$باکووری کوردستان$
- هێزەکانی پۆلیسی فاشیستی تورک لە شاری شرنەخ هەڵیان کوتایە سەر ماڵی چەندین هاوڵاتی و لە ئەنجامدا 4 کەسیان دەستگیر کرد.[1]
$رۆژهەڵاتی کوردستان$
- #کۆڵبەر#ێکی کورد بە ناوی ئەمین شەمس بە تەقەی هێزە نیزامییەکانی حکوومەتی ئێران لە سنووری چاڵدێران کوژرا. هێزە نیزامییەکانی حکوومەتی ئێران بەبێ ئاگادار کردنەوەی پێشوو تەقەیان لەو کۆڵبەرە کوردە لەگەڵ ژمارەیەکی دیکەی کۆڵبەران کردووە. ئەو کۆڵبەرە کوردە خێزاندار و باوکی منداڵێکە.[7]
- ڕێکخراوی هەنگاوی مافەکانی مرۆڤ لە ڕۆژهەڵاتی کوردستان ڕایگەیاند، عادل موکەڕەم، بەندکراوی سیاسی لە گرتووخانەی #ورمێ# بەیانیی ئەمڕۆ لە بەرچاوی دادوەری چاودێریی ورمێ و جێگری بەرپرسی گرتووخانەی ئەو شارە بەهۆی ئەوەی بەرپرسانی دەزگای داد داخوازییەکانیان پەسندنەکردووە، ئاگری لە جەستەی خۆی بەردا و قاچێکی سووتا. بە گوێرەی ڕێکخراوی هەنگاو، دوای ئەوە عادل موکەڕەم لە لایەن هێزەکانی گرتووخانەکەوە لە سووتان ڕزگارکرا و بەبێ ئەوەی چارەسەری پزیشکیی بۆ بکرێت، گوێزرایەوە ژووری تاکەکەسیی گرتووخانەکە.[2]
- عەلی پێشەوا قازی محەممەد، کوڕی سەرۆک کۆماری کوردستان (پێشەوا قازی) سەرۆکۆنەی سوتاندنی ئاڵای کوردستان و بارەگای لقی پارتی لە بەغدا دەکات و ڕایدەگەیەنێت، باوکم و هەزاران کوردی دیکە گیانیان فیدای ئاڵای کوردستان کردووە، تا دواهەناسە لەپێناو بەرزی و شەکاوەی ئاڵای کوردستان تێدەکۆشین.[4]
$باشووری کوردستان$
- لە ناوچەی شێخ بزێنی لە گوندی توڵکی سەر بە شارەدێی شوان، ژمارەیەک چەکدار کە گومان دەکرێت سەر بە #داعش# بن، تەقەیان لە ئۆتۆمبێلێک کردووە. بەگوێرەی زانیارییەکان، ئۆتۆمبێلەکە سێ هاووڵاتی کوردی تێدا بووە و هەرسێکیان گیانیان لەدەستداوە.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/387341/0011.JPG=KTML_ImageCaption_Title=لە شارەدێی شوان، 3 گەنجی کورد لەلایەن داعشەوە دەکوژرێن=KTML_ImageCaption_CaptionStyle=000000=KTML_ImageCaption_Caption=لە شارەدێی شوان، 3 گەنجی کورد لەلایەن داعشەوە دەکوژرێن=KTML_ImageCaption_End=
- بریکاری وەزارەتی شەهیدان و ئەنفالکراوان ڕایگەیاند، بە فەرمانی سەرۆکی حکومەتی هەرێمی کورستان خەرجکردنی مینحەی زیندانیانی سیاسی بە مەرج بەردەوام دەبێت.[2]
- وەکو کاردانەوەیەک لەبەرامبەر سووتاندنی ئاڵای کوردستان لەلایەن لایەنگرانی حەشدی شەعبی لە بەغدا، بەشی فڕۆکەوانیی سەربازی لە فڕۆکەخانەی نێودەوڵەتیی #هەولێر# نمایشێکی ئاسمانیی بە ئاڵای کوردستانەوە لە ئاسمانی هەولێر دەکات.[4]
- ئەمڕۆ لە بەردەم دادگای شاری سلێمانی، نوێنەران و بەشێک لە ئەندامانی 23 ڕێکخراوی کۆمەڵی مەدەنی دژی دەستگیرکردنی ڕۆژنامەنووسان و چالاکوانان لە لایەن پەدەکەوە گردبوونەوە و لە ڕێگەی ڕاگەیاندنەکانەوە یاداشتێکیان ئاڕاستەی لیژنەی کاروباری کۆمەڵایەتی و داکۆکی لە مافی مرۆڤ لە پەرلەمانی هەرێمی کوردستان و نێردەی نەتەوەیەکگرتووەکان بۆ هاریکاریکردنی عێراق کرد.[8]
