$باشووری کوردستان$
- تەرمی #پێشڕەو دزەیی# و ژینەی کچی لە گوندی باقرتی-ی سنووری #مەخموور# بەخاک دەسپێردرێن.
- هەزاران کەس لە #هەولێر# دژی هێرشەکەی داگیرکەری فارس بۆسەر هەولێر ناڕازاییان دەربڕی.
- لە هەولێر سێ ڕۆژ ماتەمینی ڕاگەیەندرا.
[1]

سڵاو لە #هەولێر#ی هۆلاکۆبەزێن و هەموو کوردێکی خۆڕاگر
هێرشی ترسنۆکانەی دوور لەهەموو یاسا و ئەخلاقی سیاسیی و نێودەوڵەتیی و ئاینیی وڵاتێکی دراوسێی هەرێمی کوردستان بەتوندی ئیدانە دەکەم. ئەگەر ئەوان خەیاڵی ئەوە دەکەن بە هێرش و پەلاماری ترسنۆکانە، بەبیانووی نائەخلاقی و بێبنەما، بیانەوێت ئیرادەی گەلەکەمان بڕووخێنن، ئەوا گرەوی شکستخواردووی چەند ڕژێمی ناوچەکە شایەدی ئەوەن گەلەکەمان تا دوادڵۆپی خوێن لە خەبات بەردەوام بووەو دەبێت، دوژمنانیش شوێنیان زبڵدانی مێژووە. گەلەکەمان هەزاران شەهیدی داوە، بەڵام هەرگیز لە خەباتی کوردایەتی کۆڵنادەین.
ئەگەر بەرپرسانێکی بەویژدان لەناو حکومەتی عێراقدا هەن، ئەوا پێیاندەڵێم سەرکردایەتی سیاسیی عێراق ئاگاداربکەنەوە کە چیتر بەم بێڕەوشتییە حکومڕانی عێراق ناکرێت.
هەموومان باش لەو یارییە تێدەگەین کە هەندێ هێزی سیاسیی و ئەمنیی عێراق پشتیوانیی جموجوڵی هەندێ گروپی مافیای تیرۆریستیی داواکراوی نێودەوڵەتی دەکەن و لەژێر چەتری حکومەتی عێراق و دامودەزگاکانیدا هێرش دەکەنە سەر دامەزراوە فەرمییەکان و ناوچە مەدەنییەکانی هەرێمی کوردستان. دەبێت وڵاتانی دراوسێ و بەرپرسانی ئێستای حکومەتی عێراق وانەیەک لە مێژووی شکستخواردووی ڕژێمی پێشوو وەربگرن.
سەرکردایەتی سیاسیی و مەزهەبی عێراق و وڵاتانی دراوسێ ئاگاداردەکەینەوە، با بەوە تێنەکەون کە هەندێ کەس لەناوخۆی هەرێمەوە دەستیان لەگەڵدا تێکەڵ بکەن، ئەو کەمینەیە هەرگیز نوێنەرایەتی میللەتی کورد و ئیرادەکەی ناکەن. گومانی تێدانیە، چارەنووسی ئەوانەی خیانەت لە میللەتی خۆیان دەکەن، سەرشۆڕی و زبڵدانی مێژووە.
باوڵاتانی دراوسێی هەرێم چیتر پەتی ئارامیی گەلی کورد تاقینەکەنەوە. چاومان لەسەریانە و باش دەزانین خەریکی چین.
پرسەو سەرەخۆشی خۆم ئاڕاستەی کەسوکاری شەهیدانی هێرشەکەی هەولێر دەکەم. خوای گەورە سەبووری کەسوکاریان بدات و شیفای بریندارانیش بدات.[1]

#ئەژی ئەمین#
16ی کانوونی دووەمی 2024
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

