$باکووری کوردستان$
- پارێزگاری جۆلەمێرگ ئێوارەی ئەمڕۆ ڕایگەیاند، لە کاتی تۆپ هاویشتندا تەقینەوەیەک لە سەربازگەی گردی سۆنگوی گوندی ئۆرتاکلار‌ ڕوویداوە و لەنێو سەربازاندا بریندار هەن. ڕاشیگەیاند، بەهۆی خراپی جبەخانەی سەربازگەکە تەقینەوەکە ڕوویداوە. وەزارەتی پاراستنی میللیی تورکیا ڕایگەیاند، 25 سەرباز ڕەوانەی نەخۆشخانە کراون و 7 سەربازیش بێسەروشوێنن. هاوکات دادگەی دەوڵەتی تورک لە #شەمزینان# بڕیاری قەدەغەی پەخشی ڕاگەیاندنەکانی دا دەربارەی تەقینەوەی سەربازگەی گردی سۆنگو.[5]
$رۆژهەڵاتی کوردستان$
- بەپێی هەواڵی گەیشتوو بە ئاژانسی هەواڵدەریی کوردپا؛ سەید عەلی حوسێنی و سلێمان عەبدی دوو مامۆستای قوتابخانەکانی شاری #سەقز# دووبارە بانگهێشتی ئیدارەی ئیتلاعاتی ئەو شارە کران.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/156678/0003.JPG=KTML_ImageCaption_Title=دوو مامۆستا دووبارە بانگهێشتی ئیتلاعاتی شاری سەقز کران=KTML_ImageCaption_CaptionStyle=000000=KTML_ImageCaption_Caption=دوو مامۆستا دووبارە بانگهێشتی ئیتلاعاتی شاری سەقز کران=KTML_ImageCaption_End=
- ناوەندی فەرهەنگی و فێرکاریی بەیان، یەکەمین ساڵوەگەڕی دامەزرانی خۆی بەڕێوە برد. لەو ڕێوەڕەسمەدا، کە بە بەشداری سەدان کەس لە شاعێران، نووسەران و خەڵکی شاری #بۆکان#، لە ساڵۆنی پاساژی شارەداریی ئەم شارە بەڕێوە چوو، ڕێز لە کار و چالاکیی یەکساڵی ڕابردووی فێرگەی بەیان گیرا و بڕوانامەی کۆتایی خولی ڕێنووسی کوردی بە 200 خوێندکاری ئەو فێرگەیە پێشکەش کرا.[7]
$باشووری کوردستان$
- لە #کەرکووک# بۆمبێکی چێندراو لەبەردەم ماڵی ئومێد حسێن فەرماندەی حەشدی کاکەیی تەقییەوە و هیچ زیانێکی گیانیی لێنەکەوتەوە.[1]
- لە کۆنگرەی نائاسایی هاوپەیمانی دیموکراسیی و دادپەروەری لە #هەولێر#، بڕیاری بەردەوامبوونی حیزبەکە بە دەنگی زۆرینەی ئەندامانی کۆنگرەکە پەسندکرا.[2] #ئارام قادر#، یەکێک لە دامەزرێنەرانی هاوپەیمانی نیشتمانی ئەو حزبە بە سەرۆک هەڵبژێردرا.[1]
- دووەمین کۆنفڕانسی #ژنانی گەنجی تێکۆشەر#، لە هۆڵی ئوتێل مەم و زین لە شاری #سلێمانی# دەستی پێکرد.[3]
- کاتژمێر 4:30ی ئێوارەی ئەمڕۆ سوپای تورک دەستی کرد بە تۆپبارانکردنی سنوری نێروە و ڕێکان لە شارۆچەکی #ئامێدی#.[3]
