$باشووری کوردستان$
-لە ئەنجامی کەوتنەخوارەوەی درۆنێک لە گوندی #زەرگەزەوی# لە سنووری شارەدێی #دارەشەکران# ی #هەولێر#، ژن و مێردێکی سڤیل بەناوەکانی #مژدە ئەسعەد حەسەن# و #مووسا ئەنوەر ڕەسوڵ# شەهید بوون. دژەتیرۆری کوردستانیش ڕایگەیاند، درۆنەکە لە لایەن داگیرکەری ئێرانەوە ئاڕاستەی باشووری کوردستان کراوە. مژدە و مووسا دوو کچیان بە ناوەکانی دلین و مەلینی تەمەن 3 و 5 ساڵان لەپاش بەجێما. شەهیدبوونی ئەم خێزانە ناڕەزایی زۆری لە ڕاگەیاندن و میدیاکان لێکەوتەوە.
$دەرەوەی کوردستان$
-هێرشی ئاسمانیی ئیسرائیل و ئامریکا بۆ سەر بنکەکانی #حەشدی شەعبی#ی تیرۆریست لە ئێراق بەردەوامیی هەیە و کوژرا و برینداری لێکەوتووەتەوە.
[1][2]

زۆر بە توندی سەرکۆنەی ئەو هێرشە تيرۆرستييە دەکەم کە درەنگانى شەوى ڕابردوو بە درۆن کرايە سەر ماڵی هاووڵاتیيەک لە گوندى #زەرگەزەوی#ى سەر بە پارێزگاى #هەولێر# و لە ئەنجامدا زۆر بەداخەوە دوو هاوسەر شەهيد بوون.
پرسە و سەرەخۆشیی قووڵم ئاراستەی بنەماڵە و کەسوکاری شەهیدان دەکەم، لە دڵەوە هاسۆز و هاوخەميانم. لە خودای مەزن داواکارم گيانيان بە بەزەيى و ميهرەبانيى خۆى شاد بکات و ئارامى و دڵنەوايى بە بنەماڵە و کەسوکاريان ببەخشێت.
ئەم هێرشانە بە هیچ شێوەیەک قبووڵکراو نین و بە تەواوی ڕەتکراوەن. پێويستە حکوومەتی فیدراڵیی عێراق ئەرک و بەرپرسیاريەتیی خۆی جێبەجێ بکات بۆ ڕێگريکردن لەم تاوان و هێرشە تيرۆرستييانە و چیتر ئەم دەستدرێژییانە بۆ سەر خەڵکی سڤيل و بێتاوانى هەرێمی کوردستان دووبارە نەبنەوە. [1]

#نێچیرڤان بارزانی#
سەرۆکی هەرێمی کوردستان
2026/4/7
=KTML_Bold=⚠️ تێبینی: ئەم بەڵگەنامەیە وەکوو خۆی ئەرشیڤ کراوە، کوردیپێدیا هیچ دەستکارییەکی نەکردووە!=KTML_End=

بە ئامانجگرتنی هاووڵاتییانی مەدەنی تاوانی جەنگە و زۆر بە توندی شەرمەزاری دەکەین.
لە دڵەوە پرسە و هاوخەمی قووڵی خۆمان ئاراستەی بنەماڵە و کەسوکاری هەردوو شەهیدەکەی شەوی رابردووی گوندى زەرگەزەويى سەر بە پارێزگاى هەولێر دەکەین. [1]

#قوباد تاڵەبانی#
جێگری سەرۆکی #حکومەتی هەرێمی کوردستان#
=KTML_Bold=⚠️ تێبینی: ئەم بەڵگەنامەیە وەکوو خۆی ئەرشیڤ کراوە، کوردیپێدیا هیچ دەستکارییەکی نەکردووە!=KTML_End=

