لەسلێمانی حەوتەمین ڤیستیڤاڵی نەورۆزی 2714 کوردی بەڕێوەدەچێت و بەهۆی قەیرانی داراییەوە ڤیستیڤاڵەکە لەلایەن یەکێتی وەبەرهێنەرانی کوردستانەوە خەرجی دەکرێت.
سلێمانی، ئاوێنەنیوز: یاسین مەحمود، وتەبێژی یەکێتی وەبەرهێنەرانی کوردستان ئەمڕۆ سێشەممە، بەئاوێنەنیوزی ڕاگەیاند، یەکێتی وەبەرهێنەرانی کوردستان تێچوی خەرجیەکانی نەورۆزی ئەمساڵی بەپێی چالاکیەکان لەئەستۆگرتوە.
ئاماژەی بەوەشدا، هەموو ئه و پێداویستیانەی لەلایەن بەڕێوەبەرایەتیەکانی تایبەت بەخۆئامادەکردن بۆ نەورۆز لێمان داواکراوە ئامادەمانکردوە، بەتایبەت جوانکاریەکانی ڕوناککردنەوە کە کارەبای سلێمانی داوایکردوه و سەرجەمی لەفەڕەنساوە هاتوە.
مەلا یاسین وتیشی، بەکۆی ئه و خەرجیانەی یەکێتی وەبەرهێنەران لەئەستۆی گرتوە 500 ملیۆن دینارە.
ساڵانە لەسلێمانی بەدرێژای شەقامی سالم چالاکی جۆراوجۆر بەبۆنەی جەژنی نەورۆز بەسەرپەرشتی و تێچوی پارێزگای سلێمانی ئەنجامدەدرا، بەڵام ئەمساڵ بەهۆی ئه و قەیرانە داراییەی ڕوی لەهەرێمی کوردستان کردوە وەبەرهێنەران ئەرکە داراییەکەیان لەئەستۆگرتوە.
- 18-03-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 7,908 mal angesehen
Schreiben Sie Ihren Kommentar zu diesem Artikel!