پەرلەمانتارێکی فراکسیۆنی گۆڕان لە پەرلەمانی کوردستان ئاشکرای دەکات لە وەزارەتەکانی هەرێمی کوردستاندا زیاتر لە 100 هەزار فەرمانبەری بندیوار هەن. دەشڵێت ئەگەر حکومەت ئەمە چارەسەر نەکات با ئیدی پرسیاری ئەوە نەکات من حکومەتێکی سەرکەوتووم یان نا. ڕاوێژکارێکی باڵای حکومەتیش دەڵێ دامەزراندن لە هەرێمی کوردستان تەنیا بۆ ڕازیکردنی خەڵکە لەکاتی هەڵبژاردنەکاندا.
عەلی حەمەساڵح، ئەندامی فراکسیۆنی گۆڕان لە پەرلەمانی کوردستان ڕایگەیاند ئەوان لێکۆڵینەوەیەکی ورد لە بارەی ژمارەی فەرمانبەران دەکەن لە وەزارەتەکانی حکومەتی هەرێمی کوردستان و تاوەکو ئێستا بۆیان دەرکەوتووە کە هیچ وەزارەتێک نییە ژمارەیەکی زۆر بندیواری نەبێ.
ئەو پەرلەمانتارەی گۆڕان زانیاری لەبارەی فەرمانبەری بندیوار دەدات مەبەستمان لە بندیوار ئەو فەرمانبەرانەن کە مووچە وەردەگرن و دەوام ناکەن، ئەمە جگە لەوەی کە بەدەیان هەزار کەس دوو یان تەنانەت سێ مووچەیان هەیە لە کوردستان.
ڕاوێژکارێکی حکومەت:
نەبووە کەسێک یەک ڕۆژ دەوامی نەکردبێ و بە پلەی لیوا ڕوکن خانەنشین بکرێت
بەپێی ڕاپۆرتی وەزارەتی دارایی و ئابووری کە بۆ پەرلەمانی کوردستان ڕەوانە کراوە، حکومەتی هەرێمی کوردستان (684) هەزار فەرمانبەری هەیە.
عەلی حەمەساڵح، باسی ناوەڕۆکی هەندێ لەو لێکۆڵینەوانە دەکات کە لەسەر مووچەخۆرانی بێکار کردوویانە زۆرترین بندیوار لە وەزارەتی پێشمەرگە، کارەبا، کشتوکاڵ، پیشەسازی و بازرگانی، ئەوقافن. گوتیشی ئێستا دەتوانین بڵێین زیاتر لە 100 هەزار فەرمانبەری بندیوار و دوو مووچە و سێ مووچە لە هەرێمی کوردستان هەن.
راوێژکارێکی باڵا لە حکومەتی هەرێمی کوردستان کە ئاگاداری مەسەلەی دامەزراندنە لە حکومەت، دەڵێ لە هەرێمی کوردستان هیچ نیزام و سیاسەتێک نییە بۆ دامەزراندن. گوتیشی دامەزراندنی خەڵک تەنیا بۆ ڕازیکردنیان بووە لەلایەن یەکێتی و پارتی، ئەم بابەتە بۆ هەڵبژاردنەکان و لەکاتی هەڵبژاردن زۆرتر بەکاردەهات و خەڵک بە هەڕەمەکی دادەمەزرێنران.
ئەو ڕاوێژکارە کە نەیویست ناوی بڵاوبکرێتەوە، دەڵی لە مەسەلەی دامەزراندندا هەندێ شت کراوە لە هیچ شوێنێکی دنیا نەکراوە نەبووە کەسێک یەک ڕۆژ دەوامی نەکردبێ و بە پلەی لیوا ڕوکن لە سلێمانی دامەزرابێ و خانەنشین بکرێ‌.
راوێژکارەکە دەپرسێ: چۆن دەکرێ مزگەوتێک 30 خادمی هەبێ و قوتابخانەیەکیش 15 فەڕاشی هەبێ؟.
وەزارەتی دارایی و ئابووری حکومەتی هەرێمی کوردستان ساڵانە بەگوێرەی بودجە فەرمانبەر دادەمەزرێنێ، ساڵی وا هەبووە تاوەکو 30 هەزار فەرمانبەری دامەزراندووە.
