=KTML_Bold=ڕووباری کۆیه=KTML_End=
لە پێنج لقی سەرەکی سەرچاوەی گرتووە، لە شاخەکانی باواجی و هەیبەسوڵتان و بناری تەکەڵتوو و سیتەغار ئەوانیش:
یەکەم: لقێکی لە شاخی باواجی و ڕووبارۆچکەی باواجییەوە دێت بەنداوی (#حەمامۆک#)ی لەسەر درووستکراوە و سەر ڕەزان و ئۆمەرخوچان و کورداوە و مزگەوتۆرە و چەمبەرە و یارەمیش و عەوداڵان و قۆڕیتان و شیلە دەبڕێت لە سێگۆشەی #کونەگورگ# و داربەڕوو و قۆڕیتان تێکەڵی دووڕووباران دەبێت.
دووەم: لقێکی تری لە شاخی هەیبەسوڵتانەوە لە پشتی گوندی سێوەسەنەوە دێت بەناوی (گامێشەڕێ) دواتر دێتە باموردکان و کفرەدۆڵ و شەوگێڕ لە گوندی شەوگێڕ پێی دەوترێت: ڕووباری گەورە لە نێوان ئاقاری گالێس و گردی چیاگەڕەدا بەنداوی شەوگێڕی لەسەر بونیاتنراوە و لە خوار شەوگێڕ دەچێتەوە گوندی قۆڕیتان لە قۆڕیتان پێی دەوترێت ڕووباری قۆڕیتان لەنزیک ئاوایی بەنداوی قۆڕیتانی لەسەر بونیاتنراوه، دواتر شیوەرۆکی ڕووباری ناسراغا کە لە ڕۆژهەڵاتی بەرزایی سیتەغار دێت و لە (ئاوەسارد) لەگەڵ ڕووباری قۆڕیتان یەکدەگرێتەوە لەگەڵ ئه و لقە ڕووبارۆچکەیە و لە خوار گوندی قۆڕیتان و لە کونەگورگ لە دوو ڕووباران دەکاتەوە.
سێیەم: لقێکی تری لە شاخی باواجییەوە بە گوندی تۆبزاوا و #هەرمۆتە# و شیلە و قۆڕیتان دەبڕێت و دەچێتەوە دووڕووباران.
چوارەم: لقێکی تری لە شاخی هەیبەسوڵتانەوە لە گوندی ئاودەرۆکەوە دێت گوندەکانی یارەمیش و شەوگێڕ و قۆڕیتان دەبڕێت کە بە (هیشکەخڕ) یان (زەنگە) ناودەبرێت و لە خوار عەوداران لە نزیکی کەونە پرد تێکەڵی دووڕووبارانی دەکات.
پێنجەم: لقێکی تری ناوی (شیوی ساماڵ)ە لە نێوان ئاوایی شێخەروان و تەکەور لە شاخی باواجییەوە سەرچاوەی گرتووە بەڕۆژهەڵاتی گۆپتەپەوە بە گوندی کێلەسپی و مام قلینج و شیواشۆکی خوارێدا تێدەپەڕێت لەنێوان شیواشۆک و داربەڕوو و تاڵەبانی گچکە تێکەڵی ڕووباری کۆیە دەبێتەوە، لەخوار بەیەکگەیشتی هەر پێنج لقەکەوە بەنداوی بانووی تاڵەبانی لە نێوان تاڵەبانی گچکە و شیواشۆک بەنیوەچڵی لێ درووستکراوە و پەنگانەوەی ئاوەکەی تاوەکوو گوندەکانی کونەگورگ و داربەڕوو درێژ دەبێتەوە، دواتر سنووری گوندی ئیلنجاغی گچکە-هەردوو مەرزانی خوارێ و سەرێ و تاڵەبانی گەورە و ئیلنجاغی گەورە دەبڕێت لە دواوان-دووئاوان لە نێوان ئیلنجاغی گەورە و ئۆمەرگومبەت لەگەڵ ڕووباری داربەسەر بەیەک دەگەنەوە و دوای گوندی ئۆمەرگومبەت لە ئاقاری گوندی کانی لەلە لە شوێنێک پێی دەوترێت: شەت و گەرار تێکەڵی زێی بچووک دەبێت. [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 99 mal angesehen
Schreiben Sie Ihren Kommentar zu diesem Artikel!