خەندان- خۆشناو حسێن
لە ساڵی‌ 2016 دا، سێ هەزار و 404 سەربازی‌ تورکیا کوژراون و 885 گەریلا و شەرڤان شەهیدبوون لە پێکدادانەکانی‌ پارتی‌ کرێکارانی‌ کوردستان(پەکەکە) لەگەڵ، سوپای‌ ئەو وڵاتە، ئەوەش بەپێی‌ ئاماری‌ فەرماندەیی‌ گشتی هێزەکانی پاراستنی گەل، هەپەگە.
موراد قەرەیلان، ئەندامی کۆمیتەی بەڕێوەبەری پارتی کرێکارانی کوردستان پەکەکە و فەرماندەی گشتی هێزەکانی پاراستنی گەل (هەپەگە)، ئاماری گشتی شەڕ و پێکدادانی نێوان پەکەکە و یەکینەکانی‌ پاراستنی‌ سڤیل(یەپەسە)ی‌ لەگەڵ سوپای‌ تورکیا ڕاگەیاند.
بەپێی‌ ئامارەکانی‌ فەرماندەیی‌ هەپەگە، لە ساڵی‌ 2016 دا سێ هەزار و 404 سەربازی‌ تورک کوژراون و 585 گەریلای‌ پەکەکە و 300 شەڕڤانی‌ یەکینەکانی‌ پاراستنی‌ سڤیل(یەپەسە)، شەهیدبوون بەوتەی‌ قەرەیلان، بەشێک لە گەریلاکان لە شەنگال شەهیدبوون.
سوپای‌ تورکیا لە یەکی مانگی کانونی دووەمی 2016 و تا ئێستا، 323 ئۆپەراسیونی زەمینی و 406 هێرشی ئاسمانی بە فرۆکەی‌ جەنگی و 88 هێرشی بە هێلیکۆبتەری جەنگی ئەنجامداوە، هەروەها 493 جار تۆپخانەکانی‌ سوپای‌ ئه و وڵاتە، بۆردومانی‌ ناوچەکانی‌ ژێر کۆنترۆڵی‌ پەکەکە-ی‌ کردووە.
زیانەکانی‌ پەکەکە، لە پێکدادانەکانی‌ 2016 دا، شەهیدبونی‌ 585 گەریلا و 300 ئەندامی‌ یەکینەکانی‌ پاراستنی‌ سڤیل(یەپەسە) –بوه و هاوکات باڵی‌ سەربازی‌ پەکەکە (هەپەگە) هەزار و 150 چالاکی لە دژی سوپا و هێزە ئەمنیەکانی تورکیا ئەنجامداوە، بەوتەی‌ قەرەیلان، تورکیا تەنها کوژرانی‌ 600 سەربازی ڕاگەیاندووە، لە کاتێکدا سێ هەزار و 404 سەرباز کوژراون.
لەمساڵدا گەریلاکانی‌ پەکەکە توانیویانە، 166 زرێپۆش تێکبشکێنن و سێ‌ هێلیکۆبتەری جەنگی جۆری کوبرا و یەک فڕۆکەی‌ جەنگی جۆری (ئیف 16) بخەنەخوارەوە کە ئەمەی‌ دواییان لە 12ی‌ ئەم مانگە بوو.
موراد قەرەیلان ئەوئامارانەی‌ لە چاوپێکەوتنێکدا لە گەڵ کەناڵی ئاسمانی ستێرک تیڤی نزیک لە پەکەکە ڕاگەیاندوه و باسیلەوەشکردوە، کە یەکەمجارە لە مێژووی بزوتنەوکەیان، فڕۆکەی‌ جەنگی جۆری ئێف 16 لە لایەن گەریلاوە بخرێتە خوارەوە ئەوەش لە ڕێگای مووشەک بووە.
ژمارەی‌ دیلەکانی‌ سوپای‌ تورکیا، بەوتەی‌ موردا قەرەیلان لەمساڵدا، 12 سەرباز بوه و هەر له و ماوەیەدا، 14 گەریلا بە دیلگیراون، سەبارەت بە ئامانجەکانی‌ خۆیان لە ساڵی‌ 2016 فەرماندەیی‌ گشتی‌ هەپەگە، دەڵێت"پێدەچێت ئێمە نەگەیشتبین بە ئامانجەکانمان کە بۆ ئەمساڵ دارێژرابوو، بەڵام وەکو گەلی کورد سەرکەوتوبوین لە بەرخۆدان".
- 29-12-2016

