بەبۆنەی جەژنی ڕەمەزانی پیرۆز، لە نامەیەکی پیرۆزباییدا ئوسامە نوجێفی سەرۆکی بەرەی ڕزگاری و گەشەپێدان پیرۆزبایی لە #کۆسرەت ڕەسول عەلی# سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان# دەکات.
لە نامەکەیدا ئوسامە نوجێفی سەرەڕای پیرۆزبایی جەژنی ڕەمەزان هیوا دەخوازێ ئەم جەژنە ببێتە مایەی خێر و خۆشی بۆ هەمووان و وڵات بەرەو ئارامی و سەقامگیری لەپێناو ئایندەیەکی گەش هەنگاو بنێت. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

‎هاتنەوەی سەری نوێی کوردی و جەژنی نەورۆز لە کوردانی هەموو جیهان پیرۆز دەکەم و ئومێد دەکەم ساڵی تازەی کوردی بکەینە وێستگەی ئاشتبوونەوەو ڕێککەوتنی نێوان لایەنە سیاسییەکان.
‎جەژنی نەورۆزو یادەکانی بەهار و ڕاپەڕین و ڕزگارکردنی شارو شارۆچکەکانی کوردستان هەمیشە مژدەی سەرکەوتنیان بۆ کورد پێ بووە، با ئەمجارە جەژنی نەورۆزو سەری ساڵی نوێی کوردی بکەینە هەوێنی ئاشتەوایی نێوانمان و هەنگاو بنێین بۆ پێکهێنانی حکومەتێک لەسەر بنەمای شەراکەتی ڕاستەقینەو هاوسەنگی لەهێزو بڕیاردان.
‎دەرباز کۆسرەت ڕەسول
‎وەزیری ئاوەدانکردنەوەو نیشتەجێکردن
#20-03-2019#

‎بەناوی خوای گەوره و میهرەبان
‎کەسوکاری سەربەرزی شەهیدە نەمرەکان
‎پێشمەرگە قارەمانەکان
‎کەمئەندامانی سەنگەر و زیندانیانی سیاسی
‎بە خۆشحاڵییەکی زۆرەوە، لە دۆخێکی یەکجار دژوار و هەستیار، کە کوردستان و عیراق و ناوچەکە پێیدا تێپەڕ دەبێ، #یەکێتیی نیشتمانیی کوردستان# بە سەرکەوتوویی کارەکانی چوارەمین کۆنگرەی ئەنجامداو سەرۆکی ئەنجومەنی باڵای سیاسی و ئەندامانی ئەنجومەنی گشتی هەڵبژاردو توانی دەستکەوتێکی تری گەورە بخاتە سەر خەرمانی خەباتی خۆی و درێژەپێدەری ڕێبازی پیرۆزی شەهیدان و هەڤاڵ #مام جەلال# بێ.
‎بەستنی چوارەمین کۆنگرەی یەکێتیی نیشتمانیی کوردستان لەدوای کۆچکردنی مام جەلال کارێکی یەکجار قوڕس بوو، هەموومان لەبەردەم بەرپرسیاریەتی گەورەی مێژووییدا بووین، دەبوو هاوتەریب کار بۆ بەستنی کۆنگرەیەکی یەکێتییانەی سەرکەوتوو بکەین و دەستکەوتەکانیشمان بپارێزین و لە بەرامبەر خوێنی هاوسەنگەرانمان و کەسوکارە تێکۆشەرو قارەمانەکانیاندا بە ئەمەک بین، دەبوو کۆنگرەی یەکێتی ببێتە وێستگەیەکی گرنگ بۆ نوێبوونەوەی یەکێتی و هێنانە پێشەوەی خوێنی تازه و کارکردن بە فۆڕمێکی نوێی حزبایەتی کە تازەیە بۆ ناوچەکە.
‎یەکێتییە تێکۆشەرەکان...
