بەبۆنەی یادی 45 ساڵەی دامەزراندنی یەکێتیی نیشتیمانیی کوردستان و هەڵگیرساندنی شۆڕشی نوێی گەلەکەمان، گەرمترین پیرۆزبایی یٔاڕاستەی بنەماڵەی سەربەرزی شەهیدان و ڕێکخستنە دێرینەکان، زیندانییە سیاسییەکان، کەمیٔەندامانی سەنگەر، پێشمەرگە قارەمانەکان، هاوسەرۆکان و یٔەنجومەنی سەرکردایەتی و ئەنجوومەنی باڵای سیاسی و سەرجەم کادیرو یٔەندامان و لایەنگرانی یەکێتیی نیشتیمانیی کوردستان دەکەم.
هاوتەریب لەگەڵ یادکردنەوەو نوێبوونەوەی یەکێتیی نیشتیمانیی کوردستان، ئومێد دەکەم یٔەم یادە ببێتە خاڵێکی وەرچەرخانی گرنگ لە خەباتی مەدەنبی یەکێتبی نیشتیمانبی کوردستان بەئاڕاستەی هەنگاونان بۆ خزمەتکردنی کۆمەڵانی خەڵکی کوردستان تا لەسایەیدا کوردستانییان کەشایستەی ژیانێکی باشترن لەیٔێستادا بەیٔارامی و ئاسوودەیی ژیان بکەن.
دەخوازم یٔەم یادە شکۆدارە ببێتەمایەی بەخۆداچوونەوەو خۆگونجاندن لەگەڵ هەلومەرجی نوێی ناوچەکەو عێراق و هەرێمی کوردستان و پاراستنی یەکڕیزیی نێوان هێزە سیاسییەکان بەیٔاراستەی دەربازکردنی هەرێمی کوردستان لەم دۆخە چەقبەستووەی لەیٔێستادا تێی کەوتووە، پشت بەست بەڕاسپاردەکانی کۆنگرەی چوارەم و لەژێر ڕۆشنایی ڕوانگە و ئامۆژگارییەکانی سەرۆک(#مام جەلال#).
نەمری بۆ ڕۆحی شەهیدان و ژیانێکی شایستەتر بۆ کۆمەڵانی خەڵکی کوردستان.
‎د.رێواز فایەق ‎
سەرۆکی پەرلەمانی کوردستان
#31-05-2020#

دانوستاندنی یەکێتیی نیشتیمانیی کوردستان لەگەڵ حکومەتی عێراق لە ساڵی 1982دا
نووسینی: د. سەروەر عەبدولڕەحمان عومەر و د. دلێر ئەحمەد حەمەد
چاپی یەکەم – 2011
چاپخانەی هێڤی – هەولێر

ئەمڕۆ چوارشەممە 3-10-2018، هەواڵێکی بێ بنەما و ناڕاست لە ژمارەیەک ماڵپەڕ و دەزگاکانی ڕاگەیاندن بڵاوکراوەتەوە سەبارەت بە ڕێگەگرتن لە دەوامکردنی فەرمانبەرانی سەر بە لایەنێکی سیاسیی دیاریکراو لە دیوانی سەرۆکایەتیی هەرێمی کوردستان.
سەبارەت بە ناوەڕۆکی ئەم هەواڵە نادروستە ڕایدەگەیێنین، کە دەوامی دیوان بەشێوەیەکی ئاسایی و وەکو هەموو ڕۆژەکانی دیکە بەڕێوەچووە و هیچ گرفتێک یان ڕێگەگرتنێک لە فەرمانبەران و ستاف ڕووینەداوە و سەر لەبەری ئەو هەواڵە ڕەتدەکەینەوە.
داواکارین دەزگاکانی ڕاگەیاندن بەرپرسیارانەتر مامەڵە لەگەڵ هەواڵەکاندا بکەن و پڕوپاگەندەی سیاسیی و نادروست بڵاونەکەنەوە کە خزمەت بە هیچ لایەک ناکات.
دیوانی سەرۆکایەتی هەرێمی کوردستان
#03-10-2018#

