دواڕۆژ، رەڤەند گوهەرزی
ڤەکۆلەرەکی ئێزدی ئاشکەرا دکەت، د کۆمکوژیا گوندێ کۆچۆدا ل سەر دەستێ چەکدارێن رێکخراوا دەولەتا ئیسلامی ل عێراق و شامێ یا ناسکری ب #داعش# (1211) کەسیێن بووینە قوربانی ود (22) گۆڕێن بکۆمدا گوللە بارانکرینە.
داود موراد خەتاری، ڤەکۆلەرێ ئێزدی راگەهاندیە کو، ئەڤە چوار سال بسەر کۆمکوژیا گوندێ کۆچۆ لسەر دەستێ چەکدارێن داعشێ دەربازبوون، کو ل 3/8/2014-ێ هەتا 15/8/2014 گوند هاتبوو دوورپێچکرن و پیلانەکا دارێژتی بوو داعشێ دانای.
دیارکریە ژی داعشێ شەریعەتا ئیسلامێ بسەر ڤێ کۆمکوژیا مەزندا بجهئینا و خیانەت ل وی خەلکی کرن و گوتە وان دێ هەوە وە بەینە چیایێ #شنگال#ێ پاشی نەبرن و کۆمکوژکرن 83 ژن دگەل چەند زارۆکان دگۆرەکێدا ل سۆلاخ هەموو کوشتن.
خەتاری خوەیا کریە ژی دکۆمکوژیا گوندێ کۆچۆدا (1211) کەس یێن بووینە قوربانی و داعش خەلک د(22) گۆڕێن بکۆمدا گوللەباران کرینە.
خەتاری گۆتژی، ڤێ کۆمکوژیێ تایبەتمەندیا خۆ هەبوو پیلانەکا دەرەکی و ناڤخۆیی و داعشی بوو، ل دژی خەلکێ گوندێ کۆچۆ هاتە ئەنجام دان.
ل 3-ی تەباخا 2014 چەکدارێن دەولەتا ئیسلامی ل عێراقێ و شامێ داعش هێرش کرە سەر قەزا شەنگالێ و ب هەزاران کەس هاتنە رەڤاندن و ب سەدان کەس ژی دگورێن بکومدا هاتنە گوللە بارانکرن و هەتا نوکە چارەنڤیسێ زێدەتر سێ هەزار کەسان کوهاتنە رەڤاندن دیار نینە.[1]
#15-08-2018#