راوێژکارەکەی حکومەت دەڵێ چۆن دەکرێ لەکاتێکدا بەشە بودجەی هەرێمی کوردستان ئەوەی لە بەغداوە دێت 12% بێت، کەچی ڕێژەی فەرمانبەرانی هەرێمی کوردستان 23%بێت، چۆن دەبێ 12 دینارت هەبێ بەسەر 23 کەسیدا دابەش بکەی؟ بێگومان ئەمە هەڵەیە. گوتیشی مادام پشکی هەرێمی کوردستان لە بودجەی عێراق 12%یە، دەبێ ڕێژەی فەرمانبەرەکانی هەرێمی کوردستانیش لە 12% تێپەڕ نەکات.
عەلی حەمە ساڵح حکومەتی هەرێمی کوردستان بەئاگا دێنێتەوە و دەڵێت بۆ هەریەک لە وەزارەتەکان بەدواداچوون دەکەین و کردوومانە و زانیاری پێویست دەخەینە بەردەم حکومەت بۆ چارەسەرکردنی ئەم گرفتە. بەڵام گوتیشی ئەگەر حکومەت ئەو کێشەیە چارەسەر نەکات، ئەوا نابێ پرسیار بکات کە ئایا کابینەکەی سەرکەوتووە یان نا.
ئێستا بەشێکی زۆری وەزارەتەکان کەوتوونەتە خۆیان بۆ ئاشکراکردنی فەرمانبەرە بندیوارەکان. وەزارەتی کارەبا 15 هەزار و 756 فەرمانبەری هەیە و وەزیرەکەی نایشارێتەوە کە بندیوار لە وەزارەتەکەی ئەو هەیە. سەڵاحەدین بابەکر، وەزیری کارەبا دەڵێ لێژنەمان بۆ ئەو بابەتە پێکهێناوە و لێکۆڵینەوە دەکەین و هەر فەرمانبەرێکی بندیواریش لای ئێمە دەرکەوت، کە بیستووومانە هەیە، ئیجرائاتی یاسایی دەکەین.
وەزیری ئەوقاف و کاروباری ئاینی کە دەڵێت لێکۆڵینەوەیان دەستپێکردووە، لەوبارەوە گوتی ڕاستە فەرمانبەری بندیوار هەبووە و مووچە وەردەگرن. کەمال موسلیم دەڵێ لێژنەمان پێکهێناوە و سەنتەری هەولێریش تەواو بووە، لە لێکۆڵینەوەکە دەرکەوتووە مزگەوتێک کە پێویستی بە چوار فەرمانبەر هەبووە، کەچی 10 کەسی هەیە، ئەوانە زیادن و زیادەکانیش لە ماڵەوەن. هەروەها گوتیشی ناعەدالەتی لە دابەشکردنی فەرمانبەرانیش هەبووە.

دواڕۆژ، نوسینگەی هەولێر
#حکومەتی هەرێمی کوردستان#، ئاشکرایدەکات، یەک ملیۆن و 189 هەزارو 450 مووچەخۆر لە کەرتی سەربازی و مەدەنی لە سیستمی بایۆمەتری خۆیان تۆمارکردووە، دوای وردبینیش ئاماری موچەخۆرانی بندیوار بڵاودەکرێتەوە.
سەمیر هەورامی، وتەبێژی #سیستمی تۆماری بایۆمەتری# بە دواڕۆژی ڕاگەیاند تائێستا یەک ملیۆن و 189 هەزارو 450 کەس لە موچەخۆری سەربازی و مەدەنی و خانەنشینان و کەسوکاری شەهیدان ناوی خۆیان لە تۆماری بایۆمەتری تۆمارکردووە.
وتەبێژی سیستەمی بایۆمەتری ئاماژەشی بەوەکرد، داوایان لە فەرمانگە حکومییەکان کردووە لیستی موچە لەسەر بنەمای تۆمارکراوان لە سیستمی بایۆمەتری لەگەڵ بارکۆدی کەسە تۆمارکراوەکان تا مانگی ئاب ڕەوانەی وەزارەتی دارایی بکەن بۆ ئەوەی بتوانرێت لەمانگی ئەیلولدا لەسەر بنەمای تۆماری بایۆمەتری موچە دابەشبکرێت.
سەمیر هەورامی ئەوەشی خستەڕوو لە 95% هێزەکانی 80 و 70 لە سیستەمی بایۆمەتری ناوی خۆیان تۆمارکردووە و لەدوای مانگی ئەیلول هەر کەسێک ناوی لەتۆماری بایۆمەتری نەبێت موچەکەی دەبڕدرێت.