‎زۆر کەس لای وابوو بەستنی کۆنگرە لای یەکێتییەکان بۆتە مۆتەکه و لەدوای جەنابی مام جەلال هیچ کەس ناتوانێ گرەنتی بەستنی کۆنگرەیەکی یەکێتییانەی یەکگرتوو بکات، زۆرکەسیش گرەویان لەسەر لەتبوونی یەکێتی دەکرد، بەڵام دواجار بە هەوڵ و هیمەتی هەموو دڵسۆزان، بە بەشداری سەرجەم یەکێتییەکان چ ئەوانەی لەناو هۆڵی کۆنگرە بوون و نوێنەرایەتی ناوچه و دەڤە ڕە جیاوازەکانیان دەکرد، چ ئەوانەی پەرۆش بوون بۆ سەرکەوتنی کۆنگرەکە، توانیمان لەژێر دروشمی نوێبوونەوە کۆنگرەی چوارەمی یەکێتیی نیشتمانیی کوردستان سازبکەین فۆڕمێکی تازەی حزبایەتی و سەرکردایەتییەکی نوێ بۆ یەکێتی هەڵبژێرین و هەموومان پێکەوە دەست لەناو دەست بۆ خزمەتکردنی کوردستانیان و جێبەجێکردنی بەرنامەکانی یەکێتیمان لەپێناو ئایندەیەکی ڕوون و ئاشکرادا.
‎کوردستانیانی خۆشەویست...
‎دوێنی یەکێتی حزبی گەڕاندنەوەی ئومێد و هیوا بوو بۆ کوردستان، یەکێتی بوو دڕی بە تاریکی شەوە زەنگ داو لە کات و ساتە ناخۆشەکاندا، لە ڕۆژانی هێرش و داگیرکاریدا لە چرکەساتەکانی بەرگری کردن لە دەستکەوتەکاندا، بۆ خزمەتکردنی کوردستانیان و بەرگری کردن لە مافەکانیان، بۆ بەرەوپێشبردنی دیموکراسی و مافی مرۆڤ، بۆ مافی چارەی خۆنووسین و لەپێناو کوردستانێکی سەربەخۆو دیموکراسیدا، هەمیشە یەکێتی بووەتە قەڵغان و لە سەنگەری پێشەوەی بەرگری بووە، بۆیەشە هەموو هێزو لایەنە سیاسییە کوردستانییەکان و لایەنە عیراقییەکان و وڵاتانی ئیقلیمی و جیهانیش بە ئومێدەوە لە یەکێتی دەڕوانن و چاوەڕوانن تەواوبوونی کۆنگره و گۆڕانکارییە نوێکان یەکێتی بباتە قۆناغێکی نوێی خەبات، ئێمەش لە یەکێتی نیشتمانی کوردستان وەک هەمیشە لەپێناوی بەرژەوەندییە باڵاکانی گەلەکەمان، دۆستایەتی و هاوپەیمانێتی خۆمان لەگەڵ هێزو لایەنە سیاسییە عیراقی و کوردستانییەکان لەسەر بنەمای شەراکەتی ڕاستەقینه و هاوبەشی لە بڕیاردان و پاراستنی دەستکەوتەکان و بەدەستهێنانی مافەکانمان بەردەوامی پێدەدەین و فراوانتریان دەکەین.
دووپاتیشی دەکەینەوە کە بە وەفاو ئەمەک دەبین بەرامبەر خوێنی شەهیدانمان و درێژەپێدەری ڕێبازە پیرۆزەکەی سەرۆک مام جەلال دەبین و دەبینە قەڵغانی بەرگری کردن لە کوردستان و یەکێتیش دەکەینەوە به و یەکێتییەی لەپێناوی دامەزراو خەباتی کردو قوربانیدا.
لێرەشەوە پیرۆزبایی لە سەرجەم هەڤاڵانی سەرکەوتوو دەکەم، ئەوانەی توانیان متمانەی ئەندامانی کۆنگرە بەدەست بێنن و ببنە ئەندامی ئەنجومەنی سەرکردایەتی گشتی و ئەوانەشی نەیانتوانی سەرکەون دەبێ لە جاران زیاتر دڵسۆزانە بۆ سەرکەوتن و پێشکەوتنی حزبەکەمان کاربکەین.
