$رۆژهەڵاتی کوردستان$
- #خەلیل کەریمی#، چالاکی کرێکاری کە لە لایەن دادگای پێداچوونەوەی شاری #سنە# بە 2 مانگ زیندانیی تەعزیری مەحکووم کرابوو، ڕەوانەی زیندان کرا.[5]
$باشووری کوردستان$
- لە یاریگەی نێودەوڵەتی شاری #سلێمانی# یەکەمین پاڵەوانێتی تیر و کەوانی یانەکانی عەرەب بۆ یەکەمجار دەستیپێکرد.[2]
- لە سلێمانی بەئامادەبوونی لێپرسراوانی حکومی و حزبی و کەسوکاری شەهیدان مەراسیمی یادی 18 ساڵەی شەهیدانی #خێڵی حەمە# دەستیپێکرد کە لەو کارەساتەدا تیرۆرستانی جوندلئیسلام و ئەنسارولئیسلام بە شێوەیەکی دڕندانە و نامرۆڤانە 43 پێشمەرگەیان لەو گوندە بەدیلی شەهید کرد و دواتر تەرمەکانیان شێواندن.[3]
- ڕێکخراوە جەماوەری و پیشییەکانی حزبە بەشداربووەکانی لیستی #کەرکووک#ی کوردستانی لە شاری کەرکووک کۆبوونەوە و جەختیان کردەوە کە پێویستە تێکڕای حزبە کوردستانیەکان بە یەک لیست بەشداری لە هەڵبژاردنی ئەنجومەنی پارێزگادا بکەن.[4]
- ئەندامێکی وەفدی دانوستانی هەرێم لەبەغدا ڕاگەیاند: سەرۆک وەزیرانی عێراق بڕیاری دەرکردوە بۆ چۆڵکردنی بارەگاکانی پارتی لەکەرکووک کە ئێستا بەشێکی لەلایەن هێزە عێراقییەکان و #حەشدی شەعبی#یەوە داگیرکراون.[2]
$رۆژئاوای کوردستان$
- سوپای تورکی داگیرکەر و چەتەکانی گوندەکانی مالکیە، شەوراخا و لەکا-یان لە ناوچەی شەرای #عەفرین# بە تۆپ و هاوەن تۆپباران و هاوەنبارانکرد. لەو تۆپبارانەدا شوێنی ژیان و ژینگەی هاووڵاتییان کرایە ئامانج و زیانی بە ژینگە و شوێنی ژیانی هاووڵاتییان گەیاند.[1]