لەسەر کەیسی کوشتنی ناگەهان، ژنانی #یەکێتیی نیشتیمانیی کوردستان# داوای خۆپیشاندان دەکەن
#شاناز ئیبراهیم ئەحمەد# داوای هەڵوێست لە حزبەکەی دەکات
لە دوای کوشتنی چالاکوانێکی ژن، لە شاری #سلێمانی# ژنانی ئەنجوومەنی سەرکردایەتی یەکێتیی داوای هەڵوێست لە حزبەکەیان دەکەن.
ڕۆژی سێشەممە، 4ی ئۆکتۆبەری 2022، لە گەڕەکی بەختیاری شاری سلێمانی #ناگەهان ئاکارسەل# ئەندامی دەستەی نوسەرانی گۆڤاری ژنۆلۆژی بە (11) فیشەکی دەمانچە تیرۆرکرا، پێشتریش چەندین چالاکی سیاسی باکوری کوردستان لە سلێمانی تیرۆرکران و بکوژانیشیان دەرباز دەکرێن و هەموو کردەوەکانیش دەگەڕێنەوە بۆ تورکیا.
بەپێی زانیارییەکانی بوار، لە دوای کردەوەکەی ڕۆژی 4ی ئۆکتۆبەر، ژنانی سەرکردایەتی یەکێتیی داوای هەڵوێست لەسەر ئەو کردەوەیە لە حزبەکەیان دەکەن و داوایان کردووە خۆپیشاندان ئەنجامبدرێت.
بوار زانیویەتی، یەکێک له و کەسانەی کە بە توندی لەسەر ئەو کەیسە داوای هەڵوێستی کردووە بریتییە لە شاناز ئیبراهیم ئەحمەد، ئەندامی دەستەی کارگێڕی یەکێتیی.
هەر بەپێی زانیارییەکان، تاوەکو ئێستا هیچ کەس لەسەر کەیسی کوشتنی ئه و چالاکوانی سیاسییە دەستگیر نەکراوە ئەوەشی لە لایەن دەزگای ئاسایشی سلێمانی بڵاوکرایەوە لە ژێر فشاری ژمارەیەک ئەندامی ئەنجومەنی سەرکردایەتی و ناڕەزایەتییەکانی چەند کاتژمێری ڕابردوو بوو. [1]

ململانێی چەکداری هێزی پێشمەرگە و سوپای ئێراق 1976 (#یەکێتیی نیشتمانیی کوردستان# ) بەنمونه
لێکۆڵەران: 1. زانا فەقێ محەمەد، 2. ئاکۆ عەبدولکەریم شوانی
#گۆڤاری زانکۆی گەرمیان# ، ساڵی: 10، ژ: 4، 2023

دامەزراندنى یەکێتى نیشتمانى کوردستان، لەپێناو ئەوەدابوو دووبارە دەست بە خەباتى چەکدارى بکاتەوە لە دژى حکوومەتى ئێراقى، سەنگەرەکان دووبارە ئاوەدان بکرێنەوە، یەک لەشکرى ڕزگارى نیشتمانى پێکبهێنرێت، خەباتى سیاسىی ببوژێتەوە، لەم پێناوەیشدا سەرکردایەتی (یەکێتیی نیشتمانیی کوردستان)، لەناوخۆ و دەرەوە ئامادەکاری بۆ کرد، هەر دوو پڕۆژەی (نەخشەی ڕزگاری)و (پەیڕەوی دەستە چەکدارەکان)ی ئامادە کرد، 1ی حوزەیرانی 1976 وەک ڕۆژی دەستپێکردنەوەی خەباتی چەکداری لە باشووری کوردستان دیاریکرد لە دژی حکومەتی ئێراق، پێکهاتەی توێژینەوەکەمان لە پێشەکییەک و دوو باسی سەرەکی و ئەنجام و لیستی سەرچاوەکان پێکهاتووە، باسی یەکەم بە ناونیشانی (درووستکردنی مەفرەزە سەرەتاییەکان) و هەرچی باسی دووەم تەرخانکراوە بۆ خستنەڕووی ململانێ چەکداریەکانی نێوان هێزی پێشمەرگەی (ی.ن.ک) و هێزەکانی سوپای ئێراق لە ساڵی 1976، ئەنجام تەرخانکراوە بۆ هەڵهێنجانی گرنگترین بیروبۆچوونەکان سەبارەت بە درووستکردنی مەفرەزە سەرەتاییەکان و دەستپێکردنەوەی خەباتی چەکداری لە باشووری کوردستان ، هەوڵمانداوە بە پشتبەستن بەسەر چاوەکان زۆرترین زانیاری دەربارەی ناونیشانی توێژینەوەکەمان بخەینە ڕوو. [1]
=KTML_Link_External_Begin=https://www.kurdipedia.org/docviewer.aspx?id=557889&document=0001.PDF=KTML_Link_External_Between=کلیک بکە بۆ خوێندنەوەی ململانێی چەکداری هێزی پێشمەرگە و سوپای عێراق 1976 (یەکێتیی نیشتیمانیی کوردستان ) بەنمونه=KTML_Link_External_End=