لەپێناو ئیدانەکردن و شەرمەزارکردنی ئه و هێرشە ناڕەوایەی دوێنێ شەوی سەر #هەولێر# ی هەمیشه سەربەرزو کردەوە تیرۆریستیەکانی پێشوتریش.
ئەمڕۆ ژمارەیەک هاوڵاتی شارەکەمان داوای مۆڵەتی خۆپیشاندانیان کردوه و بڕیارە سعات 10:30 گەورە و بچووک چین و توێژەکان، بۆ گەیاندنی دەنگی مەزڵومیەت و ڕیسواکردنی بکەرانی ئەوتاوانە لەبەردەم بارەگای نەتەوەیەکگرتووەکان لەسەر شەقامی 100 مەتری گردبوونەوەی جەماوەری بکەن و مۆڵەتیان پێدراوه و ئێمەش پشتیوانیان لێدەکەین و لەگەڵیان دەبین.
بۆیە داوا لەجەماوەری هەمیشه سەربەرزی هەولێرو دەووربەری دەکەین، بۆ گەیاندنی دەنگی هەولێرو پڕۆتستۆکردنی ئه و تاوانە، بەشداری فراوان بکەن.
دروود بۆ ڕۆحی شەهیدان و هیوای سەلامەتی بۆ برینداران.[1]
هەولێر هەولێره و نابەزێ و ناترسێ وناهەژێ....

#ئومێد خۆشناو#
پارێزگاری ھەولێر
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

سەرۆک کۆماری عێراق بە توندی سەرکۆنەی هێرشە مووشەکییەکەی شەوی رابردوو #15-01-2024#ی سەر #هەولێر# دەکات و دەڵێت، پێشێلکردنی سەروەریی عێراقە و پێویستە کێشەکان لەرێگەی دیالۆگەوە چارەسەربکرێن.
ئەمڕۆ سێشەممە، #16-01-2024#، #لەتیف ڕەشید#، سەرۆک کۆماری عێراق لە پەیامێکدا کە لە تۆڕی کۆمەڵایەتیی ئێکس (تویتەری پێشوو) بڵاویکردووەتەوە، بە توندی سەرکۆنەی هێرشە مووشەکییەکەی شەوی رابردووی سوپای پاسدارانی ئێران بۆ سەر هەولێر دەکات.
سەرۆککۆماری عێراق هێرشە مووشەکییەکەی سەر هەولێر کە بەهۆیەوە ژمارەیەک هاووڵاتی سڤیل شەهید و برینداربوون، بە پێشێلکردنی سەروەریی عێراق ناوبردووە و دەڵێت، ئاسایش و سەقامگیری وڵات تێکدەدات.
بە گوتەی لەتیف رەشید، چارەسەرکردنی کێشەکان لە رێگەی دیالۆگی هاوبەشی بونیادنەرەوە دەبێت، نەک لە رێگەی هێرشی سەربازییەوە کە هەڕەشە لە سەقامگیری عێراق و هەموو ناوچەکە دەکەن. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکایەتی هەرێمی کوردستان ئیدانەی هێرشەکەی سوپای پاسداران بۆ سەر #هەولێر# دەکات و ڕایگەیاند: بەهانەى سوپاى پاسدارانى ئێران بۆ هێرشەکە بە تەواوى بێ بنەما و دوورە لە ڕاستییەوە.

