەوامی ڕاگەیەنراوەکەی هەپەگەدا هاتووە: لە 5ی تەشرینی یەکەم لە کاتژمێر 15:30 خولەکدا هێزەکانمان دۆڵی ئاپی موسایان بۆ ماوەیەکی درێژخستە ژێرکۆنتڕۆڵی خۆیان و ئۆتۆمبیلێکی دەزگەی هەواڵگری میتی تورکیایان کرد ئامانج. گورزی سەخت لەو ئۆتۆمبیلە درا و لە ئەنجامدا فەرماندەیەکی سوپای تورکیا و 3 ئەندامی میت کوژران. دوای ئەو چالاکییە سوپای داگیرکەری تورکیا لە ڕێگەی هەلیکۆپتەری جۆری کوبرا ناوچەکەیان بۆدومان کرد و دواتر کوژراوەکانی خۆیان لە ناوچەکە گواستەوە.
دوای ئەو چالاکییە بە بڕیاری والی ئامەد و فەرماندەی یەکەی 7ی سوپای تورکیا لە سەر 65 گوندی لیجە بڕیاری قەدەغەی هاتووچۆ ڕاگەیەنرا. ئۆپەراسیۆنەکە بە ژمارەیەکی زۆر لە سەربازانی سوپای تورکیا، جەردەوان و ئەندامی دەزگەی هەواڵگری تورکیا (میت) بەردەوام بوو.
دواترسوپای تورکیا لە بەشێک لە ناوچەکە کشایەوە بەڵام بە کەڵک وەرگرتن لە هێزە شاراوەکانی دەستیان کرد بە دانانی بۆسە.
لە ڕێکەوتی 15ی تەشرینی یەکەم سوپای داگیرکەری تورکیا هەڵیکوتایە سەرگوندەکانی کەلی، بەریاس، جومالەش، مەهمێ، شەلێ، جاهێت، دەرکام، ئیلنەهێر، هەگاسور و لابۆڤاتێ-ی لیجە وهەنێ و دەستیان کرد بە ئازار وئەشکەنجەدانی هاووڵاتیان. هەروەها ڕاگەیەنراوە کە ژمارەیەکی زۆر لە هاووڵاتیان لەلایەن سوپای تورکیاوە دەستگیرکراون..[1]
#20-10-2018#

ئەمڕۆ، 20/10/2018، جڤاتی نیشتیمانی بزوتنەوەی گۆڕان کۆبونەوەی ئاسایی خۆی ئەنجامدا. لە کۆبونەوەکەدا چەند تەوەرێکی گرنگ تاوتوێ کران و بڕیاریان لەبارەوە درا.
کوردستان و عێراق و ناوچەکە بە بارودۆخێکی هەستیاردا تێدەپەڕێت و گەلەکەمان لە بەردەم ئاڵنگاری گەورەدایە. جڤاتی نیشتیمانی لە سۆنگەی پەرۆشی بۆ پاراستنی دەستکەوتەکانی خەڵکی کوردستان و چارەسەرکردنی سەرجەم ئەو کێشەو قەیرانانەی ڕوبەڕوی هاوڵاتیان بوەتەوە تاوتوێی بارودۆخی ئێستاو داهاتوی کرد.
هەڵبژاردنەکانی پەرلەمانی کوردستان و دەرهاویشتەکانی یەکێک بو لە تەوەرە سەرەکییەکانی کۆبونەوەکە. هەروەها هەڵسەنگاندن و پێداچونەوە بە کارەکانی بزوتنەوەی گۆڕان تەوەرێکی دیکەی کۆبونەوەکە بو.
هاوڵاتیانی کوردستان...
ئەنجامە بەراییەکانی هەڵبژاردنی پەرلەمانی کوردستان و ڕێژەی کەمی بەشداریکردنی دەنگدەران، بەڵگەی حاشاهەڵنەگرن لە نیگەرانی خەڵکی کوردستان لە دەسەڵاتدارانی هەرێمی کوردستان و حوکمڕانیان و ئەو بارودۆخە ناهەموارەی بەرۆکی هاوڵاتیانی گرتوە. هەروەها نیشانەی نائومێدی دەنگدەرانە بە پرۆسەی هەڵبژاردن. هەمو ئەو ساختەکاری و پێشێلکارییانەی لە لایەن #پارتی دیموکراتی کوردستان# و #یەکێتیی نیشتمانیی کوردستان#ەوە ئەنجامدران، کاریگەری و ڕەنگدانەوەی نەرێنی لەسەر هەڵبژاردن و پرۆسەی سیاسی و ناووناوبانگی هەرێمەکەمان دروست کرد.
ئێمە لە بزوتنەوەی گۆڕان سوپاسی هاوڵاتیانی کوردستان و دەنگدەرانی بزوتنەوەی گۆڕان دەکەین کە بەشدارییان لە پرۆسەی هەڵبژاردندا کرد. سوپاس و پێزانینی زۆرمان بۆ هەڵسوڕاوانی بزوتنەوەی گۆڕان، کە شێلگیرانە کاریان بۆ سەرخستنی لیستی (148)ی بزوتنەوەی گۆڕان کرد. لە هەمان کاتدا داوای لێبوردن لە دەنگدەرانی بزوتنەوەی گۆڕان دەکەین بۆ هەر کەموکوڕی و کەمتەرخەمییەک کە لەلایەن ئێمەوە بوبێ و کاریگەری لەسەر کەمبونەوەی دەنگی بزوتنەوەی گۆڕان دروست کردبێت.
جڤاتی نیشتیمانی لە دوای ڕاگەیاندنی ئەنجامی کۆتایی هەڵبژاردنەکان هەڵوێستی فەرمی خۆی سەبارەت بە قبوڵکردنی دەرەنجامی هەڵبژاردن و بەشداریکردن یان نەکردن لە حکومەتی داهاتوی هەرێم ڕادەگەیەنێت و هەمو بژاردەیەک لە بەردەم بزوتنەوەی گۆڕاندا کراوەیە.
لە کۆتاییدا جڤاتی نیشتیمانی بڕیاریدا بە بەستنی کۆنفرانسی نیشتیمانی لە ماوەیەکی دیاریکراودا، بۆ پێداچونەوەو هەڵسەنگاندنی ئەدای دامەزراوەکانی بزوتنەوەی گۆڕان و دەستورو دانانی نەخشەی داهاتوی بزوتنەوەی گۆڕان و ئەنجامدانی هەڵبژاردنی ناوخۆیی لە سەرجەم ئۆرگانەکانی بزوتنەوەی گۆڕاندا.
بزوتنەوەی گۆڕان
#20-10-2018#