[1]

نەورۆز، جەژنى نەتەوەیى و سەرى ساڵى تازەى کوردى، بە گەرمى لە خێزان و کەسوکارى سەربەرزى شەهیدان، لە هەر کوردێک و هەموو پێکهاتەکانى گەلى کوردستان لە هەرکوێ بن‌، پیرۆز دەکەم. هیواى ساڵێکى تازەى پڕ لە خۆشى و تەندروستیى باش، ئارامى و ئاسوودەیى و سەرکەوتن بۆ هەمووان دەخوازم.
ئەمڕۆ کە بە دۆخێکى هەستیاردا تێدەپەڕین، داوا لە لایەنە سیاسییەکانى کوردستان دەکەم، بە گیانى بەرپرسیاریەتیى نیشتمانى و بە لێکگەیشتن، ناکۆکییەکان چارەسەر بکەن تا بتوانین پێکەوە ڕووبەڕووى هەڕەشە و ئاڵنگارییەکان ببینەوە و فیدراڵى و قەوارەى سیاسى و ماف و دەسکەوتە دەستوورییەکانمان بپارێزین. هەمووان لە هەمان کەشتیداین و ئەگەر هاوهەڵوێست و یەکڕیز باین، دۆخەکە بە ئەمڕۆ نەدەگەیشت.

گەلى کوردستان هەرگیز واز لە ئازادى و مافەکانى ناهێنێت. مێژوو سەلماندوویەتى تا نکۆڵى لە کورد و کوردستان بکرێت و مافەکانى پێشێل بکرێت، عێراق خۆشى و سەقامگیرى بەخۆیەوە نابینێت. با هەموومان لە عێراق لە هەڵەکانمانەوە فێر ببین. جێبەجێنەکردنى دەستوور و فیدراڵى و ڕێککەوتنە سیاسییەکان، دەستیدەستیکردن بە شایستەکان و هەوڵى بچووککردنەوەى هەرێمى کوردستان و پێشێلکردنى مافە دەستوورییەکانى، جگە لە زیان هیچ سوودێکى بۆ عێراق نابێت.
لەم جەژنە پیرۆزەدا جەخت لە بڕوا و سیاسەتى نەگۆڕمان دەکەینەوە کە هەرێمى کوردستان وەک هەمیشە لە ناوچەکە فاکتەرى ئارامى و سەقامگیرى دەبێت. خوازیارى پەیوەندیى باش و دۆستانە و دراوسێیەتیى باشە لەسەر بنەماى ڕێز و بەرژەوەندیى هاوبەش. هەر لەم بۆنەیەدا پیرۆزبایى له و گەلانەش دەکەین کە جەژنى نەورۆز دەگێڕن و ئەم یادە دەکەنەوە.
سوپاسى تێگەیشتن و گیانى بەرپرسیاریەتى و خۆڕاگریى فەرمانبەران و خەڵکى کوردستان دەکەم. لە نزیکەوە ئاگادارى بارى ژیان و گوزەرانیانین. چارەسەرکردنى ئەم دۆخە، کارى لەپێشینەى هەموومان لە هەموو دامەزراوەکانى هەرێمى کوردستانە. دڵنیایان دەکەمەوە کە ئەم سەختیانەش تێدەپەڕن و دەبنە ڕابردوو. بە ئومێدەوە بەره و ژیان و داهاتوویەکى باشتر هەنگاو دەنێین و کوردستان بۆ هەمیشە وڵاتى پێکەوەژیان و لێبوردەیى و فرەیى دەمێنێتەوە.
نەورۆز و سەرى ساڵى تازەتان پیرۆز.
هەموو ساڵێک بە خۆشى. [1]