=KTML_Bold=دەقی پەیامەکەی سەرۆکایەتیى هەرێمى کوردستان:=KTML_End=
زۆر بە توندى سەرکۆنەى‌ ئه و هێرشە دوژمنکارییە دەکەین کە سوپاى پاسدارانى ئێران شەوى ڕابردوو #15-01-2024# بە مووشەکى دوورهاوێژ کردیە سەر هەولێر و لە ئەنجامدا ژمارەیەک هاووڵاتى شەهید و بریندار بوون. سەرەخۆشى لە خانەوادە و کەسوکارى شەهیدان دەکەین، هاوسۆز و هاوخەمیانین و هیواى زووچاکبوونەوە بۆ برینداران دەخوازین.
بەردەوامیى بەئامانجگرتنى هەرێمى کوردستان و شەهیدکردنى هاووڵاتییان، تاوانکارییەکى بێ پاساو و دژ بە یاسا نێودەوڵەتییەکان و دراوسێیەتى و بەها مرۆییەکانە‌، هەروەها پێشێلکردنێکى زەقى سەروەرى و ئارامى و سەقامگیریى عێراقه. هەرێمى کوردستان هەرگیز بۆ هیچ لایەنێک سەرچاوەى هەڕەشە نەبووە و نابێت.
بەهانەى سوپاى پاسدارانى ئێران بۆ هێرشەکە بە تەواوى بێ بنەما و دوورە لە ڕاستییەوە، بۆیە داوا لە حکوومەتى فیدراڵیى عێراق دەکەین بەپەلە دەست بە لێکۆڵینەوە بکات بۆ دەرخستنى ڕاستییەکان، هەروەها ئەرکى خۆى لە پاراستنى هەرێمى کوردستان بەجێ بگەیەنێت و ڕێ له و هێرشانە بگیرێت. [1]

سەرۆکایەتیى هەرێمى کوردستان
#16-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەناوی خودای مەزن و دلۆڤان
هەموو لایەک ئاگاداران، هەر لە ساڵی 2020ەوە هەتا ئێستا بە دەیانجار شاری #هەولێر# کەوتۆتە ژێر هێرشی ناڕەوای موشەک و درۆنەکانی سوپای پاسدارانی ئێران و هێزە هاودەستەکانیان. ئەو هێرش و پەلامارانە زوڵم و ناحەقییەکی ئاشکرایە بەرانبەر خەڵکی کوردستان.
ئەنجامدەرانی ئەو تاوانانە و ئەوانەی لەپشتەوەی هێرشەکانی سەر هەولێرن، خۆیان زۆر چاک دەزانن کە بوختان و بیانوو و ئیدعاکانیان هیچ بنەمایەکی نیە و بۆ داپۆشینی کێشە و گرفتەکانیان ئەو دەستدرێژی و زوڵمە لە دژی هەولێر و خەڵکی کوردستان ئەنجام دەدەن.
ئیتر دانبەخۆداگرتنمان سنووری هەیە، ئەوەتا لە دوایین پەلامار و تاوانیاندا شەوی ڕابردوو خێزانێکی بێتاوانی هەولێریان کۆمەڵکوژ کردووە کە زۆر بە توندی ئیدانەی ئەو تاوانە دەکەین. گومانی تێدا نییە ئەو پەلامارە نە مەردایەتییە و نە شەهامەت بەڵکو ئەوپەڕی شەرمەزارییە بۆ تاوانباران.
لێرەدا ڕووی قسەم بۆ گەلانی ئێرانە و هەمیشە ڕێز و حورمەتمان بۆ گەلانی ئێران هەیە و دەستی دۆستایەتی و برایەتیان بۆ درێژ کردووە. دەمەوێ دڵنیایان بکەمەوە ئەو بیانوانەی پەلاماردەران بۆ تاوانەکانیان لەدژی هەولێر و خەڵکی کوردستان دەهێننەوە هیچ ئەسڵ و ئەساسێکی نیە و دوورە لە ڕاستی. داواتان لێ دەکەم ئەگەر پەلاماردەران ڕێگەتان پێ بدەن، خۆتان وەرن بەچاوی خۆتان لە هەولێر ڕاستییەکان ببین و بزانن کە تاوانباران و پەلاماردەران چۆن چەواشەکاری دەرهەق گەلی کوردستان دەکەن و ئیدعاکانیان بێ بنەمان.
ناکرێ هەتاسەر ئەوان لەو زوڵمە بەردەوام بن و، ناشکرێ چیتر لەبەرانبەر ئەو ستەم و ناحەقییە بێدەنگ بین.
پەیامیشم بۆ ئەنجامدەرانی پەلاماری موشەک و درۆنەکانی ئێرانی ئەوەیە، شەهیدکردنی ژن و منداڵ و خەڵکی سڤیلی ئێمە هیچ شانازی و سەربڵندی بۆ ئێوە تێدا نیە. دەتوانن بمانکوژن بەڵام دڵنیا بن ناتوانن ئیرادەمان لێ بستینن.
گەلی کوردستان پشتی بە خوا و ڕەوایەتیی دۆزەکەی قایمە و خودا لە هەموو زاڵم و هێزێک گەورەترە. [1]

