$رۆژهەڵاتی کوردستان$
- لە زانکۆی پەیامی نووری #مەریوان# هەڵمەتێکی بەڕووچاندن لە لایەن چالاکانی ژینگەپارێز بەڕێوەچوو و چالاکییەکەش پێشکەش بە شەهیدانی ژینگەپارێز کرا.[5]
- مامۆستایەکی کورد بە ناوی #ئومید شامحەمەدی#، خەڵکی شاری #دیواندەرە# لە لایەن هێزە لیباس شەخسییەکانی سەر بە ئیدارەی ئیتلاعات دەسبەسەر کرا. ئەم مامۆستا کوردە پاش مانگرتنی سەرتاسەری مامۆستایان بە هۆی هاندانی مامۆستایان بۆ بەشداری کە مانگرتنی سەرتاسەری بانگهێشتی ئیتلاعاتیی سپای پاسداران کراوە.[6]
$باشووری کوردستان$
- یانەی سیاوچەمانە ڕێوڕەسمی ناساندن و واژۆکردن و بەخشینی کتێبی (گەوهەری ژمارەیەک تێکست و دەستنوسەکان) بەڕێوەدەبات.[1]
- چوارەمین کۆنفرانسی زانستی نێودەوڵەتی بە ناونیشانی #سلێمانی# مێژوویەکی دێرین، لە کەمپی نوێی زانکۆی سلێمانی بەڕێوەدەچێت.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/156681/0008.JPG=KTML_ImageCaption_Title=زانکۆی سلێمانی چوارەمین کۆنفراسی زانستیی نێودەوڵەتی سازدەکات=KTML_ImageCaption_CaptionStyle=000000=KTML_ImageCaption_Caption=زانکۆی سلێمانی چوارەمین کۆنفراسی زانستیی نێودەوڵەتی سازدەکات=KTML_ImageCaption_End=
- دکتۆر ڕەزا حەسەن، سەرۆکی #زانکۆی سلێمانی# لە کۆنگرەیەکی ڕۆژنامەوانیدا ڕایگەیاند: بەهۆی ئەنجامدانی فێستیڤاڵی یادی یۆبیڵی زێڕینی زانکۆی سلێمانی، ڕۆژانی 28 و 29ی ئەم مانگە دەکرێتە پشووی فەرمی و دەوام ناکرێت.[4]
- لە دژی بڕیاری ئەمریکا لەسەر پێشەنگەکانی کورد، لە شاری سلێمانی گردبوونەوەیەک بەڕێوەچوو، تێیدا وێڕای ئیدانەکردنی بڕیارەکەی ئەمریکا، ئەو بڕیارەش بە خزمەتەکردن بە تیرۆریستانی داعش و هاوکار بۆ پێشخستنی داعشیزم لە ڕۆژهەڵاتی ناوەڕاست ناوبرا.[3]
- سەر لە بەیانی ئەمڕۆ کرێکارانی کۆمپانیای گارێکس، کە کاری خاوێنکردنەوەی سنووری ئیدارەی ڕاپەڕین لە ئەستۆ دەگرن، لە بەردەم بینای شارەدێی حاجیاوا-ی سەر بە ئیدارەی ڕاپەڕین گردبوونەوە و مانگرتنیان لە کارەکانیان ڕاگەیاند. مانگرتووان پێکهاتوون لە کرێکارانی سنووری شکارتە و سەروچاوە و حاجیاوا و مانگرتنەکەیان دژ بە کەمکردنەوەی مووچەکانیانە لە 400 هەزار دینارەوە بۆ 250 هەزار دینار.[3]
- بەرپرسی مەڵبەندی 16ی حەمرینی یەکێتی لە #خورماتوو# ڕایگەیاند، چەکدارانی #داعش# لە سنووری خورماتوو هەن، ژمارەیان کەم و زۆر دەکات و لەنێوان 50 بۆ 80 کەس دەبن.[2]
- هاوڵاتیانی بناری #قەندیل# بڕیارەکەی ئەمریکا دژی پێشەنگانی بزووتنەوەی ئازادیی کوردستان شەرمەزار دەکەن، بڕیارەکە بە پیلانگێڕیی ناوزەد دەکەن، دەشڵێن: شۆڕشگێڕی خۆمان نادەینە دەست دووژمنان.[3]
- سەرۆکی دادگای #کەرکووک# سەرجەم دادوەرانی باری کەسێتی ئاگادارکردووەتەوە داوای ڕەزامەندی هاوژینی یەکەم لەو پیاوانە نەکەن کە دەیانەوێت ژنی دووەم بهێنن، هەروەها بۆ سێیەم و چوارەمیش بەهەمانشێوە.[4]
- عەبدولخالق تەلعەت، بەڕێوەبەری پۆلیسی #هەولێر# ڕایگەیاند: ئەمڕۆ یەکێک لە بریندارەکانی شەڕەکە بەناوی (زوهێر جەعفەر) گیانی لەدەستدا کە خێزاندارە. وتیشی: پۆلیس بەردەوامە لە دۆزینەوەی بکوژانی هەیسەم و زوهێر کە تائێستا سێ کەس بە گومانی کوشتنی ئه و دوو هاووڵاتییە دەستگیرکراون. [4]
- وەزارەتی #پێشمەرگە# ڕایدەگەیەنێت: بەهۆی کردەوە تیرۆرستییەکانی ئەمدواییانەی داعش، دەیان کەس لە خەڵکی سڤیل کوژراون و برینداربوون کە ئەمەش بوەتە هۆی دروستبوونی ناسەقامگیری و گرفت بۆ خەڵک.[4]
