#قوباد تاڵەبانی# جێگری سەرۆک وەزیرانی #حکومەتی هەرێمی کوردستان# وەک سەرۆکی فەخری #یانەی وەرزشی سلێمانی# دەستنیشانکرا.
لە سەردانێکدا بۆ یانەی سلێمانی قوباد تاڵەبانی لەلایەن (سەرکەوت حەسەن) سەرۆکی یانە و ئەندامانی دەستەی کارگێڕییەوە پێشوازی لێ کرا.
دوای بەسەرکردنەوەی بەشە جیاجیاکانی یانەکە قوباد تاڵەبانی وەک سەرۆکی فەخری یانەی دایک دیاریکرا.
تاڵەبانی ڕایگەیاند مێژوی وەرزش لە #سلێمانی# بە یانەی وەرزشی سلێمانییەوە گرێ دراوە و چەندین نەوەی خەڵکی سلێمانی بیرەوەرییان لەگەڵ ئەم یانەیەدا هەیە.
وتیشی یانەی سلێمانی یانەی دایکە و دەبێت لەم قۆناغەدا شوێن و پێگەی شیاوی خۆی بۆ بگەڕێتەوە.
سەرۆک و ئەندامانی دەستەی کارگێڕی و قوباد تاڵەبانی لەبارەی چۆنییەتی بووژانەوە و گەشەپێدانی یانەکە کە لە ئێستادا 2025 خاوەنی چەندین تیپە لە بوارە جیاوازە وەرزشییەکاندا گفتوگۆی تێروتەسەلیان کرد و بڕیاردرا لە ماوەیەکی کورتدا پلانێکی تۆکمە بۆ پێنج ساڵی داهاتووی یانەکە ئامادەبکرێت تا بە هەوڵ و هیمەتی هەموو لایەک یانەی سلێمانی بگاتەوە ئەو ئاستەی کە شایستەی ناوبانگ و مێژووە پڕشنگدارەکەی. [1]
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 308 mal angesehen
Schreiben Sie Ihren Kommentar zu diesem Artikel!