[1]

‎بەڕێزان لە خانەوادەی سەربەرز و نیشتمانپەروەر هەڤاڵ جەزا شێخ محەمەد
‎بەداخێکی زۆرەوە هەواڵی کۆچی دوایی هەڤاڵی تێکۆشەر جەزا شێخ محەمەد، برای شەهیدی فەرماندە و قارەمان (فەرە برا) م پێگەیشت.
‎بۆ ئەم خەمە گەورەیە پرسە و هاوخەمی قووڵی خۆمان ئاڕاستەی بنەماڵە شۆڕشگێڕەکەتان دەکەم کە نموونەی باڵای خەبات و قوربانیدانن لەپێناو کوردستان.
‎لە خوای گەورە داواکارم کۆچکردوو بە بەهەشتی بەرین شاد بکات و سەبووری بە هەموولایەک ببەخشێت. [1]

‎دڵسۆزتان
‎#بافڵ تاڵەبانی#
‎سەرۆکی #یەکێتیی نیشتمانیی کوردستان#

‎بەڕێزان بنەماڵەی سەربەزری حاجی خەتابی سەید عومەر وەلی
‎بەداخێکی زۆرەوە هەواڵی کۆچی دوایی خاتوو (حاجی فاتیمە سەڕاج) دایکی مامۆستایان سەربەست کەرکووکی، عومەر خەتاب، عوسمان خەتاب، و شەهیدی قارەمان عەلی خەتابمان پێگەیشت.
‎بۆ ئەم خەمە گەورەیە پرسە و هاوخەمی قووڵی خۆمان ئاڕاستەی ئێوە و بنەماڵە تێکۆشەرەکەتان دەکەم.
‎لە خوای گەورە داواکارم کۆچکردوو بە بەهەشتی بەرین شاد بکات و سەبووری بە هەموولایەک ببەخشێت. [1]

‎دڵسۆزتان
‎#بافڵ تاڵەبانی#
‎سەرۆکی #یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

مەکتەبی سیاسیی #یەکێتیی نیشتمانیی کوردستان# پەیامێکی پیرۆزبایی ئاراستەی فراکسیۆنی یەکیتی کرد، بەبۆنەی پەسەندکردنی پێشنیازەکانی یەکێتیی لە یاسای بودجەی عیراق بۆ ساڵی 2023 و دەنگدان لەسەر پێدانی ئەولەویەت بە موچە و گوزەرانی پارێزگاکانی هەرێم.

=KTML_Bold=دەقی پەیامەکە:=KTML_End=
بەرێزان لە فراکسیۆنی یەکێتیی، نوێنەرانی ڕاستەقینەی کۆمەڵانی خەڵکی کوردستان.
بەبۆنەی پەسەندکردنی پێشنیازەکانی یەکێتیی لە یاسای بودجەی عێراق بۆ ساڵی 2023 و دەنگدان لەسەر پێدانی ئەولەویەت بە موچە و گوزەرانی پارێزگاکانی هەرێم، پیرۆزبایی گەرم و دەستخۆشیتان لێ دەکەین.
هەماهەنگی و پێداگری ئازایانەی ئێوە لە گفتوگۆکانی ئەنجومەنی نوێنەران بۆتە مایەی دڵنیایی بۆ جەماوەری #سلێمانی# و #هەڵەبجە# و #گەرمیان# و ڕاپەرین و لە بەرژەوەندی تەواوی کوردستانیشە کە چیتر غەدر لە سلێمانی و هیچ شارێکی کوردستان ناکرێت و ژیان و گوزەرانی خەڵک نابێتە کەرەستەی ململانێی نارەوا. [1]

دەستتان خۆش و سەرکەوتووبن.
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=مەسعود بارزانی: هەرێمی کوردستان هێڵی مەرگە، یان کوردستان یان نەمان
بەناوی خودای بەخشندە و میهرەبان=KTML_End=

