$باکووری کوردستان$
- بۆ ڕێگریکردن لە گردبوونەوەی گەل لە بەردەم ناوەندی #هەدەپە# لە شاری #ئامەد# بە مەبەستی پێشوازیکردن لە ڕێپێوانەکەی گەلی #جۆلەمێرگ#، ناوەندی هەدەپە گەمارۆ درا و هێزەکانی پۆلیس بە بەربەست دەوری ناوەندەکەیان گرت.[9]
- هاونیشتمانییەکی شاری #خارپێت# بەناوی میکائیل، کچەکەی خۆی کە ناوی مەروە بوو کوشت و بە هەمان ئەو چەکەش کە کچەکەی پێ کوشتبوو هەوڵی دا خۆیشی بکوژێت.[3]
$رۆژهەڵاتی کوردستان$
- عەلی مستەفەوی جێگری پارێزگای #ورمێ# بۆ کاروباری سیاسی و ئەمنی و کۆمەڵایەتی ڕایگەیاند: بەهۆی بۆردومانی کیمیایی شاری #سەردەشت# لە شەڕی هەشت ساڵەی عیراق دژی ئێران، زیاتر لە 2000 هەزار بەرکەوتەی کیمیایی له و شارە دەژین کە دۆخی 400 کەسیان خراپە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/383597/0011.JPG=KTML_ImageCaption_Title=سەلمان ئولفەتی=KTML_ImageCaption_CaptionStyle=000000=KTML_ImageCaption_Caption=سەلمان ئولفەتی=KTML_ImageCaption_End=
- ماوەیەکە چالاکێکی مەدەنی خەڵکی “گیلانی غەرب” بە ناوی “سەلمان ئولفەتی” لە لایەن هێزەکانی ئیتلاعاتی سپای پاسدارانی #کرماشان#ەوە دەستبەسەر کراوە. هیچ زانیارییەک سەبارەت بە هۆکاری دەستبەسەرکرانی ناوبراو بڵاونەکراوەتەوە و سەرەڕای بەدواداچوونی بەردەوامی بنەماڵەکەی، شوێنی ڕاگیرانی هەروا نادیارە.[7]
- سیروان وەیسی، شارەداری #مەریوان#، بەهۆی دەستێوەردانە سەروویاساییەکانی شورای شاری مەریوان لە کاروباری ئەو شارەدارییە، دەستی لە کار کێشایەوە.[8]
$باشووری کوردستان$
- سوپای داگیرکەری تورک لە هەرێمی حەفتانینی سەر بە هەرێمەکانی پاراستنی میدیا دەستی بە ئۆپەڕاسیۆنێکی سەربازی زەمینی کرد و هێزی کۆماندۆی تورک هاتنە ناو خاکی باشووری کوردستانەوە. تورک ئەم ئۆپەراسیۆنەی ناوناوە چڕنووکی هەڵۆ.[1]
- داگیرکەری ئێران بۆ دووەم ڕۆژ لەسەریەک گوندی ئاڵانەی #حاجی ئۆمەران# تۆپباران دەکات.[1]
- یەکەم تووشبووی ڤایرۆسی کۆرۆنا لە #ڕانیە# گیانی لەدەستدا.[1]
- وەزارەتی تەندروستیی حکومەتی هەرێمی کوردستان ڕایگەیاند، لە 24 کاژێری ڕابردوودا 166 کەس تووشی کۆرۆنا بوون و 16 تووشبووش گیانیان لەدەستداوە.[1](بڕوانە فایلی پەیوەندیدار)
- ئەمرۆ 43 کەسی دیکە لە کەرکووک تووشی ڤایرۆسی کۆرۆنا بوون و یەک حاڵەتی مردنیش تۆمارکراوە.[1]
- پارێزگاری #هەولێر# هۆشداریدەدات و دەڵێ هەولێر لە قۆناخێکی مەترسیداری بڵاوبوونەوەی کۆرۆنادایە. بەگوتەی پارێزگار، ڤایرۆسەکە لە هەموو گەڕەک و قەزا و ناحیەکانی سنووری پارێزگاکە بڵاوبووەتەوە.[3]
- وەزیری تەندروستی ڕایگەیاند لەسەر بڕیاری سەرۆکی حکومەتی هەرێمی کوردستان، بڕی 150 ملیۆن دینار تەرخانکرا بۆ دابیەکێتیی نیشتمانیی کوردستانردنی پێداویستی پزیشکی بۆ شارۆچکەی #پێنجوێن# بۆ کۆنترۆڵکردنی نەخۆشی ڤایرۆسی کۆڕۆنای نوێ COVID-19.[5]
- کەسوکاری ئەو منداڵەی دو ڕۆژ لەمەوبەر لە #کفری# گیانی لەدەستدا، ئەمڕۆ، لەکاتی تێکچونی تەندروستی دایکی منداڵەکەدا، بەهۆی دەوامنەکردنی کارمەندان و پزیشکان لە نەخۆشخانەی خالید #گەرمیان#ی، هێرشیان کردە سەر نەخۆشخانەکەو بەشێک لە کەلوپەلەکانیان شکاندا.[4](بڕوانە فایلی پەیوەندیدار) =KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/383597/0014.JPG=KTML_ImageCaption_Title=کەسوکاری ئەو منداڵەی لە کفری گیانی لەدەستدا هەڵدەکوتنە سەر نەخۆشخانەیەک و کەلوپەلەکانی دەشکێنن=KTML_ImageCaption_CaptionStyle=000000=KTML_ImageCaption_Caption=کەسوکاری ئەو منداڵەی لە کفری گیانی لەدەستدا هەڵدەکوتنە سەر نەخۆشخانەیەک و کەلوپەلەکانی دەشکێنن=KTML_ImageCaption_End=