- بەپێی هەواڵێکی پوک میدیا؛ نزیکەی چوار هەزار لە هەڵسوڕاوان و لایەنگران و دەنگدەرانی #بزووتنەوەی گۆڕان# لەناو شاری سلێمانی بڕیاریاندا لە ڕیزەکانی یەکێتیی نیشتمانییدا درێژە بەکاری ڕێکخراوەیی بدەن و لە داهاتودا دەنگەکانیان بۆ یەکێتی بێت.[6]
- لە #شەنگال# خۆپیشاندانێک دژی گەڕانەوەی ئیدارەی شارەکە بەڕێوەچوو.[3]
- لە ئاهەنگێکی بووکگواستنەوە لە شارۆچکەی #کەسنەزان#ی هەولێر بەهۆی شەڕ و دەمەقاڵێ کەسێک کوژرا و دوو کەسی دیکەش برینداربوون.[2]
$رۆژئاوای کوردستان$=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/156678/0009.JPG=KTML_ImageCaption_Title=کۆنگرەی دووەمینی یەکیەتی جەوانانی ڕۆژئاوا (YCR)=KTML_ImageCaption_CaptionStyle=000000=KTML_ImageCaption_Caption=کۆنگرەی دووەمینی یەکیەتی جەوانانی ڕۆژئاوا (YCR)=KTML_ImageCaption_End=
- لە شارۆچکەی ڕمێڵان-ی #قامیشلۆ# بەدروشمی بەتێکۆشانی جەوانانی شۆڕشگێڕ ئێمە سووریایەکی ئازاد و دیموکراتیک دابمەزرێنین دوویەمین کۆنگرەی یەکیەتی جەوانانی ڕۆژئاوا (YCR)دەستی پێکرد. 5 هەزار گەنج لەباکووری سووریا وڕۆژهەڵاتی سووریاوە بەشداری لەم کۆنگرەیەدا دەکەن.[5]
$دەرەوەی کوردستان$
- لە مۆسکۆی پایتەختی ڕوسیای فیدراڵ، یەکەمین کۆنفرانسی زانستی کۆمەڵەی لاوانی کوردناسی لەژێر ناونیشانی (بارودۆخی نوێی کێشەی کورد لە ڕۆژهەڵاتی ناوەڕاست-دا)، بەڕێوەچوو. لە کۆنفرانسەکەدا کۆمەڵێک لە شارەزایانی چەندین نەتەوەی جیاواز و ولاتی جیاواز، لە ڕوسیا، ئازرباینجان، ئەرمینیا، تورکیا، سوریا و عیراق و کورد بەشداریانکردبوو کە پێکهاتبوون لە: (مارینین ئ.ئ، لوکیانۆڤ.گ.پ، ترۆفیمچوک.گ.پ، پاتیێڤ.ف.ئ، سەرتیپ عەلی، کاروان یاروەیس، د.هونەر ئەمین، شاخەوان هەرکی).[6]
- بەرەبەیانی ئەمڕۆ لەناوچەی بەرگەما، سەفەرحەسار، مەنمەنە وناوەندی ئیزمیر پۆلیسی تورکیا هەڵی کوتایەسەرمالان و 9 کەسیان دەسبەسەرکرد. ئەم کەسانە بەبینووی ئەوەی کە لەسەرتۆڕەکۆمەڵایەتییەکاندا بانگەشەیان بۆ #پەکەکە# کردووە لەلایەن پۆلیسەوە دەسبەسەرکراون. دەسبەسەرکراوەکان گوازراونەتەوەبۆ ناوەندی پۆلیسی ئیزمیر.[5]
- بەپێی ڕاگەیێندراوێکی #وەزارەتی ناوخۆ#ی تورکیا، لەمیانەی ئۆپەراسیۆنەکانی هێزە ئەمنییەکان لەنێوخۆی تورکیادا، لە ڕۆژانی 1 بۆ 8ی ئەم مانگەدا، چوار بەرپرسای باڵای پەکەکه/کەجەکه کوژراون.[2]

سەبارەت بە کۆبونەوەی بەشێک لەهاودیدان لە #هەولێر#
ڕونکردنەوەیەک لە هاوپەیمانی بۆ دیموکراسی و دادپەروەری، بۆ ڕای گشتی.