‎کۆسرەت ڕەسول عەلی
‎سەرۆکی ئەنجومەنی باڵای سیاسی
‎یەکێتیی نیشتمانیی کوردستان
#26-12-2019#

جەماوەری خۆڕاگری کوردستان
کەسوکاری سەربەرزی ئەنفالکراوان
لە 32 هەمین ساڵیادی ئەنفالدا، هەزاران دروود و سڵاو دەنێرم بۆ گیانی پاکی سەرجەم ئەنفالکراوان و شەهیدانی کوردستان و بەلێنیاندەدەینێ وەک هەمیشە لەسەر ڕێبازەکەیان و خەبات کردن لە پێناو مافەکانی گەلەکەمان بەردەوام دەبین.
32 ساڵ پێش ئێستا، لەوکاتەی ڕژێمی بەعس لە لووتکەی هێز و دەسەڵاتیدا بوو، لەوکاتەی ڕژێمی بەعس و دارودەستە چەوسێنەرەکەی لەکوردستان خەریکی تەرحیل و تەبعیس و تەعریب بوون، لەوکاتەی ڕۆژانە لەناو شارەکان گەنجان و لاوانی کوردیان ڕاپێچی زیندانەکاندەکرد، سەرباری ئەشکەنجەو ئازارو لەسێدارەدان، کەچی خوێنڕێژی بەعس بەوە نەوەستاو لە پڕۆسەیەکێ ڕێکخراودا دەستی کردبەئەنفالکردنی کورد.
ڕژێمی بەعسی فاشیست بە 8 قۆناغی جیاواز لە ناوچە جیاجیاکانی کوردستان دەستی کرد بە ئەنفالکردنی کورد، لەم پڕۆسە دڕندانەیەداوێڕای وێرانکردنی 5000 هەزار گوندی کوردستان، 182 هەزار هاووڵاتی کورد لە کچان و ژنان، منداڵ و پیرو پەککەوتە، گەنجان و لاوانیخستە ژێر گۆڕە بەکۆمەڵەکان و زیندە بەچاڵی کرد، خەونی سەدام حسێن و ڕژێمی بەعس پاکتاوکردن و لەناوبردنی کورد بوو، ڕژێمی بەعسڕووخاو کورد لەناونەچوو.
ئەمڕۆ، دوای تێپەڕبوونی 32 ساڵ بەسەر ئەم پڕۆسە دڕندانەیە، کیانی هەرێمی کوردستان و حوکمڕانی کوردی ئەمانەتی خوێنی شەهیدان وئەنفالکراوانە لە ئەستۆی هەموومان، ئەرکە لەسەرمان بیپارێزین و بە وەفا بین بەرامبەر خوێنیان.
کوردستانیانی خۆشەویست
32 ساڵ بەسەر ئەنفال تێپەڕ دەبێ و هێشتاش بەشی زۆری ڕووفاتی پیرۆزی ئەنفالکراوان لە بیابانەکان لەژێر گۆڕی بەکۆمەڵدان، پێویستەحکومەتی هەرێمی کوردستان و حکومەتی عیراقی هەنگاوی جدی بهاوێن بۆ دۆزینەوە و هەڵدانەوەی گۆڕە بەکۆمەڵەکان و هێنانەوەی ڕووفاتیپیرۆزی ئەنفالکراوان، پێویستیشە سەرجەم بکەرانی ئەم تاوانە نامرۆڤانەیە دادگایی بکرێن و بە سزای یاسایی خۆیان بگەن.
هاوکات دەبێ هەوڵی جدی بدەین و هەنگاوی خێرا بنێین بە ئاراستەی ناساندنی ئەم پڕۆسەیە وەک جینۆساید دژ بە گەلی کورد لە ئاستینێودەوڵەتی و ئەرکی لەپێشینەی حکومەتی عێراقیشە قەرەبووی کەسوکاری سەربەرزی ئەنفالکراوان بکاتەوە.
جارێکی تر سەری ڕێزو نەوازش بۆ ڕوفاتی پیرۆز و گۆڕی سەرجەم ئەنفالکراوان دادەنوێنم و دووپاتی دەکەمەوە کە دەبێ خزمەتکردنیکەسوکاری سەربەرزی شەهیدان و ئەنفالکراوان لە ئەولەویەتی کارەکانی حکومەت بێ.