بەبۆنەی چل و پێنجەمین ساڵەی دامەزراندنی یەکێتیی نیشتیمانیی کوردستان پیرۆزباییەکی گەرم ئاراستەی تەواوی هەڤاڵانی #یەکێتیی نیشتمانیی کوردستان# دەکەم، هیواخوازم سەرکەوتووبن.
‎یەکێتیی نیشتیمانیی کوردستان هاوبەش و هێزێکی کاریگەری سەر گۆڕەپانی هەرێمی کوردستانە و لەگەڵ #پارتی دیموکراتی کوردستان# و هێزەکانی دیکە لەهەموو وێستگەکان بەتەبایی و یەکڕیزییەوە توانیویانە دەسکەوت و مافی زیاتر بۆ خەڵکی کوردستان بەدەست بهێنن. لەم قۆناغە سەختەش کە بەهۆی لێکەوتە ئابوورییەکانی بڵابوونەوەی ڤایرۆسی کۆڕۆناو بارودۆخی ناوچەکەو سەرهەڵدانەوەی تیرۆرو مەترسییەکان لەناوچە کوردستانییەکانی دەرەوەی ئیدارەی هەرێم، کوردستان لەگەڵ کۆمەڵێک ئاستەنگ و چەسپاندنی ماف و داخوازییەکانی بەرەو ڕووە، بۆیە یەکڕیزی و یەکهەڵوێستی و گیانی تەبایی لەهەموو کات پێویستترەو پێویستە هەمووان بەو گیانە بەسەر ناکۆکی و سەختییەکان زاڵ بین.
جێبەجێکردنی یاسای چاکسازی ئەڵقەیەکی گرنگی پرۆسەی چاکسازیی هەمەلایەنەیەو چاودێری و بەدواداچوونی زیاتر وێستگەیەکی گرنگی دیکەی بەردەم هەرێمی کوردستانە کە لەسەر هەموو لایەک دەخوازێت ڕژدتر پشتیوان و هاوکاری ئەم پرۆسەیە بین.
‎جارێکی دیکە پیرۆزباییتان لێدەکەم و هیوای سەرکەوتنتان بۆ دەخوازم..
#هێمن هەورامی#
جێگری سەرۆکی #پەرلەمانی کوردستان#
#01-06-2020#

ڕۆژی یەکشەممە 6ـی 3ـی 2016 پارتی دیموکراتی کوردستان و یەکێتیی نیشتیمانیی کوردستان کۆبوونەوە.

لە کۆبوونەوەکەدا هەردوولا پیرۆزبایی گەرمی خۆیان ئاراستەی گەلی کوردستان و پێشمەرگە قارەمانەکان و خانەوادەی سەربەرزی شەهیدان کرد بە بۆنەی ڕاپەڕینە مەزنەکەی گەلی کوردستان و یاد و بۆنە و سەرکەوتنەکانی مانگی ئادار.

هەروەها لەو یادەدا ڕێککەوتننامەی شوومی ئازاری 1975ـی نێوان شای ئێران و سەددام کە پیلانێکی ترسناک بوو لە دژی گەلەکەمان ڕیسوا و شەرمەزار کرا. کۆبوونەکە ئەو سەرکەوتن و کارەساتانەی وەک هاندەرێک لە قەڵەم دا بۆ زیاتر پاراستنی ئەزموون و دەستکەوتەکانی گەلەکەمان و توندتر بەرەنگاربوونەوەی دوژمنانی گەلەکەمان بە تایبەتی ڕێکخراوی تیرۆریستیی داعش کە دژی بەهاکانی ژیان و مرۆڤایەتییە.

هەروەها هەردوولا پیرۆزبایی و سوپاس و پێزانینیان ئاراستەی پێشمەرگە قارەمانەکان کرد کە دلێرانە توانیان تیرۆریستانی داعش بشکێنن و هێرشەکانیان پووچەڵ بکەنەوە. بەشداربووانی کۆبوونەوەکە سەری ڕێز و نەوازشیان بۆ گیانی پاکی شەهیدانی شەڕی تیرۆر و هەموو شەهیدانی ڕێگەی ئازادیی کوردستان نواند.

کۆبوونەوەکە ڕۆشنایی خستەسەر قەیرانەکانی هەرێمی کوردستان و لە سەرووی هەموویانەوە قەیرانی سیاسی و، چارەسەرکردنی قەیرانی سیاسیی هەرێمی کوردستانی بە بنەمایەک زانی بۆ بەدیهاتنی یەکهەڵوێستی لە چارەسەرکردنی قەیرانی ئابووری و ئیداری و ئەمنی.

لە کۆبوونەوەکەدا هەردوولا لەسەر چەندین بنەمای بنەڕەتی بۆ چارەسەر و بەرەوپیرەوەچوونی داخوازییەکانی گەلی کوردستان و پاراستنی ئەزموونی هەرێمی کوردستان کۆک بوون و سەرەڕای بوونی هەندێ جیاوازی لە بیروبۆچوون، جەخت لەسەر هاوپەیمانێتی و هەماهەنگیی نێوانیان و پارتەکانی تر کرایەوە و لەسەر ئەو بنەمایەش بڕیار درا کە بۆ وردکردنەوەی هەموو ئەو خاڵانەی باسیان لێوە کراوە بەرنامە و ڕێگەچارە دابنرێت و بە هاوکاریی هەموو لایەک و بە یەکهەڵوێستی هەنگاوی عەمەلی بنرێت بۆ ئاساییکردنەوەی بارودۆخەکە و بەکارخستنەوەی پارلەمان و پتەوکردنی کاروباری حکوومیی حکوومەتی هەرێمی کوردستان.