ناونیشانی بابەت: ئاو هاتنەوەی پێچەوانە
ئامادەکردن: د. #ڕەنج بیلال کاکەیی#
.
گەڕانەوەی تۆواو بۆ ناو میزەڵدان جۆرێکی دەگمەنی کێشەکانی ئاو هاتنەوەیە لە پیاواندا، کاتێک ڕوودەدات کە تۆواو بەرەو دواوە دەگەڕێتەوە بەرەو میزەلدان لە جیاتی ئەوەی بە بۆری میزەڕۆدا تێپەڕببێت.
️$نیشانە هەرە سەرەکییەکانی ناسەرەوەی ئەم حاڵەتە دوو نیشانەیە:$
1- لە کاتی ئاو هاتنەوەدا ، تۆواو نابینرێت یاخود بڕەکەی زۆر کەمە.
2- ڕەنگی میز لێڵ دەبێت کاتێک دوای جووتبوون دەچیتە تەوالێت لەبەرئەوەی میزەکە تۆواوی تێدایە.
️- ئەو پیاوانەی ئەم حاڵەتەیان هەیە هێشتا دەگەنە ئۆرگازم (ئەوپەڕی چێژی سێکس) ی ، هەروەها ئەم حاڵەتە نابێتە مەترسی بۆ سەر پیاوان، تەنیا کێشەی گەورە ئەوەیە ئەو پیاوانەی ئەم حاڵەتانەیان هەیە ناتوانن ببنە باوک، واتە نەزۆک دەبن.
$هۆکارە سەرەکییەکانی گەڕانەوەی تۆواو بۆ ناو میزەڵدان:$
1- ئەم حاڵەتە ڕوودەدات بەهۆی زیان گەشتن بەدەمار یاخود شلبوونەوەی ماسوولکەکانی چورادەوری ملی میزەڵدانە (ئەو شوێنەی کە بۆری میزەڕۆ بەستراوە بە میزەڵدانەوە) ، لە کاتی ئاساییدا ماسوولکەکانی ملی میزەڵدان بەرپرسن لەوەی ناهێلن تۆواو بچێتە ناو میزەڵدانەوە لە کاتی ئاو هاتنەوەدا بەڵام لە کاتی هەبوونی ئەم نەخۆشییەدا ئەو ماسولکانە بە باشی ئیش ناکەن و ملی میزەڵدان کراوە دەبێت و داناخرێت بۆیە تۆواو دەچیتە ناو میزەڵدانەوە.
2- نەشتەرگەری پرۆستات یان میزەڵدان لە هۆکارە سەرەکییەکانی گەڕانەوەی تۆواون بۆ ناو میزەڵدان.
3- هۆکارەکانیتر وەکوو شەکرە، هەندیک دەرمانی بەرزەپەستانی خوێن، نەخۆشی MS کە زیان بەدەمارەکان و دڕکە پەتک دەگات.
$دەستنیشانکردنی ئەم حاڵەتە لە ڕێی دوو پشکنینەوە دەکرێت:$
1- شیکاری میز.
2- شیکاری تۆواو.
$چارەسەریش بە یەکێک لە دوو ڕێگەیە دەکرێت:$
1- بەکارهێنانی دەرمان.
2- نەشتەرگەری. [1]