کۆسرەت ڕەسوڵ عەلی
سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان#
#14-04-2020#

‎کەسوکاری سەربەرزی شەهیدانی کیمیابارانی #هەڵەبجە#
‎قوربانیان و بریندارانی کیمیابارانی هەڵەبجە
‎هاونیشتمانیانی هەڵەبجەی پایتەختی ئاشتی
‎31 ساڵ لەمەوبەر بە چەکی کیمیاوی ڕژێمی فاشیست و دیکتاتۆری بەعس شاری هەڵەبجەی قارەمانی کیمیابارانکرد و لە ماوەیەکی یەکجار کەمدا 5000 هاونیشتمانی کوردی شەهید کردو ژمارەیەکی زۆریش لە هاووڵاتیان بریندار بوون، لەم ساڵڕۆژە خەمناکەدا سەری ڕێزو نەوازش بۆ شەهیدانی کیمیابارانی هەڵەبجە دادەنوێنم و دەخوازم هەموومان بتوانین خزمەتی هەڵەبجەو هەڵەبجەییەکان بکەین.
‎ئەوێ ڕۆژێ، ڕژێمی دیکتاتۆری بەعس نەوەستا و بەهەموو شێوەیەک هەوڵی پاکتاوکردن و لەناوبردنی گەلی کوردی دەدا، لەم پێناوەدا بە دڕندانەترین شێوە تاوانەکانی ئەنفال، کیمیابارانکردن، تەعریب و تەبعیس و تەرحیل، گرتن و ئەشکەنجەدان و لەسێدارەدان و کوشتن بەرامبەر گەلی کوردو خەباتە ڕەواکەی ئەنجام دەدا، بەڵام خەباتی گەلی کورد بەردەوام بوو تا لەبەهاری 1991 و دواتر لە ساڵی 2003 بە یەکجارەکی ڕژێمی بەعس لەناوچوو.
‎ئەمڕۆ کە هەڵەبجە پایتەختی ئاشتی هەرێمی کوردستانە و هەنگاوەکانی بەکردەیی بەپارێزگابوونی شارەکە دەستی پێکردووە، ئەرکە لەسەرمان لەهێزو لایەنە سیاسییەکان یەکدەنگ و یەکهەڵوێست بین بۆ خزمەتی شارەکە و هەوڵی جدی بدەین بۆ بەجینۆسایدناساندنی ئەو تاوانە لەئاستی نێودەوڵەتی و قەرەبووکردنەوەی زیانلێکەوتووانی شارەکە.
‎هاوکات ئەرکە لەسەر حکومەتی هەرێمی کوردستان و لایەنە پەیوەندیدارەکان بەهاوکاری و هەماهەنگی لەگەڵ لایەنە سیاسییەکان پلان و بەرنامەی وردیان هەبێ بۆ ئاوەدانکردنەوەی شارەکە و خزمەتکردنی زیاتری هەڵەبجەو هەڵەبجەییەکان و چارەسەرکردنی بەرکەوتووانی چەکی کیمیاوی و قەرەبووکردنەوەی زیانلێکەوتووانی ئەم تاوانە دڕندانەیە.
‎هەزاران سڵاوو دروود بۆ گیانی پاکی شەهیدانی کوردو کوردستان
#‎کۆسرەت ڕەسول عەلی#
‎جێگری سکرتێری گشتی
‎یەکێتی نیشتمانی کوردستان
#15-03-2019#

بەناوی خوای گەوره و میهرەبان
ئامادەبووانی خۆشەویست...
کەسوکاری سەربەزری شەهیدان...
40 ڕۆژ لەمەوبەر و لەکاتی بەرگری کردن لە خاکی پیرۆزی کوردستان و بەرپەرچدانەوەی هێرشەکانی تیرۆرستانی داعش بە ئامانجی پاراستنی ژیان و ماڵی هاووڵاتیان، پۆلێک پێشمەرگەی قارەمان گیانی خۆیان کردە قوربانی خاک و نیشتمان و چوونە کاروانی نەمری شەهیدان و هەر لەم نەبەردییەدا لیوا حسێن مەنسوور و پۆلێک پێشمەرگەی تری قارەمان بوونە بەربەستی بەردەم هێرشەکان و نەیانهێشت خەونی گڵاوی تیرۆرستان بێتەدی.