ئەمڕۆ لەشاری هەولێر، بەئامادەبونی تەنها 3 سێ کەس، لەکۆی 14 چواردە ئەندامی دەستەی دامەزرێنەر و بەهاوبەشی تەنها 2 دووکەس لە کۆی 15 پانزە ئەندام لە ئەندامانی ئەنجومەنی بەڕێوەبردن و کەمایەتیەک لە ئەندامانی ئەنجوومەنی گشتی هاوپەیمانی و بەدەر لە ڕێکارە سیاسی و یاساییە ڕەواکان کە ئایندە و چارەنووسی هێزە سیاسییەکانی پێ دیاری دەکرێت، کۆبوونەوەیەکی نادەستووری، بەناوی هاوپەیمانی بۆ دیموکراسی و دادپەروەری ئەنجامدرا.
ئێمە وەکو زۆرینەی ڕەهای دەستەی دامەزرێنەر و ئەنجوومەنەکانی بەڕێوەبردن و گشتی هاوپەیمانی ڕایدەگەیەنین:-
1 - چارەنوس و ئایندەی هاوپەیمانی، بەگوێرەی ڕیکارە حزبی و بڕیاڕە یاساییەکانی یاسای ژمارە 36 ساڵی 2015 پارتە سیاسیەکان لە عێراق کە هاوپەیمانی لەسەر دامەزراوە، دیاریدەکرێت و لەم ڕووەوە هەنگاوی سیاسی و یاسایی ڕاست و دروست، بە بڕیاری زۆرینەی هاوپەیمانی، بۆ زۆرینەی ئۆرگانە گرنگەکانی هەڵوەشاندنەوەی هاوپەیمانی دەستیپێکردوە و هەرئەوەش دواتر دەبێتە بڕیاڕی فەرمی و دەستووری هاوپەیمانی.
2 - بەگوێرەی نەریت و پەیڕەوە باوەکانی حیزبایەتی، بڕیاری گۆڕینی ناو و بەرنامە و سەرکردایەتی و ستراکچەری هاوپەیمانی، وەک هەر پارتێکی سیاسی، لەدەستی زۆرینەی دامەزرێنەران و ئەنجوومەنەکانی بەڕێوەبردن و گشتی دایە، بۆیە ئەوەی ئەمڕۆ لەهەولێر ئەنجامدرا، تەنها پەرچەکردارێکی نایاسایی و ناحزبیە و هیچ کاریگەریەکی لەسەر بڕیاڕی زۆرینەی هاوپەیمانی نابێت، کە پێشووتر دەستیکردوە بەوەرگرتنی ڕێوڕەسمە سیاسی و یاسایی و دەستووریەکان بۆ دیاریکردنی چارەنووسی هاوپەیمانی کەهەڵوەشاندنەوەیەتی، بەگوێرەی ڕێکارە داواکراوە حیزبی و یاساییەکان لەیاسای دامەزراندنی پارتە سیاسییەکانی عێراق.
3- ئەو 3 سێ ئەندامەی دەستەی دامەزرێنەران، کەدیارە ڕێگای جیاوازیان هەڵبژاردوە، هیوای سەرکەوتنیان بۆ دەخوازین و بەڕێز و پێزانینەوە هاوکاریانین، بەڵام دەبوو ئەوان وەک زۆرینەی موتڵەق بڕیاریان لەچارەنووسی هاوپەیمانی نەدایە و لەچوارچێوەی مافی خۆیان دەستیان ببردایە بۆ دامەزراندنی قەوارەیەکی نوێ کە ئەوکات دەیانتوانی پشتیوانی ئەوانە بەدەستبهێنن، کە لە هاوپەیمانی خوازیاری درێژەپێدەری کاری سیاسین لەگەڵ ئەوان، نەک بەم جۆرە ئەوان مافی زۆرینە بەخۆیان بدەن، بۆیە داواکاریشین بەزوویی ئەو پێشێلکاریە ڕاست بکەنەوە، کە لە کۆبوونەوەی هەولێر تێیکەوتن و ڕێز لەبڕیاری زۆرینەی هاوپەیمانی بگرن و دووربکەونەوە لە بەکارهێنانی ناو و لۆگۆی هاوپەیمانی، کەپێشوتر بەزۆرینە و کەمینە، یەکلایی کراوەتەوە.