- تەواوی کارو ڕایکردنی مامەڵەی هاوڵاتیان لەناو بەڕێوەبەرایەتی هاتوچۆی #سلێمانی# ڕاگیرا، ئەوەش وەک ناڕەزایەتییەک بەرامبەر بە دواکەوتنی موچە.[4]
- #جوان حەسەن عارف#، سەرۆکی لیژنەی کاروباری ژنان لە ئەنجوومەنی پارێزگای #کەرکووک# ڕایگەیاند، دوای ئەوەی هەستی بە کۆکە و کەمێک تەنگە نەفەسی کردووە، لەگەڵ هاوژینەکەی سەردانی بنکەی تەندروستیانکردووە بۆ پشکنین و ئەنجامەکەشیان پۆزەتیڤ دەرچووە.[3]
- بەهۆی ئەوەی لەلایەن شارەوانی هەولێرەوە ڕێگرییان لێکراوە لەسەر شەقامەکان کار بکەن، بەشێک لە کاسبکارانی شاری هەولێر گردبوونەوە و بۆ ماوەی کاتژمێرێک شەقامی نێوان هەولێر و #بنەسڵاوە#-یان داخست.[6](بڕوانە فایلی پەیوەندیدار)
- بورهان عەبدولڕەحمان، کارگێڕی مەڵبەندی ڕێکخستنی یەکێتی لە سلێمانی ڕایدەگەیێنێت، خۆی و چوار کەس لە ئەندامانی خێزانەکەی تووشی ڤایرۆسی کۆرۆنا بوون، داواش دەکات ئەو کەسانەی لە 14 ڕۆژی ڕابردوو بەرکەوتنیان لەگەڵیان هەبووە بچن پشکنین بکەن.[3]
- گەنجێکی 20 ساڵان لە شارۆچکەی #چەمچەماڵ# کوژرا، قایمقامی قەزاکەش دەڵێت، ڕووداوەکە بەهۆی کێشەیەکی کۆمەڵایەتییەوە بووە و فەرمانی دەستگیرکردن بۆ سێ تۆمەتبار دەرچووە. گەنجەکە ناوی (س. م. ح)ە، دانیشتووی شارۆچکەی باینجانە، لەلایەن چەند کەسێکەوە دەستڕێژی گوللەی لێکرا و کوژرا، بکوژەکانیش خزمی خۆی بوون و دانیشتووی هەمان شارۆچکەن.[3]
- ڕێکخستنی #ژنانی گەنجی تێکۆشەر#، بە مەبەستی پشتیوانی بۆ هونەری وێنەکێشانی ژنان و ناساندنیان، لە هۆڵی ماجدی مۆڵ لە شاری سلێمانی پێشانگایەکی وێنەکێشانی کردەوە. پێشانگاکە لە ژێر ناوی 'ژن و کوردستان لە چاوی ژناندا' بەڕێوە چوو، لە کۆتایشدا سپاسنامە بەسەر بەشداربووانی پێشانگاکەدا دابەش کرا.[9](بڕوانە فایلی پەیوەندیدار)
$رۆژئاوای کوردستان$
- شاندی پارتەکانی یەکێتیی نیشتمانیی کورد و ئەنجومەنی نیشتیمانی کورد #ئەنەکەسە# کۆتاییهاتنی قۆناغی یەکەمی گفتوگۆکانیان بۆ یەکڕیزی کورد لە ڕۆژئاوا ڕاگەیاند.[6](بڕوانە بابەتی پەیوەستکراو)
$دەرەوەی کوردستان$
- هەرچەندە بڕیاربو ئەمڕۆ، وەفدی هەرێم سەردانی بەغدا بکات، بەڵام سەرۆکی نوێنەرایەتیی حکومەتی هەرێمی کوردستان لە بەغدا ڕایگەیاند، لەسەر داوای بەغدا سەردانی وەفدەکەی هەرێم بۆ بەغدا دواخراوە.[4]
- لەشاری لەندەنی پایتەختی بەریتانیا، خۆپیشاندانێک دژی هێرشەکانی دەوڵەتی تورک بۆسەر خاکی باشوری کوردستان ئەنجامدرا، لەکاتی تێپەڕبوونی کاروانی ئۆتۆمبێلی سەرۆک وەزیرانی بەریتانیا بەلای خۆپیشاندانەکەدا هاوڵاتییەکی کورد دەچێتە بەردەم ئۆتۆبێلەکەی سەرۆک وەزیرانی بەریتانیا و بەهۆیەوە توشی ڕووداوی هاتووچۆ بوو.[6]
- ناکۆکییەکانی تورکیا و فەرەنسا لەسەر لیبیا قوڵتردەبن و هەریەکەیان پشتیوانی لە لایەنێکی ئەو وڵاتە دەکات و لایەنەکەی دیکە بە تێکدانی دۆخەکەی تۆمەتباردەکات. وەزارەتی بەرگریی فەرەنسا لە ڕاگەیێندراوێکیدا بڵاویکردەوە، داوای لە هاوپەیمانیی ناتۆ کردووە لەسەر پرسی دەستوەردانەکانی تورکیا لە کاروباری لیبیا و هەروەها ئۆپەراسیۆنەکانی لە دەریای ناوەڕاست بێتە دەنگ.[3]
- له شاری مۆسکۆ، نیگارکێشی ناوداری کوردی ڕووسیا قولیخان مەمێدەڤیچ ژابۆیێڤ، لە تەمەنی 72 ساڵیدا کۆچی دوایی کرد.[5]