خانەوادەی شەهید لیوا حسێن مەنسوور
لیوا حسێن مەنسوور یەکێک بوو له و فەرماندە ئازاو چاونەترسانەی لە سەرەتای جەنگی ڕووبەڕووبوونەوەی تیرۆر ئازایانە مەیدانی جەنگی چۆڵ نەکرد و هەمیشە وەک قارەمانێکی مەیدانی بەرگری لە خاک و نیشتمان دەکرد، تا دواجار لە کەرکووکی پیرۆز گیانی بەخشی و چووە کاروانی نەمرانەوه و لە چەند ڕۆژی ڕابردووشدا هێزەکانی پێشمەرگەی کوردستان له و سنوورە سەرکەوتنی گەورەیان تۆمارکردو بەم سەرکەوتنە ڕۆحی سەرجەم شەهیدانیان شاد کردو بە دوژمنانی گەلەکەمانیان وت تا ئێمە مابین لە بستێک خاکی کوردستان جێگاتان نابێتەوه و بە خوێن و گیان بەرگری لە کوردستان دەکەین.
نەمری و سەربەرزی بۆ گشت شەهیدانی کوردستان.
بژی پێشمەرگە، بژی کوردستان...
کۆسرەت ڕەسول عەلی
جێگری سەرۆکی هەرێمی کوردستان

ئەمڕۆ، بەوپەڕی خەمباری و نیگە#ڕانیە#وە، بە دڵێکی پڕ لە برین و زامەوە، شەشەم ساڵیادی جینۆسایدکردن و کۆمەڵکوژی خوشک و برائێزیدییەکانمان دەکەینەوە، کە لەلایەن تیرۆرستان و تاریکپەرستانی #داعش# بە دڕندانەترین شێوە ئەنجامدراو بە هەزاران لە ژن و منداڵ، پیروپەککەوتەو گەنج کۆمەڵکوژ کران و بەشێکیان تا ئێستا چارەنووسیان نادیارە.
ئەوێ ڕۆژێ، لە 3ی ئاب، لە کاتێکدا تیرۆریستانی داعش بەشێکی زۆری ناوچەکانی عێراقیان داگیر کردبوو، لە کارێکی دڕندانەونامرۆڤانەدا فەرمانیان بەسەر خوشک و برا ئێزیدییەکان داو سەرباری داگیرکردنی شەنگال و ناوچەکانی دەوروبەری، لە پڕۆسەیەکیدڕندانەی تیرۆریستان، بەبێ ڕەچاوکردنی هیچ بنەمایەکی سەرەتایی مافی مرۆڤ، خەڵکی ناوچەکەیان جینۆساید کردو دڕندانەترینشێوازەکانی کوشتن و قەتڵوعام و تەنانەت کڕین و فرۆشتنیان پێ کردن، بەداخەوە تا ئەمڕۆش ژمارەیەکی زۆر لە خوشک و براکانمانچارەنووسیان نادیارەو لە چاوەڕوانی گەڕانەوەیانین، کە ئەم تاوانەش درێژکراوەی سەرجەم تاوانەکانی ترە کە بەدرێژایی مێژوو بەرامبەرگەلەکەمان ئەنجام دراوە.
دوای شەش ساڵ لەم تاوانە قێزەونە، سەرباری ئیدانەکردنی ئەم تاوانە دڕندانەیە، داواکارم هەوڵەکانمان بخەینەگەڕ بۆ بەجینۆساید ناساندنیئەم تاوانە دڕندانەیە لە کۆمەڵگای نێودەوڵەتی و سزادانی بکەرانی ئەم تاوان و کۆمەڵکوژییە و گرەنتی زامنکردنی ژیانی ئێزیدییەکان وسەرجەم کوردستانیان بکرێ، کە جارێکی تر ڕووبەڕووی تاوانی لەم جۆرە نەبنەوە، هەوڵی جدیش بدەین بۆ قەرەبووکردنەوەی زیانلێکەوتووانیئەم تاوانە، ئاوەدانکردنەوەی ناوچەکان و پێشکەشکردنی باشترین خزمەتگوزاری بەناوچەکە ئەرکی حکومەتی عێراق و حکومەتی هەرێمیکوردستان و ڕێکخراوە نێودەوڵەتییەکانەو سادەترین مافی خوشک و برا ئێزیدییەکانمانە، بە گرنگیشی دەزانم ئەوە بیر خۆمان بێنینەوە، کەپێویستە یەکگرتوو بین و هەموومان پێکەوە خەبات بکەین بۆ پاراستنی خاک و نیشتمان و هاونیشتمانیانمان، هەر کاتێک یەکدەنگ ویەکهەڵوێست بین دەتوانین دەستکەوتی باش بەدەست بێنین.
