[1]

#بافڵ تاڵەبانی#، سەرۆکی #یەکێتیی نیشتمانیی کوردستان#، بەبۆنەی یادی جەژنی مەولودی سەروەری مرۆڤایەتی و پێغەمبەرمان محەمەد (درودی خوای لەسەربێت)، پەیامێکی پیرۆزبایی ئاڕاستەی موسڵمانانی کوردستان، عیراق و جیهان دەکات و رایدەگەیەنێت: هیوادارم ئەم یادە هاندەربێت بۆ بەهێزتر کردنی گیانی پێکەوەیی و برایەتی لە نێوان هەموواندا.
=KTML_Bold=دەقی پەیامەکە:=KTML_End=
لە یادی لەدایکبوونی پێشەوای مرۆڤایەتی پێغەمبەری ئیسلام، حەزرەتی محەمەد (د.خ)، پیرۆزباییەکی گەرم لە موسڵمانانی کوردستان، عیراق و جیهان دەکەم.
هیوادارم ئەم یادە مەزنە ببێتە مایەی بوژاندنەوەی زیاتری بەها بەرزەکانی ئایینی پیرۆزی ئیسلام و هاندەربێت بۆ بەهێزترکردنی گیانی پێکەوەیی و برایەتی لە نێوان هەموواندا تاوەکو پێکەوە کاربکەین لەپێناو سەقامگیری و پێشخستنی وڵاتەکەمان و زیاتر خزمەتکردنی گەلەکەمان.
بافڵ جەلال تاڵەبانی
سەرۆکی یەکێتیی نیشتمانیی کوردستان. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی هەرێمی کوردستان بە بۆنەی یادی لەدایکبوونی پێغەمبەری ئیسلام پەیامێکی بڵاو کردەوە و پیرۆزبایی لە تەواوی موسڵمانانی کوردستان، عێراق و جیهان کرد.
ڕۆژی پێنجشەممە 4ی ئابی 2025، نێچیرڤان بارزانی، سەرۆکی هەرێمی کوردستان، لە پەیامێکدا بە بۆنەی یادی لەدایکبوونی پێغەمبەری ئیسلام، هیوای خواست ئام یادە خۆشی و کامەرانی لەگەڵ خۆیدا بهێنێت و ببێتە هۆی ئاشتی و ئاسوودەیی بۆ هەمووان.
=KTML_Bold=دەقی پەیامی سەرۆکی هەرێمی کوردستان بۆ یادی لەدایکوبونی پێغەمبەری ئیسلام=KTML_End=
لە یادی پیرۆزی لەدايکبوونى حەزرەتى پێغەمبەردا موحەممەد (دروودى خواى لەسەر بێت)، گەرمترین پیرۆزبایی لە تەواوى موسڵمانان لە کوردستان، عێراق و جيهان دەکەم. هيوادارم ئەم یادە خۆشى و کامەرانی لەگەڵ خۆيدا بهێنێت و ببێتە هۆی ئاشتى و ئاسوودەيى بۆ هەمووان.
لە خوای مەزن داواکارین لە یادی لەدایکبوونی پێغەمبەردا (د.خ) پەيامى ئاشتيخوازانە و مرۆڤپەروەرى و چاکەیان، باڵ بەسەر کۆمەڵگەى موسڵمانان و مرۆڤايەتيدا بکێشێت و ڕێنوێنیی هەموومان بکات.
هەموو ساڵێک بە خۆشى، لە هەمووان پيرۆز بێت.
#نێچیرڤان بارزانی#
سەرۆکی هەرێمی کوردستان. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#قوباد تاڵەبانی# جێگرى سەرۆکوەزیرانى حکومەتى هەرێمى کوردستان، بەبۆنەی یادی مەولودی سەروەری مرۆڤایەتی و پێغەمبەرمان محەمەد (درودی خوای لەسەربێت)، پەیامێکی پیرۆزبایی ئاڕاستەی موسڵمانانی کوردستان و جیهان دەکات و رایدەگەیەنێت: بەهیوام ئەم بۆنەیە ببێتە هەوێنی بەهێزکردنی زیاتری خۆشەویستی و پێکەوەژیان و ئاشتەوایی لە وڵاتەکەماندا.
=KTML_Bold=دەقی پەیامەکە=KTML_End=:
پیرۆزبایی ڕۆژی مەولود لە سەرجەم موسوڵمانانی جیهان بەگشتی و کوردستان بە تایبەتی دەکەم. بەهیوام ئەم بۆنەیە ببێتە هەوێنی بەهێزکردنی زیاتری خۆشەویستی و پێکەوەژیان و ئاشتەوایی لە وڵاتەکەماندا. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بۆ یادی لەدایکبوونی پێغەمبەری ئیسلام، محەممەد (د.خ)، سەرۆکوەزیران #مەسرور بارزانی# پەیامێکی پیرۆزبایی بلاو کردەوە.
=KTML_Bold=پەیامی فەرمی: سەرۆکوەزیران مەسرور بارزانی ڕایگەیاند=KTML_End=:
بەبۆنەی یادی لەدایکبوونی پێغەمبەری ئیسلام حەزرەتی محەممەد (د.خ) گەرمترین پیرۆزبایی ئاراستەی گشت موسڵمانانی کوردستان و جیهان دەکەم.
هیوادارم یادی لەدایکبوونی پێغەمبەر، دەرفەتێک بێت بۆ زیاتر بەهێزبوونی بەها و بنەما بەرزەکانی مرۆڤایەتی و پەرەپێدانی ئاشتی و تەبایی و بەیەکەوەژیان و دادپەروەری.
یادی لەدایکبوونی پێغەمبەر پیرۆز بێت و خودای مەزن کوردستان بپارێزێت. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=