تیمی وەڵامدانەوەی یەپەسەی شەهید مەزلۆم ژیاندا لە چوارچێوەی هەنگاوی 'لەدژی داگیرکەران و نۆکەران و سیخوڕەکان هەنگاوی تٶلەسەندنەوە' لەمێرسین بە تاکتیکی تایبەت لەدژی سەربازانی تورک چالاکی ئەنجامدا.
ڕاگەیەنراوی تیمەکە لەوبارەیەوە بەم شێوەیەیە:
27ی تەموزی 2020 تیمەکانی وڵامدانەوەی ئێمە لە ناوچەی موتێی میرسین لەسەر ڕیگای کارامان لەدژی ئۆتۆبۆسێکی مەدەنی کۆمپانیای ئالاشەهیری گەشتیاری ساریکز کە ژمارەیەک سەربازی تێدابوو، چالاکیان ئەنجامداوە.
تیمەکانی وڵامدانەوەمان دوای ئەوەی بۆ ماوەیەکی درێژ چاودێری دوژمنیان کرد و جمووجوڵی دوژمنیان کۆنتڕۆڵ کرد، لەدژی ئۆتۆمبێڵەکە کە لە ڕۆژی پێشتر لە ڕێگادابوو، کاتژمێر 07:00 بە تەکنیکێکی تایبەت چالاکیان ئەنجامدا. لە ئەنجامی چالاکیەکەدابە پێی زانیاریەکانمان 6 سەرباز کوژراون و 30 سەربازیش برینداربوون کە برینی 15 سەربازیان سەختە.
لە ڕاگەیەنراوەکەدا بە بەردەوامی باسی ئەوە دەکرێت، دەوڵەتی تورک لە شارەکان یەپەسە لە بەرانبەر خۆی دەبینێت حسابی هێرشی قڕکردن دەدات. بە تاکتیکی تایبەت ئێمە کە لە بەرانبەر تەکنەلۆژیای پێشکەوتووی ئەوان ئەنجام دەدرێت. لەو دەڤەرانەی کە بە پیشبینی ناکەن، لەدژی ئەوان دەوەستینەوە.
'بە ناوی ڕووداوێک، هەواڵی درۆ بڵاودەکەنەوە'
هەروەها باسی ئەوەکراوە، 'چەتەکانی ئاکەپە و مەهەپە بۆئەوەی مۆڕال و بوێری گەل بشکێنن، هەموو چالاکیەکانمان وەک ڕووداو لەقەڵەم دەدەن و هەواڵی درۆ بڵاودەکەنەوە. میدیای شەڕی تایبەت کە نەیتوانیوە چالاکیەکەمان بشارێتەوە، ڕاگەیەنراوی جیاواز بڵاودەکاتەوە و بەرپرسانی سەربازی تورک بە ناوی خولوسی ئاکار ڕاگەیەنراوی بەو شیوەیە دەدەن کە ئۆتۆمبێڵەکە ئیستۆپی تێدا نەماوە و بەو شێوەیە هەواڵی درۆ بڵاودەکەنەوە.
'بۆ یادی مەزلۆم ژیاندا'
هەروەها ڕاگەیەنرا کە ئەم چالاکیە بۆ یادکردنەوەی مەزلۆم ژیاندا کراوە کە 1ی ئەیلولی 2019 لە هەرێمەکانی پاراستنی میدیا لە ئەنجامی هێرش ئاسمانی دەوڵەتی تورک شەهید بوو.[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

ە ڕاگەیەنراوەکەدا باسی ئەوەکرا کە تیمەکانی وڵامدانەو لە چوارچێوەی هەنگاوی تۆڵەی دژی داگیرکەر و سیخوڕ و نۆکەراندا لەدژی سووتاندنی دارستانەکانی چیای جوودی چالاکی وڵامدانەوەیان ئەنجامداوە.
بەپێی ڕاگەیەنراوەکە، لە 8ی ئەیلول کارگەی جلوبەرگ لە ناوچەی مەنەمەنی ئیزمیر سووتێنرا.
هەمان ڕۆژ لە ناوچەی ئەفەلەری ئایدن لە کۆڵانی پیشەسازی گەڕەک زەیبەک ناوچەیەکی پیشەسازی سووتێنرا و زیانێکی زۆر بەر دوکان و ئۆتۆمبێڵەکان کەوت.
هەروەها ڕاگەیەنرا کە لە ناوچەی بۆزدۆگانی ئایدن لە 8ی ئەیلولدا لەدژی وێستگەی کارەبا چالاکی ئەنجامدرا و لە ئەنجامدا وێستگەکە بە تەواوی لەناوچوو.
لە ناوچەی کەپەزی ئەنتاڵیاش 31ی ئاب باڵەخانەی ئەندامێکی مەهەپە سووتێنرا.
تیمەکانی وڵامدانەوە هوشیاریدا و ڕایگەیاند، ئەگەر دارستانەکانی چیای جوودی دەسووتێنرێت، ئەو کاتە تورکیاش دەسووتێنرێت.[1]