لە کۆتاییدا، ڕاشکاوانە دەڵێم ناکرێ شەنگال و خوشک برا ئێزیدییە بریندارەکانمان تێکەڵی ململانێ سیاسییەکان بکەین و ململانێکان ڕێگربن لەبەردەم خزمەتکردنیان و گەیاندنی دەستی ئاوەدانی زیاتر بۆ ناوچەکە.
کۆسرەت ڕەسول عەلی
سەرۆکی ئەنجومەنی باڵای سیاسی و بەرژەوەندی یەکێتی نیشتمانی کوردستان
#03-08-2020#

لە باوکی ڕێناسەوە بۆ خەڵکی کوردستان...
لەگەڵتانین 30ی مانگ لە #کفری# و #کەلار#ەوە تا #زاخۆ#، کوردستان سەوزپۆش بکەن، بەره و سندوقەکانی دەنگدان بڕۆن و لە 30 مانگ هاوسەنگی هێز بۆ کوردستان بگێڕنەوە، یەکێتی ئه و هێزەیە وەک شاخە سەربەرزەکانی کوردستان سەر دانانوێنێ بۆ هیچ کەس.
گەلی کوردستانی خۆڕاگر...
یەکێتی حزبی گەله و بۆ گەله و لەپێناو گەل تێدەکۆشێ، لە چرکەساتی بێ ئومێدیدا بۆ کورد هاتە مەیدان، نەوەستا، بەردەوام بوو لە خەباتکردن تا ڕاپەڕینی بەهاری کوردان و چۆک دانان بە ڕژێمی فاشستی بەعس.
یەکێتی بەردەوام بوو، بنچینه و کۆڵەگەی دامەزراندنی پەرلەمان و حکومەتی هەرێمی کوردستان بوو، ئەوێ ڕۆژێ ئەوە یەکێتی بوو ڕاستەوخۆ حوکمڕانی کوردستانی گرتەدەست، سەرەڕای ئابڵوقه و قەیرانەکان، چۆکی دانەناو نەوەستا لە خزمەتکردنی هاووڵاتیانی کوردستان بەبێ جیاوازی و هەنگاوەکانی دەستپێکرد بۆ ئاوەدانکردنەوەی کوردستان.
تێکۆشەران...
حوکمڕانی کوردستان سەلماندی، بەبێ یەکێتی نەک هەر مەحاڵە، بەڵکو هەر نایەتەدی، ئەوە یەکێتیە خۆی بە خزمەتکارو ئاوەدانکەرەوەی هەموو کوردستان دەزانێ، یەکێتی جیاوازە لە هەموو حزبەکانی تر، یەکێتی دیموکراسی هێنایەدی و سەکۆی ئازادی دروستکرد، بەبێ یەکێتی کوردستانێکی ئازاد و دیموکرات بەردەوام نابێ، سەرکەوتی یەکێتی سەرکەوتنی دیموکراتیەتە لە کوردستان، هەموومان لەسەرمانە ئه و یەکێتییە وەک بیلبیلەی چاومان بپارێزین و گەشەی پێبدەین، نەک تەنیا لەپێناو یەکێتییەکان، بەڵکو بۆ هەموو کوردستان بەبێ جیاوازی، چونکە یەکێتی وا دروست نەبووە تەنیا بۆ یەکێتییەکان بێ، خەباتی نەکردووە تا حزبی هیچ کەسێک بێ، یەکێتی بۆ هەمووانه و دڵنیابن بۆ هەمووانیش دەبێ.
دەنگدەرانی کوردستان...
