- پارێزگاری ئامەد لە باکوری کوردستان قەدەغەی هاتوچۆی‌ لە 13 ناوچە ڕاگەیاند، بەهۆی‌ ئەنجامدانی ئۆپەراسیۆنی سەربازی لە دژی پارتی کرێکارانی کوردستان (پەکەکە).
- مامۆستایانی‌ ناڕەزایی لەسلێمانی‌ و گەرمیان ئەمرۆ شەممە "زەنگی‌ بایکۆت"ی خوێندنیان لێداو جەختدەکەنەوە کە تا داواکارییەکانیان جێبەجێنەکرێت لەبایکۆت بەردەوام دەبن.
- زەنگی‌ سەری‌ ساڵی‌ نوێی‌ خوێندن ئەمڕۆ لەهەردوو پارێزگای‌ هەولێر و دهۆک لێدرا.
- دیداری چەتری ئاشتی پێنج لایەنە سیاسییەکەی‌ هەرێمی‌ کوردستان لەشاری‌ هەڵەبجە کێشەی‌ تێکەوت کاتێک نوێنەری‌ زۆربەی‌ لایەنەکان ئامادە نەبوون و بەهۆیەوە دیبەیتەکە ئەنجام نەدرا. دیبەیتەکە کەلەلایەن ڕێکخراوەکانی‌ کۆمەڵگەی‌ مەدەنی‌ یەوە ئامادەکاریی بۆ کرابوو بڕیاربوو ئەمڕۆ لە مۆنۆمێنتی‌ هەڵەبجە بەڕێوەبچێت، بەڵام بەهۆی‌ ئامادەنەبونی‌ نوێنەرانی‌ پێنج حزبەکەس سەرەکییەکە لەسەر ئاستی‌ مەکتەبی سیاسی دیبەیتەکە ئەنجام نەدراو ڕێگە بەپەرلەمانتارانی‌ ئه و حزبانە نەدرا لەجیاتی‌ بەرپرسانی‌ باڵای‌ حزبەکانیان قسە بکەن.
- بۆردومانی چڕی فڕۆکەکانی هاوپەیمانان بۆ سەر مۆڵگەکانی داعش لەناو شاری موسڵ دەستیپێکردووە، ئەوەش لەچوارچێوەی ئامادەکارییەکانە بۆ دەستپێکردنی ئۆپەراسیۆنی کۆنتڕۆڵکردنی ئه و شارە.
- شازدەمین کۆنگرەی نەتەوەیی کوردستان بۆ تاوتوێکردنی کێشەکان لە هەر چوار پارچەی کوردستان و پرسی یەکێتی نەتەوەیی کورد لە برۆکسل دەستی بە کارەکانی خۆی کرد، ئەم کۆنگرەیە بە ئامادەبوونی 250 نوێنەر لە حزب و لایەنە سیاسییەکان و هەروەها کەسایەتییەکان لە چوارپارچەی کوردستان دەستیپێکرد، وا بڕیارە دوو ڕۆژ بەردەوام بێ.
- هێزەکانی پارستنی گەل هەپەگە ڕایگەیاند، لەسەر ڕێگەی نێوان شارەکانی وان و جولەمێرگ لە باکوری کوردستان حەوت سەربازی سوپای تورکیا کوژراون.
- پەرلەمانی‌ تورکیا، ئەمڕۆ مۆڵەتی‌ ڕێگەدان بەهێزەکانی‌ سوپای‌ وڵاتەی بۆ ئەنجامدانی‌ ئۆپەراسیۆنی‌ سەربازیی‌ لەناو خاکی عیراق‌و سوریا بۆ ماوەی‌ ساڵێکی تر درێژکردەوە.
- لە ئەنجامی هێرشێکی پەکەکە لە نزیک شارۆچکەی چەلێ سەر بە شاری هەکاری لە باکوری کوردستان سەربازێکی تورکیا کوژرا و پێنچ سەربازی دیکەش برینداربوون.

