$باکووری کوردستان$
- معسووم پامای گیراوی سیاسی کورد کە لەبەندیخانی خارپێتێ لەدژی گۆشەگیری سەر ئۆجالان چالاکیی فیدایی ئەنجامدا و شەهیدبوو. ئەمڕۆ تەرمی پامای لە جەزیر-ی شڕناخ لەناو گەمارۆی هێزەئەمنییەکانی تورکیادا بەخاک سپێردرا.[2]
$باشووری کوردستان$
- تۆپخانەکانی سوپای داگیرکەری تورکیا، کاتژمێر 16:00 بەکاتی باشووری کوردستان گوندی شەرانشێ-ی ناوچەی هەفتەێن-ی تۆپباران کرد. لەئەنجامی ئەوتۆپبارانەدا زیان وزەرەربەر خانووی هاووڵاتیان کەوتووە.[2]
- بەڕێوەبەری #بەنداوی دوکان# ڕوونکردنەوە لەبارەی ئه و دەنگە دەدات کە لەنزیک بەنداوی دوکانەوە هەستی پێکراوە و سەرجەم هاووڵاتییان و دانیشووانی قەزاکەش دڵنیادەکاتەوە کە هیچ مەترسییەک لەسەر بەنداوەکە نییە و دەنگە بیستراوەکەش دەرئەنجامی چوونە دەرەوەی هەواو ئاوە لە بێل ماوس-ەوە.[3]
- لە شاری #سلێمانی# کەمپەینێک بۆ هاوکاریکردنی خەڵکی زیانلێکەوتووی #لوڕستان# ڕاگەیەندرا و جەبار یاوەر-یش ڕایگەیاند.[4]
- بەرپرسێکی باڵای پارێزگای نەینەوا ڕایدەگەیەنێت: بەنداوی #موسڵ# هیچ مەترسی لەسەر نییە، بەڵام هۆشداری دەدات لە بەردانەوەی ئاوی زیادەی بەنداوەکە، کە دەبێت هاووڵاتیان ئاگاداربن.[1]

هێزەکانی ڕزگاریی #عەفرین# دەربارەی چالاکی هێزەکانیان لە دژی داگیرکەران لەعەفرین وماڕەی ڕاگەیەنراوێکیان بڵاوکردەوە. لەڕاگەیەنراوەکەدا هاتووە هێزەکانمان لە 5ی نیسان لەعەفرین و ماڕەی چالاکیی هاوکات-یان ئەنجامداوە، لەوچالاکییانەدا 7چەتەکوژراون و6چەتەی تریش برینداربوون.
لە ڕاگەیەندراوەکەدا هاتووە: #شەڕڤان#انمان لە عەفرین و دەوروبەری بەردەوامن لە چالاکییەکانیان لەدژی سەربازان و چەتەکانی دەوڵەتی تورک، لەوچوارچێوەیەدا دوێنی شەڕڤانانمان لەسەر ڕێگای نێوان گوندی کیمارێ و بەرادێ-ی سەربە ناوچەی شێرئاوای عەفرین، لە دژی ئۆتۆمبێلێکی سەربازی چەتەکانی گروپی حەمزە چالاکییان ئەنجامدا، لە ئەنجامی ئەو چالاکییەدا سێ چەتە کوژران و دووی دیکەش برینداربوون، دوای چالاکییەکە گروپێک لە چەتەکان کە بۆ هەڵگرتنی تەرمەکان هاتبوون کرانە، ئامانج و لەوێش چەتەیەک کوژرا وچەتەیەکی دیکەش برینداربوو.
لە بەردەوامی ڕاگەیەندراوەکەدا هاتووە: هەر دوێنی 5ی نیسان، شەڕڤانانمان لەدژی بارەگایەکی چەتەکانی گروپی حەمزە لە گوندی بەرادێ چالاکییەکیان ئەنجامدا، کە لە ئەنجامی ئەو چالاکییەشدا دوو چەتە کوژران و سێی دیکەش برینداربوون.
لە کۆتایی ڕاگەیەندراوەکەدا بە ئاماژەدان بە چالاکییەکی دیکە، هێزەکانی ڕزگاری عەفرین ڕایانگەیاندووە: هەردوێنی شەڕڤانامان چەتەیەکی سەربە دەوڵەتی تورکیان لە گوندی تل مالد سەربە شارۆچکەی مارع کردە ئامانج، لە ئەنجامی ئەو چالاکییە نیشانگیرییە چەتەیەک کوژرا.[1]
#06-04-2019#