#مەسعود بارزانی#
16ی کانوونی دووەمی 2024
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

پەیامێک لە سەرۆکی حکومەتی هەرێمی کوردستان
جارێکی دیکە #هەولێر#ی سەربەرز کرایەوە ئامانجی هێرشی موشەکیی سوپای پاسدارانی ئێران. بەداخەوە لە ئەنجامی ئەم هێرشە بێ پاساوە، شەهید و برینداری سڤیل هەیە.
داواکارم لە خوای گەورە، شەهیدەکان بە بەهەشت شاد بکات و بریندارەکان هەرچی زووتر چاک ببنەوە. بە توندی ئەم تاوانە بەرامبەر بە خەڵکی کوردستان شەرمەزار دەکەم.
داواش لە حکومەتی فیدراڵی دەکەم هەڵوێستی توندیان هەبێت بەرامبەر بەم پێشێلکاریەی دەکرێتە سەر سەروەریی عێراق و بەتایبەتی هەرێمی کوردستان.
هەروەها داوا لە کۆمەڵگەی نێودەوڵەتی دەکەم لە سەر ئەو ستەمکاریەی بەرامبەر بە خەڵکی کوردستان دەکرێت بێنە دەنگ. لە ڕۆژانی داهاتوودا، لەگەڵ کۆمەڵگەی نێودەوڵەتی لە پەیوەندیی بەردەوامدا دەبین لە پێناو کۆتایی هێنان بەم هێرشە دڕندانانەی دەکرێنە سەر خەڵکی بێ تاوانی کوردستان.[1]

#مەسرور بارزانی#
سەرۆکی حکومەتی هەرێمی کوردستان
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

مەکتەبی سیاسیی پارتی دیموکراتی کوردستان، پرسەنامەیەکی ئاراستەی خانەوادەی خوالێخۆشبوو حکمەت محەمەد تاهیر بێزنوری کرد.

=KTML_Bold=ئەمەی خوارەوە دەقەکەیەتی:=KTML_End=
بەڕێزان/ خانەوادەی خوالێخۆشبوو(حکمەت محەمەد تاهیر بێزنوری)
بە داخ و پەژارەیەکی زۆرەوە هەواڵی کۆچی دوایی، خوالێخۆشبوو (حکمەت محەمەد تاهیر بێزنوری)مان بیست، بە خەمناکییەوە پرسە و سەرەخۆشی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، دووبارە پرسەوسەرەخۆشی خۆمان دووپات دەکەینەوە، داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت . [1]

مەکتەبی سیاسیی #پارتی دیموکراتی کوردستان#
#16-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

مەکتەبی سیاسیی #پارتی دیموکراتی کوردستان# بە توندی ئیدانەی ھێرشە بێ پاساوەکەی سوپای پاسدارانی ئێران دەکات و ئەم ھێرشە بە ناڕەوا و تاوانکاری دەزانێت و ئامانجیشی تێکدانی سەقامگیری ھەرێمی کوردستان و دروستکردنی پشێوییە.