#نێچیرڤان بارزانی#
سەرۆکى هەرێمى کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی #حکومەتی هەرێمی کوردستان# لە کەرنەڤاڵی نەورۆز لە #ئاکرێ# وتارێکی پێشکەش کرد و رایگەیاند: هیچ ساڵێک لە هیچ شوێنێک وەک ئاکرێ یادی جەژنی نەورۆز نەکراوەتەوە و و دەمانەوێت ئاکرێ ببێتە بنکەی یادکردنەوەی جەژنی نەورۆز.
هەروەها سەرۆکوەزیران #مەسرور بارزانی# سەرەخۆشی لە کەسوکاری ئەو کەسانەی لە لافاوەکەی #دهۆک# و #زاخۆ# گیانیان لەدەستدا و ئاماژەی بەوەشکرد، هەموو هەوڵی خۆمان دەدەین بۆ قەرەبووکردنەوە و کەمکردنەوەی ئازاری ئەوانەی بەهۆی لافاوەکەوە زیانیان پێگەیشتووە.
هاوکات سەرۆکوەزیران مەسرور بارزانی سوپاسی خۆڕاگری خەڵکی هەرێمی کوردستان دەکەم کە بەهۆی کێشەی مووچەوە و گوتی: هەرچەندە کێشەی ئێمە تەنیا مووچە نییە و دڵنیاییش دەدەم لەگەڵ سەرۆکوەزیرانی فیدراڵ لەسەر هێلم و لە چەند رۆژی داهاتوودا ئەو کێشەیە بە تەواوی چارەسەربکرێت و چیتر نەبێتە گرفت.
سەرۆکی حکومەتی هەرێمی کوردستان ئاماژەی بەوەکرد: نەورۆز رۆژێکی مێژوویی و نەتەوەییە و لەم رۆژەدا پەیمان دەدەینە خوای خۆمان و بەڵێن دەدەینە خوێنی شەهیدان کە بەرگری لە ماف و ئازادی و دەستەکەوتەکانی خۆمان و کیانی کوردستان بکەین و رووبەڕووی ستەم و بێ دادی و گەندەڵی و نادادی دەبینەوە. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە بۆنەی هاتنی جەژنی نەورۆز و سەری ساڵی نوێی کوردی 2724 ، گەرمترین پیرۆزبایی ئاراستەی سەرجەم کوردستانییان، بەتایبەتی پێشمەرگە قارەمانەکان و هێزەکانی ئاسایشی ناوخۆ و کەس و کار و بنەماڵەی سەربەرزی شەهیدان و ئەنفالکراوان دەکەم و هیوای شادی و کامەرانیان بۆ دەخوازم.
نەورۆز بۆ خەڵکی کوردستان، هەمیشە هێمای سەرکەوتن و ئازادی و وەستانەوە بووە بەڕووی ستەمکار و زۆرداران و دەستپێکی ژیان و سەردەمێکی نوێیە.
ڕێز و پێزانینی زۆرم بۆ خەڵکی خۆڕاگری هەرێمی کوردستان هەیە، کە بەداخەوە بوونەتە قوربانیی گەمەی سیاسی هەندێک کەس و لایەن کە بۆ بەرژەوەندی خۆیان، بازرگانی بە مافە دەستووری و شایستە داراییەکانی خەڵکی کوردستانەوە دەکەن، بەڵام دڵنیاین دواجار خواست و ئیرادەی خەڵکی کوردستان لە پێناو ژیانێکی ئازاد و سەربەرزانە هەر سەردەکەوێت. هیوادارم ساڵی نوێ، ساڵی کۆتاییهاتنی هەموو ناخۆشی و ستەم وبێدادییەک بێت کە بەرامبەر گەلی کوردستان دەکرێت. [1]
نەورۆزتان پیرۆز بێت و هەمیشە لە خۆشی و شادیدا بژین.

#مەسرور بارزانی#
سەرۆکی #حکومەتی هەرێمی کوردستان#
#20-03-25024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#مەسعود بارزانی#، پەیامێکی بە بۆنەی جەژنی نەورۆز و سەری ساڵی نوێی کوردی بڵاو کردەوە و ڕایدەگەیەنێت: پیرۆزبایی لە خەڵکی خۆشەویستی کوردستان و کوردستانیانی دەرەوەی وڵات دەکەم.
ئەمڕۆ چوارشەممە #20-03-2024#، سەرۆک بارزانی، پەیامێکی بە بۆنەی جەژنی نەورۆز و سەری ساڵی نوێی کوردی لە تۆڕی کۆمەڵایەتیی (ئێکس) بڵاو کردەوە و ڕایگەیاند: بە بۆنەی جەژنی نەتەوەیی نەورۆز و سەری ساڵی 2724ی کوردییەوە، پیرۆزبایی لە خەڵکی خۆشەویستی کوردستان و کوردستانیانی دەرەوەی وڵات دەکەم. هەروەها پیرۆزبایی لە هەموو ئەو گەلانەش دەکەم کە یادی نەورۆز دەکەنەوە.
سەرۆک بارزانی هەروەها دەڵێت: هیوای خێر و خۆشی بۆ هەموو لایەک دەخوازم، نەورۆزتان پیرۆز. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=