=KTML_Bold=Desthilat êrişî jinan dike=KTML_End=
OZNUR DEGER
Hevseroka rêxistina #HDP# 'ê ya Navçeya Nisêbînê, Şîndar Akinci polîtîkayên dijminantiya li hemberî jinên Nisêbînê nirxand û got, Li dijî zêhniyeta ku hewl dide bajarê jinê bike bajarê mêran, divê em bajarê jinan biparêzin.
Nisêbîn weke navçeyeke girîng a Mêrdînê, weke bajarê jinan jî tê naskirin. Di hilbijartinên herêmî yên 29'ê Adara 2009'an de Berdevka Tevgera Jinên Azad (TJA) Ayşe Gokkan a niha di Hepsa Jinan a Sîncanê de girtî ye, bû şaredara navçeyê û xebatên girîng ji bo jinan kirin.
Nisêbînê sala 2015’an ji Çalakiya Navneteweyî ya tevna çalakiya femînîst a cîhanî yanî ji Meşa Jinan a Cîhanê ya çarem re mêvandarî jî kir. Meşê 6’ê Adara 2015’an li Nisêbînê bi panelan dest pê kiribû.
Beriya projeyeke muhim qeyûm dagir kir
Yek ji projeyên girîng ên Şaredariya Nisêbînê ên sala 2015'an ji bo îstîxdama jinan bû û di dawiya salê de ji ber dagirkeriya qeyûm pêk nehat. Ew jî Bazara Keda Jinan bû.
Di heft salan de 4 qeyûmên dewleta Tirk gelek proje tine kirin: Bîrdariya Newrozê hat hilweşandin û li şûna wê birca saetê hat lêkirin. Navenda Çandê ya Mîtannî ku cihê herî girîng ê xebatên çandî yên bajêr bû, hate xerakirin, hunermend û xebatkarên wê hatin girtin. Xebatên Mala Jinê ya Gulşîlavê pêşî hatin astengkirin û piştre navend hat girtin.
Hewl dan Nisêbînê di nava 7 salan de bi rêya kirinên qeyûman bikin bajarê mêran.
Naxwazin jin jinan bi bîr bînin
Hevseroka rêxistina HDP'ê ya Nisêbînê, Şîndar Akincî, rûxandina bi destê qeyûm a 7 salan û êrişên li dijî destketiyên jinan wiha nirxandin: Di wê dema bajarê jinan de tundî û qetlîam li dijî jinan zêde nahatin kirin. Li Nisêbînê jî weke îro li gelek bajarên Kurdistanê fuhûş û tiryak wê demê tinebû. Ayşe Gokkan jî ji bo ku ev kirêtî bi pêş nekevin, têkoşiya. Piştre bi tayînkirina qeyûman re me zêhniyeta mêr-dewletê dît. Mînak me dît ku piştî qeyûm tayînkirin kooperatîfa jinan di şevekê de hat şewitandin. Mala Jinan a Gulşîlavê ji aliyê qeyûm ve hat girtin, şevekê ji nişka ve hat hilweşandin. Bazara jinan wê bihata avakirin, lê piştî ku qeyûm hat ew bazar da mêran û ew jî weke ku dixwazin wê bi rê ve dibin. Dîsa di dema Hevşaredartiya Sara de parka bi navê Kader Ortakaya hate çêkirin. Lê belê qeyûm navê Kader Ortakaya ji parkê rakir. Zêhniyeta mêr naxwaze jin bên bibîranîn, hevdû bi bîr bînin. Ditirse ku jin bandorê li jinên din bikin û hewl dide pêşî li vê bigire. Naxwazin berxwedana wan bibe mînak.
Xwezaya navçeyê xira kirin
Şîndar Akinciyê anî ziman ku armanca wan ew e ku li şûna avahiyên ku piştî hilweşandina Nisêbînê, bi çêkirina TOKÎ'yan civakê parçe bikin: “Heta niha haya ti kesî ji rewşên wekî şideta li TOKÎ’yan nîne. Dîsa di çarçoveya polîtîkayên şerê taybet de bikaranîna tiryakê gihiştiye asta herî jor, bi darê zorê fuhûş li ser jinên ciwan tê ferzkirin. Nisêbîn ne bajarekî wisa bû. Xwezaya wê xira kirin.”[1]