$باکووری کوردستان$
- لە ناوچەی پاسووری #ئامەد# لەکاتی تێپەڕبوونی ئۆتۆمبێڵێدا تەقینەوەیەک ڕوویدا و بە پێی زانیاریەکان 5 کەس گیانیان لەدەستداوە.[1]
$رۆژهەڵاتی کوردستان$
- لە ماوەی دوو ڕۆژی ڕابردوودا، 19 زیندانی لە زیندانی ناوەندیی #ورمێ#، بۆ ئەنجامی تاقیکاریی کۆرۆنا ڕەوانەی نەخۆشخانەی دەرەوەی زیندان کراون.[7]
- تەرمی #کۆڵبەر#ێکی کورد بە ناوی عەسکەر محەممەدی خەڵکی گوندی نەبی کەندیی بەخشی ناوەندیی چاڵدێران لە بەرزاییەکانی ئەو شارەدا دۆزرایەوە. بە وتەی سەرچاوەیەکی ئاگادار، ئەو کۆڵبەرە کوردە چوار ڕۆژ لە بەرزاییەکانی کێوەکانی چاڵدێراندا ون بووە. هەتا ئێستا زانیارییەکی ورد لە هۆکاری گیانلەدەستدانی ئەو کۆڵبەرە کوردە لەبەر دەستدا نییە.[7]
$باشووری کوردستان$
- لە بەردەوامی پشکنینەکان و گەڕان بەدوای گومانلێکراوان، 14 تووشبووی ڤایرۆسی کۆڕۆنای نوێ COVID-19 لە شاری هەولێر دەستنیشانکران. بەمەش ژمارەی توشبوون بە ڤایرۆسی کۆرۆنا لە هەرێمی کوردستان گەیشتە 303 کەس و لەو ژمارەیەش 114 کەس چاکبوونەتەوە و 3 کەسیش گیانیانلەدەستداوە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/380809/0004.JPG=KTML_ImageCaption_Title=تیمەکانی تەندروستی سۆران لە کاتی ئەنجامدانی پشکنین بۆ هاووڵاتییان=KTML_ImageCaption_CaptionStyle=000000=KTML_ImageCaption_Caption=تیمەکانی تەندروستی سۆران لە کاتی ئەنجامدانی پشکنین بۆ هاووڵاتییان=KTML_ImageCaption_End=
- وەزارەتی تەندروستی حکومەتی هەرێمی کوردستان ڕایگەیاند، 6 تووشبووی دیکەی کۆرۆنا لە هەولێر دەستنیشان کران.[3]
- بەڕێوەبەری شارەدێی #بازیان# ڕایگەیاند بەهۆی ئەو دووحاڵەتەی کۆرۆنا، کە لە بازیان تۆمارکرا، شارۆچکەی بازیان کەرەنتینەکرا، تا ئێستاش 25 نمونەی خوێن لە کەسانی بەرکەوتووی ئەو دوو کەسە وەرگیراوە بۆ پشکنین، گەڕەکەکانی بازیانیش دەرمانڕێژکراون.[6]
- دوای ئەوەی دوو کەس لەناو #سۆران# و سێ کەس لە شارەدێی #سیدەکان#ی سەر بە شارۆچکەی سۆران تووشی ڤایرۆسی کۆرۆنا بوون، تیمەکانی تەندروستی دەستیان بە پشکنین کرد، ئەمڕۆش بەڕێوەبەرایەتی تەندروستی سۆران ئەنجامی پشکنینی نزیکەی 200 کەسی ئاشکرا کرد، کە سەرجەمیان نێگەتیڤ دەرچووە.[5]
- بەڕێوەبەرایەتی گشتی تەندروستی #کۆیە# ڕایگەیاند: لە چوارچێوەی هەڵمەتەکانی بەشی پاراستنی تەندروستی بەڕێوەبەرایەتی گشتی تەندروستی کۆیە، بۆ وەرگرتنی سامپڵ تایبەت بەپشکنینی ڤایرۆسی کۆرۆنا، ژمارەیەک سامپڵ بەشێوەی هەرەمەکی لە سنووری شارۆچکەی کۆیە وەرگیران، خۆشبەختانە هەر 60 سامپڵەکە ئەنجامەکەیان پاک دەرچوون.[5]