=KTML_Bold=دەقی ڕاگەیاندراوی مەکتەبی سیاسیی پارتی دیموکراتی کوردستان:=KTML_End=
بەداخێکی زۆرەوە، جارێکی دیکە کۆماری ئیسلامی ئێران بە پاساوی بێ بنەما لەڕێگای ژمارەیەک مووشەکی بالیستی و درۆنەوە ھێرشی کردە سەر شاری #ھەولێر#ی پایتەختی ھەرێمی کوردستان کە زیانێکی زۆری گیانی لێکەوتەوە.
ئێمە لە پارتی دیموکراتی کوردستان بە توندی ئیدانەی ئەم ھێرشە بێ پاساوە دەکەین کە بووە ھۆی شەھید و برینداربوونی ژمارەیەک ھاووڵاتی سڤیل و ئافرەت و منداڵی بێ تاوان. ئەم ھێرشە ناڕەوا و تاوانکارییە ئامانجی تێکدانی سەقامگیری ھەرێمی کوردستان و دروستکردنی پشێوییە و، پێشێلکردنی یاسا نێودەوڵەتییەکان و سەروەری ھەرێمی کوردستان و عێراقە.

داوا لە نەتەوە یەکگرتووەکان و دەوڵەتانی جیھان و سەرجەم لایەنە سیاسییەکان دەکەین کە دژی ئیرھاب و توندوتیژین، بەرامبەر ئەم دەستدرێژیەی کۆماری ئیسلامی ئێران و پەلامارە چەندبارەکانی بوەستنەوە و ڕێگا لەم جۆرە کردەوە نامرۆڤانە و دوور لە عورفی ھاوسێیەتییە بگرن و چیتر ھاووڵاتیانی سەربەرزی کوردستان نەکرێنە ئامانجی مووشەک و درۆنەکانی کۆماری ئیسلامی ئێران و دەستوپێوەندەکانی، ھەروەھا حکوومەتی فیدراڵ ئەرکی یاسایی و دەستووری خۆی بۆ پاراستنی ھاووڵاتیان و سەروەری عێراق ئەنجامدات و چیتر وەکو پێشوو لە ئاست ئەم ھێرش و دەستدرێژیانە بی ھەڵوێست نەبێت.
لەکۆتاییدا، وێڕای دەربڕینی دڵتەنگی خۆمان، سەرەخۆشی لە خانەوادە و کەسوکاری شەھیدانی ئەم ھێرشە تاوانکارییە دەکەین و ھیوای تەندروستی و زووچاکبوونەوە بۆ بریندارەکان دەخوازین. [1]

مەکتەبی سیاسیی پارتی دیموکراتی کوردستان
#16-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

کاتژمێر 11:30ی شەوی 15 لەسەر 16ی کانوونی دووەمی 2024، سوپای پاسدارانی ئێران بە چەندین مووشەکی بالیستیکی چەند ناوچەیەکی سڤیلنشینی #هەولێر#ی بوردومان کرد، بەداخەوە بەپێی ئامارە سەرەتاییەکان چوار هاووڵاتیی سڤیل شەهید و 6 کەسی دیکەش بریندار بوون، کە ڕەوشی تەندروستیی هەندێ لە بریندارەکان ناجێگیرە.
سوپای پاسداران ڕایگەیاندووە، ئەم هێرشە بۆ سەر چەند پێگەیەکی گرووپە دژبەرەکانی ئێران بووە. ئەم بیانووە بێ بنەمایە و ڕەتی دەکەینەوە، بەداخەوە هەمیشە بیانووی بێبنەما بۆ هێرشکردنە سەر هەولێر بەکار دێنن و هەولێر وەک دەڤەرێکی سەقامگیر هیچ کات سەرچاوەی هەڕەشە نەبووە بۆ سەر هیچ لایەنێک.
ئەمە پێشێلکردنێکی ئاشکرای سەروەریی هەرێم و عێراقە و پێویستە حکومەتی فیدراڵ و کۆمەڵگەی نێودەوڵەتی لەو تاوانە بێدەنگ نەبن.[1]

=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=