دەقی بڕیارەکەی وەزارەتی پەروەردە:
مامۆستایانی ئازیز
قوتابیان و خوێندکارانی خۆشەویست
دایک و باوکانی بەڕێز
بە بۆنەی دەسپێکی ساڵی نوێی خوێندنی (2016 2017)ی زایینی، گەرمترین پیرۆزباییتان لێ دەکەین و هیوادارین بە کردنەوەی دەرگای قوتابخانەکان، نەوەیەکی هۆشیار و نیشتمانپەروەر و زانستپەروەر پێ بگەیێنین، بۆ خزمەتی کوردستان و پێشکەوتنی هەرێمەکەمان، چونکە پەروەردە کلیلی ئەم ئامانجەیە. لەم بارودۆخەدا کە هەرێمی کوردستان ڕووبەڕووی شەڕی بەرگریکردن بووەتەوە، لە سایەی پێشمەرگە و هێزەکانی ئاسایش و ناوخۆ سەنگەرەکانی خوێندنیش چۆڵ نابێت و تەواوکەری سەنگەری پێشمەرگە دەبن بۆ پەروەردەکردنی ڕۆڵەکانی ئەم تێکۆشەرانە و گەلەکەمان بە گشتی.
ئەم قەیرانە داراییەی ڕووی لە جیهان و ناوچەکە و کوردستانیش کردووە و لە دەرەوی دەسەڵاتی حکومەت و هەموومانە، جگە لەوەی کاریگەریی لەسەر تەواوی ژیانی مامۆستایان و فەرمانبەران و کەرتەکانی دیکە کردووە، کاریگەریشی لەسەر هەندێ پڕۆژە و کاری وەزارەتی پەروەردە هەبووە، بەڵام بە هیوابوون بۆ داهاتوو، نابێت کار و بەرنامەکانی پەروەردە بوەستێت و بۆ ئەم مەبەستەیش لە ڕووی زانستی و هونەری و کارگێڕییەوە هەنگاوی باش هاویشتراوە.
مامۆستایان، لە ڕووی داراییەوە لە ژیانێکی سەخت و دژواردان کە هیچ کەسێکی خاوەن ویژدان نییە درک بەم ئێش و ئازارەیان نەکات، سیەرەڕای ئەمەیش ڕێگەیان نەداوە سەنگەرەکانی زانست چۆڵ بێت. ئێمە لە وەزارەتی پەروەردە خۆمان بە داکۆکیکار و بەرگریکاری مافەکانیان دەزانین و لەگەڵ هەموو خواستە ڕەواکانیانداین، پێویستە ئەم ناخۆشییەی ژیان و داخوازییەکانیان تێکەڵی هیچ جۆرە مەبەستێکی سیاسی نەکرێت بە تایبەتی لەم دۆخە هەستیارەی کە هەرێمی کوردستان پێیدا تێدەپەڕێت، چونکە ئەرکی مامۆستا و سەروەرییەکانی زۆر لەمانە گەورەترن. وەک وەزارەتی پەروەردە مامۆستایانی خۆشەویست دڵنیا دەکەینەوە کە بەڕێز سەرۆکی هەرێمی کوردستان و سەرۆک و جێگری ئەنجوومەنی وەزیران لە هەوڵی جددیدان تا بە پێی واقعی دارایی هەرێم مشووریان لێ بخۆن و ئەوەی لە توانادا هەبێت دریغی ناکەن.
لێرەدا شوێنی خۆیەتی ئاماژە بە هەڵوێستی جوامێرانەی وەزارەتی پێشمەرگە و ئەنجوومەنی ئاسایشی هەرێمی کوردستان بکرێت کە سەرەڕای ئەوەی بە گیانی خۆیان بەرگری لە کوردستان و ئارامی هەموومان دەکەن و منداڵ و خێزان و کەسوکاریان بێبەش کردووە لە نازی باوکایەتی هاوسەریەتی و برایەتی.
لە کۆتاییدا دەمانەوێت ئەوە ڕابگەیێنین کە لەسەر داوای ژمارەیەک لە پەروەردەی پارێزگا و قەزاکان، بڕیارمان دا زەنگی دەستپێکی دەوامی قوتابخانەکان و دابەشکردنی پەرتووکەکان لە ڕۆژی شەممە ڕێکەوتی (01-10-2016)ی زایینی بێت لە جیاتی (27-09-2016)، بۆ ئەوەی خۆئامادەکردنی باشتر ئەنجام بدرێت. بەو ئومێدەی ساڵی نوێی خوێندن، ساڵی سەرکەوتنی پێشمەرگە و کوردستان و کۆتاییهاتنی ناخۆشییەکان بێت.
وەزارەتی پەروەردە
26-09-2016