- پۆڵا شەهید سیروان تاڵەبانی بەرپرسی مەڵبەندی #گەرمیان#ی #یەکێتیی نیشتمانیی کوردستان# ڕایگەیاند: بەرەبەیانی ئەمڕۆ لەمیانەی وەفدێکی مەڵبەندی گەرمیانی یەکێتیی نیشتمانی کوردستان سەردانی شارەدێی #کوڵەجۆ#مان کرد، کەبەداخەوە شەوی ڕابردوو لەلایەن تیرۆرستانەوە پەلاماری ڕەبیەکانی پێشمەرگەیان دابوو، کە چەند ڕەبیەو شوێنێکی تایبەت بەهێزەکانی پێشمەرگەمان بەسەر دەکردەوە، بۆمبێکی چێنراو بە کاروانی بەئۆتۆمبێلەکاندا تەقیەوە. وتیشی: بۆمبەکە بەئۆتۆمبێلێکی هێزەکانی ئاسایش تەقیەوە کە لەگەڵ ئێمەدابوون و خۆشبەختانە هیچ زیانێکی گیانی بەدواوەوە نەبوو.[4]
- قائیمقامی شارۆچکەی بەردەرەش ڕاگەیاند، 134 پێشمەرگە و سەربازی سوپای عیراق لە شارۆچکەی بەردەرەش کەرەنتینە کراون کە خەڵکی سنوری پارێزگای #دهۆک#ن، ماوەی سێ ڕۆژە پێشمەرگەو سەربازانی سوپای عیراق لە بازگەی کەڵەک گیریان خواربوو و ڕێگیران لێ دەکرا بگەرێنەوە بۆ ماڵەوە.[1]
- وەزیری خوێندنی باڵا و توێژینەوەی زانستی ڕایدەگەیێنێت، بەهۆی کاریگەریەکانی ڤایرۆسی #کۆرۆنا#وە، ئاماژەکان پێمان دەڵێن ناتوانین دەست بە پرۆسەی خوێندن بکەین. دەشڵێت، هەموو هەوڵێک دەدەن بۆ ئەوەی خوێندنی ئەمساڵ نەفەوتێت.[2]
- ئەو خزمانەی چوونەتە پرسەکانی کارێزان، زۆریان بەنێو کۆڵانەکان و دەرەوەی بازگەکاندا خۆیان گەیاندووەتە پرسەکان. قایمقامی #هەولێر# دەڵێت، لێکۆڵینەوە لە چۆنیەتیی ڕۆیشتنی خەڵک بۆ پرسەکانی کارێزان دەکرێت و کەمتەرخەمەکان سزادەدرێن.[2]
$رۆژئاوای کوردستان$
- دەوڵەتی داگیرکەری تورک و گروپە چەتەکانی شەوی ڕابردوو گوندەکانی سەمۆقا و عەین دەقنەی هەرێمی شەهبایان تۆپباران کرد.[1]
- کردارە قێزەوەن و نەگریسەکانی دەوڵەتی داگیرکەری تورک و چەتە چەپەڵەکانی، لە هەرێمی #عەفرین#ی داگیرکراو، بەردەوامن. لەم چوارچێوەیەدا چەتەکانی دەوڵەتی داگیرکەر لە ژێر ناوی 'فیرقەی 112ی دەوڵەتی تورک لە گوندی بادینای سەر بەناوچەی ڕەجۆ هەر یەک لە مستەفا محمد ئیبیش، محمد خەلیل شەعبان و ئەحمەد عارف ئیبیشیان ڕفاند. چەتەکان هاوکات لە ژێر ناوی گروپی 'محمد فاتیح'ی سەر بە دەوڵەتی داگیرکەر لە گوندی بریمەجەی سەر بە ناوچەی مەعبەداش هەر یەک لە کامەران سبحی قاسمۆ و محمد عبدویان فراند.[1]
$دەرەوەی کوردستان$
- لە بەیاننامەیەکدا وەزارەتی تەندروستی عێراق ڕایگەیاند، لە ماوەی 24 کاتژمێری ڕابردوودا لە سەرانسەری عێراق بە پارێزگاکانی هەرێمی کوردستانیشەوە، پشکنینی پزیشکی بۆ 2 هەزار و 83 کەسی دیکە کراوە، لەو ژمارەیەش 83 حاڵەت پۆزەتیڤ دەرچوون.[5]

ئەمڕۆ چوارشەممە #08-04-2020# بە ئامادەبوونی سەرجەم ئەندامەکانی، ئەنجومەنی #وەزارەتی خوێندنی باڵا# و توێژینەوەی زانستی بەسەرپەرشتی د. ئارام محمد قادر سەرۆکی ئەنجومەن، کۆبونەوەی ژمارە 4ی ساڵی 2020 ی ئاسایی خۆی بە شێوازی ئۆنلاین ئەنجامدا.
