شەوی ڕابردوو #18-01-2023#، لە ڕێگەی نێوان (نسێبین و #ماردین#) لە تورکیا تەقە لە ئۆتۆمبێلی خێزانێکی کوردی پارێزگای #دهۆک# کراوە و چوار لە ئەندامانی ئەو خانەوادەیە گیانیان لە دەستداوە و یەکێکیشیان بە سەختی بریندار بووە.
خێزانێکی کوردی پارێزگای دهۆک، ئەو خێزانە کاتژمێر یەک و نیو لە دەروازەی ئیبراهیم خەلیلەوە بە ئۆتۆمبێلی خۆیان چونەتە وڵاتی تورکیا بە مەبەستی وەرگرتنی چارەسەری پزیشکی.
بەپێی زانیارییە سەرەتاییەکان لە ڕێگەی نێوان نسێیین و ماردین چەند ڕێگرێک ڕێگەیان لە ئۆتۆمبێلی ئەو خێزانە گرتووە و تەقەیان لێکردوون. بەو هۆیەوە چوار لە ئەندامانی ئەو خێزانە گیانیان لە دەستداوە و کەسێکی دیکەشیان بە سەختی برینداربوون.
ئەو خێزانەی گیانیان لە دەستداوە خەڵکی شارۆچکەی #ئامێدی#ن و لە عەشیرەتی ڕێکانین... ئەو کەسەی بریندارە ناوی (مەلا ئەحمەد جەلالەددین) ە.
ئەو کەسەی گیانی لە دەستداوە ناوی (حاجی عەبدوڵڵا ساڵح مامیسییە) و یەکێکە لە کەسایەتییە دیارەکانی عەشیرەتی ڕێکانی کە خۆی و هاوسەرەکەی و کچێکی گیانیان لە دەستداوە.
مەلا ئەحمەد جەلالەددین، کە یەکێکە لە بریندارەکان، مامۆستایەکی دیاری ئایینییە لە پارێزگای دهۆک و قوتابی دکتۆرایە لە پارێزگای ماردینی تورکیا. [1]
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 927 mal angesehen
Schreiben Sie Ihren Kommentar zu diesem Artikel!