دواڕۆژ, وەحید سندى
ژئەنجامێ هێرشێن لەشکەرێ ترکیا بۆ سەر گوندێن باشورێ کوردستانێ, ب بەهانەیا لێدانا بارەگایێن گەریلایێن پاراتیا کارکەرێن کوردستانێ, ٢٠ گوندێن ناحیا باتووفا و ٥ گوندێن ناحیا دەرکارێ یێن سنۆرێ قەزا زاخو ژئالیێ لەشکەرێ ترکیاڤە هاتینە تۆپبارانکرن.
محەمەد حەسەن, رێڤەبەرێ ناحیا باتووفا بۆ دواڕۆژ راگەهاند؛ ٢٠ گوندێن ناحیا باتووفا کەڤتینە بەر هێرشێن بالەفڕێن ترکیا و بەردەوام گوندیان گلیێن خوە دەربارەى وان هێرشان گەهاندینە مە و مەژى وەک ناحیە ئەو گلى گەهاندینە حکومەتا هەرێما کوردستانێ, لێ حکومەتێ چو بەرسڤ نەبۆینە.
ناڤبۆرى خوەیاکر؛ ژ ئەنجامێ وان هێرشان زیان گەهشتینە زەڤیێن جوتیاران و جهێن گەشتیارى یێن دەڤەرێ و وەلاتیان ئەو جه چولکرینە.
زێرەڤان موسا, رێڤەبەرێ ناحیا دەرکارێ ژى لدۆر هەمان مژار بۆ دواڕۆژ خوەیاکر؛ نێزکیى ٥ گوندان ل سنۆرێ ناحیا مە کەڤتینە بەر هێرشێن لەشکەرێ ترکیا.
ئەکرەم حسێن, گوندیێ کەشانێ بۆ دواڕۆژ زەلالکر؛ د گوندێ مەدا گەلەک خانى و زەڤیێن چاندنێ ب سەدەمێ هێرشێن لەشکەرێ ترکیا هاتینە خرابکرن, ٢٠٠ دار سێڤ و سپیندار و ٣ دار گوزێن من ژناڤ چووینە و ٤ خانى ژى ل گوندى هەرفتینە.
لدۆر ئاستێ زیانان ژى تا نوکە دەزگەهێن حکومەتێ چو تشتەک ب فەرمى ئاشکەرا نەکرینە.
- 01-10-2016
Dieser Artikel wurde in (کرمانجی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانێ (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
Dieser Artikel wurde bereits 6,321 mal angesehen
Schreiben Sie Ihren Kommentar zu diesem Artikel!