$باکووری کوردستان$
- سیاسەتمەداری کورد #ئەحمەد تورک#، لە چوارچێوەی هەوڵەکانی دەوڵەت بۆ قڕکردنی سیاسی، سزای 'قەدەغەی گەشتی دەرەوەی وڵات' بەسەری سەپێنرا.[1]
$رۆژهەڵاتی کوردستان$
- چەند ڕۆژێکە، بەشێکی گەورە لە دارستانەکانی دەڕنەی ناوچەی سەلاسی باوەجانی لە پارێزگای #کرماشان# لە ئاگردا دەسوتێن. ژینگەپارێزانی ناوچەکە لێدوانی قائیمقامی ناوچەکە لەبارەی کۆنترۆڵکردنی ئاگرەکە بە درۆ دەخەنەوە.[1]
$باشووری کوردستان$
- فڕۆکە جەنگییەکانی دەوڵەتی تورک، سێ جار ناوەندی گوندی (ڕەژووکەریان) لە بناری #قەندیل# بۆردوومان کرد.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/387342/0003.JPG=KTML_ImageCaption_Title=فڕۆکەکانی تورک قەندیلیان بۆردومان کرد=KTML_ImageCaption_CaptionStyle=000000=KTML_ImageCaption_Caption=فڕۆکەکانی تورک قەندیلیان بۆردومان کرد=KTML_ImageCaption_End=
- ڕێکخراوی تەندرووستی جیهانی ئاشکرایکرد، تێکڕای مردن بە ڤایرۆسی #کۆرۆنا# لە ناو توشبووانی ڤایرۆسەکە لە سنووری پارێزگای #سلێمانی# 5٪ ی تێپەڕاندووە و یەکسانە بە دوو ئەوەندەی مردن لەناوچەکانی دیکەی عێراق.[4]
- لە گوندێکی سەر بە شارۆچکەی #دینارتە#ی سەر بە شارۆچکەی #ئاکرێ#، تەرمی پیاوێک دۆزراوەتەوە کە ناسنامەی دیارنییە و جلی سەربازی لەبەردایە.[2]
- پارێزەری دۆسیەی هێرشکردنە سەر #ئاسۆس هەردی# ڕایگەیاند پاش تێپەڕینی 9 ساڵ بەسەر هێرشکردنە سەر ئاسۆس هەردی و 15 دانیشتنی دادگای دادبینی سەبارەت بەو کەیسە، ئەمڕۆ بۆ یەکەمجار یەکێک لە تۆمەتبارە سەرەکییەکانی کەیسی هێرشکردنە سەر ئاسۆس هەردی بەراگیراوی هێنرایە بەردەم دادگا، کە ئەفسەرێکی پلە باڵای هێزەکانی (70)یە.[5]
- #وەزارەتی دارایی# لە ڕاگەیەندراوێکدا ئاشکرای کرد، لە هەنگاوێکی دیکە چاکسازی بەهۆی نەدانی باج و خۆدزینەوە لە باجدان، بەڕێوبەرایەتی گشتی باجەکان و خانووبەرەی میری سەربە وەزارەتی دارایی و ئابووری هەرێمی کوردستان، زیاتر لە 20 کۆمپانیا دەداتە دادگا.[4]
- لەسەر دۆسیەی کوشتنی دوو خوشکەکەی #چەمچەماڵ# چوار تۆمەتبار دەستگیرکراون کە هەر سەرجەمیان مامی دوو کچە کوژراوەکەن و بەشدار تاوانەکە یان شاردنەوەی تەرمەکانیان کردوە.[3]
- پیاوێکی بەتەمەن و هاوژینەکەی لە گوندی چاڵەڕەشی سنووری شارۆچکەی #بازیان# شێرێکیان بینیوە، پیاوەکە دەڵێت، شێرێکی ڕەنگ سوور و پتەو بوو و کلکیشی هەڵگەڕاندبووەوە.[2]
- دەستەی دەسپاکی عیراق دەستگیرکردنی پارێزگاری پێشووی نەینەوای ڕاگەیاند کە پێشتر بەهۆی گەندەڵی و ئیتخلاسەوە بۆ #هەولێر# هەڵهاتبوو.[3]
$رۆژئاوای کوردستان$
