[1]

بەبۆنەى جەژنى نەورۆزەوە، بەڕێز #نێچیرڤان بارزانی#، سەرۆکى هەرێمى کوردستان، نامەیەکى پیرۆزبایى لە بەڕێز #هاکان فیدان#، وەزیرى دەرەوەى تورکیاوە پێگەیشت کە تیایدا هیواى ساڵێکى پڕ لە خۆشى و ئارامى و تەندروستیى باش بۆ بەڕێزیان دەخوازێت.
لە نامەکەدا بۆ بەڕێز سەرۆکى هەرێمى کوردستان، بەڕێز وەزیرى دەرەوەى تورکیا نووسیوویەتى: بەڕێز سەرۆک، دۆستى ئازیزم، لە ناخەوە پیرۆزباییى جەژنى نەورۆزتان لێدەکەم کە سیمبولى خۆڕاگرى و ئاشتى و ژیانەوەى سروشت و ساڵیکى نوێ و نەریتێکى کۆنى هاوبەشمانە. هەروەها هیواى خواستووە هەماهەنگى و هاوبەشیى نێوان هەردوولا بەهێزتر بێت لەپێناو ئارامى و ئاشتى لە ناوچەکەدا. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە بۆنەی کۆچی دوایی کەسایەتیى دیارى #هەڵەبجە#، خوالێخۆشبوو حاجی محەممەد بامۆکی، نێچیرڤان بارزانى سەرۆکى هەرێمى کوردستان، پرسەنامەیەکی بڵاوکردەوە، کە ئەمە دەقەکەیەتی:
بۆ کۆچى دواییى خوالێخۆشبوو #حاجی محەمەدی بامۆکی#، کەسایەتیى دیارى هەڵەبجە، پرسە و سەرەخۆشى لە خێزان و کەسوکارى بەڕێزیان دەکەم، هاوخەمیانم. لە خواى مەزن هیواخوازم گیانى بە بەزەیى و میهرەبانیى خۆى شاد بکات و ئارامى و دڵنەوایى بە هەمووان ببەخشێت. [1]

#نێچیرڤان بارزانی#
سەرۆکى هەرێمى کوردستان
#22-03-2024#

سەرۆکوەزیرانی هەرێمی کوردستان #مەسرور بارزانی#، نامەیەکی پیرۆزبایی بە بۆنەی جەژنی نەورۆزەوە، لە #هاکان فیدان#، وەزیرى دەرەوەى تورکیاوە پێ گەیشت.
لە نامەکەدا وەزیری دەرەوەی تورکیا، پیرۆزبایی لە سەرۆکوەزیران دەکات و دەڵێت، هیواى ساڵێکى پڕ لە خۆشى و ئارامى و تەندروستیى باشتان بۆ ‌دەخوازم.
لە نامەکەدا هاتووە، جەژنى نەورۆز سیمبولى خۆڕاگرى و ئاشتى و ژیانەوەى سروشت و ساڵیکى نوێ و نەریتێکى کۆنى هاوبەشمانە، هیوادارم لەپێناو ئارامى و ئاشتى ‌ ناوچەکە، ‌ هەماهەنگى و هاوبەشیى نێوان هەردوولامان بەهێزتر بێت. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە بۆنەی کۆچی دوایی کەسایەتیی و سەرمایەداری ناسراوی #هەڵەبجە#، خوالێخۆشبوو حاجی محەممەد بامۆکی، سەرۆکی حکوومەتی هەرێمی کوردستان مەسروور بارزانی پرسەنامەیەکی بڵاوکردەوە، کە ئەمە دەقەکەیەتی:
پرسە و سەرەخۆشی ئاراستەی بنەماڵەی بەڕێزی کەسایەتیی ناسراو خوالێخۆشبوو #حاجی محەمەدی بامۆکی# دەکەم و هاوبەشی خەمیانم .
خوای مەزن گیانی بە بەهەشت شاد بکات و سەبر و ئارامییش بە بنەماڵە و کەسوکاری خوالێخۆشبوو ببەخشێت. [1]

#مەسرور بارزانی#
سەرۆکی #حکومەتی هەرێمی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی (حاجی محەممەد بامۆکی)=KTML_End=

=KTML_Bold=بەڕێزان/ خانەوادەی خوالێخۆشبوو (#حاجی محەمەدی بامۆکی#)=KTML_End=
بە داخ و پەژارەیەکی زۆرەوە هەواڵی کۆچی دوایی کەسایەتی خێرخواز و ناسراوی دەڤەری #شارەزوور# و #هەڵەبجە#، خوالێخۆشبوو(حاجی محەمەد بامۆکی) مان بیست، بە خەمناکییەوە پرسە و سەرەخۆشیی خۆمان ئاراستەی ئێوەی بەڕێز و کەسوکار و بنەماڵە بەڕێزەکەتان دەکەین، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی ئاشنایان و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، جارێکی دیکە پرسە و سەرەخۆشیی خۆمان دووبارە دەکەینەوە، داواکارین لە خوای گەورە خوالێخۆشبوو بە بە هەشتی بەرین شاد بکات و ئێوەش لە کۆستی دیکە بە دوور بگرێت. [1]

مەکتەبی سیاسیی
#پارتی دیموکراتی کوردستان#
#22-03-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

وتەبێژی #حکومەتی ھەرێمی کوردستان# لەبارەی مەحکەمەی نادەستووری و نافیدڕاڵییەوە ڕاگەیەندراوێکی بڵاوکردەوە.

=KTML_Bold=دەقی ڕاگەیاندراوەکەی وتەبێژی حکوومەتی ھەرێمی کوردستان….=KTML_End=
ئێمە ھەموومان لەگەڵ سەروەری یاسا و دادگایەکی بێ لایەن و دەستورین، بەڵام تا ئێستا بە پێی دەستوور، عێراق دادگایەکی دەستووری نیەو ئەو دادگایە بە نا دەستووری بەردەوامەو بڕیارەکانیشی نا یاسایی و نا دەستوورین.
ئەوانەی لە کوردستان پشتگیری ئەم دادگایە دەکەن لە بەر ئەوەیە لە بەرژەوەندی ئەوان ھەڵسوکەوت دەکات و بڕیاری نا دەستووری دەدات، بەڵام پێویستە خەڵکی کوردستان بزانێت کە خۆفرۆشان لایان گرنگ نیە چەند مافی دەستووری کوردستان بە دەستەوە دەدەن.
بەھۆی ئەوەی ئەم بەناو دادگایە لە بەرژەوەندی ئەوان و دژی حکوومەت بریار دەدات مافی دەستووری ھەرێم پێشێل بکرێت، کاتی ئەوە ھاتووە خەڵکی بە شەرەفی کوردستان بەرامبەر بە خاکفرۆش و ماف فرۆشان ھەڵوێستی جدی وەرگرن و ڕووبەڕوویان ببنەوە. [1]

#پێشەوا هەورامانی#
وتەبێژی حکوومەتی ھەرێمی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=