ئەمڕۆ لە هەموو کاتێک زیاتر ڕوومان لە ئێوەیە، بەجۆش و خرۆشەوە بەشداری لە هەڵبژاردن بکەن، بە ئێوە یەکێتی بەهێزتر دەبێ، دڵنیابن بە دەنگدانتان بە لیستی 105ی یەکێتی نیشتمانی کوردستان، هاوسەنگی هێز بۆ کوردستان دەگێڕینەوه و دەبینە بەربەستێکی قایم بۆ ڕێگریکردن لە دروستبوونی تاک حزب لە کوردستان، کە یەکێتی بەهێز بێ، کورد بەهێز دەبێ و شکۆی تاکی کورد پارێزراو دەبێ.
کەسوکاری سەربەرزی شەهیدان...
#پێشمەرگە# قارەمانەکان...
هاوسەنگەرانم...
ئەی ئەوانەی هەموو چرکەیەک بۆ ئەوە دەژین یەکێتی وەک جاری جاران بەهێز بکەنەوه و بۆ یارو نەیاری بسەلمێنن کە یەکێتی قەت ناکەوێ، 30ی مانگ ڕۆژ ڕۆژی ئێوەیە، زەماوەند بکەن و ڕۆحی شەهیدانمان ئاسوودە بکەن، بە دەنگەکانمان ئه و ڕۆژە دەکەینە ڕۆژی هەڵسانەوه و سەرکەوتنی کوردستان، یەکێتی ئه و جەماوەرە خۆڕاگرو قارەمانەی هەبێ قەت ناکەوێ، سەلماندیشمان کە یەکێتی جێگای هەموو تێکۆشەرانی تێدا دەبێتەوە.
دەی با هەموومان، دەست لەناو دەست، لەپێناو کورد، لەپێناو کوردستانێکی بەهێزو هاوسەنگ بۆ هەمووان، لەپێناو خزمەتکردنی تاک بە تاکی ئه و کوردستانە بەبێ جیاوازی، لەپێناو حوکمڕانیەکی تەندروست و خزمەتکاری خەڵک دوور لە قۆرخکاری بازاڕ، دەنگ بدەین بە لیستی 105ی یەکێتی نیشتمانی کوردستان، لیستی سەروەرییەکانی دوێنێ و دەستکەوتەکانی ئەمڕۆ و داهاتووێکی گەش بۆ نەوەکانی ئایندە.
کوردستیانیان...
لە دامەزراندنی یەکێتییەوە، لەپێناو دروستبوونی کیانێکی سەربەخۆ بۆ کورد، ئەوە یەکێتی بوو مافی چارەی خۆنووسینی کردە دروشمی خەبات و قوربانیدان، هەر گەنجان و لاوان و ڕێکخستنە نهێنییەکان و پێشمەرگە قارەمانەکانی یەکێتی بوون له و پێناوەدا چوونە ژێر پەتی سێداره و کۆڵیان نەدا، ئەوە هەر یەکێتی و پێشمەرگەکانی بوون لە هەموو چرکەساتەکانی مەترسی سەر کوردستان لەپێشی پێشەوە بوونه و کوردستانیان پاراستووە، هەر لە بەرەنگاری بەعسەوە تا تێکشاندنی #داعش#، ئەوە ئێمە بووین لە چرکەساتەکانی مەترسی بۆ سەر کوردستان لەپێشی پێشەوە بووین و داعش لەسەر دەستی ئێمە تێک شکێندرا، ئەوە پێشمەرگە قارەمانەکانمان بوون لە شەنگال و #مەخموور# و گوێڕ و خازرو #کەرکووک# و #جەلەولا#و سەعدیه و #خانەقین# و کوباشی بەخوێن کوردستانیان پاراست، یەکێتی بە خوێن و بە فعلی خەباتی بۆ مافی چارەی خۆنووسین کردووە، بە دەنگدانتان بە یەکێتی و بە یەکێتییەکی بەهێزی خاوەن پێگەی ڕاستەقینەی خۆی، کوردستان دەکەوێتە کەناری ئارامی، ئەوە هەر یەکێتییە دەتوانێ ئاینده و داهاتوو بۆ کورد مسۆگەر بکا، نەک هیچ کەس و لایەنێکی تر.
