ئەمڕۆ #30-01-2025#، بەسەرپەرشتی د. #موحسین ئەدیب# بەڕێوەبەری گشتی ڕۆشنبیری و هونەری سلێمانی، لیژنەی ئامادەکاری دیداری #حاجی کاک ئەحمەدی شێخ# کۆبووەوە و تاوتوێی ئامادەکاریی و ڕێکخستنی دیدارەکە کرا کە بڕیارە لە ناوەڕاستی مانگی نیسانی ئەمساڵ 2025 بە هاوبەشی لەنێوان بەڕێوەبەرایەتی گشتی ڕۆشنبیری و هونەری سلێمانی و ڕێکخراوی بەرزجا بۆ گرنگیدان بە مێژوو، سازبکرێت.
سەرەتا، لەلایەن ڕێپێدراو و نوێنەرانی ڕێکخراوی بەرزجا، پوختەیەک لەبارەی ئەو توێژینەوانە و ئەو کەسایەتی و بابەتانەی لە دیدارەکە پێشکەش دەکرێن خرایەڕوو لەگەڵ چەند پێشنیارێک لە پێناو ڕێکخستنی دیدارێکی شایستە بە کەسایەتیی و منەوەری کورد کاک ئەحمەدی شێخ.
پاشان، بەڕێوەبەری گشتی ڕۆشنبیریی، وێڕای خۆشحاڵی بە سازکردنی دیدارێکی لەو شێوەیە بە کەسایەتیی ئایینی و نەتەوەیی و وەکوو کاک ئەحمەدی شێخ، ڕایگەیاند پێویستە دیدارەکە ئاستێکی باڵای هەبێت و تەوەری توێژینەوەکان فرە ڕەهەند و فرە بابەت بن، بۆ ئەوەی بتوانرێت لەسەر زۆر لایەنی ئەو کەسایەتییە مەزنەی کورد قسە بکرێت، بەتایبەت مەسەلەی پێکەوەژیان و خزمەتکردنی خەڵک و ئایینێکی پاک و زۆر لایەنی تر.
بۆ ئەم مەبەستەش بڕیار درا، هەفتەی داهاتوو، ڕۆژ و کاتی دیدارەکە و ژمارەی ئەو توێژینەوانەی بەشداری تێدا دەکەم لە ڕێگەی کۆنگرەیەکی ڕۆژنامەوانی ڕابگەیەنرێت. [1]
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 367 mal angesehen
Schreiben Sie Ihren Kommentar zu diesem Artikel!