وتەبێژی پرۆسەی تۆماری مووچەخۆرانی هەرێمی کوردستان، وتیشی لەسیستمی بایۆمەتری، هیچ ئامارێک سەبارەت بەمووچەخۆرانی بندیوارو دوو مووچەیی ئاشکرا نەکراوە، ئاشکراکردنی ئەو ئامارە تەنها دوای کۆتایی هاتن و وردبینی کۆتایی پرۆسەی تۆماری بایۆمەتری دەبێت.
13-06-2017

بن دیوار. [1]
1-[بن+ دیوار] حاڵی کەسێک کە هیوای لێبڕابێت و لەبن دیوار هەڵدەتڕووشکێت. (ئەناهیتا)
2-بە کەسێک دەوترێت کە بەبێ ئەوەی کارێک بکات، یان خانەنشین بێت، مووچە لە حوکوومەت یان حزبەکان وەربگرێت. بۆ ئەوەی لە هەڵبژاردندا دەنگیان پی بدات.

پەرلەمانتارێکی گۆڕان ڕایگەیاند ''350 هەزار مووچە خۆی بندیوار لە هەرێمی کوردستان هەیە کە زۆربەیان پاسەوان و هەوادار و کادر و خەڵکی حزبی و بندیواری پارتی و یەکێتین''.
ئاوێنە: #دابان محەمەد# ئەندامی پەرلەمانی کوردستان لە فراکسیۆنی گۆڕان ڕایگەیاند ژمارەی ئه و مووچەخۆرانەی زاراوەی بندیواریان بۆ بەکار دەهێنرێت، 350 هەزار کەس بەره و ژوورە.
ناوبراو دەڵێت: ئه و 200 هەزارەی کە #قوباد تاڵەبانی# باسی دەکات، تەنها لە سیستمی بایۆ مەتریدایە، کە خۆی سەرپەرشی دەکرد و ملیۆنان دۆلاری تێدا خەرج کرد! زۆر زیاتر له و ژمارەیە بندیوار هەیە.
دابان مەحەمەد ئاماژە بەوەش دەکات، 430 هەزار مووچەخۆر لەسەر #وەزارەتی پێشمەرگە# هەیە. ئه و کەسانەی کە لە لیوای هاوبەشن و هاوپەیمانان سەرپەرشتی دەکەن، زۆریان مووچەخۆرن له هێزەکانی پێشتر کە لە یەکەی 70 و 80 بوون. ئه و فەوج و لیوایانەی لە بەغدادن لە هەرێم مووچە خۆرن، دەیان هەزار کەس لە ئێستادا بەهۆی کۆچ کردنیان ڕیزەکانی یەکەی 70 و 80 و هێزە ئەمنیەکان جێهشتیوە، بە ئێستاشەوە مووچەخۆرن! زانیاری لەسەر داتا و ئامار و وردەکاری ئەم دوو هێزە، تەنانەت لای وەزارەتی دارایش نیە، بە بلۆک و بە گوێنی (گونیە)، پارەیان بۆ دەبرێت.
ئەو پەرلەمانتارەی گۆڕان دەشڵێت جێگری سەرۆکی حکوومەت بە دەق وتوویەتی: #کۆمەڵی ئیسلامی# و یەکگرتووی ئیسلامی، خەڵکیان دامەزراندووە و بندیواری زۆریان هەیە، بۆ کۆکردنەوەی دەنگ لە هەڵبژاردنەکاندا، ئەم قسەیە بۆ تەنز بوبێت، یان بۆ وەلێمی پەرلەمانتارەکانی ئه و دوو هێزە کە له و دانیشتنەدا بوون، بێ ویژدانییەکی گەورەیە. (ئەندامی سەرکردایەتی هەیە 500 پاسەوانی هەیە، مەلای ئاینی هەیە 15 پاسەوانی هەیە) لانی کەم بندیوارەکانی پارتی و یەکێتی بەقەد ئه و دوو هێزە لێبکەن، خەڵک سوپاس گوزار دەبێت.
