جەماوەری خۆڕاگر و ئازادیخوازی کوردستان
بە داخ و ئەسەفێکی زۆرەوە، هەواڵی کۆچی دوایی هەڤاڵ و برا و سەرکردەی دیار و دێرین و تێکۆشەری ماندونەناس، جەنابی #مام جەلال#مان پێگەیشت.
بە کۆچی دوایی مام جەلال، گەلەکەمان سیاسەتوان و خەباتکارێکی گەورە و ئێمەش هەڤاڵ و هاوخەباتێکی دێرینمان لەدەستدا.
سەرکەوتن و دەسکەوتەکانی کوردستان و گەیشتنمان بە قۆناغی ئەمڕۆ، بەرهەمی هاوخەباتیی پارتی و یەکێتی و یەکڕیزی هێزە سیاسییەکان و هاوهەڵوێستی مام جەلال و سەرۆک بارزانیە، بەرهەمی ئەو یەکڕیزی و یەکبونەیە کە مام جەلال ڕۆڵێکی گرنگ و ستراتیجی تێدا بینی و نە مێژوو و نە ئێمە و نە گەلەکەمان هەرگیز لە بیری ناکەین.
لەم ڕۆژە خەمناکەدا، سەرەخۆشی لە خۆمان، لە تێکڕای جەماوەری کوردستان، لە هەڤاڵانی مەکتەبی سیاسی و سەرکردایەتی و کادیر و ئەندامانی یەکێتیی نیشتمانی کوردستان و لە خانەوادە و بنەماڵەی بەڕێزی تاڵەبانی دەکەین.
باشترین وەفا و ئەمەکدارییش بۆ مام جەلال، پاراستن و پتەوکردنی گیانی برایەتی و یەکڕیزی و هاوخەباتی نێوان هەموولایەکمانە بەرەو بەدیهێنانی ئەو ئاواتە مەزنەی هیوای مام جەلال و هەمووشەهیدان و تێکۆشەرانی گەلەکەمان بوو.
هەزاران سڵاو لە گیانی پاکی جەنابی مام جەلال و ڕۆحی ئاسودە و جێگای بەهەشت بێت.
سەرکەوتن بۆ گەلەکەمان لە بەدیهێنانی ئاواتە مەزنەکەیدا.
مەکتەبی سیاسی
#پارتی دیموکراتی کوردستان#
03-10-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,206 mal angesehen
Schreiben Sie Ihren Kommentar zu diesem Artikel!