وێڕای ئیدانەکردنی ئەو هێرشە بەردەوامانەی کە بە درۆن دەکرێتە سەر هەرێمی کوردستان و دەبێتە هۆی نانەوەی کارەسات بۆ سەر ماڵ و حاڵی هاووڵاتییانی سڤیل و بێتاوان، هاوسۆز و هاوخەمی هەموو ئەم ماڵ و خێزانانەشم کە دەکەونە بەر ئەم جۆرە هێرشە تیرۆریستییانە.
لێرەدا بەوپەڕی نیگەرانییەوە پرسە و سەرەخۆشیی خۆم ڕادەگەێنم بۆ بنەماڵە و کەسوکاری ئەم دوو هاوسەرەی کە شەوی ڕابردوو لە ئەنجامی هێرشێکی درۆنی لە گوندى زەرگەزەويى سەر بە پارێزگاى هەولێر، شەهید بوون.
داواکارم لە خودای مەزن بە میهرەبانی و بەزەیی خۆی گیانی پاکیان بە بەهەشتی بەرین شاد بکات و ئارامی و دڵنەواییش بە بنەماڵە و کەسوکار و ئازیزانیان ببەخشێت. [1]

#شێخ جەعفەر شێخ مستەفا#
جێگری سەرۆکی هەرێمی کوردستان
2026/4/7
=KTML_Bold=⚠️ تێبینی: ئەم بەڵگەنامەیە وەکوو خۆی ئەرشیڤ کراوە، کوردیپێدیا هیچ دەستکارییەکی نەکردووە!=KTML_End=

زور غەمبار و دڵگرانم بە بیستنی هەواڵی هێرشی درۆنی بۆ سەر ماڵی پێشمەرگەیەک لە سنووری #هەولێر# کە بووە هۆی شەهیدبوونی خۆی و خێزانەکەی.
بە هەموو شێوەیەک ئەم تاوانە قێزەونە، سەرکۆنە و تاوانباران شەرمەزار دەکەم.
بە ئامانجگرتنی خەڵکی سیڤیل و ماڵی هاووڵاتییان، تاوانی جەنگە و داوای خەڵکی بێ تاوانی کوردستان، دەگەینینە هەموو جیهان بۆ ئەوەی سنوورێک بۆ ئەو ستەمکاریەی بەرامبەریان دەکرێت دابندرێت و چیتر بە بیانووی بێ پاساو، پەلاماری خەڵکی کوردستان نەدرێت. [1]

#مەسرور بارزانی#
سەرۆکی #حکومەتی هەرێمی کوردستان#
=KTML_Bold=⚠️ تێبینی: ئەم بەڵگەنامەیە وەکوو خۆی ئەرشیڤ کراوە، کوردیپێدیا هیچ دەستکارییەکی نەکردووە!=KTML_End=

بەناوی خودای مەزن و دلۆڤان
شەوی ڕابردوو دیسان هێرشی ناڕەوا کرایە سەر هەرێمی کوردستان و بەداخەوە لە ئەنجامدا دوو هاووڵاتیی بێ تاوان لە گوندی #زەرگەزەوی#ی سەر بە پارێزگای #هەولێر# بەهۆی درۆنی ئێرانیەوە شەهید کران. ئەوە ئەوپەڕی تاوانکاری و زوڵمە، هاووڵاتیانی بێ تاوانی کوردستان بەوشێوەیە و بە بێ هیچ پاساوێک دەکرێنە ئامانجی ڕقێکی کوێرانە.
شەهید بوونی ئەو دوو هاووڵاتیە بێ گوناحە دڵی هەموومانی پڕ ژان و خەم کرد، پرسە و سەرەخۆشیی خۆم ئاراستەی خانەوادە و کەسوکاری ئەو دوو شەهیدە دەکەم. خودای مەزن بە بەهەشتی بەرینیان شاد بکات.
شەهیدکردنی هاووڵاتیانی سڤیلی هەرێمی کوردستان هیچ شەهامەت و سەربەرزییەکی تێدا نیە. ئیرادەی گەلی کوردستان لە هەموو هێرش و پەلامار و درۆنەکان بەهێزترە و هەرگیز ناشکێت. گەلی کوردستان پشتی بە خودا و ڕەوایەتیی دۆزەکەی قایمە. [1]

مسعود بارزانی
7ی نیسانی 2026
=KTML_Bold=⚠️ تێبینی: ئەم بەڵگەنامەیە وەکوو خۆی ئەرشیڤ کراوە، کوردیپێدیا هیچ دەستکارییەکی نەکردووە!=KTML_End=