دابان محەمەد جەختیش دەکاتەوە، هۆکاری نەدانی مووچە، تەنها بەغداد نیە، کە خەریکی ڕاهێنانی مووچەخۆرن لەسەر ئه و تۆنە بەڵکوو:
دوو بەشی فەرمانبەران کە بە 50 ڕۆژ جارێک موچەش وەرناگرن، باجی سەدان هەزار، لە هەوادار و کادر و خەڵکی حزبی و نا موستەحەق دەدەن کە بندیواری پارتی و یەکێتین.
باجی سەدان ملیۆن دۆلار، گەندەڵی و دزی و بەفیڕۆدانی داهاتی نەوت دەدەن، لەژێر ناوی گومرگی تورکیا، کرێی بۆری کۆمپانیای کار و خەرجی حکومەت بۆ لایەنی دیکە.
باجی سەدان کۆمپانیای حزبی و بەرپرسی حزبی دەدەن کە سەریان کردووە بە داهاتی ناوخۆدا و مانگانە دەیان ملیۆن دۆلار دەبەن.
باجی جێبەجێ نەکردنی یاسایی چاکسازی دەدەن، کە پەرلەمان دەریکردوە. لە ئەنجومەنی وەزیرانە و دەستی دەستی پێدەکرێت.
باجی جێبەجێ نەکردنی بڕیارەکانی خودی حکوومەت دەدەن، کە هێشتا لە دۆلابی ئەنجومەنی وەزیراندایه.[1]

=KTML_Bold=هەڵە زمانەوانییەکەی جوتیار عادل=KTML_End=

#جوتیار عادل#ی وتەبێژی حکومەت ، لە ڕوونکردنەوەکەیدا هەڵەیەکی زمانەوانی زەقی تێدابوو، درکی پێنەکراو تێشپەڕی..
جوتیار عادل، لەبری ئەوەی #قوباد تاڵەبانی# بە بندیوار ناو ببات، #مەسرور بارزانی# بە بندیوار وەسفکردووە..
دیقەت بدەن،. نووسیویەتی ( جێگری سەرۆک وەزیرانی بندیوار) ، بندیوار لێرەدا سیفەیە و دراوەتە پاڵ ناوی سەرۆک وەزیران!
گەر بیویستایە سیفەکە بداتە پاڵ ناوی جێگری سەرۆک وەزیران، دەبوو بڵێ ( جێگری بندیواری سەرۆک وەزیران). [1]

دڵشاد ئەنوەر

ناونیشان: معاشەکەو جوانە، بندیوار!
نووسەر: #هێمن عەبدوڵڵا 2#
ڕۆژی دەرچوون: #19-10-2015#
ئەو بەزمەی لە کوردستان لە #23-06-2015# دەستی پێ کرد و بڕیار وابوو لەسەر بڕیاردان لەبارەی سیستمی حوکمڕانییەوە بێت، سەری کێشا بۆ داواکردنی وەرگرتنی مووچەی نەدراوی سێ مانگ! لەوە گەڕێ کە هەموو حیزبەکان دەڵێن خۆپیشاندان بەلاڕێدا بردراوە، چونکە هەریەکەیان مەبەستیان لە بەلاڕێدابردن ئەوەیە کە بەدڵی حیزبەکەی ئەوان نەبووە، بەڵام ئەوە سەیرە کە پۆپوولیستانە شەقام لەیەکدی هاندەدەن و بیر لەوە ناکەنەوە کە دەرهاویشتەکانی ئەو هاندانە چەند خراپ دەبن.
ڕاستییەکی تاڵ هەیە، ئەویش ئەوەیە کە زۆرتر لە یەک لەسەر سێی ئەو کەسانەی مووچەخۆری حکومەتی کوردستانن، کەسانی بندیوارن. واتە ئەوانەن کە لەم ڕەوشە ئابوورییە سەختەی وڵاتی تێکەوتووە، بەبێ ئەوەی هیچ بکەن، دەیانەوێ مووچەی مفت لە حکومەت وەربگرن. ئەمەش وادەکات ئەگەر حکومەت مووچەی نابندیوارەکانیشی پێ دابین بکرێت، لەبەر بندیوارەکان نەتوانێ مووچە بدات. ئەنجامەکەشی ئەوەیە کە خاوەن مافە ڕاستەقینەکان، بۆ نموونە مامۆستایان و فەرمانبەرانی ماندووی دیکە، بە چەند مانگ مووچەیان دوابکەوێت و لە کۆتاییدا بندیوارەکان و گێرەشێوێنان خۆپیشاندانەکانیان بۆ داواکردنی مافەکانیان بەلاڕێدا ببەن.
