$باکووری کوردستان$
- سەر لەبەیانیی ئەمڕۆ لە ناوچەی جزیر لە پارێزگای شرنەخ لە هەڵکوتانە سەر ماڵاندا چەندین کەس دەستگیرکران. کەسە دەستگیرکراوەکان براون بۆ بەڕێوەبەرایەتیی ئاسایشی تورک لە جزیر. ناوی چەند کەس لە دەستگیرکراوەکان بڵاوبووەتەوە کە بەم شێوەیەین: نورەدین بایک، حەنیفە ساکین، عادل چۆملەک و فاروق جیلاسون.[4]
- #سەڵاحەدین دەمیرتاش#، لە زینداندا چاوی بە خێزان و کەسوکارەکەی کەوت.[5]
$رۆژهەڵاتی کوردستان$
- هاووڵاتییەکی کورد بە ناوی مووسا مەحموودی، تەمەن 45 ساڵ، خەڵکی گوندی گوندەوێڵەی شاری #شنۆ#، لە لایەن هێزە ئیتلاعاتییەکانەوە دەسبەسەر کرا.[6]
- #فەرهاد سەحراپەیما# زیندانیی سیاسیی کورد لە زیندانی شاری #ورمێ#، کە شەشەمین ساڵی زیندانبوونی لەو زیندانەدا تێدەپەڕێنێ، لە هەمبەر ڕەزامەندنەبوونی دادگا بۆ ئازادکردنی و بەڕێوەنەبردنی مادەی 134 کۆکراوەی حوکمەکان دەستی داوەتە مانگرتن لە خواردن.[6]
$باشووری کوردستان$
- کاتژمێر 17:00ی ئەمڕۆ فڕۆکە جەنگییەکانی تورکیای داگیرکەر دەستیان بە بۆردومانی هەرێمی #شەنگال# کرد. فڕۆکە جەنگییەکان دۆڵی شیلۆ-ی شەنگال و دەوروبەریان کردووەتە ئامانج.[4]=KTML_Photo_Begin=https://www.kurdipedia.org/files/relatedfiles/2018/152215/0011.JPG=KTML_Photo_Alt=فڕۆکەکانی تورکیا گەلی شلۆی ڕۆژئاوای چیای شنگالیان بۆردوومانکرد=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152215/0011.JPG=KTML_Photo_End=
- هەندێک سەرچاوە لە بۆردومانەکەی ئەمڕۆی شنگالدا باس لەوە دەکەن کە سەرپەرشتياری دەڤەری شنگال و ئەندامی کۆمسيۆنی گەل – #پەکەکە# ئيسماعيل فەرمان ناسراو بە #زەکی شنگالی# و حەربۆ خدر مردۆ هەماهەنگکار لەنێوان حکوومەتی عێراق و پەکەکه و مەزلووم ڕۆس، فەرماندەی چەکدارانی يەبەشە‌- ئەندامی پەکەکە کە خەڵکی ئەرمينيایە و هەرەوها ژمارەيەک #شەڕڤان#ی تر ‌ گيانيان لەدەستدا و برينداربوون.[5]
- سوپای تورکیای داگیرکەر کە لە باکووری کوردستان بە ئۆپەراسیۆنی سەربازی ئاگر لە دارستانەکان بەردەدات، لە دەوروبەری گوندی دەشتی کافیە و گوندی گوزوێ-ی سەر بە هەرێمی گارا-ی باشووری کوردستانیش ئاگری لە دارستان بەردا.[4]
- لە هەولێر، بە تۆمەتی قاچاخچێتی دەرمان شەش کەس دەستگیرکران و چوار دەرمانخانەش داخران، قایقمامی ناوەندی #هەولێر#یش دەڵێت بەدواداچوون بەردەوامی دەبێت.[1]