بەتوندی ئیدانەی بەئامانجگرتنی ماڵی هاووڵاتییانی مەدەنی لە گوندی زەرگەزەوی لەسنووری پارێزگای #هەولێر# دەکەین، کە بەداخەوە بووە هۆی شەهیدبوونی دوو هاوسەری بێتاوان.
بەئامانجگرتنی ماڵ و حاڵی خەڵکی سڤیل، تەنها پێشێلکردنی سەروەریی خاک نییە، بەڵکو بەپێی هەموو عورف و یاسا نێودەوڵەتییەکان بە تاوانی جەنگ هەژمار دەکرێت و بە هیچ جۆرێک پاساو هەڵناگرێت.
لێرەوە دووپاتی دەکەینەوە، ئامانجی سەرەکیی سەرۆک بافڵ #جەلال تاڵەبانی# و #یەکێتیی نیشتمانیی کوردستان# ئەوەیە، کە خاک و خەڵکەکەمان پارێزراو بن.
هەروەک ئێمە لە کاتێکدا جەخت لە پاراستنی سەقامگیری هاووڵاتییانی کوردستان دەکەینەوە، لەهەمانکاتدا رایدەگەیەنین، هەرێمی کوردستان نابێت بەشێک بێت لەم جەنگ و ململانێیانە، چونکە پاراستنی ژیان و شکۆی هاووڵاتییانمان لە سەرووی هەموو ئەولەوییەتەکانمانەوەیە.
وێڕای شەرمەزارکردنی ئەم هێرشە ناڕەوایە، پرسە و هاوخەمیی قووڵی خۆمان ئاڕاستەی بنەماڵە و کەسوکاری سەربەرزی هەردوو شەهیدەکەی شەوی رابردوو دەکەین. [1]

#کاروان گەزنەیی#
وتەبێژی یەکێتیی نیشتمانیی کوردستان
7ی نیسانی 2026
=KTML_Bold=⚠️ تێبینی: ئەم بەڵگەنامەیە وەکوو خۆی ئەرشیڤ کراوە، کوردیپێدیا هیچ دەستکارییەکی نەکردووە!=KTML_End=

​شەوی ڕابردوو، 6ی نیسانی 2026، لە ڕێگەی دوو درۆنی بۆمبڕێژکراوەوە کە لەلایەن گرووپە تیرۆرستیە لە یاسا دەرچوەکانەوە ئاراستە کرابوون، هێرش کرایە سەر بارەگایەکی هێزی پێشمەرگە لە سنووری ئیدارەی ڕاپەڕین. هەر هەمان شەو، لە ڕێگەی سێ درۆنی بۆمبڕێژکراو کە لەئێرانەوە ئاراستەی سنووری #هەولێر# کرابوون ماڵی پێشمەرگەیەک بە ناوی (موسا ئەنوەر) بە ئامانج گیرا، کە بەداخەوە خۆی و هاوسەرەکەی شەهید بوون.
​ئەم دەستدرێژیانە، بەردەوامیی ئەو زنجیرە هێرشە تێکدەرانەیە کە دەکرێنە سەر بارەگاکانی هێزی پێشمەرگە و ناوچە نیشتەجێبووەکانی هەرێمی کوردستان. وێڕای دەربڕینی پرسە و سەرەخۆشیی قووڵمان بۆ کەسوکار و بنەماڵەی سەربەرزی شەهیدان، دووپاتی دەکەینەوە کە خوێنی شەهیدانمان بەفیڕۆ ناچێت.
​جارێکی تر بەرپرسیارێتیی ئەم بۆردومانانە دەخەینە ئەستۆی کۆماری ئیسلامی ئێران و گرووپە چەکدارە لە یاسا دەرچوەکانی عێراق.
لەسەر فەرماندەی گشتیی هێزە چەکدارەکانی عێراق، پێویستە ئەرکە یاسایی و ئەمنی و دەستورییەکانی خۆی جێبەجێ بکات و سنوورێک بۆ ئەم هێرش و بۆردومانانە دابنێت. [1]

#وەزارەتی پێشمەرگە#
7ی نیسانی 2026
=KTML_Bold=⚠️ تێبینی: ئەم بەڵگەنامەیە وەکوو خۆی ئەرشیڤ کراوە، کوردیپێدیا هیچ دەستکارییەکی نەکردووە!=KTML_End=