لە ڕاگەیاندراوی تیمەکانی وەڵامدانەوەی شەهید سەید باتمان لە یەکینەکانی پاراستنی سڤێل (یەپەسە)دا هاتووە، لە چوارچێوەی هەڵمەتی توڵەسەندنەوە لە سیخوڕان – نۆکەران و داگیرکەران دا زنجیرە چالاکییەکیان ئەنجامداوە.
ئاماژە بەوە کراوە، لە 20ی تەممووزی 2020 و لە کاتژمێر 22:45 دا لەگەڕەکی تۆکی ئۆچکویو لە ناوچەی پەیاس لە #ئامەد# لە دژی پاسێکی پۆلیسەکان، کە بۆ گوێگرتن و چاودێریکردن بەکار دەهێنرا و بەهاکەی زیاتر لە 2 ملیۆن لیرەی تورکییە، چالاکییەکی سابوتاژیان ئەنجامداوە و بەو هۆیەوە ئۆتۆمبێلەکە سوتاوە و یەکەی ئەنجامدەری چالاکییەکەش سەرکەوتوانە لە شوێنی چالاکییەکە دوورکەوتونەتەوە.
ئەوەش خراوەتەڕوو، لە 30ی تەممووز و لە کاتژمێر 19:00 دا لە ناوچەی پیشەسازیی مورادییە لە چالاکییەکی سابوتاژدا 2 تانکەری هەڵگری ماددەی کیمیایی ئاگریان تێبەردرا و ئاگرەکە تاوەکو ڕۆژی دواتر کاتژمێر 11:00 بەردەوامیی هەبوو.
لە ڕاگەیاندراوکەدا ئەوەش هاتووە، 1ی ئاب لە گەڕەکی کۆناک لەناوچەی یاتاغان لە موغڵا ئۆتۆمبێلی کەسێکی فاشیست بە ناوی ئۆ.گ سوتێنرا.
لە گەڕەکی قەرەبایر لەناوچەی چامەلی لە دەنیزلی لە 21ی تەممووزدا و لە کاتژمێر 09:00 دا کێڵگەیەکی فاشیستەکان ئاگری تێبەردار.
لە ڕاگەیاندراوەکە ئاماژە بەوەشکراوە، ئەو چالاکییانەیان بۆ بەرز ڕاگرتنی یادی شەهیدانی جەنگی حەفتانین و شەهیدانی بەرخودان ئەنجامدراون.[1]

بە پێی ڕاگەیێنراوەکەی تیمەکانی وڵامدانەوە، بەو زنجیرە چالاکیانەی لەو سێ شارە ئەنجامیان داوە، هەنگاوی گۆشەگیری و فاشیزم و داگیرکەری بەسە، کاتی ئازادیە''یان بەرز نرخاندووە.
لە ڕاگەیێنراوەکەدا ئاماژە بەوە کراوە کە لە بەرواری 18ی ئەیلولدا لە ناوچەی ئەردەملیی شاری مێرسین لە دژی ناوەندێکی گەشتیاری چالاکیان ئەنجام داوە. هاوکات لە بەرواری 19ی ئەیلولیشدا لە کاتژمێر 20:30 خەلەک لە گەڕەکی گونگوری ناوچەی گەڤەری شاری جۆلەمێرگیش لە دژی گروپێکی مافیاگەریی فرۆشتنی مادەی هۆشبەر 'چالاکی سزادانیان' ئەنجام داوە.
لە بەردەوامی ڕاگەیێنراوەکەی یەکینەکانی وڵامدانەوەی سەر بە یەپەسەدا هاتووە، لە بەرواری 14ی ئەیلولدا لە ناوچەی پیشەسازیی شاری مێرسین لە دژی کۆگایەکی فرۆشتنی پارچەکانی ئۆتۆمبیلی بارهەڵگر چالاکیەکیان ئەنجام داوە و کۆگاکە بە تەواوەتی سووتێنراوە. هاوکات لە 8ی ئەیلولیشدا لە گەڕەکی شەهیدلیکی ناوچەی یەنی شەهری ئامەد بە بۆمبی دەستی لەدژی قەرەقۆلێکی سەربازی سوپای تورک چالاکیەکیان ئەنجامداوە.
لە ڕاگەیینراوەکەدا باس لەوەش کراوە کە، لە ئەنجامی ئەو چالاکیەدا سەربازەکانی ناو قەرەقۆلەکە سەریان لێشێواوە، زیانیان بەرکەوتووە، بەڵام ژمارەی کوژراو و بریندارەکان نەزانراوە.[1]