- یەکەمین کۆنفرانسی نێودەوڵەتیی جینۆسایدی کوردانی ئێزدی لە هۆتێل دیڤانی هەولێر بەڕێوەدەچێت، کۆنفرانسەکە لەلایەن ناوەندی لێکۆڵینەوەی ڕووداو و ئۆفیسی ڕزگارکردنی ڕفێندراوە ئێزدییەکان ڕێکخراوە و تۆڕی میدیایی ڕووداو سپۆنسەری کۆنفرانسەکەیە.[2]
- ئەمڕۆ تەرمی ئەو چوار کەسەی، کە لە دەریای ئیجەدا خنکان، گەڕێندرانەوە شارۆچکەی #خورماتوو#ی سەر بە پارێزگای سەلاحەدین و لە گۆڕستانی شەهیدان بەخاک سپێردران.[3]
- لە ڕێگەی دانانی بۆمبێکی موگناتیسی بەئۆتۆمبێلەکەیەوەو تەقاندنەوەی، فەرمانبەرێکی وەقفی سونی لە #کەرکووک# کوژرا و سەرنشینێکی دیکەی نێو ئۆتۆمبێلەکەش برینداربوو.[1]
- لە سنووری شارەدێی سەرگەرانی سەر بە شارۆچکەی دوبز (رۆژئاوای کەرکووک) بۆمبێکی چێنراو بەئۆتۆمبێلێکی جۆری پیکاب تەقیوەتەوە و بەهۆیەوە چوار سەرنشینی ئۆتۆمبێلەکە برینداربوون کە ئەندامی یەک خێزانن.[1]
$رۆژئاوای کوردستان$
- سوپای تورکیای داگیرکەر و چەتەکانی لە گوندی قەستەل کشکێ-ی سەر بە ناوچەی شەرا-ی #عەفرین# 15 هاوڵاتیی سیڤیلیان ڕفاند.[4]
$دەرەوەی کوردستان$
- واشنتن هۆشداریدەداتە عەبادی و ڕایدەگەیەنێت، پێشێلکردنی سزاکانی ئەمریکا بۆ سەر ئێران، وادەکات عێراق دوچاری هەمان سزا ببێتەوە.[1]
- ڕۆژنامەی قودسی عەرەبی لە ڕاپۆرتێکیدا ئاشکرایکردووە، حکومەتی هەرێم لە دوای کەوتنی ڕژێمی پێشووی عێراقەوە لە ساڵی 2003، بەهۆی چەند پێشێلکارییەکەوە نیو تریلیۆن دۆلاری ئەمریکی قەرزاری بەغدادە.[1]
- میدیاکانی تورکیا، بڵاویانکردەوە، حکومەتی تورکیا باج لەسەر بەرهەمە هاوردەکانی ئەمریکا زیاددەکات لە نێوانیاندا ئۆتۆمبێل و خواردنەوە کحولییەکان و جگەرە.[1]
- لەپاش ئەوەی ئەمڕۆ دادگای تورکیا ڕەتیکردەوە ئەندرۆ برۆنسۆن قەشەی ئەمريکی ئازاد بکات کۆشکی سپی ئه و وڵاتە بەتوندی وەڵامی ئەنقەرەی دایەوە. کۆشکی سپی ڕایگەیاند تورکیا کێشەی ئابوری و سیاسی هەیە و نیگەرانین لە هەنگاوە نوێکانی تورکیا دژ بە ئەمریکا. وتیشی تورکیا وەک تۆڵە باج دەخاتە سەر هەناردەی ئەمریکا و ئه و هەنگاوانە بەئاڕاستەیەکی هەڵەدایە.[1]

شنگال، 15-08-2018

ناوەندی ڕاگەیاندنی هێزەکانی پاراستنی گەل - #هەپەگە# دەربارەی چالاکییەکانی گەریلا ڕاگەیەندراوێکی بڵاوکردەوە. هەپەگە ڕایگەیاند، لە ئەنجامی چالاکییەکانی گەریلا لایەنی کەم 6 سەربازی تورکیای داگیرکەر کوژراون.