کچا مختارێ گۆندی #کۆچو# دبێژیت، ڕێکخراوا تیرۆرستی یا #داعش# فێل ل بابێ من وان کر و گۆتێ نە ڕەڤن چ نینە دێ ھەوە ئازاد کەین پشتی 13 ڕۆژێن دوورپێچکرنا گۆندی ھەموو ئێڤاریا داعش ل کوچکا بابی من د ڕوونشتن و ئەم ڕازی دکرین کو نەرەڤین لێ ب خیانەت بابێ من کوشت.
دەلال ئەحمەد جاسو کچا مۆختاری گۆندی کۆچو بۆ ئەڤرۆ دیار کر، دەمێ تیرۆرستان گۆندێ کوچو گرتی ئێکسەر بابێ من نەچار کرن ھەموو خەلکێ گۆندی کۆم بکەت ل دەستپێکی چەک و تەقەنیی ژ زەلامان وەرگرتن دووڤدا دەست ب پشکنینا کچ و ژنان کرن و زیر و پارە ژ خەلکی وەرگرتن داعشا فێل ل بابی من کر و دگوتێ ئەم گەلەک حەز ژ تە دکەین و مە دڤیت ھاریکاریا ھەوە بکەین و گۆت: بۆ ماوێ 13 ڕۆژان بابێ من ھەولدان کرن ھەموو خەلکێ گۆندی پێکڤە ب ڕەڤن و خوە بگەھینە چیایێ شنگالێ لێ ھەر شەڤ داعشا گۆند دوورپێچ دکر و تیررۆستەک ب ناڤی (شێخ حەمزە) ھات گوتە بابێ من دێ ھاریکاریا ھەوە کەم نە ڕەڤن و ئەم چ ل کەسێ ناکەین وی تیرۆرستی گۆت دێ خەلکێ گۆندێ کوچو گەھینینە دووگری بۆ وێ چەندێ خەلک نێزیکی چیای ببن ھەتا بشێن خوە ڕزگار بکەن لێ ئەو ژی فێل بوو داعشا ل گەل مە بکار ئینای.
کچا مۆختاری گۆندی کۆچو دا زانین ژی کو ، ڤی تیرۆرستی گەلەک خیانەت ل بابێ وێ و خەلکێ گۆندێ کۆچو کر، چونکی ڤی تیرۆرستی ڕێک نەدا خەلکی خوە ڕزگار بکەن و شەڤێ ڕەخێن گۆندی تیرۆرست بەلاڤە دکرن دا کو کەس خوە ڕزگار نەکەت و گۆت: ھەردەم تیرۆرست شێخ حەمزە د گۆت دێ بۆ ھەوە ڕازیبوونێ ئینم ھەرن بگەھنە مرۆڤێن خوە ل چیایی شنگال ل ڕۆژا 15-08-2014 ئەم ھەموو ڤەگوھاستینە وێ قوتابخانا ل د گۆندی دا و ئێکسەر زەلام جۆدا کرن و ژن و کچ برنە قاتێ دویێ و پشتی دەمەکێ کێم دەنگی تەقێ ھات و داعشا لبەر مە بەرزە کر و کە نەزانی کا باب و برایێن مە پێکڤە کوشتن دەمێ مە پسیار ژ داعش کری کانی زەلامێن گۆندی ب مە کرە کەنی و دەست ب ئێھانەکرنا ژنان و کچان کرن.
دەلالێ ئەو چەندە ژی دیار کر کو بۆ ماوێ 13 ڕۆژان داعشا ل سەر خەلکی فەرز کر کو ھەموو ببنە موسلمان، لێ خەلکێ کوچو پێکڤە بریار دان موسلمان نەبن و بریارێن تیرۆرستێن داعش بجە نەئێنان و گۆت: پشتی 13 ڕۆژان داعش ئەم ڤەگوھاستینە سولاخی ب شەڤی دەست ب برنا کچان کرن بتنی ژنێن شووکری ھێلان و ھەموو کچ ل گەل خوە برن.
ڤێ کچێ گۆتژی: گەنجێن 10 ھەتا 14 سالیێ تیرۆرستێن داعش ل گەل خوە برن بۆ تەلەعفەر ل ئێڤاریەکا درەنگ ھەموو ژنێن شوو کری ڤەگوھاستنە تەلەعفەر و ژنێن دانعەمر ژی جۆدا کرن و داعشا دگۆت دێ ژنێن دانعەمر بەینە جھەکێ سار ڕۆژێن زۆر نەخۆش مە بۆراندن، داعش زەلامێن گۆندی کوشتن و ئەم نەشیاین بچینە سەر زەلامێن خوە.
ھەروەسا دەلالێ دا زانین و گۆت: شەڤەکێ ئەم 18 کەس ژ مالا مە پێکڤە ڕەڤین و مە گەلەک ھەولدان کرن خوە بگەھینینە سەنگەرێن پێشمەرگەی ل چیایێ شنگال لێ ڕێگری ل مە کر و جارەکا دی تیرۆرستێن داعش ئەم ب ڕێڤە دەستەسەر کرین و بۆ ماوێ 15 ڕۆژان زێندان کرین ل تەلەعفەر پاشی ئەم ڤەگوھاستینە مووسل و زێندان کرین بۆ ماوەیەکێ درێژ و ل دووماھیێ داعش ھاتن و گۆت دێ ھەوە ب توندی سزا دەین چونکی ھوون یێن ڕەڤین پشتی بھنەکێ خووشکا من و کچا خوشکا من و ژن برا من ل گەل خوە برن و داعشێ گۆت ئەڤە سزایی ھەوەیە، ئەز و خوشکەکا من دی و دو کەسێن دی ڤەگوھاستینە کسر و مەحراب بۆ ماوی دو ھەیڤان ئەم کرینە د خانیەکێ ڤە.
دەلالێ ئاماژە بڤێ چەندێ ژی کر و گۆت: بۆ ماوێ 10 ھەیڤا ئەز و خەشکەکا خوە ل تەلەعفەر ماین و ھەموو ڕیێن توند و تیژیی تیرۆرستێن داعش بەرامبەر ڕەڤاندیان بکار ئێنان.[1]