میانگەو چاپەمەنی و یاۋنەری یەکینەکێ پارێزنای سڤیلی-پەپەسە، ۋەڵاۋکریای لەشکری دان و ئاشکراش کەرد: جە 3 شوباتی ۋیەردەی جە بەیلیکدوزو و بایرام تەپە-و شارو ئەستەنبوڵی چالاکیێش ئەنجامێ دێنێۋە.
یەپەسە جەی بارەوە ئی زانیاریێشە دێنێ:
جە 3 شوباتی یەکێنەکێمان پەی تۆڵەکەردەی شەهید زریانی و شەهید چیاگەری، جە گەڕەکێ بەیلیکدوزوی و بایرام تەپەی 2 چالاکیشان ئەنجام دێنێ و جە ئاکامشانە جە بەیلیکدوزو 3 ماشینێ و جە بایرام تەپە 2 دوژمنیشان سۆچنێنێ و بە تەمامی دلێنەبەردێنێ.[1]
#07-02-2019#

یەکینەکانی یەپەسەی سەرحەد ڕایگەیاند: ڕۆژی 3ی کانوونی یەکەم کاتژمێر 21:30 خولەک لە گەڕەکی فاتیحی ئاگری، چالاکییەک لە دژی بنکەی پۆلیس ئەنجامدرا و چالاکییەکە بۆ تۆڵەسەندنەوەی شەهیدانی سەرحەد و لە دژی گوشارەکانی سەر گەل ئەنجامدراوە.[1]

ڕاگەیەنراوی یەپەسە بەم شێوەیەیە:
ئەندامی یەکینەکانمان 13ی تەموز کاتژمێر 22:30 لە گەڕەکی باخچەلیئەڤلەری شڕنەخ لە تەنیشت وێستگەی کۆنتڕۆڵکردنی ئۆتۆمبێڵ لە تەنیشت ناوچەی پیشەسازی لەدژی ئۆتۆمبێڵێکی سەربازی پۆلیسی تیمی تایبەتی داگیرکەر بە تەقەمەنی کە پێشتر جێگیرکرابوو چالاکی ئەنجامدا. لە چالاکیەکەدا 9 پۆلیسی تیمی تایبەتی داگیرکەر لەناو ئۆتۆمبێڵەکەدا بوون. ژمارەی کوژراوەکان دیار نییە. پۆلیسە داگیرکەرە بریندارەکان بە ئامبۆلانس بۆ نەخۆشخانەی دەوڵەتی شڕنەخ ڕەوانەکران. ئەندامانی ئێمە بە سەلامەتی و بێزیان لە هەرێمەکە دوور کەوتنەوە.
چالاکی بۆ پشتگیری بەرخۆدانی حەفتانین بوو
یەکینەکانی تۆڵەی شەهید ڕزگار گەڤەری یەپەسە – ژن ڕاشیگەیاند، چالاکیەکەمان بۆ یادکردنەوەی شەهیدان ئەسمەر دەڤریم زەردەشت و نووجان شەردۆز ئەنجامدراوە کە لە هەنگاوئ جەنگی حەفتانیندا لە شەشدارا تا گولەی کۆتایی خۆیان شەڕیان کرد و گورزی گەورەیان لە دوژمندا و شەهید بوون.
لە ڕاگەیەنراوەکەدا باسی ئەوەشکرا کە، بۆ بەرخۆدانی ژنان کە لە حەفتانین لەدژی دەوڵەتی داگیرکەری تورک بە شێوەیەکی فیدایی لەشیان دەکەنە قەڵغان و خاکی کوردستان لەدژی داگیرکەری دەپارێزن، چالاکیەکانمان لە کوردستان و تورکیا دەبنە وڵامدەرەوە. ئێمە دروشمی 'هەموو جێگایەک حەفتانینە' لە کۆڵان، گەڕەک و گۆڕەپانەکان جێبەجێ دەکەین.[1]

