بانە
جارێکی بت بینم بانە
دەڕوا لەسەر چاوم تانە
نەخشی خۆکردی داداری
بەهەشتی و نەخشێ ساکاری
لەسەر نووچکەی ڕوانگەی دیمەن
دیاری وەک باخچەی نێو چیمەن
ئەفسانەی گۆرین دێنیە بیر
مانگی چاردەی کەوتوویە بیر
هەرچی خوا بەو بەندەی داوە
لەو مەڵبەندەیدا خوڵقاوە
دارستان و لێڕەوارە
سوختی پوختی بەڕوو دارە
ڕەز و باخ و شاخ و کێوی
لک و پۆپی، دار و چێوی
میوەی ڕەنگاوڕەنگی پێوە
لێی شین نەبووە ئێمە و ئێوە
هەنار و هەرمێ و سێو و بێ
قاوت لێ دەکەن ئێژن بێ!
مێوژ و گوێژ و گەزۆ و مازوو
بە دوای یەکدا دەگەن زوو، زوو!
تووی شیرن خەرمانی سوورە
نوخشەی هەنجیر و هەنگوورە
شان و یاڵ و شیو و دۆڵی
هەرد و بەرد و خاک و خۆڵی
خێر و بێر و بەهرە و پیتە
خەڵکی وێ بی فیکری چیتە
شارێکی زۆر میوانگرە
قەت نەی دیبی پێت ئۆگرە
میری و مەزنی «یۆنس خانی»
«ڕەزا» نووسی لە دیوانی
«ئاربابا» فەخری «سەیوان» بوو
ئەو دەم «کاک ئەحمەد» میوان بوو
دەریای زانست و عیرفانە
شاری عەقیدە و ئیمانە
سەچاوە: #دیوانی حەقیقی#
هۆزانەوان: عەباسی #حەقیقی# [1] [2]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 28 mal angesehen
Schreiben Sie Ihren Kommentar zu diesem Artikel!