کۆبوونەوەکە بە ناردنی درود و سڵاو بۆ گیانی پاکی شەهدانی دوێنێی میحوەری کوڵەجۆ و هەمو شەهیدانی ڕێگای ڕزگاری کوردستان و دەربڕینی هاوخەمی بۆ کەسوکاری سەربەرزیان دەستی پێکرد و هیوای چاکبونەوەی بۆ بریندارەکانی ئەو پەلامارە تیرۆریستییە خواست.
لە دەستپێکی کۆبونەوەکەدا، وەزیری خوێندنی باڵا و توێژینەوەی زانستی، هەڵسەنگاندنێکی بابەتیانەی بۆ دۆخی ئێستای بڵاوبونەوەی پەتای کۆرۆناو ڕێکارەکانی حکومەتی هەرێمی کوردستان بۆ ڕێگریگریکردن لەبڵاوبونەوەی پەتاکە خستەڕو، هەروەها پشتیوانی تەواوی وەزارەتی خوێندنی باڵای بۆ سەرخستنی هەنگاوەکانی حکومەت دوپاتکردەوە.
هاوکات د. ئارام محمد قادر سوپاس و دەستخۆشی ئاراستەی هەموو زانکۆکانی کوردستان کرد بۆ بەشداری و پشتگیریان لە سەرخستنی ڕێکاری حکومەتی هەرێمی کوردستان لە ڕوبەروبونەوەی ئەم پەتایە، هەروەها سوپاسی تایبەتی ئاراستەی ئەو زانکۆیانە کرد کە لەڕێگای بنیاتنانی تاقیگەو بەشداری لە پرۆسەی دەستنیشانکردنی نەخۆشییەکەو دابینکردنی مادەی پێویست بۆ تێستەکان و پێکهێنانی تیمەکانی ڕاوێژکاری و هۆشیاری تەندروستی پشتیوانی دامەزراوەکانی وەزارەتی تەندروستی بون. هەروەها داوای بەردەوامی و چڕکردنەوەی زیاتری هەوڵەکانی لێکردن بۆ پشتیوانی کەرتی تەندروستی وڵاتەکەمان.
هەروەها وەزیری خوێندنی باڵا ستایشی پشتیوانی و خۆڕاگری کۆمەڵانی خەڵکی کوردستانی کرد لە پابەند بونیان بە جێبەجێکردنی ڕێنماییە تەندروستی و خۆپارێزییەکان.
تەوەرێکی دیکەی کۆبونەوەکە تایبەت بو بە دیراسەکردنی بژاردەکانی بەردەم زانکۆکانی کوردستان بۆ پاراستنی پرۆسەی خوێندنی 2019-2020 بۆ ئەم مەبەستە هەمو زانکۆ حکومییەکان و زانکۆ و پەیمانگە تایبەتەکان ڕاپۆرتی وردیان دەربارەی ئامادەکاریەکان پیشکەش بە ئەنجومەنی وەزارەت کرد، دوای هەڵسەنگاندنی ڕاپۆرتەکانی دامەزراوە حکومی و تایبەتەکان و دوای گفتوگۆیەکی وردو زانستی، ئەنجومەنی وەزارەتی خویندنی باڵا و توێژینەوەی زانستی ئەم بڕیارانەی لای خوارەوەی دەرکرد:
1- ئەنجومەنی وەزارەت دڵنیایی دەداتە هەمو قوتابیان و خوێندکارانی کوردستان و کەسوکاریان کە ساڵی خوێندنی 2019-2020 بەفیڕۆ ناچێت و بە لەبەرچاوگرتنی بارودۆخەکە ڕێکاری زانستی پێویست دەگیرێتە بەر بۆ پاراستنی پرۆسەی خوێندن.
