$ئەرکی سەرەکی بەرپرسیارێتییە$
ناشوکوری نەبێ، میللەت هەمووی بووە بە نووسەر و شاعیر و واعیز و ڕەخنەگر ، ئەوەندە لە تۆڕی کۆمەڵایەتییەوە ئامۆژگاری یەکترمان کردووە، خودپەروەریمان بیرچووەتەوە و بڕستمان لێ بڕاوە.
ئیتر ئەوەی زمان بزانێ یان نەزانێ..
بیری ڕۆشن بێ یان تاریک..
حەق بێ یان ناحەق..
دڵسۆز بێ یان موزایەدەچی..
نووسینی خۆی بێ یان کۆپی و گزی لە خەڵکی تر و بەبێ ناوهێنانی نووسەر و سەرچاوەکەی..
بەڕاستی جێمان بە مەولانا و شەمس و ئۆشۆ و سارتەر و کانت و هەنتگتۆن و..ئەو هەموو هزرمەندەی دنیا تەنگ کردووە، بێ ئەوەی بتوانین بە کردار لە خۆماندا، ڕستەیەکیشی جێبەجێ بکەین.
هەر ئەمەش وایکردووە گرنگترین و سەرەکی ترین کێشەکانی گوزەران و سیستەم و حوکمڕانی و قۆرخکاری و زەوتکاری و ئاساییشی (خۆراک و نەتەوە و نیشتمان) مان زۆر بە ئاسایی بیر بچێتەوە و توانای ڕووبەڕوو بوونەوە و هەڵگرتنی بەرپرسیارێتیمان نەبێت!
ئەوەی دەیکەین و دەیڵێن و دەینووسین، بابەتی لاوەکین و تەنیا خۆ بەتاڵ کردنەوەیە، ئەگینا هیچ لە بارگرانی دۆخەکە ناگۆڕێ و ناتوانین چاکسازی لەو هەموو کەلێن و ماڵ وێرانییەدا بکەین کە بەرۆکی تاک بە تاکمانی گرتووە..
خوایە ئەم دۆخە وا پێچ پێ بکەیتەوە، لە نووسین و شین و شەپۆڕمان بخەیت. [1]
#شیلان محەمەد#
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 787 mal angesehen
Schreiben Sie Ihren Kommentar zu diesem Artikel!