با پێکەوە وەک ئەوێ ڕۆژێ، چۆن پێشمەرگە قارەمانەکان و ڕێکخستنە نهێنییەکان و شانە چەکدارەکانی و هاووڵاتیان یەک تیم و یەک دەست ڕاپەڕینیان هەڵگیرساند و ئامانجەکانمان هێنایەدی، با ئەمڕۆ هەموومان بە دەنگدانمان بە یەکێتییەکەمان کوردستان سەوزپۆش بکەین و بیسەلمێنین ئەوە یەکێتییە پارێزەری ڕاستەقینەی مافەکانتان و داکۆکیکاری سەرسەختی باشکردنی ژیان و گوزەرانتانە. هەر یەکێتییە دەتوانێ و هەر بە یەکێتیش دەکرێ.
لە کۆتاییدا پێتان دەڵێین ئێمە هی ئێوەین، ئێوەش هی ئێمەن، دەبا هەموومان نەهێڵین نەیار دڵی پێمان خۆش بێ و 30ی مانگ بکەینە ڕۆژی سەرکەوتنی هەموومان.
بەڵێ بۆ دەنگدان بە لیستی 105ی یەکێتی نیشتمانی کوردستان
سوپاس بۆ خۆڕاگری و دڵسۆزی و وەفاداریتان
هەر بژین بۆ کوردو کوردستان
#کۆسرەت ڕەسول عەلی#
جێگری سکرتێری گشتی
#یەکێتیی نیشتمانیی کوردستان#
#27-09-2018#

بەبۆنەی جەژنی ڕەمەزانی پیرۆز، سەرکردەی هێزە سیاسییە کوردستانییەکان پیرۆزبایی جەژن لە #کۆسرەت ڕەسول عەلی# سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان# دەکەن.

لە سێ نامەی جیاوازی پیرۆزباییدا، هەریەک مامۆستا #سەڵاحەدین بەهادین# ئەمینداری گشتی #یەکگرتووی ئیسلامیی کوردستان#، #محەمەدی حاجی مەحمود# سەرۆکی پارتی #سۆسیال دیموکراتی کوردستان# و عیرفان عەلی عەبدولعەزیز ڕابەری گشتی #بزووتنەوەی ئیسلامیی کوردستان# پیرۆزبایی جەژنی ڕەمەزانی پیرۆزیان ئاراستەی کۆسرەت ڕەسول کردووە و هیوایان جەژنێکی پڕ خێرو بەرەکەت و خۆشیان خواستووە. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

‎جەماوەری تێکۆشەرو قارەمانی #هەولێر#
‎هەولێرییە خوێن کەسکەکان
‎بەبۆنەی سەرکەوتنی لیستی 105ی یەکێتی نیشتمانی کوردستان لە پارێزگای هەولێر، بەناوی خۆم و هەڤاڵانم پیرۆزباییەکی گەرمتان ئاراستە دەکەم، بەڵێ سەلماندتان هەولێر هەولێرەو قەڵای کەسکی یەکێتییە.
‎ئەندام و لایەنگرانی یەکێتی
‎سەرباری فشارە زۆرەکان و هەوڵە جۆراوجۆرەکان بۆ ڕێگریکردن لێتان، بە جۆش و خرۆشی یەکێتیانەتان و چوونتان بۆ سەر سندوقی دەنگدان باشترین وەڵامی هەمووانتان دایەوەو دووپاتی دڵسۆزیتان کردەوە بۆ یەکێتییەکەی خۆتان.
‎لە کات و ساتی ئەم سەرکەوتنەدا داواکارم ئەندام و لایەنگرانی یەکێتی نیشتمانی کوردستان دڵخۆشی و خۆشحاڵی خۆیان بە شێوەیەکی هێمنانەو مەدەنیانە دەرببڕن و تەقەی خۆشی ڕابگرن.
‎پیرۆزە لە هەموومان
‎ئاسوودەبێ ڕۆحی شەهیدەکانمان
#‎شاڵاو کۆسرەت ڕەسول#
‎ لێپرسراوی مەڵبەندی 3ی هەولێری
‎یەکێتی نیشتمانی کوردستان
#30-09-2018#