2- زانکۆکان بەردوام دەبن لە ئامادەکارییەکانیان بۆ ئەوەی ئەگەر هەتا ڕێکەوتی #02-05-2020# نەتوانرا خوێندنی ئاسایی نێوکامپەس دەستپێبکاتەوە ئەوا خوێندنی ئەلکترۆنی بە شیوازی (پاڵپشتکاری) دەستپێدەکات بەمەبەستی تەواوکردنی ئەو بەشە کەمەی پرۆگرامی خوێندنی ئەمساڵ کە نەخوێنراوە.
3- لە حاڵەتی پیادەکردنی خوێندنی ئەلکترۆنی بە شێوازی (پاڵپشتکاری)، ئەوا لە چوارچێوەی سەربەخۆیی زانستی و ئەکادیمی دەستەڵات دەدرێتە زانکۆکان بۆ ئەوەی سەربەست بن لە بەکارهێنانی هەر جۆرە پلاتفۆرم و ئەپلیکەیشنێک کە لەگەڵ تایبەتمەندێتی زانکۆکانیاندا دەگونجێت بۆ جێبەجێکردنی سیستمی ناوبراو.
4- وەزارەتی خوێندنی باڵا هاوکاری زانکۆکان دەبێت بۆ چارەسەرکردنی هەموو ئەو گرفت و ئاڵنگاریانەی کە دێنە بەردەم جێبەجێکردنی ئەم پرۆسەیە.
5- ئەو قوتابی و خوێندکارانەی کە پێشتر دەستیان بە پڕۆسەی خوێندنی باڵا (دبلۆم/ ماستەر/ دکتۆرا) کردووە و لە قۆناغەکانی (کۆرسات، توێژینەوە، گفتوگۆی نامە)-دان ئەوا بە هەمان شێوازی خوێندنی ئەلکترۆنی درێژە بە پرۆسەی خوێندن دەدەن. هەروەها ئەو قوتابی و خوێندکارانەی کە پێویستیان بە بەکارهێنانی تاقیگەی هەبێت، دوای ڕەزامەندی سەرۆکایەتی زانکۆ، هاوکاری دەکرێن بۆ وەرگرتنی ڕەزامەندی لایەنە پەیوەندیدارەکان بۆ ئەوەی بتوانن کارەکانیان لە تاقیگەکان ئەنجام بدەن بەمەرجی پابەندبوون بە ڕێکارە تەندروستییەکان.
6- زانکۆ و پەیمانگە تایبەتەکانیش بەهەمان شێوازی زانکۆ حکومییەکان پێویستە پاپەندبن بە جێبەجێکردنی تەواوی خاڵەکانی سەرەوە.
7- (دەزگای سەرپەرشتی و دڵنیای جۆری) و (فەرمانگەی خوێندن و پلان دانان و بەدواداچوون) لە وەزارەتی خوێندنی باڵا و توێژیەوەی زانستی بەدواداچوونی بەردەوام دەکەن بۆ دڵنیابوون لە چۆنییەتی بەڕێوەچوونی پرۆسەی خوێندنی ئەلکترۆنی.
8- وەزاەرتی خوێندنی باڵا و توێژینەوەی زانستی داوا لە سەرۆکایەتی ئەنجومەنی وەزیران دەکات کە لە ڕێگەی وەزارەتی گواستنەوە و گەیاندن داوا لەسەرجەم کۆمپانیاکانی ئینتەرنێت بکرێت کە پاکێجی تایبەتی ئینتەرنێت بدەن بە زانکۆکان و مامۆستایان و خوێندکاران و قوتابییان بەشێوەیەک کە خێرایی و نرخەکەی گونجاو بێت و ئەڕکی سەرشانییان کەم بکاتەوە.
9- وەزارەتی خوێندنی باڵا و توێژینەوەی زانستی لە ڕێگای ئەنجومەنی وەزیرانی بەڕێزەوە کار دەکات بۆ چارەسەرکردنی ئەو گرفتە یاسایی و داراییانەی کە دێنە ڕێگای جێبەجێکردنی ئەم پرۆسەیە.
ئەنجومەنی وەزارەتی خوێندنی باڵا و توێژینەوەی زانستی
#08-04-2020#