#کۆجۆ# گوندەکە ب درێژاهیا 20 کیلۆمەترەیا، کو دکەویتە باشوورێ ڕۆژئاوایێ باژێروکێ #شەنگال#، یێ سەر ب باژێرێ #نەینەوا#. پشکا هەری زێدە ژ ئاکنجیێ وی گوندی سەر ب ئایینێ ئێزدینە. گوندێ کۆجۆ ل ڕوژا #03-08-2014# دکەویتە بەر هێرشا دەولەتا ئیسلامی یا #داعش#، د وی هێرشێ دە پشتی جودا کرنا ژن و زەلامێن ئێزدی، پتر ژ 423 زەلامێن ئێزدی هاتنە گوللەباران کرن و ب سەدان کەس ژی هاتنە بێ سەر و شین کرن. هەروەسا بەشەک زێدە ژ کەچ و ژنێن ئێزدی یێن خەلکێ گوندێ کۆجۆ ژ ئالیێ دەولەتا ئیسلامیا داعش کەتنە بەر دەستدرێژی کرن، دزین و تالانکرنێ؛ کو بەشەک ژ وان حەتا نها ژی نە دیارن. [1]

کۆچۆ
ئەڤ گوندە دکەڤیتە باشورێ باژێڕۆکێ شنگال، ئاکنجیێن ڤی گوندی هەموو ئێزدینە. هەرهۆسا چەندین جهێن پیرۆزێ ئاینێ ئێزدیان دکەڤنە#گوندێ کۆچۆ# و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ گوندێ کۆچۆ لدیف ئامارێن بەری هاتنا داعش بۆ شنگال ل ساڵا 2010 نێزیکی ( 4،000) چار هەزار کەسان بوون، هەرهۆسا لدەمێ هاتنا داعش بۆ شنگال ب هەزارەهان کەس ژ گوندێ کۆچۆ هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی یا ب ناڤێ داعش، هەروەسا گەلەک خێزان ئاوەری باژێڕۆکێن #دهۆک# و #زاخۆ# و #سلێمانی# بوینە و هەروەسا کۆچکرینە بۆ وەڵاتێن ئۆرەپی. (1209) هەزار و دوو سەد و نەه کەس ژ گوندێ کۆچۆ بووینە قوربانی دەستێ دەولەتا ئیسلامی یا ب ناڤێ داعش، کۆمەڵا وان کەسێن بوینە قوربانیێ دەولەتا ئیسلامی یا ب ناڤێ داعش 595 زەلام بوون و 614 ژن بوون، 319 زەلام و 99 ژن هاتن ئەنفالکرن، 45 زەلام و 79 ژن هاتە بێسەر و شوێن کرن، 231 زەلام و 436 ژن هاتن ڕزگار کرن ژ دەستێ دەولەتا ئیسلامی ب ناڤێ داعش، گەلەک ژ وان کەسێن ڕزگار بووی نهۆ ل وەڵاتێن ئۆرەپی و کوردستانێ ئاکنجینە، لێ د نهۆ دا گوندێ کۆچۆ گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ بەلێ ب شێوەکی تایبەت ئاڤ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]

حەسەن ئیبراهیم
2019

کۆچۆ-کۆجۆ، گوندێکە بەدوری (20) کیلۆمەتر دەکەوێتە باشووری ڕۆژاوای شارۆچکەی #شەنگال#ی شاری #نەینەوا# ، زۆربەی دانیشتووانەکەی لەسەر ئایینی ئێزدین، لە پەلاماری دەوڵەتی ئیسلامی لە ئێراق و شام (#داعش#) دا لە (‌#03-08-2014#) ئەو گوندە کەوتە بەر شاڵاوی ئەو ڕێکخراوە و دوای جیاکردنەوەی ژنان و پیاوان لەیەکتری، زیاتر لە (423) پیاویان گوللەباران کران و سەدان کەسیان بێ سەروشوێن کران. [1]