$باکووری کوردستان$
- لە ناوچەی جزیر لە پارێزگای شرنەخ هێرشکرایەر سەر شەهیدگەی یافەسێ، کە گۆڕی ئەندامانی یەپەسەی تیادایە.[3]
- بەتۆمەتی وتنی گۆرانی کوردی، بۆ ماوەی مانگێک سزای قەدەغەکردنی دیدار بەسەر #لەیلا گۆڤەن#-ی پەرلەمانتاری #هەدەپە#دا لە زیندانی #ئامەد#دا سەپێندرا.[1]
- لە سەر ڕێگای شرنەخ – جزیر و لە نزیک گوندی تۆپتەپە، چالاکییەک لە دژی کاروانێکی سوپای تورکیای داگیرکەر ئەنجامدرا کە بەو شوێنەدا تێپەدەپەڕین.[3]
$باشووری کوردستان$
- دژی داخستنی مەرزی بازرگانی دەرەیمەڕ لە سنووری شارەدێی بیارە-ی هەورامان، کاسبکاران و کۆڵبەرانی ئەو مەرزە، خۆپیشاندانیان ئەنجامدا و ڕێگای سەرەکی #خورماڵ#-#تەوێڵە#یان داخست.[1]
- #وەزارەتی ناوخۆ#ی عێراق بەنوسراوێک فەرمانیکردووە بەلابردنی 6 ئەفسەری کورد لە پۆستەکانیان لە شاری #کەرکووک# کە دیارترینیان بەڕێوەبەری هاتوچۆ و پاراستنی باڵەخانەی پارێزگایە.[2]
$دەرەوەی کوردستان$
- قاسم سولەیمانی، فەرماندەی فەیلەقی قودسی سوپای پاسداران وەڵامی تووندی دۆناڵد ترەمپ، سەرۆکی ئەمریکا دەداتەوە و دەڵێت پێویست ناکات هێزەکانی ئێران بەشداربن، تەنیا خۆم و سوپای قودس دەرەقەتی ئێوە دێین.[4]
- ئەندامانی ئەنجوومەنی نوێنەرانی ئەمریکا لە ڕەشنووسی بودجەی سەربازیی وڵاتەکەیان بۆ ساڵی 2019 ناوی #پێشمەرگە# زیاددەکەن و لە کۆی 850 ملیۆن دۆلاری تەرخانکراو بۆ سوپای عێراق، 290 ملیۆن دۆلار بۆ پێشمەرگە دانراوە.[4]
- وەزیری دەرەوەی تورکیا وەڵامی وتە هەڕەشە ئامێزەکانی ترەمپ دەداتەوە لەبارەی ئازادکردنی (ئیندرۆ برانسن)ەوە کە قەشەیەکی ئەمریکییە و لە تورکیا بەندکراوە. وەزیری دەرەوەی تورکیا دەڵێت کەس فەرمان بەسەر تورکیادا ناکات، ئێمە هەرگیز هەڕەشە لە هیچ کەسێک قبوڵ ناکەین، بنەماکانی یاسا بۆ هەموو کەسن بەبێ‌ جیاوازی.[2]

ناوەندی ڕاگەیاندن و چاپەمنیی هێزەکانی پاراستنی گەل (#هەپەگە#) لەبارەی چالاکییەکانی گەریلا لە جۆلەمێرگ و شرنەخ ڕاگەیاندراوێکی بڵاوکردەوە.
لە ڕاگەیاندراوەکەی هەپەگەدا هاتووە:
لە چەلێ گورزی قورس لە سوپای تورکیا درا و 33 سەرباز کوژران
لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری دا، دوێنێ 25ی تەموز لە کاتژمێر 21:30 دا کاروانێکی زرێپۆشەکانی سوپای کۆماری تورکیای داگیرکەر، کە بەرەوە ناوچەی چەلێی جۆلەمێرگ دەڕۆیشتن لە لە نزیک گوندی چەمێ بێدەلێ چالاکییەکیان لە دژ ئەنجامدرا.
هێزەکانمان لە 2 قوڵەوە هەموو زرێپۆشەکانیان کردە ئامانج و 2 ئۆتۆمبێلێی زریپۆشی جۆری کیرپی و ئۆتۆمبێلێکی تری جۆری ئەژدەر بە تەواوی تێکشکێندران. ئەوەندەی ڕوون بووەتەوە 33 سەربازی دوژمن کوژراون.
سوپای کۆماری تورکیای داگیرکەر لە دوای چالاکییەکە کوژراون و بریندارەکانیان لە ناوچەکە گواستەوە و بە پشتیوانیی کۆپتەری جەنگیی جۆری ئاتاک ناوچەکەیان بۆردومانکرد.
هەر لەو ڕۆژدا هێزەکانمان لە چوارچێوەی هەڵمەتە شۆڕشگێڕیەکەدا هێرشیان کردە سەر سەربازانی دوژمن لە گردی کۆردینە لە ناوچەی چەلێی جۆلەمێرگ. لەو چالاکییەدا گورزی قورس لە سەنگەرەکانی دوژمن دران. ژمارەی کوژراوان و بریندارانی دوژمن ڕوون نەبووەتەوە.
لە شرنەخ 4 سەربازی سوپای تورکیا کوژران
هێزەکانمان لە چوارچێەی هەڵمەتی شۆڕشگێڕیی شەهید دەلال #ئامەد# و شەهیدانی بەستادا، ئێوارەی 24ی تەمووز لە هەرێمی گەلییۆکان لە ناوچەی باسای شرنەخ لە دژی یەکە شارەواکانی سوپای کۆماری تورکیای داگیرکەر چالاکییان ئەنجامدا. لەو چالاکییەدا لە نزیکەوە لە دوژمن درا و لە ئەنجامدا 3 سەرباز کوژران و 5 سەربازی تریش برینداربوون. سوپای کۆماری تورکیای داگیرکەر لە دوای ئەو چالاکییەکە لە هەرێمەکەدا دەستی بە ئەنجامدانی ئۆپراسیۆن کرد.
هەروەها هێزەکانمان لە چوارچێوەی هەڵمەتە شۆڕشگێڕییەکەدا لە ڕۆژی 25ی تەمووز و لە کاتژمێر 17:30 لە دژی دەروازەی چوونە ژوورەوەی بنکەی سەربازی فندکێ لە شرنەخ چالاکییەکیان ئەنجامدا. ئەوەندەی ڕوون بوویەوە سەربازێک لەو چالاکییەدا کوژراوە. سوپای کۆماری تورکیای داگیر لە دوای ئەو چالاکییە ناوچەکەی دایە بەر تۆپ و هاوەن.[1]
#26-07-2018#