ناو: ئاسۆ
ناوی باوک: حەمەد عەبدوڵڵا
$ژیاننامە$
ناوی تەواوی (ئاسۆ حەمەد عەبدوڵلا)یە، ساڵی(1973) لە گەڕەکی بایزاغای شارۆچکەی #کۆیە# لە دایکبووە، قۆناغەکانی خوێندنی(سەرەتایی و ناوەندی و ئامادەیی) لە کۆیە خوێندووە، ساڵی(1994) لەسەر میلاکی وەزارەتی پیشەسازی حکومەتی هەرێمی کوردستان لە کۆیە دامەزراوە، لە(#01-03-1997#) دا بەرێوەبەرایەتی گەنجینەی هەولێر لە کۆیە دامەزرا، یەکەم بەڕێوەبەری(خالید جوتیار) بوو، ئاسۆ حەمەد و چەند فەرمانبەرێکی تر بوونە کاراکتەری خستنەسەرکاری ئەو بەڕێوەبەرایەتییە و کارەکانی هاوڵاتیان ڕایی بکەن، بە دەستگرۆیی خالید جۆتیار زۆر سەرکەوتووانە شارەزای کارەکە دەبێت و لەشاری #سلێمانی# بەشداری چەندین خولی پێگەیاندن و شیاندنی لە بوارەکەی خۆیدا کردووە، به و هۆیەوە ساڵی(2003) دەبێتە جێگری بەڕێوەبەرایەتی گەنجینەی کۆیە.
=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2022/411505/0001.JPG=KTML_ImageCaption_Title=ئاسۆ حەمەد عەبدوڵلا=KTML_ImageCaption_CaptionStyle=000000=KTML_ImageCaption_Caption=ئاسۆ حەمەد عەبدوڵلا=KTML_ImageCaption_End=
ساڵی (2004)درێژە بە خوێندن دەدات لە کۆلێژی یاسای ئێوارانی زانکۆی کۆیە و لە ساڵی خوێندنی(2007-2008) بە پلەی باشە بڕوانامەی بەکالۆریۆس لە یاسا بەدەست دەهێنێت، لە ساڵی(2009)ەوە دەبێتە بەڕێوەبەری گەنجینەی کۆیه، لەگەڵ تێکەڵبوونەوەی هەردوو ئیدارەی سلێمانی و هەولێر، ئەو بەڕێوەبەرایەتیە دەچێتەوە سەر میلاکی هەولێر، لە ساڵی(2013) لە کۆیە کۆمەڵگای دارایی بۆ(5)فەرمانگە بە هاوکاری قائیمقامی پێشوو چاپوک سەید عومەر و وەزیری دارایی پێشوو شێخ بایز تاڵەبانی دروستکرا، ئەوەش بووە بە مایەی ئاسانکاری بۆ هاوڵاتیان و فەرمانگەکانی کۆیە.
بەڕێوەبەرایەتی گەنجینەی کۆیە کارەکانی بریتیە لە: خەرجی و داهاتی کۆیە، ڕێگری لە خەرجی هەڵە و ڕاستکردنەوەی هەڵەکان، جێ بەجێکردنی ڕێسا و ڕێنماییەکانی تایبەت بە خەرجی و داهات، کارئاسانی بۆ فەرمانگەکانی شار و کاروبارەکانیان.
بەهۆی ئەم فەرمانگەوە لەماوەی ساڵانی پێشوو چەندین هاوڵاتی و فەرمانبەرانی سنوری کۆیە و دەوروبەری سوودمەندبوون لە وەرگرتنی پێشینەی هاوسەرگیری.
ئاسۆ حەمەد بەهۆی دڵسۆزی لەکارەکانی تاوەکو ئەمڕۆ(24) ڕێزوسوپاسی فەرمی لەلایەن وەزارەتی دارایی و ئابوری حکومەتی هەرێمی کوردستانەوە پێبەخشراوە.[1]