#یانەی وەرزشی ئاکرێ# ئەم وەرزە توانی ببێتە ئەسپە ڕەشەکەی خولەکە، یانەکە جیاواز لە تیپەکانی تری کوردستان ئامانجی گەورەی هەبوو لە خولی نایابی یانەکانی کوردستان، ئاکرێییەکان بە شایستەیی توانیان نازناوی ئەم وەرزەی خولی کوردستان بەدەست بهێنن، هەر چەندە یانەکە توانی لە جامی کوردستانیش بگاتە یاری کۆتایی، بەڵام نەیتوانی ئامانجی دووەمیش بپێکێ، #یەکێتی تۆپی پێی کوردستان# لیژنەی باشترینەکان ساڵانە لە ڕێگەی دەنگدانی ڕاهێنەران و کاپتنی یانەکان و دەزگا ڕاگەیاندنەکان باشترینەکانی کۆتایی وەرز خولەکە دەستنیشان دەکات، بۆ ئەمساڵیش وەرزی (2023-2024) باشترینەکانیان دیاری کرد، یانەی ئاکرێ توانی باشترین ڕاهێنەر و یاریزان و گۆڵپارێز بەدەست بهێنێ، (هەژار سابیر) ڕاهێنەری لاوی یانەکە توانی بۆ ئەمساڵ ببێتە باشترین ڕاهێنەر لە خولی نایابی کوردستان دوای بەدەست هێنانی 47 دەنگ لە کۆی 49 دەنگ، هەروەها (ئەرکان مەنسووڕ) توانی بەبەدەستهێنانی 29 دەنگ بووە باشترین یاریزانی خولەکە و هەریەک لە یاریزانان (دانا کامەران) لە #یانەی وەرزشی پێشمەرگەی هەولێر# بە 10 دەنگ و (یادگار ئیبراهیم) لە #یانەی سەیدسادق# 5 دەنگ و (بیلال ساڵح) لە #یانەی وەرزشی برایەتی# بە 2 دەنگ، بۆ باشترین گۆڵپارێزیش (عەباس یابڕ) لە یانەی ئاکرێ بە بەدەستهێنانی 24 دەنگ بووە باشترین گۆڵپارێزی خولەکە و (دلێر حاتم) بە 17 دەنگ لە #یانەی وەرزشی هەندرێن# و (هۆگر عەلی) لە #یانەی وەرزشی زاخۆ# بە 3 دەنگ و (هەڤاڵ بەهادین) 3 دەنگ لە یانەی سەیدسادق، یانەی ئاکرێ یەکێک لە یانە بەهێزەکانی خولەکە بووە و نازناوی خولی نایابی یانەکانی کوردستانیشی بەدەست هێنا. [1]
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 795 mal angesehen
Schreiben Sie Ihren Kommentar zu diesem Artikel!