4- بەڕێزگرتن لە بنەماکانی هاودیدبوون و هاوڕێیەتیمان، هیوای سەرکەوتن بۆ (هاوپەیمانی نیشتیمانی) وەک حیزبێکی سیاسی نوێ دەخوازین و بەڕوونی ڕایدەگەیەنین: کەو ئەو حزبە نوێیە، درێژکراوەی سیاسی و یاسایی و دەستوری هاوپەیمانی بۆ دیموکراسی و دادپەروەری نییە، ئێمە لەو بارەوە بەگوێرەی دەستوری هاوپەیمانی و یاسای ژمارە 36 پارتە سیاسیەکانی عێراق، پێشوتر بەزۆرینە بڕیاڕمانداوە کە هاوپەیمانی وەک ڕەوتێکی سیاسی هەڵدەوەشێنینەوە بۆیە لەو بارەوە هەر هەنگاو و کردار و گوفتارێک بەپێچەوانەی ئەوەوە پەسندکراو نابێت و ڕێکاری یاسایی و سیاسی بنەبڕی بەدوادا دێت.
هاوپەیمانی بۆ دیموکراسی و دادپەروەری
#10-11-2018#

جەی بارەۋە ناوەندو یاۋنەری هێزەکێ پارێزنای گەلی-#هەپەگە# ۋەڵاکریاش دان و ئاشکراش کەردەن:
جە 08/11/2018 سەعات 17:00و ۋێرەگای، جە بەرزایی برنێ ڕەش-و سەر بە شارچەو بایزیدی کە سەر بە پارێزگاو ئاگری-یەن، گەریلاکێ هەگەپەی و یەژەئا ستاری دژ بە هێزە داگیرکەرەکانو تورکیای چالاکیشان ئەنجام دان. جە چالاکییەکەنە 2 پەناگێ و 2 سەنگەرێ دوژمنی خاپورێ کریێنێ و هەری کەم 10 سەربازێ کوشیێنێ و 10 تەریچ بریندارێ بیێنێ. دمای چالاکییەکەی هێزە داگیرکەرەکێ بە تۆپێ و هاۋەنێ بێسەروبەر ناوچەکەشان تۆپۋاران کەردەن و کوشتێ و بریندارەکێش بە هەلیکۆپتەری سکۆرسکی فاڕێنێۋە.
هەمان ڕۆچ جە بەرزایی خەرەگۆڵ-و سەر بە ناوچەو چەلێ-و جۆلەمێرگی، گەریلاکێ هەپەگەی و یەژەئا ستاری جە 2 قۆڵێۋە دژ بە سەربازە داگیرکەرەکانو تورکیای چالاکیشان ئەنجام دان. چاگێچە 3 سەربازێ کوشیێنێ و 1 سەربازیچ بریندار بییەن. دمای چالاکییەکەی هێزە داگیرکەرەکێ دوژمنی بە تۆپێ و هاۋەنێ بێسەروبەر ناوچەکەشان تۆپۋاران کەردەن.
ڕووێ ۋەڵتەر جە 07/11/2018ی سەعات 12:30 دەیەقێ نیمەڕۆی، جە ملە و بەرزایی شەهید ڕەحیمەی کە سەر بە ناوچەو گەڤەرو جۆلەمێرگی-یەن، گەریلا جە 2 قۆڵێۋە چالاکی کاریگەرشان دژو دوژمنی ئەنجام دان و بەهۆشەۋە 6 سەربازێ کوشینێ و زیانی مادی فرە جە دوژمنی دریان. چاگێچە بەهەمان شێۋە دمای چالاکیەکەی دوژمن بێسەروبەر ناوچەکەش بۆردومان کەردەن.