- کۆبوونەوەی بەرپرسانی #وەزارەتی پێشمەرگە# و نوێنەری هاوپەیمانی نێودەوڵەتی دژی داعش لە هەولێر بەڕێوەچوو، کە تێیدا تاوتوێی جموجۆڵەکانی داعش کرا.[2]
- گەورەترین فڕۆکەکانی بواری گواستنەوەی ئاسمانی لە فڕۆکەخانەی نێودەوڵەتیی سلێمانی نیشتەوە و بڕیاریشە لەنزیکترین کاتدا فڕۆکەیەکی دیکەی هاوشێوە بگاتە فڕۆکەخانەکە.[1]
- دوای ڕاگرتنی هاوردە و هەناردەکردنی سوتەمەنی بۆ ماوەی نزیکەی 20 ڕۆژ لە مەرزی #پەروێزخان#، ئەمڕۆ جارێکیتر جوڵەی بازرگانی بە سوتەمەنییەوە لەو مەرزە دەستیپێکردەوە.[4]
- بەرپرسێکی باڵای #وەزارەتی ناوخۆ#ی هەرێم ڕەتیدەکاتەوە، ئاگر لە بەشێکی باڵەخانەی وەزارەتی ناوخۆ کەوتبێتەوە و فایلە گرنگ و نهێنییەکان سوتابن.[4]
$رۆژئاوای کوردستان$
- ئۆتۆمبێلێکی بۆمبڕێژکراو لە بنکەیەکی پۆلیسی شارۆچکەی جەرابلووس تەقیەوە. بە گوێرەی زانیارییەکان کە لە سەرچاوە خۆجێیەکان وەرگیراون، بەهۆی تەقینەوەکە لایەنی کەم 9 کەس بریندار بوون. ناوی بریندارەکان: فادی عەبد مەجید (29 ساڵان)، عیسا محەمەد (32 ساڵان)، جەمال حوسێن (28 ساڵان)، عەبد هادی سابری (24 ساڵان)، محەمەد فەرەج (18 ساڵان)، عەبد عەزیز خدر، محەمەد هنداوی (34 ساڵان)، فەرەح هنداوی (18 ساڵان) و محەمەد ڕەجەب.[5]
$دەرەوەی کوردستان$
- لە دادگای باڵای شتوتگارت یەکەم دانیشتنی دادگاییکردنی گەنجێکی کورد کە لە ئەڵمانیا لەدایکبووە و پەیوەندی بە داعشەوە هەبووە، بەڕێوەچوو. گەنجەکە ناوی دەستبارە و پێشتر مەلا #ئیسماعیل سووسەیی# لە دانپێدانانەکەیدا باسی ئەو گەنجە دەکات و دەڵێت، لە ئەڵمانیاوە هاتووەتە هەولێر.[2]

ناوەندی ڕاگەیاندن وچاپەمەنی #هەپەگە# دەربارەی ئەوچالاکییە ڕاگەیەنراوێکی بڵاوکردەوە:
سوپای داگیرکەری تورکیا ڕۆژی 11ی تەشرینی دوویەم/20ی خەزەڵوەر لە ناوچەی گەلێ- گابار-ی شەڕنەخ دەستی بە ئۆپەراسیونێکی سەربازی کرد. گەریلاکانی یەژاستار لە چوارچێوەی هەڵمەتی شۆڕشگێڕی شەهید دەلال #ئامەد# وشەهیدانی بەستایا لە هەمان ڕۆژدا لەدژی سەربازانی سوپای تورکیای داگیرکەرچالاکییان ئەنجامدا. لەوچالاکییەدا 7 سەربازی سوپای تورکیا کوژران. سوپای تورکیا دوای ئەوچالاکییە لە ڕێگەی هەلیکۆپتەروە تەواوی سەربازەکانی خۆی لەهەرێمەکە دوور خستەوە.
لە ڕاگەیەنراوەکەی هەپەگەداهاتووە : فڕۆکەجەنگییەکانی سوپای تورکیا ڕۆژی 11ی تەشرینی دوویەم لە کاتژمێر 13:40 خولەدکا ناوچەی ئەرمووش-ی خواکورک-ی هەرێمەکانی پاراستنی مەدیایان بۆردومان کرد. لە هەمان ڕۆژ و لەکاتژمێر 20:00 گوندی سێدا-ی هەرێمی زاپ بۆردومان کرا.تا ئیستا زیانەکانی ئەوبۆردومانانە نەزانراوە.
شەڕی تایبەت و هەوالی درۆ
سوپای تورکیا لە ڕێگەی میدیاکانی خۆیەوە دەستی بەشەڕێکی ڕاگەیاندنی کردووە و باسی لەوەکردووە کە لەئەنجامی ئەو بۆردومانانەدا زیانێکی زۆر بە گەریلاکانی هەپەگە کەوتووە. ئاشکرایە کە دەوڵەتی تورکیا بۆئەوەی کە ژمارەی کوژراوانی خۆی لەشەڕەکاندا بشارێتەوە و ورەی گەلەکەمان بشکێنێت ڕووی هێناوەتە بڵاوکردنەوەی هەواڵی چەواشە ودرۆ. ئەنجامی ڕاست و درووستی شەڕەکان لەڕێگەی ڕاگەیەنراوی فەرمی هەپەگەوە بڵاودەکرێتەوە. با گەلەکەمان ئاگاداری هەواڵە درۆکانی دەولەتی تورکیابن. ئەوەی کە دەولەتی تورکیا دەیکات شەڕی تایبەتە وهیچ ئەساسێکی نییە.[1]
#12-11-2018#