- لە سەید سادق دەستگیرا بەسەر زیاتر لە نیو تۆن دەرمانی خاو و 200 پارچە حەب و 19 هەزار قوتو و لەزگەی و بەرواری ئامادەکراودا، کە بەنیازی فرۆشتن و ساغکردنەوەی بوون لە نێو بازاری سەیدسادقدا.[3]
- ئەنجومەنی #کەرکووک#ی تەڤگەڕی ئازادیی کۆمەڵگای کوردستان لەساڵیادی دامەزراندنیدا لە چالاکییەکی ژینگە پارێزی دەیان نەمامیان چاند.[1]
- دوای ماوەیەک لە هێرشکردنە سەر ئەو کچانەی لە پەیمانگای هونەرە جوانەکان دەخوێنن و چالاکن لە وتارێکیدا، #مەلا هەڵۆ#، مامۆستای ئایینی ئەمڕۆ لەسەر سکاڵای پەیمانگای هونەرە جوانەکانی #سلێمانی# دەستگیرکرا.[4]
- ئاسایشی سلێمانی ڕایگەیاند، ئەمڕۆ، هێزەکانیان دەستیان بەسەر 42 تۆن جگەری تورکی قەدەغەکراودا گرتوە کە بەشێوەیەکی نایاسایی هێنراوەتە هەرێمی کوردستان.[5]
$رۆژئاوای کوردستان$
- لە گوندی حەمۆی #قامیشلۆ# لە ڕێگەی ماتۆڕ سکیلێکی بۆمبڕێژکراوەوە تەقینەوەیەک ڕوویدا و لەو تەقینەوەیەدا 2 کەس بریندار بوون.[1](بڕوانە فایلی پەیوەندیدار)
$دەرەوەی کوردستان$
- #بەشیر حەداد#، جێگری سەرۆکی پەرلەمانی عێراق باسی لە هێرشکردنە سەر لقی پێنجی #پارتی دیموکراتی کوردستان# لە بەغدا کرد و ئاماژەی بەوە دا کە ئەو هێرشە لە ڕق و کینەی هەندێک لە گرووپە چەکدار و بەشێک لە سییاسییەکانی عێراقەوە سەرچاوەی گرتووە. هەروەها ئەوەی خستەڕوو کە حکومەتی عێراق توانای کۆنترۆڵکردنی گرووپە چەکدارەکانی نییە.[2]
- نێردەی تایبەتی نەتەوە یەکگرتووەکان لە عێراق- یۆنامی لە تویتێکدا نیگەرانی خۆی لە ڕووداوەکانی بەغدا و سووتانی #ئاڵای کوردستان# و هەڵکوتانە سەر بارەگای پارتی دەردەبرێت.[4]
- وەزارەتی دەرەوەی ئەمەریکا لە بەیاننامەیەکدا، بە توندی ئیدانەی هێرشی #حەشدی شەعبی# کرد، بۆ سەر بارەگای لقی پێنجی پارتی دیموکراتی کوردستان لە شاری بەغدا.[4]
- باڵیۆزخانەی بەریتانیا لە عێراق، سەرکۆنەی هێرشکردنە سەر لقی 5ی پارتی لە بەغدا دەکات و ڕایدەگەیەنێت، پێشوازی لە هەوڵەکان دەکەین بۆ سزادانی ئەنجامدەرانی هێرشەکە.[4]
- وەزیری دەرەوەی ئەمریکا هۆشداری دەداتە وڵاتان و دەڵێت، ناردنی چەک بۆ ئێران پێشێلکارییە لە بڕیاری 1929ی ئەنجوومەنی ئاسایشی #نەتەوە یەکگرتووەکان#.[2]
- وەزیری بەرگری ئیسرائیل، بینی گانتس ڕایگەیاند، وڵاتەکەی هەموو هەوڵێک دەدات بۆ ئەوەی ئێران دەستی بە چەکی نوێ و پێشکەوتوو نەگات.[4]
- لە بازاڕی ئاڵۆگۆڕای دراوی تاران بەهای تمەن بەرانبەر بە دۆلاری ئەمریکی زیاتر دابەزیوە و هەر دۆلارێکی ئەمریکی بە 31 هەزار و 950 هەزار تمەن مامەڵەی پێوە کراوە. واتە هەر سەد دۆلاری ئەمریکی بەرانبەرە بە 3 ملیۆن و 195 هەزار تمەن.[6]

دەقی ڕاگەیەندراوی هەپەگە:
هێزەکانمان لە چوارچێوەی هەنگاوی شۆڕشگێری جەنگی حەفتانیندا زنجیرە چالاکیەکیان ئەنجامدا. لەم چوارچێوەیەدا؛
15ی تشرینی یەکەم، سوپای داگیرکەری تورک لە ناوچەی بانیکێی سەر بە هەرێمی حەفتانین دەستی بە ئۆپڕاسیۆنێک کرد. هێزەکانمان بۆ ماوەیەک داگیرکەرانیان لەو ناوچەیە خستە ژێر چاودێریەوە و بە چالاکیەکی سابۆتاژ گورزێکی قوڕسیان لێدا. ژمارەی ئەو داگیرکەرانەی سزا دران، پشتڕاست نەکرایەوە. داگیرکەران لە بەرواری 17ی شرینی یەکەمدا لە ناوچەکە کشانەوە.