یاگێ بەیاد ۋستەیەن کە ڕۆو 07/11/2018ی جە بارزان و لێلکان کە سەر بە پانیشتو کوردستانیەنێ و جە چەلێ کە سەر بە سەرنیستو کوردستانیەن، جە چالاکی گەریلاکانو هەپەگەی و یەژەئا ستار-یەنە لانی کەم 15 سەربازێ دوژمنی کوشیێ بێنێ.[1]
#09-11-2018#

ناوەندی ڕاگەیاندنی هێزەکانی پاراستنی گەل (#هەپەگە#) ڕاگەیەنراوێکی بڵاوکردەوە و دەربارەی دوایین چالاکییەکانی گەریلا لە بازید، چەلێ و گەڤەر زانیاری دا. بە گوێرەی ڕاگەیەنراوەکە 19 سەربازی تورکیا کوژراون و 10ی دیکەش بریندار بوون.
دەقی ڕاگەیەنراوی هەپەگە:
لە بازید 3 پەناگە و 2 سەنگەر ڕووخێنران؛ 10 سەرباز کوژران
(لە چوارچێوەی هەڵمەتی سەرکەوتنی شۆڕشگێڕیدا هێزەکانمان ڕۆژی 8ی تشرینی دووەم\17ی گەڵاڕێزان کاتژمێر 17 لە شارۆچکەی بازید-ی ئاگری دژی سوپای تورکی داگیرکەر لەسەر گردی برنێ ڕەش چالاکییەکیان کرد. لە شوێنێکی نزیکەوە لە سەربازانی سەر گردەکەیان دا و لە ئەنجامدا 3 پەناگە و 2 سەنگەر ڕووخێنران. لە چالاکییەکەدا 10 سەرباز کوژران و زیاتر لە 10ی دیکەش بریندار بوون. سوپای تورکیای داگیرکەر لە دوای چالاکییەکە بە ئۆبوس، هاوەن و تانک بۆمبارانی ناوچەکەی کرد و تەرمی سەرباز و بریندارەکانی خۆی بە چەندین کۆپتەری سکۆرسکی هەڵگرتەوە.
لە 2 قۆڵەوە لە چەلێ چالاکی کرا
هێزەکانمان ڕۆژی 8ی تشرینی دووەم\17ی گەڵاڕێزان لە ناوچەی چەلێی جۆلەمێرگ لە سوپای تورکیای داگیرکەریان دا لەسەر گردی خەرەگۆل. چالاکییەکە لە 2 قۆڵەوە دژی پەناگە و سەنگەرەکانی دوژمن کرا. لە ئەنجامدا 3 سەرباز کوژران و یەکێکی دیکەش بریندار بوو. سوپای تورکیای داگیرکەر لە دوای چالاکییەکە ئۆبوس و هاوەنی هاویشتە ناوچەکە.
لە گەڤەر 6 سەرباز کوژران
ڕۆژی 7ی تشرینی دووەم\16ی گەڵاڕێزان کاتژمێر 12:30، هێزەکانمان لە دژی سوپای تورکیای داگیرکەر کە لە گردی شەهید ڕەحیمەی ناوچەی گەڤەری جۆلەمێرگ ڕێگەی ئەمنی دروست دەکرد، چالاکییەکیان ئەنجام دا. لە 2 قۆڵەوە گورز لە ئامێرەکانی کار و سەنگەرەکانی سەربازانی دوژمن درا. عەفارەیەک لەناوبرا و 6 سەربازی دوژمن کوژران. دواتر سوپای تورکیای داگیرکەر ئۆبوس و هاوەنی هاویشتە ناوچەکە.)[1]
#09-11-2018#