پارتی و یەکێتی بەرپرسیاری یەکەمی پەیدابوونی ئەو هەموو بندیوارەن لە کوردستان. بەڵام گۆڕانیش بە بەڵێندان بە کابانی ماڵ و خەڵکی دیکە، دەسکە گوڵەکەی دوو حیزبەکەی تەڕتر کرد. بۆیەش ئێستا بە هاندانی مووچەخۆرە بێ مووچەکان، پەرێزی هیچیان لەویدیکە خاوێنتر نابێتەوە.
ساڵێک بوو وەزیری دارایی لە گۆڕان بوو. هەنگاوی باشی هاویشت بۆ کەمکردنەوەی بندیوار، بەڵام کاتێک ڕاگەیەنراوی کۆبوونەوەی جڤاتی نیشتمانیم خوێندەوە کە وەزیری داراییش تێیدا ئەندامە، سەرم سوڕما لەوەی یەکەم خاڵی ڕاگەیەنراوەکە لەسەر دابینکردنی بێ قەید و شەرتی مووچە بوو بۆ مووچەخۆران. واتە دابینکردنی مووچە بۆ ئەو بندیوارانەش کە بارگرانییەکی گەورەیان لەسەر حکومەت درووستکردووە و وادەکەن دابینکردنی مووچە ئەستەمتر بێت. وەک بڵێی وەزیری داراییەکەی ئامادە بوو لە کۆبوونەوەکەدا، هەمان ئەو وەزیرە نەبێت کە ساڵێکە لە #هەولێر#ە و مووچەی بێ مووچەکانی پێ دابین نەکراوە!
هاوڕێیەکم بۆی گێڕامەوە کە لە کاسبکارێکی خەڵکی هەولێری پرسیوە: خەڵکی #سلێمانی# بۆ مووچە هاتنە سەرشەقام، بۆچی ئێوە لێرە بێدەنگن؟ ئەویش گوتوویەتی: ئاخر زۆرینەی هەولێرییان کاسبکارن و چاوەڕوانی مووچەی حکومەت نین.
پارەمان هەیە، بۆ بێینە سەرشەقام؟ ئەمە ئەو ڕاستییەیە کە دەبێ لێی وردبینەوە. کۆمپانیای زۆر لە هەولێر هەن. زۆر کەسی هەولێری بازرگانیی خۆیان هەیە و تێکەڵی حیزبەکان نەبوون. بۆ ئەوان خۆپیشاندان بەمانای ساردبوونی بازاڕ و کەمبوونەوەی دەرامەتە. کەواتە بۆ بێنە سەرشەقام و شەق لە ڕزقی خۆیان بدەن؟
حکومەتی کوردستان کاری چاکی کرد کە بە پلان هانی کەرتی تایبەتی دا لە هەولێر. بەڵام دەبووایە ئەوە لە شارەکانی دیکەش بکات. لە شەقڵاوەی تەنیشت هەولێر گەنجان بێکارن. هەلی کار لە شارەکەیان نییە و من شۆفێری تەکسیم بینیوە ڕۆژانە لەوێوە دێتە هەولێر بۆ کارکردن. ئەو گەنجە ئەگەر تەکسیی نەبێت، دەبێ ببێتە مووچەخۆری دەوڵەت. کاتێکیش مووچە نەهات، ڕەنگە بێتە سەر شەقام. بۆیە چارەسەری بنەڕەتی بۆ گەیشتن بە پشتبەخۆبەستوویی ئابووری ئەوەیە کەرتی تایبەت تەنیا لە پایتەخت نا، بەڵکوو لە شوێنەکانی دیکەی کوردستانیش هێندە ئاسانکاریی بۆ بکرێت کە وابکات ڕۆژبەڕۆژ مووچەخۆری دەوڵەت کەمتر ببنەوە.
کوردستان پێویستی بەوەیە کولتووری کارکردن و خۆدوورگرتن لە مفتەخۆریی تێدا بڵاوبکرێتەوە. ئێستا بندیواربوون عەیب نییە، بەڵام دەبێ فێربین کە بندیواربوون عەیب و شوورەییەکی گەورەیە. ئەوەی هەشیبوو شایستەی ئەوەیە پێی بگوترێ: مووچەکەو جوانە، بندیوار. [1]