هێزەکانمان لە 15ی تشرینی یەکەم، کاتژمێر 07:20 خولەک لە ناوچەی کەشانی سەر بە هەرێمی حەفتانین لە دژی سەربازە داگیرکەرانی تورک کە لە گردی کۆخێی مەلا یەحیا جێگیر ببوون، چالاکیەکیان ئەنجامدا. لەو چالاکیەدا داگیرکەرێک سزا درا. داگیرکەران دوای چالاکیەکە، بە تۆپ و هاوەن و چەکی قوڕس، ناوچەکەیان تۆپباران کرد. بە هۆی تۆپبارانەکەوە لە ناوچەکە ئاگر کەوتەوە.
هێزەکانمان لە 17ی تشرینی یەکەم، کاتژمێر 07:30 خولەک لە ناوچەی منینی سەر بە هەرێمی حەفتانین لە دژی هێزی داگیرکەران کە لە گردی دووپشک جێگیر ببوون، چالاکیەکیان ئەنجامدا. دوای ئەوەی گروپێکی داگیرکەران لە ناو سەنگەرێکیاندا کۆبوونەوە، هێزەکانمان لە گەل ئەو گروپەی دوژمن، سەنگەرەکەیان بە تەواوەتی لەناو برد.
هێزەکانمان لە هەرێمی مەتینا لە دژی قەرەقۆلی کانیماسی چالاکیەکیان ئەنجامدا. لەو چالاکیەدا سەربازێک سزا درا.
دەوڵەتی داگیرکەری تورک لە 14ی تشرینی یەکەم، کاتژمێر 04:00 لە ناوچەی چەلێی جۆلەمێرگ لە گوندەکانی گزێ، زائیتە، تخوب، گوزەڕەش، سرتێ هەلوەسیس، سرتێ پیرێ و گردی شەهید عەگید دەستی بە ئۆپڕاسیۆن کرد. لە گوندی گوزەڕەش فشاریان هێنایە سەر هاوڵاتیان و ژمارەیەکیان لێ دەستگیر کردن. ئەو ئۆپڕاسیۆنە لە 15ی تشرینی یەکەمدا کۆتایی پێهات.
سوپای داگیرکەری تورک بە ڕێگەی ئاسمانی هێرشی کردە سەر هەرێمەکانی پاراستنی میدیا. زانیاری بەرفراوان لە بارەی هێرشەکانەوە بەم شێوەیەیە:
16ی تشرینی یەکەم، کاتژمێر 16:10 خولەک فڕۆکە جەنگیەکان ناوچەی شکەفتیانی گوندی مەیروکێی سەر بە هەرێمی گارەیان بوردومان کرد.
16ی تشرینی یەکەم لە کاتژمێر 09:10 خولەک فڕۆکە جەنگیەکان ناوچەی وەرخەلێی سەر بە هەرێمی ئاڤاشینیان بوردومان کرد.
17ی تشرینی یەکەم لە کاتژمێر 09:05 خولەک فڕۆکە جەنگیەکان ناوچەی گەلیی ئاڤاشینی سەر بە هەرێمی ئاڤاشینیان بوردومان کرد.
لەو بوردومانانەدا هیچ زیانێک بەر هێزەکانمان نەکەوتووە.[1]