لە ڕاگەیەندراوەکەی هەپەگەدا هاتووە: هێزەکانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، لە دژی سوپای کۆماری تورکیای داگیرکەر چالاکییان ئەنجامدان. زانیاری بەرفرەوان دەربارەی ئه و چالاکییەکان وەهایە:
لە بارزان سەربازێک کوژرا
13ی ئاب\22ی گەلاوێژ کاتژمێر 18:20 لە هەرێمی بارزان-ی باشووری کوردستان لە دژی سوپای کۆماری تورکیای داگیرکەر کە لە ناوچەی تەپێ خوەدێ بوو، چالاکییەک ئەنجامدرا. گورزی توند لە سەنگەر و حەشارگەکانی سەر گردەکە درا و سەربازێکی دوژمن کوژرا. سوپای تورکیای داگیرکەر لە دوای چالاکییەکە بە کۆپتەری جۆری سکۆرکسی کوژراو و بریندارەکانی خۆی لە ناوچەکە هەڵگرتنەوە.
چالاکیی دژ بە کاروانێکی سەربازی لە گەڤەر
هێزەکانی یەژا ستار (یەکینەکانی ژنی ئازاد) ئێوارەی هەمان ڕۆژ کاتژمێر 20:40، لە دژی کاروانێکی ئۆتۆمبێلی سەربازیی سوپای تورکیای داگیرکەر کە لە جۆلەمێرگەوە دەچوو بۆ ناوچەی گەڤەر، لە گوندی شێماش چالاکییەکیان ئەنجامدا. لە چالاکییەکەدا دەستڕێژیی گولە لە هەموو ئۆتۆمبێلەکانی کاروانەکە کرا و گورز لە ئۆتۆمبێلێکی زرێپۆشی جۆری کیرپی درا. ژمارەی ئه و سەربازانەی له و چالاکییەدا کوژران و بریندار بوون ڕوون نەبوویەوە.
چالاکی لە دژی سەربازانی تورکیا لە باشووری کوردستان
14ی ئاب\23ی گەلاوێژ، هێزەکانمان لە دژی داگیرکەران لەسەر گردی شەهید مونزور-ی باشووری کوردستان چالاکییەکیان ئەنجامدا. گورزی توند لە سەنگەرەکانی دوژمن لەسەر گردەکە درا. ژمارەی سەربازە کوژراو و بریندارەکان ڕوون نەبوویەوە.
لە گردی عەلی شێر سەربازێک کوژرا
هەمان ڕۆژ کاتژمێر 12:50، هێزەکانی یەژا ستار لە دژی سەربازانی سەر گردی عەلی شێر لە ناوچەی گەڤەری جۆلەمێرگ چالاکییەکی نیشانەشکێنییان ئەنجامدا. لە چالاکییەکەدا سەربازێکی دوژمن کوژرا.
لە 2 قۆڵەوە لە سێرت چالاکی کرا؛ 4 سەرباز کوژران
هێزەکانمان لە چوارچێوەی هەڵمەتی شۆڕشگێڕیی شەهید دەلال #ئامەد# و شەهیدانی بەستا-دا، لە 14ی ئاب\23ی گەلاوێژ کاتژمێر 14 لە سوپای تورکیایان دا لەسەر گردی شەهید جانخورت لە ناوچەی هەرەکۆل-ی سێرت. لە 2 قۆڵەوە گورزی توند لە هێزەکانی دوژمن درا و 4 سەربازی دوژمن کوژران. سوپای کۆماری تورکیای داگیرکەر لە دوای چالاکییەکە بە کۆپتەری جۆری سکۆرسکی سەربازە کوژراو و بریندارەکانی خۆی لە ناوچەکە هەڵگرتەوە.[1]
#15-08-2018#

ناوەندی ڕاگەیاندنی یەکینەکانی پاراستنی گەل (#یەپەگە#) لەبارەی چالاکیی ڕۆژی 12ی ئابی 2018ەوە لە ناوەندی #عەفرین# ڕاگەیاندراوێکی بڵاوکردەوە.
لە ڕاگەیاندراوەکەی یەپەگەدا هاتووە، لە 12ی ئابی 2018 هێزەکانمان لە دژی گروپێک لە چەتەکانی فرقەت حەمزە لە گەڕەکی ترند لە ناوەندی عەفرین 2 چالاکیی سابوتاژیان ئەنجامدا.
بەپێی ڕاگەیاندراوەکەی یەپەگە، لەو 2 چالاکییەدا 10 چەتە کوژران و بەلانیکەمەوە 20 چەتەی تر برینداربوون.[1]
#15-08-2018#