جێگەی داخێکی زۆرە لە چەند ڕۆژی ڕابردوودا لەناو ئەنجوومەنی نوێنەرانی عێراق هەوڵێکی نابەرپرسانە و پێچەوانەی دەستوور بۆ قووڵکردنەوەی کێشەکان و پێشێلکردنی مافە ڕەواکانی گەلی کوردستان هەبوو. هەموو لایەک ئاگادارن کە پێشتر گفتوگۆ و ڕێککەوتنی بنیاتنەر لەنێوان لایەنە پێکهێنەرەکانی هاوپەیمانێتیی ئیدارەی دەوڵەت بە ئاراستەی نەهێشتنی کێشەکان لە ئارادا بوو. هەروەها حکوومەتی فیدڕاڵی عێراق و حکوومەتی هەرێمی کوردستانیش بە دەرئەنجام و ڕێککەوتنی زۆر باش و ئیجابی گەیشتبوون بۆ ئەوەی گرفتەکان چارەسەر بکرێن و هەموو لایەک خزمەتی سەقامگیریی وڵات و ژیان و گوزەرانی خەڵک بکەن، کەچی بەداخەوە هەندێک لایەنی سیاسی بە نەفەسێکی نکۆڵیکارانە و نابەرپرسیارانە لەڕێگەی دەستکاریکردنی بڕگەکانی پڕۆژەیاسای بودجە ویستیان وا بکەن هیچ مانایەک بۆ کیانی هەرێمی کوردستان نەمێنێت. بەڵام ئەو هەوڵە نابەرپرسانەیە سەری نەگرت و پووچەڵ کرایەوە. ڕووداوەکانی چەند ڕۆژی ڕابردووی ئەنجوومەنی نوێنەرانی عێراق پەردەی لەسەر ڕووی ڕاستەقینەی لایەنە شۆڤێنی و موزایەدەچییەکان و هەروەها هەموو ئەوانە لادا کە نە ڕێز لە بەڵێن و ئیمزاکانیان دەنێن و نە ڕێزی بنەماکانی دەستووریش دەگرن.

ئێستاش کە پڕۆژە یاسای بودجە لە ئەنجوومەنی نوێنەرانی عێراقدا پەسەند کراوە، هیوادارم ئەوەی هەیە بە نیەتێکی پاک جێبەجێ بکرێت.
لەگەڵ ئەوەشدا جەخت لەوە دەکەینەوە کە هەرێمی کوردستان، موڵکی گەلی کوردستان و بەرهەمی خوێن و خەباتی گەلی کوردستانە. لە بەرانبەر هەر جۆرە هەوڵ و دەستدرێژی و بێباکییەک بۆ تێکدان و نەهێشتنی هەرێمی کوردستان بە توندی دەوەستینەوە. بە لای ئێمەوە هەرێمی کوردستان نەک تەنیا هێڵی سوورە بەڵکو هێڵی مەرگە و یان کوردستان یان نەمانە. [1]

#مەسعود بارزانی#
#11-06-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

پارتیمان لە ڕوانگەی هەستکردن بە بەرپرسیاریەتی بەرامبەر بە ژیان و بژێوی هاووڵاتیانی کوردستان هەوڵی زۆریدا کە ماددە و بڕگەکانی یاسای بوودجەی ساڵی 2023ی عێراقی فیدراڵ بەگوێرەی ئیستحقاقاتی دەستووری و ڕێککەوتنی ئیدارەی دەوڵەت بۆ پێکهێنانی کابینە و، ڕێککەوتنی #حکومەتی هەرێمی کوردستان# و حکومەتی فیدراڵ بێت و، شایستە داراییەکان بۆ حکومەتی هەرێم دابین بکرێت.
لەلایەکی دیکەوە زۆر بەجدی هەوڵیدا ئەو پیلانەی کە بەشێوەیەکی ڕێکخراو لە ئارادا بوون بۆ دەستوەردان لە سەروەری هەرێم و بچووککردنەوە و لێکترازانی قەوارەی هەرێم و کەمکردنەوەی دەسەڵاتەکانی کە لە دەستووردا جێگیرکراون، پووچەڵبکاتەوە.

سەرەڕای ئەوەی تەواوی تموحاتی ئێمە لە بوودجەدا نەهاتووە چونکە دەبوو ئەو دەقەی بوودجە کە لە ئەنجومەنی وەزیرانی فیدراڵ بڕیاری لێدرابوو دەست کاری نەکرابوایە، بەڵام لەپێناو دەستکردنەوەی حکومەت بۆ بابەتی مووچە و بەردەوامی وەبەرهێنان و، بەردەوام نەبوونی کێشەکان بڕیارماندا ڕەئی بە پەسەندکردنی بوودجە بدرێت.
لێرەدا جێی خۆیەتی سوپاسی هەڤاڵانی فراکسیۆنی پارتیمان لە ئەنجوومەنی نوێنەرانی عێراق و کوتلەی وەزاری پارتیمان لە حکومەتی فیدراڵ بکەین کە بەوپەڕی دڵسۆزی و ماندوونەناسانە ڕۆڵی خۆیان بینیوە و، داوای سەرکەوتنیان بۆ دەکەین. [1]