- دەوڵەتی تورک و چەتەکانی، کەمپی عەین عیسا، ڕێگای ئێم 4 و گوندی سەیدای ڕۆژئاوای ناوچەکە بۆردومان دەکەن.[1]
- سەربازانی دەوڵەتی تورکی داگیرکەر لە #گرێ سپی# لە نزیک ڕێگای ئێم – 4 هاووڵاتییەکی تەمەن 36 ساڵیان بە ناوی محەمەد خەلەف سولەیمان کوشت. ئەو هاووڵاتییە گواسترایەوە بۆ نەخۆشخانەی شەهید عومەر عەلوش، بەڵام بەهۆی قورسیی برینەکەیەوە گیانی لە دەستدا.[1]
- وەفدێکی وەزارەتی دەرەوەی سوید نامەیەکی وەزارەتی دەرەوەی وڵاتەکەیان دەگەیەننە هێزەکانی سوریای دیموکرات، ئەوەش لەمیانی ئەو کۆبوونەوەیەدا هات کە ئەمڕۆ لەنێوان وەفدێکی دەرەوەی سویدو #هەسەدە# ئەنجامدرا کە بەسەردانێکی ڕەسمی هاتبوونە ناوچەکانی باکوور و ڕۆژهەڵاتی سوریا، لەو بارەیەشەوە، فەرماندەیەکی هەسەدە هەواڵەکەی پشتڕاستکردەوە و جەختیکردەوە حکومەتی سوید لەهەوڵی ئەوەدایە لە هەموو ئاستەکانی سیاسی و سەربازی و مرۆیی پشتیوانی زیاتر پێشکەشی هەسەدە و خۆبەڕێوەبەری بکات.[3]
$دەرەوەی کوردستان$
- وەزارەتی دەرەوەی ڕووسیا، ڕایگەیاند، مۆسکۆ بەردەوام لە میانی پەیوەندیکردنەکانیدا لەگەڵ ئەنقەرە پرسی بەشداری بەکرێگراوانی لیبیایی و سووریایی لە شەڕی ناوچەی قەرەباخ دەورووژێنێت.[4]

راگەیەندراوی یەکینەکانی تۆڵە لەبارەی چالاکیەکان:
لە 15ی تشرینی یەکەم لە نزیک تەرمینالی ناوەندیی شاری ئێلح ئوتوبوسێکی قەیومی شارەکە سووتێنرا.
14ی تشرینی یەکەم، لە سەر ڕێگای نێوان ئێلح-قوبین دوو شۆفڵ سووتێنران.
14ی تشرینی یەکەم لە گەڕەکی هیلالی ئێلح لە پێنج شوێن دروشم بە ئاگر نووسرانەوە.
یەکینەکانمان لە بەشی هۆپاراستن لە دژی هێزەکانی پۆلیسی مەدەنی چالاکیان ئەنجامدا. لە ئەنجامدا جامی ئۆتومبیلی هێزەکانی پۆلیس شکێنران و زیانێکی زۆری مادیان بەرکەوت.
13ی تشرینی یەکەمیش لە گەڕەکی باغلاری ئێلح دوو کەس کە بازرگانیان بە مادەی بێهۆشکەرەوە دەکرد، لە لایەن یەکینەکانمانەوە سزا دران.
12ی تشرینی یەکەم لە گەڕەکی بەلدەی ئێلح یەکینەکانمان لە بە شی خۆپاراستن، بۆ ماوەیەک ڕێگای هاتوچۆی ئۆتۆمبیلەکانیان داخست و بانگەشەیان کرد و بڵاوکراوەیان بڵاو کردەوە و ڕێپێوانێکیشان ساز کرد. هاوکات بە گولەی هەوایی لە دژی ئۆتۆمبیلێکی زرێپۆشی سەربازی چالاکیان ئەنجامدا و ئۆتومبیلەکە زیانی مادی بەرکەوت.
12ی تشرینی یەکەم لە ناوەندی شاری ئێلح کەسێک کە لەسەر ناوی ڕێکخستن پارەی کۆدەکردەوە، سزا درا.
11ی تشرینی یەکەمیش لە گەڕەکی ساغلکی شاری ئێلح بڵاوکراوە بڵاو کرانەوە.
لە ڕاگەیێنراوەکەدا هاوکات باس لەوەش کرا کە چالاکیەکانیان بە مەبەستی یادکردنەوەی شەهید چەکدار ئامەد، شەهید دلۆڤان کۆبانێ و ڕۆناهی ڕوکەن ساز کراوە.[1]