لە ڕاگەیاندراوەکەی یەپەسە ژن دا هاتووە:
لە 9ی تشرینی یەکەم لە گەڕەکی خاچۆرت لە وان لە دژی ئۆتۆمبێلێکی زرێپۆشی پۆلیسی تورک چالاکییەکیان بە بۆمب ئەنجامدا. لەو چالاکییەدا ژمارەی کوژراوان و بریندارانی دوژمن ڕوون نەبووەیەوە و دوای چالاکییەکە دوژمن ناوچەکەی گەمارۆدا.
لە 10ی تشرنی یەکەمدا لە گەڕەکی کۆناجک لە بۆدرومی موغڵا کارگەیەکی فاشیستییەکان ئاگری تێبەردرا. لەو چالاکییەدا عەمباری جلوبەرگی بەرهەمهاتووی کارگەکە بووە خۆڵەمێش.
لە 11ی تشرینی یەکەمدا لە گەڕەکی گیوڤەنلەر لە ناوچەی یەنیشەهیری مێرسین لە کاتژمێر 16:30 دا بۆمبێک کە پێشتر دانرابوو تەقێنرایەوە. دەنگی تەقینەوەکە لە سەرتاسەری شاردا بیسترا و بەهۆی ترسی دوژمنەوە بۆ ماوەیەکی دوور و درێژ نەیانوێرا ڕوو لە شوێنی چالاکییەکە بکەن.
لەم قۆناغەدا فاشیزم لە بەرزترین ئاستی خۆیدایەتی و ئێمەش بۆ چەسپاندن و هێنانەدیی ئازادی لەبەرزترین ئاستی تێکۆشانداین. ئێمە گۆشەگیریی سەر ڕێبەرایەتی قبوڵ ناکەین و لە دژی تواندنەوە و پاکتاوکردن بێدەنگ نابین. دەبێت کۆمەڵگەکەشمان لە دژی پاکتاوکردن خۆی لەگەڵ هەڵمەتی ئازادیدا بکات بە یەک.[1]

تیمەکانی وڵامدانەوە ڕایگەیاند کە یەکینەکانیان لە چوارچێوەی هەنگاوی تۆڵەی دژی داگیرکەری و سیخۆڕ و نۆکەراندا لە #ئامەد# و سەمسوور چالاکیان ئەنجامداوە.
لە ڕاگەیەنراوەکەدا هاتووە، تیمەکانیان 25ی ئاب کاتژمێر 22:30 لە گەڕەکی شەهیدلکی ئامەد لەدژی فڕۆشیارانی مادەی هۆشبەر چالاکیان ئەنجامداوە و لە ئەنجامی چالاکیەکەدا فڕۆشیارانی مادەی هۆشبەر بە خێرایی لە شوێنی چالاکیەکە هەڵهاتوون.
تیمەکانی وڵامدانەوە لە 23ی ئاب کاتژمێر 21:30 دا لە ناوچەی سەیرانتەپەی ئامەدیش بە بۆمب چالاکیان لەدژی مارکێتێک ئەنجامداوە و لە ئەنجامدا مارکێتی داگیرکەران سووتێنراوە و ناتوانرێت بەکار بهێنرێت.
لە بەردەوامی ڕاگەیەنراوەکەدا باسی ئەوەکراوە کە 24ی ئاب لە شاری سەمسوور لە گەڕەکی ئاڵتنشەهیر لە ناوچەی پیشەسازی کارگەیەکی بچووکی ئاکەپەییەکان سووتێنراوە و لە ئەنجامدا کارگەکە بە تەواوی سووتاوە و لەکار کەوتووە.
تیمەکانی وڵامدانەوەی شەهید ساریا ڕۆزەرینی یەپەسە – ژن لە کۆتایی ڕاگەیەنراوەکەیدا باسی ئەوەی کرد کە لەدژی ئەو کەسانەی کۆمەڵگا تێک دەدەن چالاکیەکانیان بەردەوام دەبێت و داوایان لە کۆمەڵگا کرد لەدژی کاری نابەجێ، مادەی هۆشبەر و خیانەت هەڵوێست وەربگرن.[1]