مەکتەبی سیاسیی
#پارتی دیموکراتی کوردستان#
#11-06-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بابەت: وەرزشی
بە ئامادەبوونی جێگری سەرۆک و سکرتێر و ئەندامانی یەکێتی تۆپی پێی کوردستان کۆبوونەوەی ئاسایی خۆی ئەنجامدا و تیایدا ئەم بڕیار و ڕاسپاردانەی خوارەوەی دەرکرد .
1– یەکێتی تۆپی پێی کوردستان پیرۆزبایی لە هەردوو #یانەی وەرزشی ئافرەتانی هەولێر# و #یانەی وەرزشی زاخۆ# دەکات بە بۆنەی بەدەستهێنانی پلەی یەکە م و دووەمی خولی فوتساڵی کچانی کوردستان بۆ وەرزی 2022 – 2023 .
2 –سەبارەت بە یاری نێوان یانەی ئافرەتانی هەولێر و یانەی سەید سادق:
بەهۆی ئامادەنەبوونی یانەی سەید سادق لەیاری چوارگۆشەی زیڕینی خولی فوتساڵی کچانی کوردستان ، بڕیاردرا بە پێژاردن بەبڕی یەک ملیۆن دینار .
3 – ڕاسپاردنی لیژنەی ڕێککاری و سزادان بۆ بەدواداچوون بە پەڵپی یانەی بەردەڕەش لەسەر یانەی شیلادزێ .
4 – سەبارەت بە یاری نێوان یانەی خەبات و یانەی سنوور:
بەهۆی وەرگرتنی کارتی سوور لەلایەن ناوبژیوانی یاری بۆ ڕاهێنەری یانەی سنوور ( بارزان ئەیوب ) ، بڕیاردرا بە پێبژاردنی بە بڕی 250 هەزار دینار .
5 – سەبارەت بە یاری نێوان یانەی خورماڵ و یانەی هەڵەبجەی شەهید:
أ - بەهۆی دەرچوونی لەگیانی وەرزشی بەرانبەر بە ناوبژیوانانی یاری ، بڕیاردرا بە ڕاگرتنی پزیشکی یانەی خورماڵ ( ئیسحاق ڕەشید ) تاکۆتایی خول و پێبژاردن بە بڕی 250 هەزار دینار .
ب - بەهۆی دەرچوونی لەگیانی وەرزشی بەرانبەر بە ناوبژیوانانی یاری ، بڕیاردرا بە ڕاگرتنی یاریزانی یانەی خورماڵ ژمارە 33 ( هونەر تەها ) تاکۆتایی خول و پێبژاردن بە بڕی 250 هەزار دینار .
6 – سەبارەت بە پەڵپی یانەی هەڵەبجەی شەهید لەسەر یانەی خورماڵ:
دوای بەدواداچوون و لێکۆڵینەوە دەربارەی ناوەرۆکی پەڵپی یانەی هەڵەبجە بۆمان دەرکەوت کەوا یانەی خورماڵ ساختە و سەرپێچی کردووە لە باجی ڕاهێنەر و چەند کەسێکی دەستەی هونەری لە پێدانی باجەکانی یەکێتی تۆپی پێی کوردستان کەوا ئەو باجانەیان بە کەسانێک داوە هەڵگری هەمان ناوی سەر باجەکان نەبوون .
ئەمەش پێچەوانەی ڕێنمایەکانی یەکێتی تۆپی پێی کوردستان و یاساکانی تۆپی پێیە ، دەچێتە کاری سەختەکاری و فێڵکردن لە ناوبژیوانان و سەرپەرشیاری یاری .
بۆیە بڕیاردرا بە:
أ- پێبژاردنی یانەی خورماڵ بەبڕی 2 ملیۆن دینار .
ب- دوورخستنەوەی ئەم ناوانەی خوارەوە بۆ ماوەی دوو وەرز (2023-2024 و2024 – 2025 ) لە چالاکییەکانی یەکێتی تۆپی پێی کوردستان .
1 - عەتا حەمید .
2 – ستار ئەنوەر .
3 – نەورەس فاروق .
4 – سامان ڕەئوف .
ج – ڕاگرتنی ( تالیب کامیل ) سەرپەرشتیاری یانەی خورماڵ بۆ دوو یاری وە ئامادەبوونی لە کۆبوونەوەی داهاتووی یەکێتی تۆپی پێی کوردستان .
ڕاگەیاندنی #یەکێتی تۆپی پێی کوردستان#
#11-06-2023#
[1]